1 जोहन 4
4
सचाई रेनअः आतमा आउर भरम रअः आतमा
1ए दुलार कु, जामा आतमा रे आलपे बिसवास के आतमा के परखाव केते नेलेपे, ची होना परमेसर आला हेके ची नलागे। नोःआँ बात के निआँ लःअय बेताअः दिपिईंग ची दुनिया रे मुरुक झुठा आगमजानीकु एदान कुआ। 2परमेसर आला आतमा के नोकान रे चिनहा केआपे, होना जामा आतमा जे नोःआँ के मनाआय ची “ईसु ख्रीस्त होड़ रअः भेस रे धरती रे परमेसर पखा तरअः हीःग तनाय।” 3आउर होना जामा आतमा जे ईसु के काकु मनाआ, परमेसर पखी तरअः नलागे। नोकान होड़ दो ख्रीस्त बिरोधी हेके। जेकर बारे आपे आयुम तदापे ची हुनी दराईया, बकिर नहाअः होः हुनी दुनिया रेगी एदानिया। 4ए दुलार कु, आपे परमेसर आलकु हेके, हिना लःअय आपे परमेसर आलकु बैरी तरअः जिताव तनापे, एता लःअय ची हुनी परमेसर जे आम एड़े एदानिया, दुनिया रे तहिनोई सैतान तरअः महान एदानिया। 5हुंकू दुनिया रिनकु हेके हिना लःअय दुनिया रअः बातेआकु, आउर दुनिया रिनकु होः हुंकू आला के आयुमेआकु। 6आबु परमेसर आलकु हेके, हिना लःअय जे परमेसर के पाड़ीआकु हुंकू आबु आला कंहड़ी के आयुमेआकु, बकिर जे परमेसर आलकु नालगे आबु आला काकु आयुमेआ, नोःआँ लकान रे आबु सचाई रअः आतमा के, आउर होड़ के भभटकाव वाला आतमा के चिनहा दाड़ीआबु।
परमेसर पेरेम हेके
7दुलार कु, आपस रे पेरेम दोहोयपे, एता लःअय ची पेरेम परमेसर तरअः सिरजाआ। जे दुलारेआय हुनी परमेसर आली होपोन हेके आउर परमेसर के पाड़ीआय। 8जे काय पेरेमेआ हुनी परमेसर के काय पाड़ीआ एता लःअय ची परमेसर पेरेमाय। 9परमेसर आबु के दुलार बुआय। नोःआँ निआँ रे दिसतार नेना ची हुनी मियांड ठुका होपोन तेके नोःआँ दुनिया रे कुलगोःड लियाय ची आबु हुनी दोवासते जिनगी नामेबु। 10पेरेम नोःआँ रे एदनाआ ची आबु परमेसर के कोवान, बकिर परमेसर आबु के दुलार लिबुआय, आउर आबु आला पाप के छमा केते छुटकारा एमोअ लःअय आएंग आली होपोन तेके कुलगोःड लियाय।
11दुलार कु जदि परमेसर नुमिन केन दुलार लिबुआय, दो आबु केहोः आपस रे हुनी-नुई के दु-दुलार चाही। 12#सं.जोह 1:18परमेसर के ओके होः ओका हिला होः काकु नेल तदिया। जदि आबु आपस रे दुलारेआबु, दो परमेसर आबु रे बनाल ताहिनोआय। आउर हुनी आला दुलार आबु एड़े सिध जुनोआ।
13निआँ रे आबु पड़ीआबु, ची आबु हुनी रे बनाल ताहिनोआबु, आउर हुनी आबु एड़े, एता लःअय ची हुनी अपन आतमा आबु के एम तदाय। 14आबु नेल होः नेल किदयाबु आउर गोवाही एमेआबु, ची आपाते गी होपोन तेके दुनिया रे उ-उधार अवला के भेजाव लियाय। 15जाहें होः नोःआँ मनाआय, ची ईसु परमेसर आली होपोन हेके परमेसर हुनी एड़े बनाल ताहिनोआय, आउर हुनी परमेसर रे बनाल ताहिनोआय। 16आउर जे पेरेम परमेसर आबु लोः दोहोयाय, होना के आबु पाड़ी केदाबु आउर आबु हुनी रे बिसवास तदाबु,
परमेसर पेरेमाय जे पेरेम रे बनाल ताहिनोआय, हुनी परमेसर रे बनाल ताहिनोआय। आउर परमेसर हुनी एड़े बनाल ताहिनोआय। 17नोःआँ लकान पेरेम आबु रे पुरा जुनोआ। जेकर से आबु पुरा साहस लोः नेयाय रअः दिन तिंगु ताहिनोआबु, एता लःअय ची नोःआँ दुनिया रे ख्रीस्त लकान अचरनेआबु। 18पेरेम रे बोर का-ताहिनोआ, पुरा पेरेम बोर के जोला गुल तअय, एता लःअय ची बोर रे डांड़ रअः सक ताहिनोआ आउर जे बोराय हुनी आला पेरेम ठेकाना जगुत का सोदोर ताना।
19आबु निआँ लःअय पेयारेआबु एता लःअय ची हुनी आबु के पहिल रेगी दुलार लिबुआय। 20जदि जाहें कंहड़ीआय ची ईङ परमेसर के दुलारियीङ आउर हुनी अपन बोको ते लोः बैरी योआय, दो हुनी झुठा हेके। जदि हुनी अपन बोको के, जेके हुनी निलीयाय, हुनी के काय दुलारिया, दो हुनी परमेसर के, जेके हुनी काय नेल तदिया एता लकान दुलार दाड़ी कियाय। 21हिना लःअय आबु के ख्रीस्त तरअः नोःआँ हुकूम भेटाव ताना, जे परमेसर के दुलारीयाय हुनी के अपन बोको केहोः दु-दुलार चाही।
Currently Selected:
1 जोहन 4: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
1 जोहन 4
4
सचाई रेनअः आतमा आउर भरम रअः आतमा
1ए दुलार कु, जामा आतमा रे आलपे बिसवास के आतमा के परखाव केते नेलेपे, ची होना परमेसर आला हेके ची नलागे। नोःआँ बात के निआँ लःअय बेताअः दिपिईंग ची दुनिया रे मुरुक झुठा आगमजानीकु एदान कुआ। 2परमेसर आला आतमा के नोकान रे चिनहा केआपे, होना जामा आतमा जे नोःआँ के मनाआय ची “ईसु ख्रीस्त होड़ रअः भेस रे धरती रे परमेसर पखा तरअः हीःग तनाय।” 3आउर होना जामा आतमा जे ईसु के काकु मनाआ, परमेसर पखी तरअः नलागे। नोकान होड़ दो ख्रीस्त बिरोधी हेके। जेकर बारे आपे आयुम तदापे ची हुनी दराईया, बकिर नहाअः होः हुनी दुनिया रेगी एदानिया। 4ए दुलार कु, आपे परमेसर आलकु हेके, हिना लःअय आपे परमेसर आलकु बैरी तरअः जिताव तनापे, एता लःअय ची हुनी परमेसर जे आम एड़े एदानिया, दुनिया रे तहिनोई सैतान तरअः महान एदानिया। 5हुंकू दुनिया रिनकु हेके हिना लःअय दुनिया रअः बातेआकु, आउर दुनिया रिनकु होः हुंकू आला के आयुमेआकु। 6आबु परमेसर आलकु हेके, हिना लःअय जे परमेसर के पाड़ीआकु हुंकू आबु आला कंहड़ी के आयुमेआकु, बकिर जे परमेसर आलकु नालगे आबु आला काकु आयुमेआ, नोःआँ लकान रे आबु सचाई रअः आतमा के, आउर होड़ के भभटकाव वाला आतमा के चिनहा दाड़ीआबु।
परमेसर पेरेम हेके
7दुलार कु, आपस रे पेरेम दोहोयपे, एता लःअय ची पेरेम परमेसर तरअः सिरजाआ। जे दुलारेआय हुनी परमेसर आली होपोन हेके आउर परमेसर के पाड़ीआय। 8जे काय पेरेमेआ हुनी परमेसर के काय पाड़ीआ एता लःअय ची परमेसर पेरेमाय। 9परमेसर आबु के दुलार बुआय। नोःआँ निआँ रे दिसतार नेना ची हुनी मियांड ठुका होपोन तेके नोःआँ दुनिया रे कुलगोःड लियाय ची आबु हुनी दोवासते जिनगी नामेबु। 10पेरेम नोःआँ रे एदनाआ ची आबु परमेसर के कोवान, बकिर परमेसर आबु के दुलार लिबुआय, आउर आबु आला पाप के छमा केते छुटकारा एमोअ लःअय आएंग आली होपोन तेके कुलगोःड लियाय।
11दुलार कु जदि परमेसर नुमिन केन दुलार लिबुआय, दो आबु केहोः आपस रे हुनी-नुई के दु-दुलार चाही। 12#सं.जोह 1:18परमेसर के ओके होः ओका हिला होः काकु नेल तदिया। जदि आबु आपस रे दुलारेआबु, दो परमेसर आबु रे बनाल ताहिनोआय। आउर हुनी आला दुलार आबु एड़े सिध जुनोआ।
13निआँ रे आबु पड़ीआबु, ची आबु हुनी रे बनाल ताहिनोआबु, आउर हुनी आबु एड़े, एता लःअय ची हुनी अपन आतमा आबु के एम तदाय। 14आबु नेल होः नेल किदयाबु आउर गोवाही एमेआबु, ची आपाते गी होपोन तेके दुनिया रे उ-उधार अवला के भेजाव लियाय। 15जाहें होः नोःआँ मनाआय, ची ईसु परमेसर आली होपोन हेके परमेसर हुनी एड़े बनाल ताहिनोआय, आउर हुनी परमेसर रे बनाल ताहिनोआय। 16आउर जे पेरेम परमेसर आबु लोः दोहोयाय, होना के आबु पाड़ी केदाबु आउर आबु हुनी रे बिसवास तदाबु,
परमेसर पेरेमाय जे पेरेम रे बनाल ताहिनोआय, हुनी परमेसर रे बनाल ताहिनोआय। आउर परमेसर हुनी एड़े बनाल ताहिनोआय। 17नोःआँ लकान पेरेम आबु रे पुरा जुनोआ। जेकर से आबु पुरा साहस लोः नेयाय रअः दिन तिंगु ताहिनोआबु, एता लःअय ची नोःआँ दुनिया रे ख्रीस्त लकान अचरनेआबु। 18पेरेम रे बोर का-ताहिनोआ, पुरा पेरेम बोर के जोला गुल तअय, एता लःअय ची बोर रे डांड़ रअः सक ताहिनोआ आउर जे बोराय हुनी आला पेरेम ठेकाना जगुत का सोदोर ताना।
19आबु निआँ लःअय पेयारेआबु एता लःअय ची हुनी आबु के पहिल रेगी दुलार लिबुआय। 20जदि जाहें कंहड़ीआय ची ईङ परमेसर के दुलारियीङ आउर हुनी अपन बोको ते लोः बैरी योआय, दो हुनी झुठा हेके। जदि हुनी अपन बोको के, जेके हुनी निलीयाय, हुनी के काय दुलारिया, दो हुनी परमेसर के, जेके हुनी काय नेल तदिया एता लकान दुलार दाड़ी कियाय। 21हिना लःअय आबु के ख्रीस्त तरअः नोःआँ हुकूम भेटाव ताना, जे परमेसर के दुलारीयाय हुनी के अपन बोको केहोः दु-दुलार चाही।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0