Iroomaani 9
9
Ukwaasanaawwa Udehayoohwa
1Ani Umasiihiib oosdik bhaliisamani hookna, gwisir kahadiidan. Aashuuk Imugaddasa uginꞌu yhakimna, aree gwisir baahadiidayeet toona baraah anii dehaay badehiiba. 2Aniit tehooy winneet gadabaata, aree uginꞌu lhasiiniheeb. 3Baliib ubasharoowwa ubooyoowwa ikatiin udehayu jillaay, ani uknaayu Umasiihii kitꞌatiit atooꞌitaab iiktiyeet toona minniiman. 4Baraah Israaꞌiili dehay ikatiin. Ukwaasana bareeh areeh ikwaasiit umatuunooh dehaay lawisiya. Bareeh galad geeb idꞌi, whag yhiit aree sidik ibaadaat ibariin ikwaas. Bareeh gwidaat daayiinay dehaay waadiyaaya. 5Bareesooh Yꞌibriyaayi hooba eeyaan. Umasiihi han wꞌaadamiit hayꞌaatiib bareesooh eeya. Masi aree, baruuh kasseeyooh Kwaasana daayim baarakamaab ikati. Aamiin.
6Ani Ukwaasanaay ibhali dhibiyaan kaadi. Laakiin kassaah Israaꞌiileeb uudehay Ukwaasanaay sidki dehay kiikeen. 7Ibraahiimiib uutaas kassaah han Ukwaasanaay ar kiikeen. Ukwaasana Ibraahiimii dehaay, “Ani geebook adꞌiyeeb ootaasi waadiya Isehaagii imaar tindiya.” idi. 8Uun aree bak miyaad ikati: yꞌar yꞌitfariin kassaah Ukwaasanaay ar kiikeena, laakiin uwaadiyaay firaay Ibraahiimi ar ikatiin. 9Uun Ukwaasanaay uwaadiya bak bhaliimiya: “Oodoor uwaadiyaamaanaay ani itꞌigir andi, aree Saara oor ifaar tindi.” diyaabi.
10Oon oobhaat kiiki, laakiin Ribeekaay yꞌar imalu han gaal baaba ibariina aree baruuh hooboon Isehaag ikati. 11Masi itiita faray baakaay tari daayiina tari amaagna baadꞌi, Ukwaasana harriiweet tuuna hayadaay iikti tindi. 12Beet tuuna shagaay kitti, laakiin been uwaliikiini iikwasi indi. Batuuh soomamta, “Wꞌoor uuwin been oodisnaay whii shagaami indi.” idi.
13Tuun batuuh uktaabiib bak kataabtu: “Yaaguub areeyan, laakiin Iisaaw arib.” diyaabi.
14Aflaay naan niyad? Ukwaasana daalimu han? Abadan kiiki! 15Baruuh Muusaay dehaay,
“Ani rhamaat dehaay abariyeeb, beeb arhami andi,
aree nꞌakwmanaatiib dehaay abariyeeb beeb dehaay nꞌakwmanaayani.” indi.
16Aflaay wꞌaadami harriiweet toona kitti tari wꞌaadami shagaay tikatiina kitti. Laakiin Ukwaasanaayt rhamaatee tikati. 17Uuktaab Farꞌuunii dehaay: “Toon toonaati jillaay ani yaksan hook, ani yꞌakriri kehook lawsi andi, aree uusmu kastooh toobuuti kehii itbirir indi.” indi. 18Shaawti Ukwaasana arhamtiib harriiweeb beeb arhamiini, amaagniyaastiib harriiweeb han amaagniyaasiini.
19Gaal bareesookna: “Aflaay Ukwaasana naanhooy masi imooyi hoon? Baruuh harriiweet toona aaw inriib?” iyaadeheeb indi. 20Laakiin yaa wꞌaadami, Ukwaasanaay dehaay ibhali gwanbiib baruuk aab tikatiya? Uudiwaan ootak ishagaamiyaab raatiit, “Naanhooy bak tidꞌiyaheeb?” indi han? 21Uutak oodiwaan shagaamiiniib whaash harriiweet hayꞌa ikwasiyeet toona kaꞌadgiriya han? Gaal haash hathiktiit malu diwan ikwasi, gaal waasamaat manaasabaatii dehaay ikwasi, ooraaw aree kassoohoob haay kashagaamiya han?
22Aree Ukwaasana ikwasiyeet tuuna han sidik bak tikati. Baruuh igadabeeh rhisiiniyeet toona harriiw, aree yꞌakrireeh isookiin. Laakiin baliib bariiyeeh igadab iyay aree imtariim. Bareeh ukwidhii dehaay soomraab ikati. 23Baruuh masi umatuunooh oowin lawistiib harriiw. Hinin bariiteeh tirhama niyay aree umatuunooh kehoon ifif idꞌi, umatuunooh niyayi jillaay aree isoomir hoon. 24Hinin han baruuh waliikiyaneeb oodehayii nikati, Iyahuudi bitikii oobhaat kiiki. Laakiin kasseeh Ijintiili bitikii waliikiya hoon. 25Hoosiyaay uktaabiib baruuh bak indi:
“Oodehay aniib baakay ani waliiki andi, ‘Udehayu’ iyaad andi.
Oodehay ani areeyaab baakaayeeb aree, ‘Ureerkinaayi’ iyaad andi.
26Masi, tuun batuuh iikti tindi, baraah ‘Baraak anii dehay kitteena’ hooy ittiyoodaayneeb oomhiin,
beentooy baraah, ‘Ukwaasana Udhhaniinaay ar.’ waliikami iyadna.” idi.
27Isyaas Israaꞌiiliib oodehayi haaliib bak hadiidiya:
“Yꞌisraaꞌiilaayi dehayi adad ubhari issii haddiib iiktiineek han,
bareesooh winneet shalik baagi uubhaat iidhhan indi.
28Wꞌankwana winneet waliiki indi,
ibhaliyaah tubuuti kehii willa iikti iyadna, aree aakhar bhaliib iikti iyadna.” idi.
29Toon han suur Isyaas diyaabu:
“Wꞌankwana Wꞌalya
taas gal hoon simhaab biikaayeek,
Sadoom tꞌiiteeb niikti,
Gamooraab tꞌiiteeb niikti.” diyaabi.
Israaꞌiileeb Wꞌaamanti Naaw
30Aflaay naan niyad? Ijintiili tooshbu dꞌiyaab baakaay shiboot wꞌiimaanii imriin. 31Laakiin Israaꞌiil tushbooti hag idꞌiin baliin, tooshbu miraab kiikeen. 32Aflaay kak ikeena? Baraah tooshbu wꞌiimaanii dꞌiyaab kiikeena, laakiin ishagaayoohna dehaay adehamiyaan. Shaawti baraah igafna, “Wꞌawi igoofanaay” kehii igafna. 33Uuktaab bak indi:
“Shibibna, Ani wꞌawi oodehay goofiiniib, Sihiyooni kehii bꞌani,
aree uliilaaw bareeh dhibsiiniib, barooh aamaniiniib uutak door han iiskwꞌa kiidi.” indi.
Currently Selected:
Iroomaani 9: BEJA
Highlight
Copy
Compare
Share
Want to have your highlights saved across all your devices? Sign up or sign in
2026 Seed Company and the MTT
Iroomaani 9
9
Ukwaasanaawwa Udehayoohwa
1Ani Umasiihiib oosdik bhaliisamani hookna, gwisir kahadiidan. Aashuuk Imugaddasa uginꞌu yhakimna, aree gwisir baahadiidayeet toona baraah anii dehaay badehiiba. 2Aniit tehooy winneet gadabaata, aree uginꞌu lhasiiniheeb. 3Baliib ubasharoowwa ubooyoowwa ikatiin udehayu jillaay, ani uknaayu Umasiihii kitꞌatiit atooꞌitaab iiktiyeet toona minniiman. 4Baraah Israaꞌiili dehay ikatiin. Ukwaasana bareeh areeh ikwaasiit umatuunooh dehaay lawisiya. Bareeh galad geeb idꞌi, whag yhiit aree sidik ibaadaat ibariin ikwaas. Bareeh gwidaat daayiinay dehaay waadiyaaya. 5Bareesooh Yꞌibriyaayi hooba eeyaan. Umasiihi han wꞌaadamiit hayꞌaatiib bareesooh eeya. Masi aree, baruuh kasseeyooh Kwaasana daayim baarakamaab ikati. Aamiin.
6Ani Ukwaasanaay ibhali dhibiyaan kaadi. Laakiin kassaah Israaꞌiileeb uudehay Ukwaasanaay sidki dehay kiikeen. 7Ibraahiimiib uutaas kassaah han Ukwaasanaay ar kiikeen. Ukwaasana Ibraahiimii dehaay, “Ani geebook adꞌiyeeb ootaasi waadiya Isehaagii imaar tindiya.” idi. 8Uun aree bak miyaad ikati: yꞌar yꞌitfariin kassaah Ukwaasanaay ar kiikeena, laakiin uwaadiyaay firaay Ibraahiimi ar ikatiin. 9Uun Ukwaasanaay uwaadiya bak bhaliimiya: “Oodoor uwaadiyaamaanaay ani itꞌigir andi, aree Saara oor ifaar tindi.” diyaabi.
10Oon oobhaat kiiki, laakiin Ribeekaay yꞌar imalu han gaal baaba ibariina aree baruuh hooboon Isehaag ikati. 11Masi itiita faray baakaay tari daayiina tari amaagna baadꞌi, Ukwaasana harriiweet tuuna hayadaay iikti tindi. 12Beet tuuna shagaay kitti, laakiin been uwaliikiini iikwasi indi. Batuuh soomamta, “Wꞌoor uuwin been oodisnaay whii shagaami indi.” idi.
13Tuun batuuh uktaabiib bak kataabtu: “Yaaguub areeyan, laakiin Iisaaw arib.” diyaabi.
14Aflaay naan niyad? Ukwaasana daalimu han? Abadan kiiki! 15Baruuh Muusaay dehaay,
“Ani rhamaat dehaay abariyeeb, beeb arhami andi,
aree nꞌakwmanaatiib dehaay abariyeeb beeb dehaay nꞌakwmanaayani.” indi.
16Aflaay wꞌaadami harriiweet toona kitti tari wꞌaadami shagaay tikatiina kitti. Laakiin Ukwaasanaayt rhamaatee tikati. 17Uuktaab Farꞌuunii dehaay: “Toon toonaati jillaay ani yaksan hook, ani yꞌakriri kehook lawsi andi, aree uusmu kastooh toobuuti kehii itbirir indi.” indi. 18Shaawti Ukwaasana arhamtiib harriiweeb beeb arhamiini, amaagniyaastiib harriiweeb han amaagniyaasiini.
19Gaal bareesookna: “Aflaay Ukwaasana naanhooy masi imooyi hoon? Baruuh harriiweet toona aaw inriib?” iyaadeheeb indi. 20Laakiin yaa wꞌaadami, Ukwaasanaay dehaay ibhali gwanbiib baruuk aab tikatiya? Uudiwaan ootak ishagaamiyaab raatiit, “Naanhooy bak tidꞌiyaheeb?” indi han? 21Uutak oodiwaan shagaamiiniib whaash harriiweet hayꞌa ikwasiyeet toona kaꞌadgiriya han? Gaal haash hathiktiit malu diwan ikwasi, gaal waasamaat manaasabaatii dehaay ikwasi, ooraaw aree kassoohoob haay kashagaamiya han?
22Aree Ukwaasana ikwasiyeet tuuna han sidik bak tikati. Baruuh igadabeeh rhisiiniyeet toona harriiw, aree yꞌakrireeh isookiin. Laakiin baliib bariiyeeh igadab iyay aree imtariim. Bareeh ukwidhii dehaay soomraab ikati. 23Baruuh masi umatuunooh oowin lawistiib harriiw. Hinin bariiteeh tirhama niyay aree umatuunooh kehoon ifif idꞌi, umatuunooh niyayi jillaay aree isoomir hoon. 24Hinin han baruuh waliikiyaneeb oodehayii nikati, Iyahuudi bitikii oobhaat kiiki. Laakiin kasseeh Ijintiili bitikii waliikiya hoon. 25Hoosiyaay uktaabiib baruuh bak indi:
“Oodehay aniib baakay ani waliiki andi, ‘Udehayu’ iyaad andi.
Oodehay ani areeyaab baakaayeeb aree, ‘Ureerkinaayi’ iyaad andi.
26Masi, tuun batuuh iikti tindi, baraah ‘Baraak anii dehay kitteena’ hooy ittiyoodaayneeb oomhiin,
beentooy baraah, ‘Ukwaasana Udhhaniinaay ar.’ waliikami iyadna.” idi.
27Isyaas Israaꞌiiliib oodehayi haaliib bak hadiidiya:
“Yꞌisraaꞌiilaayi dehayi adad ubhari issii haddiib iiktiineek han,
bareesooh winneet shalik baagi uubhaat iidhhan indi.
28Wꞌankwana winneet waliiki indi,
ibhaliyaah tubuuti kehii willa iikti iyadna, aree aakhar bhaliib iikti iyadna.” idi.
29Toon han suur Isyaas diyaabu:
“Wꞌankwana Wꞌalya
taas gal hoon simhaab biikaayeek,
Sadoom tꞌiiteeb niikti,
Gamooraab tꞌiiteeb niikti.” diyaabi.
Israaꞌiileeb Wꞌaamanti Naaw
30Aflaay naan niyad? Ijintiili tooshbu dꞌiyaab baakaay shiboot wꞌiimaanii imriin. 31Laakiin Israaꞌiil tushbooti hag idꞌiin baliin, tooshbu miraab kiikeen. 32Aflaay kak ikeena? Baraah tooshbu wꞌiimaanii dꞌiyaab kiikeena, laakiin ishagaayoohna dehaay adehamiyaan. Shaawti baraah igafna, “Wꞌawi igoofanaay” kehii igafna. 33Uuktaab bak indi:
“Shibibna, Ani wꞌawi oodehay goofiiniib, Sihiyooni kehii bꞌani,
aree uliilaaw bareeh dhibsiiniib, barooh aamaniiniib uutak door han iiskwꞌa kiidi.” indi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2026 Seed Company and the MTT