Ilinguumamti 28
28
Baawloos Maaltaay
1Asgaa iyami daraag niktimihoob, been whaash Maaltaab iidneet toona nikan. 2Whaashi dehay winneet hadareeba. Bireebwa mikwꞌaraabwa iifiin akay nꞌeet dehoon daasiyaaniit yhadarna hoon. 3Baawloos shalik hindi ikwaraayt toonꞌeeti kehii daasiya. Tunabꞌuuy kwakwar rhafee tisfarꞌa. Been ukwakwar Baawloosiib wꞌayiib imeelwaay. 4Whaashi dehay been ukwakwar Baawloosiib wꞌayiib tilmee rhiyaanihoob, taktakee dehaay, “Uun uutak ibakii madoor ikati! Ubhariib ayaab biikaayeek han, oontꞌa laakiin wꞌadil barooh ishidhhin kiidi.” idiin. 5Laakiin Baawloos ukwakwar toonꞌeetiib igid. Baruuh lhamaab han kiiki. 6Uudehay Baawloosiib wꞌayi yꞌeemiyeeb, tari gaalhoob dhibiit iyaayyeeb hiisiyaan. Gwidaat midda barooh ishbibna, naat dehaay akaat bitkaayeet toona ikannihoob, ibhaliiyeehna ibdilniit, “Uun uutak kwaasanaab ikati.” idiin.
7Tugadiireeti haakim Boobliyoos iidna, beentooy aree haash gaal hooy iibri. Boobliyoos winneet hadareebu, ugawiyooh aree fadhig bꞌi yhadar hoon. 8Beenhoob Boobliyoosiib ubaaba abaakiibwa kalawaayt lhanaywa barii, nꞌaaliib imbꞌi. Baawloos barooh ibaayt kehii siileeliya, malya yꞌayeeh kehii daasiyaayt isinꞌir. 9Beet tuuna tikayihoob, tugadiireeti dehay kassaah udehayoohna eelhaab Baawloosii dehaay haay eeyaan. Aree kassaah mheelamiyaan. 10Uudehay winneet hamooysiyaan hoon, oodoor igiigaa niideeb aree, nhiriweenaaka yhiin hoon.
Roomaay ikatama
11Mhay tirgaayi harꞌii, markabt Maaltaay oowiyaay katꞌamaat nꞌamaayt iibaabna. Tumarkab Iskandariyaab Masree tiikti, Iroomaani ikwaasana imalooyeet siwra kehii iifiin aree, “Ikwaasana Itiita” iidna. 12Tumadiina Siiraakuus niktim, mhayt yina beentooy nisꞌa. 13Beentooysii Riigiyoom ookiik iibaabna. Tooyin tooraaw oosꞌiidi baraam infi. Maloot yinaati harꞌii aree Booteeliib niktim. 14Beentooy shalik Ukwaasanaay aamanana nimri. Baraah asaramaat yina geeb nhigiteet toona hoon yhariwna. Aflaay bak aree Roomaab niktim. 15Roomaay iifiin Ukwaasanaay yꞌaamanana hineeb wꞌaay imaasiwna. Hini ashuushiib Abbiyoosiit tudangaltiibwa Imhiinan Eemhaywa beeti ifirꞌana. Baawloos bareeh rhiyanihoob, Ukwaasana yhamid aree winneet yꞌarik.
16Roomaab niktimihoob, Baawloos han gaw oodꞌooh hooy ikwiireeb imri. Ukajaraayi ugwꞌaadiigaay geeb iifi.
Baawloos Roomaay gwꞌadaadti whii bhaliiya
17Mhay bꞌi beentooy niktimi harꞌii, Baawloos Yahuudi suurkina waliikiyaayt, “Yaa isanaayaan, ani udehayoon lhastiniina naat han dꞌiyaab kaaki, masi hoobeeteen tꞌaada han amoorbaab kaaki. Laakiin Alguduseeb yꞌabiknaheeb, Iroomaani nuuniyaanheeb. 18Baraah aniib igwabab ishbibniit fiduugi yhariwna. Ani tooyat haay astehaliyeet maagnaayt dꞌiyaab baakaayeet toona ikanna. 19Laakiin Iyahuudi suurkina iribnihoob, ani Gaysar haakamamiyeet toona hooy ahariw. 20Hinin Yꞌisraaꞌiili sꞌayaamnayeet toonaati sabbii, toon tushinshiltii amhakwaar. Oon isꞌayaay hadiidteeni jillaay waliiksan hookna.” idi.
21Isuurkina “Yahuudaay bariiyook hadiidiini jawaab miraab kinki. Masi tooy aree gaal han bariiyook hadiidiini yꞌaab kiiki, tari bariisook ashkiimiini kiihaay. 22Laakiin hinin bariiyeek ibhali sinaakirooyt nhariw. Uudehay kassooh oomhiin oon umadehab imooriibneet toona nikteen.” idiin.
23Baawloos hooy imeerni waadiya bꞌeeb gaal waadiyaayaan. Gwida dehay aree Baawloosiib oogaw eeyaan. Baawloos fajir tikruumtee whawaad ookiik Ukwaasanaayt tehadꞌaayeetiib bhaliiya. Baruuh Muusaay whagwa Inabiyaayi kitabwa Yasuuꞌiib diyaab iiktiineet toona afhistiib yhiriw aree fassariya. 24Suurkina gali Baawloosiib ibhali agbiliyaana, laakiin aaraw agbilaab kiikeen. 25Baraah taafagsamaab kiikeena, aree giigtiib yhariwna. Laakiin Baawloos bareeyooh dehaay, “Aashuuk Imugaddasa unabi Isyaasiib miidalaabii hoobeekna bhaliisamiyaanihoob, oosdik sooyaan:
26‘Oon oodehay bayaat sooyaa,
door iimsaw tiyadna, laakiin kaꞌafhamtaana,
iishbib tiyadna, laakiin karhitaana.
27Toon toonaati sabbii een oodehayi ginꞌa yꞌakirna,
yꞌangwilaahna kiimaasiwna,
aree igwꞌadaahna assamaaba.
Bak biikaayeek baraah igwꞌadeesoohna rhiina,
yꞌangwileesoohna iimsawna,
iginꞌaayeesoohna afhamiina
aree anii dehaay itꞌigirna, aree ani bareeh mheeli.’ diyaaba Aashuuk Imugaddasa.
28-29Aflaay Ukwaasanaay umidhhan Ijintiilee dehaay diigwatamaab ikatiyeet toona sootiyookna aharriiw. Baraah barooh isnaakiirna.” idi. Baawloos een ibhali idiit harꞌii, Iyahuudi akraab taktak amgwasaaree giigiyaan.
30Baawloos malu hawla kiraayi gawiib isꞌa, aree bariiyooh rheesamtiib yꞌaab oodehay kasseeh beentooy yhadar. 31Baruuh naat goofiit anu Ukwaasanaayt tehadꞌaayi sooyi, masi Wꞌankwana Yasuuꞌaab Umasiihiib han allami.
Currently Selected:
Ilinguumamti 28: BEJA
Highlight
Copy
Compare
Share
Want to have your highlights saved across all your devices? Sign up or sign in
2026 Seed Company and the MTT
Ilinguumamti 28
28
Baawloos Maaltaay
1Asgaa iyami daraag niktimihoob, been whaash Maaltaab iidneet toona nikan. 2Whaashi dehay winneet hadareeba. Bireebwa mikwꞌaraabwa iifiin akay nꞌeet dehoon daasiyaaniit yhadarna hoon. 3Baawloos shalik hindi ikwaraayt toonꞌeeti kehii daasiya. Tunabꞌuuy kwakwar rhafee tisfarꞌa. Been ukwakwar Baawloosiib wꞌayiib imeelwaay. 4Whaashi dehay been ukwakwar Baawloosiib wꞌayiib tilmee rhiyaanihoob, taktakee dehaay, “Uun uutak ibakii madoor ikati! Ubhariib ayaab biikaayeek han, oontꞌa laakiin wꞌadil barooh ishidhhin kiidi.” idiin. 5Laakiin Baawloos ukwakwar toonꞌeetiib igid. Baruuh lhamaab han kiiki. 6Uudehay Baawloosiib wꞌayi yꞌeemiyeeb, tari gaalhoob dhibiit iyaayyeeb hiisiyaan. Gwidaat midda barooh ishbibna, naat dehaay akaat bitkaayeet toona ikannihoob, ibhaliiyeehna ibdilniit, “Uun uutak kwaasanaab ikati.” idiin.
7Tugadiireeti haakim Boobliyoos iidna, beentooy aree haash gaal hooy iibri. Boobliyoos winneet hadareebu, ugawiyooh aree fadhig bꞌi yhadar hoon. 8Beenhoob Boobliyoosiib ubaaba abaakiibwa kalawaayt lhanaywa barii, nꞌaaliib imbꞌi. Baawloos barooh ibaayt kehii siileeliya, malya yꞌayeeh kehii daasiyaayt isinꞌir. 9Beet tuuna tikayihoob, tugadiireeti dehay kassaah udehayoohna eelhaab Baawloosii dehaay haay eeyaan. Aree kassaah mheelamiyaan. 10Uudehay winneet hamooysiyaan hoon, oodoor igiigaa niideeb aree, nhiriweenaaka yhiin hoon.
Roomaay ikatama
11Mhay tirgaayi harꞌii, markabt Maaltaay oowiyaay katꞌamaat nꞌamaayt iibaabna. Tumarkab Iskandariyaab Masree tiikti, Iroomaani ikwaasana imalooyeet siwra kehii iifiin aree, “Ikwaasana Itiita” iidna. 12Tumadiina Siiraakuus niktim, mhayt yina beentooy nisꞌa. 13Beentooysii Riigiyoom ookiik iibaabna. Tooyin tooraaw oosꞌiidi baraam infi. Maloot yinaati harꞌii aree Booteeliib niktim. 14Beentooy shalik Ukwaasanaay aamanana nimri. Baraah asaramaat yina geeb nhigiteet toona hoon yhariwna. Aflaay bak aree Roomaab niktim. 15Roomaay iifiin Ukwaasanaay yꞌaamanana hineeb wꞌaay imaasiwna. Hini ashuushiib Abbiyoosiit tudangaltiibwa Imhiinan Eemhaywa beeti ifirꞌana. Baawloos bareeh rhiyanihoob, Ukwaasana yhamid aree winneet yꞌarik.
16Roomaab niktimihoob, Baawloos han gaw oodꞌooh hooy ikwiireeb imri. Ukajaraayi ugwꞌaadiigaay geeb iifi.
Baawloos Roomaay gwꞌadaadti whii bhaliiya
17Mhay bꞌi beentooy niktimi harꞌii, Baawloos Yahuudi suurkina waliikiyaayt, “Yaa isanaayaan, ani udehayoon lhastiniina naat han dꞌiyaab kaaki, masi hoobeeteen tꞌaada han amoorbaab kaaki. Laakiin Alguduseeb yꞌabiknaheeb, Iroomaani nuuniyaanheeb. 18Baraah aniib igwabab ishbibniit fiduugi yhariwna. Ani tooyat haay astehaliyeet maagnaayt dꞌiyaab baakaayeet toona ikanna. 19Laakiin Iyahuudi suurkina iribnihoob, ani Gaysar haakamamiyeet toona hooy ahariw. 20Hinin Yꞌisraaꞌiili sꞌayaamnayeet toonaati sabbii, toon tushinshiltii amhakwaar. Oon isꞌayaay hadiidteeni jillaay waliiksan hookna.” idi.
21Isuurkina “Yahuudaay bariiyook hadiidiini jawaab miraab kinki. Masi tooy aree gaal han bariiyook hadiidiini yꞌaab kiiki, tari bariisook ashkiimiini kiihaay. 22Laakiin hinin bariiyeek ibhali sinaakirooyt nhariw. Uudehay kassooh oomhiin oon umadehab imooriibneet toona nikteen.” idiin.
23Baawloos hooy imeerni waadiya bꞌeeb gaal waadiyaayaan. Gwida dehay aree Baawloosiib oogaw eeyaan. Baawloos fajir tikruumtee whawaad ookiik Ukwaasanaayt tehadꞌaayeetiib bhaliiya. Baruuh Muusaay whagwa Inabiyaayi kitabwa Yasuuꞌiib diyaab iiktiineet toona afhistiib yhiriw aree fassariya. 24Suurkina gali Baawloosiib ibhali agbiliyaana, laakiin aaraw agbilaab kiikeen. 25Baraah taafagsamaab kiikeena, aree giigtiib yhariwna. Laakiin Baawloos bareeyooh dehaay, “Aashuuk Imugaddasa unabi Isyaasiib miidalaabii hoobeekna bhaliisamiyaanihoob, oosdik sooyaan:
26‘Oon oodehay bayaat sooyaa,
door iimsaw tiyadna, laakiin kaꞌafhamtaana,
iishbib tiyadna, laakiin karhitaana.
27Toon toonaati sabbii een oodehayi ginꞌa yꞌakirna,
yꞌangwilaahna kiimaasiwna,
aree igwꞌadaahna assamaaba.
Bak biikaayeek baraah igwꞌadeesoohna rhiina,
yꞌangwileesoohna iimsawna,
iginꞌaayeesoohna afhamiina
aree anii dehaay itꞌigirna, aree ani bareeh mheeli.’ diyaaba Aashuuk Imugaddasa.
28-29Aflaay Ukwaasanaay umidhhan Ijintiilee dehaay diigwatamaab ikatiyeet toona sootiyookna aharriiw. Baraah barooh isnaakiirna.” idi. Baawloos een ibhali idiit harꞌii, Iyahuudi akraab taktak amgwasaaree giigiyaan.
30Baawloos malu hawla kiraayi gawiib isꞌa, aree bariiyooh rheesamtiib yꞌaab oodehay kasseeh beentooy yhadar. 31Baruuh naat goofiit anu Ukwaasanaayt tehadꞌaayi sooyi, masi Wꞌankwana Yasuuꞌaab Umasiihiib han allami.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2026 Seed Company and the MTT