Esita 7
7
Bɛ sa Haman gigyen ɔŋʋʋ
1Okoro egyu-dɩrɛ ma Haman bɛ san bɛ ma di ma Egyu-nanɩ-dɩrɛ Esita. 2Duwi-nyɔɔfɛ daanɩ fɔ, gɛtɛ bè si bɛɛ nyʋn wayɩn fɔ, egyu-dɩrɛ e biri e lila egyu-dɩrɛ-nanɩ Esita alan, <<Anʋn gbagbaagba gɛ aa len nàn mɛ ntɛ wɔ̀? Gengyi miin bugyu gba gɛ à len nan yo baanɩ kyɛkyɛ akpen anyɔɔ, fɔ nan ka dikpen dɩkɩ ntɛ wɔ̀ gba fɔ, nan mɛ.>>
3Gɛ Egyu-nanɩ-dɩrɛ Esita e tiri wuunyun alan, <<Egyu-kpara, gengyi maade ii di wɔ̀ gʋnʋn fɔ, ɛwʋ bɩrɛ, nte koturu wɔ̀ fɔ àà to ɛtɩ ma mɩɩn bɛnɩ nkpa. Nyawʋ n di maade lilalɛ.>> 4Yema alɛ, be fu nmɩ ma mɩɩn bɛnɩ bɛ tɛ gɛtɛ bàà wolo tɩ, bàà belen tɩ ayu, bàà muru tɩ. Gengyi wʋ̀ daà mɛ alɛ be fu tɩ, tàà mɛ bɛdɩ-teni ma bɛdɩ-nanɩ gba fɔ, nafɔ n daà gye miinyun n tin, yema gɛlɛ wʋʋ dɩyɩyɛ dɩn sɔ, gɛ nafɔ mɩn daà sa awɔ, egyu-dɩrɛ dɩfana.
5Ɛwʋ gɛ Egyu-dɩrɛ Herihesi e lila egyu-dɩrɛ-nanɩ Esita alan, <<Ɛnyan gɛ wù di? Ɛnɩ gɛtɛ ee len ɛ̀ɛ̀ mɛ gɛlɛ gaade nyayɩ fɔ ɛ̀ sa ganɩ?>>
6Esita e tiri wuunyun alan, <<Wù di gɛ Haman, tɩɩkyʋnlɛ ma tiikengbelilɛ ɛnɩ-kpen nyawɔ!>>
Dʋkɔ fɔ Haman e gyu gɩsaa-dɩrɛ egyu-dɩrɛ ma Esita bɔɔ bʋnʋn. 7Egyu-dɩrɛ woturu wʋ tɔ, gɛ e kere wɔ bʋkan gɛtɛ ɛɛ nyʋn fɔ ɛ ya, gɛ ɛ san ɛ ma gyu digyu-kpaara, ɔkʋn gɛtɛ bɛ dɔ bɛkɔkɔkɔ fɔ. Mɔ gɛtɛ Haman e we gɛtɛ wʋ̀ mɛ lann fɔ egyu-dɩrɛ eè tiira wɔ giten fɔ, ɛ wɔ egyu-nanɩ-dɩrɛ Esita wakʋn ɛ̀ɛ̀ fɔ wɔ fɔ èè to wɔ nkpa.
8Gɛtɛ egyu-dɩrɛ ɛ bɔ e biri e ye digyu-kpaara, ɔkʋn gɛtɛ bɛ dɔ bɛkɔkɔkɔ fɔ ɛ ba ɔsɛ fɔ waanɩ fɔ, fɔ Esita ɛ̀ dɔ gɛbɩya-kpasalɛ gaanɩ, gɛ Haman è kura è de egyu-nanɩ-dɩrɛ Esita bɩsɩrɩ.
Dʋkɔ gɛ egyu-dɩrɛ ɛ fa alan, <<À ni biri aa nyanla miingyu-nanɩ nmɩ gbagba mɩɩn dɩkpaara daanɩ ɔya gɛtɛ ɛ̀ sa ma nmɩ?>>
Gɛtɛ Egyu-dɩrɛ bɩta bʋ bɔ bʋ nʋ̀n fɔ, be tin Haman wɔ bʋnʋn. 9Gɛ egyu-dɩrɛ bɛsaranyan gɛtɛ be tiri bɛ aforobi fɔ baanɩ ɛkɩ gɛtɛ bee kpèlè Aribona fɔ ɛ dɔ̀ egyu-dɩrɛ alan, <<Haman ɛ yɛ be sere oyon bɛ gbɛma wɔ dɩkpaara, gɛtɛ waatɔ waà mɛ anlɛ bɩsɩrɩ akpilin asiyee ma fwo-ton. Ɛ sere wʋ gɛtɛ bàà sa Modekayi gɛtɛ e to wɔ̀ nkpa ɛ nya fɔ gigyen ɔŋʋʋ bɛ kyɔlɔga ma ɛwʋ.>>
Ɛwʋ gɛ egyu-dɩrɛ ɛ dɔ̀ alan, <<Ɩ ma sa Haman gigyen ɔŋʋʋ ɩ kyɔlɔga ma woyon gɛtɛ e sere fɔ!>> 10Okoro bɛ sa Haman gigyen ɔŋʋʋ bɛ kyɔlɔga ma oyon gɛtɛ ɛwɔ Haman ɛ yɛ be sere bɛ tɛ Modekayi fɔ. Dʋkɔ gɛ egyu-dɩrɛ woturu wʋ nʋ̀n wɔ.
Currently Selected:
Esita 7: ADE
Highlight
Copy
Compare
Share
Want to have your highlights saved across all your devices? Sign up or sign in
2025 Ghana Institute of Linguistics Literacy and Bible Translation
Esita 7
7
Bɛ sa Haman gigyen ɔŋʋʋ
1Okoro egyu-dɩrɛ ma Haman bɛ san bɛ ma di ma Egyu-nanɩ-dɩrɛ Esita. 2Duwi-nyɔɔfɛ daanɩ fɔ, gɛtɛ bè si bɛɛ nyʋn wayɩn fɔ, egyu-dɩrɛ e biri e lila egyu-dɩrɛ-nanɩ Esita alan, <<Anʋn gbagbaagba gɛ aa len nàn mɛ ntɛ wɔ̀? Gengyi miin bugyu gba gɛ à len nan yo baanɩ kyɛkyɛ akpen anyɔɔ, fɔ nan ka dikpen dɩkɩ ntɛ wɔ̀ gba fɔ, nan mɛ.>>
3Gɛ Egyu-nanɩ-dɩrɛ Esita e tiri wuunyun alan, <<Egyu-kpara, gengyi maade ii di wɔ̀ gʋnʋn fɔ, ɛwʋ bɩrɛ, nte koturu wɔ̀ fɔ àà to ɛtɩ ma mɩɩn bɛnɩ nkpa. Nyawʋ n di maade lilalɛ.>> 4Yema alɛ, be fu nmɩ ma mɩɩn bɛnɩ bɛ tɛ gɛtɛ bàà wolo tɩ, bàà belen tɩ ayu, bàà muru tɩ. Gengyi wʋ̀ daà mɛ alɛ be fu tɩ, tàà mɛ bɛdɩ-teni ma bɛdɩ-nanɩ gba fɔ, nafɔ n daà gye miinyun n tin, yema gɛlɛ wʋʋ dɩyɩyɛ dɩn sɔ, gɛ nafɔ mɩn daà sa awɔ, egyu-dɩrɛ dɩfana.
5Ɛwʋ gɛ Egyu-dɩrɛ Herihesi e lila egyu-dɩrɛ-nanɩ Esita alan, <<Ɛnyan gɛ wù di? Ɛnɩ gɛtɛ ee len ɛ̀ɛ̀ mɛ gɛlɛ gaade nyayɩ fɔ ɛ̀ sa ganɩ?>>
6Esita e tiri wuunyun alan, <<Wù di gɛ Haman, tɩɩkyʋnlɛ ma tiikengbelilɛ ɛnɩ-kpen nyawɔ!>>
Dʋkɔ fɔ Haman e gyu gɩsaa-dɩrɛ egyu-dɩrɛ ma Esita bɔɔ bʋnʋn. 7Egyu-dɩrɛ woturu wʋ tɔ, gɛ e kere wɔ bʋkan gɛtɛ ɛɛ nyʋn fɔ ɛ ya, gɛ ɛ san ɛ ma gyu digyu-kpaara, ɔkʋn gɛtɛ bɛ dɔ bɛkɔkɔkɔ fɔ. Mɔ gɛtɛ Haman e we gɛtɛ wʋ̀ mɛ lann fɔ egyu-dɩrɛ eè tiira wɔ giten fɔ, ɛ wɔ egyu-nanɩ-dɩrɛ Esita wakʋn ɛ̀ɛ̀ fɔ wɔ fɔ èè to wɔ nkpa.
8Gɛtɛ egyu-dɩrɛ ɛ bɔ e biri e ye digyu-kpaara, ɔkʋn gɛtɛ bɛ dɔ bɛkɔkɔkɔ fɔ ɛ ba ɔsɛ fɔ waanɩ fɔ, fɔ Esita ɛ̀ dɔ gɛbɩya-kpasalɛ gaanɩ, gɛ Haman è kura è de egyu-nanɩ-dɩrɛ Esita bɩsɩrɩ.
Dʋkɔ gɛ egyu-dɩrɛ ɛ fa alan, <<À ni biri aa nyanla miingyu-nanɩ nmɩ gbagba mɩɩn dɩkpaara daanɩ ɔya gɛtɛ ɛ̀ sa ma nmɩ?>>
Gɛtɛ Egyu-dɩrɛ bɩta bʋ bɔ bʋ nʋ̀n fɔ, be tin Haman wɔ bʋnʋn. 9Gɛ egyu-dɩrɛ bɛsaranyan gɛtɛ be tiri bɛ aforobi fɔ baanɩ ɛkɩ gɛtɛ bee kpèlè Aribona fɔ ɛ dɔ̀ egyu-dɩrɛ alan, <<Haman ɛ yɛ be sere oyon bɛ gbɛma wɔ dɩkpaara, gɛtɛ waatɔ waà mɛ anlɛ bɩsɩrɩ akpilin asiyee ma fwo-ton. Ɛ sere wʋ gɛtɛ bàà sa Modekayi gɛtɛ e to wɔ̀ nkpa ɛ nya fɔ gigyen ɔŋʋʋ bɛ kyɔlɔga ma ɛwʋ.>>
Ɛwʋ gɛ egyu-dɩrɛ ɛ dɔ̀ alan, <<Ɩ ma sa Haman gigyen ɔŋʋʋ ɩ kyɔlɔga ma woyon gɛtɛ e sere fɔ!>> 10Okoro bɛ sa Haman gigyen ɔŋʋʋ bɛ kyɔlɔga ma oyon gɛtɛ ɛwɔ Haman ɛ yɛ be sere bɛ tɛ Modekayi fɔ. Dʋkɔ gɛ egyu-dɩrɛ woturu wʋ nʋ̀n wɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2025 Ghana Institute of Linguistics Literacy and Bible Translation