2 Begyu-dɩrɛ 20
20
Egyu-dɩrɛ Hesekiya geyeba
1Ɔya wʋtɔkɔ waanɩ fɔ, Hesekiya e be gyu geyeba gɛtɛ ɛ̀ dɔ diku diiyo. Gɛ Amosi wobi Isaya gɛtɛ è di Wurubwarɛ wɔtabʋrʋlɛ fɔ ɛ san wakʋn gɛ ɛ dɔ̀ wɔ alan, <<Yahwe ɛɛ dɔ̀ alan, <Pɩna aa dɩkpaara sɩ̀ yema aà ku, an nan tɔ a ye geyeba nyagɩ gaanɩ.> >>
2Ɛwʋ gɛ Hesekiya e fi wɔ bʋnʋn e ten ɔpɔrɩ gɛ e tiri onyun ɛ tɛ Yahwe alan, 3<<Oo Yahwe, n fɔ wɔ̀ gɛ, kʋna anlɛ gɛtɛ na tɛrɛma wɔ̀ nʋnkwarɩ anɩ, gɛ na ka miinturu powu na sʋma wɔ̀, gɛ na mɛ ɛwʋ gɛtɛ wʋ̀ kɔlɔ aa bʋnʋn baanɩ fɔ.>> Ɛwʋ gɛ Hesekiya e wula gepepe.
4Pɛ Isaya èè kpe ye digyukpaara dɩɩ kpata-getitelɛ fɔ, Yahwe ɛ dɔ̀ wɔ alan, 5<<Biri san ma dɔ̀ Hesekiya, mɩɩn bɛnɩ boogyegeyelɛ fɔ alan, <Yahwe, aatu Dafidi wo Wurubwarɛ fɔ alan, <<Na nʋn aanyun-tiri gɛ na we aa bunun-tu. Nan kya wɔ̀ geyeba. Awi asiyee yaanɩ fɔ, aà san Yahwe Dikwo-dɩrɛ fɔ daanɩ. 6Nan ka bɩkyan fwo ton n fɩya aa nkpa wawi yaanɩ. Gɛ nan tiri awɔ ma ditele nyadɩ n ye Asiriya wogyu walɔ yaanɩ. Nan dɩyɛ ditele nyadɩ, nmɩ ma mɩɩnsaranyan Dafidi tii koro.> >>
7Ɛwʋ gɛ Isaya ɛ dɔ̀ alan, <<Ɩ kpààrà figi ɩ bɛ sʋrʋ Esekiya woserelɛ fɔ wo koro.>> Gɛ bɛ mɛ anlɛ gɛtɛ ɛ dɔ̀ fɔ, gɛ e wura geyeba gɩɩ gɛkya.
8Hesekiya e lila Isaya alan, <<Dɩdawʋ-mɔmɔ nan wùlà alɛ Yahwe ɛɛ̀ kya mɩ geyeba, gɛ nfan awi asiyee fɔ, nan talɩ n san Yahwe Dikwo-dɩrɛ fɔ daanɩ?>>
9Isaya e tiri wuunyun alan, <<Yahwe ɛɛ̀ tɛ wɔ̀ dɩdawʋ gɛtɛ daà wùlà alɛ ɛɛ̀ mɛ ade gɛtɛ ɛ dɔ̀ ɛ sɩ̀ fɔ. À len gɛtɛ bilibili fɔ èè kpe san bʋnʋn akyɩkya-bʋnkʋn fwo abɛɛ èè ye gama akyɩkya-bʋnkʋn fwo?
10Ɛwʋ gɛ Hesekiya e tiri wuunyun alan, <<Wʋn ma ɔkɛma gɛtɛ bilibili fɔ ɛ̀ɛ̀ san bʋnʋn bɩsɩrɩ fwo de! Okoro yɛ wɔ èè biri gama bɩsɩrɩ fwo.>> 11Ɛwʋ gɛ Wurubwarɛ wɔtabʋrʋlɛ Isaya e tiri onyun e kpèlè Yahwe, gɛ Yahwe ɛ yɛ ɛkala fɔ e kpe e ye gama bɩsɩrɩ fwo ɛ ma sere Ahasi gɛtɛ e sere fɔ.
Bɛ sa bɛnɩ be ye Babilon
12Ɔya wʋtɔkɔ waanɩ fɔ, Babilon wogyu Baladan wobi Merodaki-Baladan ɛ nʋn Hesekiya geyeba. Gɛlɛ wuu koro ɛ ŋwara akpa fɩya ma anyan-kyɛlɛ, gɛ ɛ sa bɛnɩ alɛ bɛ ka bɛ ma tɛ wɔ.
13Hesekiya e to bɛnɩ-salɛ fɔ, gɛ e wùlà bɛ anyan powu gɛtɛ ɩ̀ dɔ̀ wo dikwo-sɩ̀lɛ anyan daanɩ fɔ. E wùlà bɛ wɔ sɩka-fututu, ma sɩka-sɩya, ma anyan ma ofen ma bʋnɔ-kpara, ma wakpanyan ma wanyan gbaa-gbaa powu. Gɩnyankɩ gin kuruma wo digyukpaara daanɩ abɛɛ wo bugyu buu gedikʋn gɛtɛ Hesekiya en wùlà bɛ.
14Ɛwʋ gɛ Wurubwarɛ wɔtabʋrʋlɛ Isaya ɛ san egyu Hesekiya wakʋn gɛ e lila wɔ alan, <<Ade-mɔmɔ gɛ bɛnɩ nyabɛ bɛ dɔ̀ wɔ̀? Gɛ gaanɩ gɛ be ye?>>
Gɛ Hesekiya e tiri wuunyun alan, <<Be ye ɔkʋn ma ɔfɔ wʋkɩ, be ye Babilon.>> 15Gɛ Wurubwarɛ wɔtabʋrʋlɛ fɔ e lila alan, <<Anʋn gɛ be we aa digyukpaara fɔ daanɩ?>>
Hesekiya e tiri wuunyun alan, <<Be we gɩnyan-kamasɛ miin digyukpaara daanɩ. Gɩnyankɩ gin kuruma anyan-gbaa-gbaa gɛtɛ ǹ ba fɔ yaanɩ gɛtɛ min wùlà bɛ.>>
16Ɛwʋ gɛ Isaya ɛ dɔ̀ Hesekiya alan, <<Nʋn Yahwe wanyun-gyebi! 17Ɔya wʋkɩ waà bɛ ba gɛtɛ baà kpila anyan gɛtɛ ɩ̀ sa aa digyukpaara, ma ɛyɩ gɛtɛ aatu ɛbɛ bɛ pɩna bɛ sɩ̀ bè ye ma ǹdò fɔ powu bɛ da Babilon. Gɩnyankɩ gɩn nan kuruma. Gɛlɛ gɛ Yahwe ɛɛ dɔ̀.
18Nkele mɔ, baà gye awɔ gbagba aadu waanɩ wʋʋ bɛnɩ bɛkɩ dɩkpankpasan daanɩ bɛ san dʋkɔ, baà tiri bɛ aforobi, bàà sara Babilon wogyu-dɩrɛ dɩkpaara daanɩ.>>
19Ɛwʋ gɛ Hesekiya ɛ dɔ̀ alan, <<Yahwe wanyun-gyebi gɛtɛ a dɔ̀ fɔ ɩ̀ kɔlɔ.>> Yema Hesekiya ɛ nʋn gɛ ade fɔ yaanɩ alɛ olila ma koro gɩɩ gɛnʋ̀n yaà sara wɔ nkpa wawi powu yaanɩ.
20Bɛ ŋwara Hesekiya wade-kurumakyɛɛ gɛtɛ ɛ mɛ wo bugyu buu gedi gaanɩ, ma wade gɛtɛ ɛ mɛ fɔ powu, ma anlɛ gɛtɛ ɛ mɛ imini-serelɛ gɛtɛ ii to butu, ma omini gɛtɛ e kunla gɛ wuu tiira butu wʋ ba ditele daanɩ fɔ powu bɛ sa Yuda begyu-dɩrɛ boo koro gaade yɩɩ gɩkpa-dɩrɛ fɔ gaanɩ. 21Hesekiya e ku gɛ be lò wɔ wotu ɛbɛ bɔɔ bɩsàn baanɩ. Gɛ wobi-teni Manase e di bugyu e sere wɔ bɩsɩrɩ.
Currently Selected:
2 Begyu-dɩrɛ 20: ADE
Highlight
Share
Compare
Copy
Want to have your highlights saved across all your devices? Sign up or sign in
2025 Ghana Institute of Linguistics Literacy and Bible Translation
2 Begyu-dɩrɛ 20
20
Egyu-dɩrɛ Hesekiya geyeba
1Ɔya wʋtɔkɔ waanɩ fɔ, Hesekiya e be gyu geyeba gɛtɛ ɛ̀ dɔ diku diiyo. Gɛ Amosi wobi Isaya gɛtɛ è di Wurubwarɛ wɔtabʋrʋlɛ fɔ ɛ san wakʋn gɛ ɛ dɔ̀ wɔ alan, <<Yahwe ɛɛ dɔ̀ alan, <Pɩna aa dɩkpaara sɩ̀ yema aà ku, an nan tɔ a ye geyeba nyagɩ gaanɩ.> >>
2Ɛwʋ gɛ Hesekiya e fi wɔ bʋnʋn e ten ɔpɔrɩ gɛ e tiri onyun ɛ tɛ Yahwe alan, 3<<Oo Yahwe, n fɔ wɔ̀ gɛ, kʋna anlɛ gɛtɛ na tɛrɛma wɔ̀ nʋnkwarɩ anɩ, gɛ na ka miinturu powu na sʋma wɔ̀, gɛ na mɛ ɛwʋ gɛtɛ wʋ̀ kɔlɔ aa bʋnʋn baanɩ fɔ.>> Ɛwʋ gɛ Hesekiya e wula gepepe.
4Pɛ Isaya èè kpe ye digyukpaara dɩɩ kpata-getitelɛ fɔ, Yahwe ɛ dɔ̀ wɔ alan, 5<<Biri san ma dɔ̀ Hesekiya, mɩɩn bɛnɩ boogyegeyelɛ fɔ alan, <Yahwe, aatu Dafidi wo Wurubwarɛ fɔ alan, <<Na nʋn aanyun-tiri gɛ na we aa bunun-tu. Nan kya wɔ̀ geyeba. Awi asiyee yaanɩ fɔ, aà san Yahwe Dikwo-dɩrɛ fɔ daanɩ. 6Nan ka bɩkyan fwo ton n fɩya aa nkpa wawi yaanɩ. Gɛ nan tiri awɔ ma ditele nyadɩ n ye Asiriya wogyu walɔ yaanɩ. Nan dɩyɛ ditele nyadɩ, nmɩ ma mɩɩnsaranyan Dafidi tii koro.> >>
7Ɛwʋ gɛ Isaya ɛ dɔ̀ alan, <<Ɩ kpààrà figi ɩ bɛ sʋrʋ Esekiya woserelɛ fɔ wo koro.>> Gɛ bɛ mɛ anlɛ gɛtɛ ɛ dɔ̀ fɔ, gɛ e wura geyeba gɩɩ gɛkya.
8Hesekiya e lila Isaya alan, <<Dɩdawʋ-mɔmɔ nan wùlà alɛ Yahwe ɛɛ̀ kya mɩ geyeba, gɛ nfan awi asiyee fɔ, nan talɩ n san Yahwe Dikwo-dɩrɛ fɔ daanɩ?>>
9Isaya e tiri wuunyun alan, <<Yahwe ɛɛ̀ tɛ wɔ̀ dɩdawʋ gɛtɛ daà wùlà alɛ ɛɛ̀ mɛ ade gɛtɛ ɛ dɔ̀ ɛ sɩ̀ fɔ. À len gɛtɛ bilibili fɔ èè kpe san bʋnʋn akyɩkya-bʋnkʋn fwo abɛɛ èè ye gama akyɩkya-bʋnkʋn fwo?
10Ɛwʋ gɛ Hesekiya e tiri wuunyun alan, <<Wʋn ma ɔkɛma gɛtɛ bilibili fɔ ɛ̀ɛ̀ san bʋnʋn bɩsɩrɩ fwo de! Okoro yɛ wɔ èè biri gama bɩsɩrɩ fwo.>> 11Ɛwʋ gɛ Wurubwarɛ wɔtabʋrʋlɛ Isaya e tiri onyun e kpèlè Yahwe, gɛ Yahwe ɛ yɛ ɛkala fɔ e kpe e ye gama bɩsɩrɩ fwo ɛ ma sere Ahasi gɛtɛ e sere fɔ.
Bɛ sa bɛnɩ be ye Babilon
12Ɔya wʋtɔkɔ waanɩ fɔ, Babilon wogyu Baladan wobi Merodaki-Baladan ɛ nʋn Hesekiya geyeba. Gɛlɛ wuu koro ɛ ŋwara akpa fɩya ma anyan-kyɛlɛ, gɛ ɛ sa bɛnɩ alɛ bɛ ka bɛ ma tɛ wɔ.
13Hesekiya e to bɛnɩ-salɛ fɔ, gɛ e wùlà bɛ anyan powu gɛtɛ ɩ̀ dɔ̀ wo dikwo-sɩ̀lɛ anyan daanɩ fɔ. E wùlà bɛ wɔ sɩka-fututu, ma sɩka-sɩya, ma anyan ma ofen ma bʋnɔ-kpara, ma wakpanyan ma wanyan gbaa-gbaa powu. Gɩnyankɩ gin kuruma wo digyukpaara daanɩ abɛɛ wo bugyu buu gedikʋn gɛtɛ Hesekiya en wùlà bɛ.
14Ɛwʋ gɛ Wurubwarɛ wɔtabʋrʋlɛ Isaya ɛ san egyu Hesekiya wakʋn gɛ e lila wɔ alan, <<Ade-mɔmɔ gɛ bɛnɩ nyabɛ bɛ dɔ̀ wɔ̀? Gɛ gaanɩ gɛ be ye?>>
Gɛ Hesekiya e tiri wuunyun alan, <<Be ye ɔkʋn ma ɔfɔ wʋkɩ, be ye Babilon.>> 15Gɛ Wurubwarɛ wɔtabʋrʋlɛ fɔ e lila alan, <<Anʋn gɛ be we aa digyukpaara fɔ daanɩ?>>
Hesekiya e tiri wuunyun alan, <<Be we gɩnyan-kamasɛ miin digyukpaara daanɩ. Gɩnyankɩ gin kuruma anyan-gbaa-gbaa gɛtɛ ǹ ba fɔ yaanɩ gɛtɛ min wùlà bɛ.>>
16Ɛwʋ gɛ Isaya ɛ dɔ̀ Hesekiya alan, <<Nʋn Yahwe wanyun-gyebi! 17Ɔya wʋkɩ waà bɛ ba gɛtɛ baà kpila anyan gɛtɛ ɩ̀ sa aa digyukpaara, ma ɛyɩ gɛtɛ aatu ɛbɛ bɛ pɩna bɛ sɩ̀ bè ye ma ǹdò fɔ powu bɛ da Babilon. Gɩnyankɩ gɩn nan kuruma. Gɛlɛ gɛ Yahwe ɛɛ dɔ̀.
18Nkele mɔ, baà gye awɔ gbagba aadu waanɩ wʋʋ bɛnɩ bɛkɩ dɩkpankpasan daanɩ bɛ san dʋkɔ, baà tiri bɛ aforobi, bàà sara Babilon wogyu-dɩrɛ dɩkpaara daanɩ.>>
19Ɛwʋ gɛ Hesekiya ɛ dɔ̀ alan, <<Yahwe wanyun-gyebi gɛtɛ a dɔ̀ fɔ ɩ̀ kɔlɔ.>> Yema Hesekiya ɛ nʋn gɛ ade fɔ yaanɩ alɛ olila ma koro gɩɩ gɛnʋ̀n yaà sara wɔ nkpa wawi powu yaanɩ.
20Bɛ ŋwara Hesekiya wade-kurumakyɛɛ gɛtɛ ɛ mɛ wo bugyu buu gedi gaanɩ, ma wade gɛtɛ ɛ mɛ fɔ powu, ma anlɛ gɛtɛ ɛ mɛ imini-serelɛ gɛtɛ ii to butu, ma omini gɛtɛ e kunla gɛ wuu tiira butu wʋ ba ditele daanɩ fɔ powu bɛ sa Yuda begyu-dɩrɛ boo koro gaade yɩɩ gɩkpa-dɩrɛ fɔ gaanɩ. 21Hesekiya e ku gɛ be lò wɔ wotu ɛbɛ bɔɔ bɩsàn baanɩ. Gɛ wobi-teni Manase e di bugyu e sere wɔ bɩsɩrɩ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2025 Ghana Institute of Linguistics Literacy and Bible Translation