Efesus 3:16-19

Ngohi togolo Unaka, maro Awi laha de Awi kuasa kanaga foloisi ilalamo, de Awi Gurumi masirete magena lo tanu igogou to ngini nia sininga asa wosiputuru. Nako komagena, de ma ngale ngini nia piricaya so ma Kristus gena kanaga wogoge nia sininga ma rabaka. De ngohi lo togolo la tanu ngini nia oho ma gola gena o dodara, maro o gota moi o tonaku isibelo so ma ngutu isupu de ioho ḋaputuru. So o dodara nia siningaka lo tanu imasingutu la ifoloisi ḋaputuru, maro o tahu moi isigoko ma sosoḋe ḋapoputuruka. Ma Kristus Awi dodara gena ngone dede Awi nyawa yangodu aku panako, duma nanga sininga ma kanako gena de ma batika, so paakuwa Awi dodara gena ngone patuga idodooha ma ngoha, eko ma gaku, eko ma guruye eko lo ma luku. Ngaroko komagena, ngohi togolo kali tanu ngini aku ma Kristus Awi dodara gena niamalo de nianako ḋaputuru, la o Gikimoi Una masirete de Awi boloi ḋangodu gena imasitauho nginika, so wogoge to ngini nia siningaka gena iwedo-wedo.

Verse Image for Efesus 3:16-19