Titus 3
3
KRISGAZ TAMOLAI ISOLISOL ILONNEN DODIN DITOZOI?
Gowerment paenlon madowoi
1Pidinpa ladin isoup i gowerment gatengaz mai peadinlon gauai demadowoi, dagom naup ditozoi, uzat gauai daŋan denaunenoi ladin iboloi.#Pet I 2:13 2Ta dizan dewai so depanip, zoik kagin dimoioi, bobo diboloi, tamolpain daŋan noadinnen lo gauaidaŋan ditozoi.#Fil 4:5
Get megin, Kristuslon dodin?
3Id mai get ilod bekanig tatozlak, dagom tea, tezegaig, bubed imaisnen funfun, aupasek inan zigieklon se tatozmeg poadge temade, bubed funig jenaid isuig temade, tamol aenta zezeŋanad, id i mai tezezeŋana.#Kor I 6:11; Ef 2:2; 5:8 4Ge Anut inad Patudpaseknen inan lo ilopanek mai itasemeg#Tit 2:11; Met 8:31 5i patud pasilak, nauknauk taoz me id tenaulak melon tea, tea, inan kanim damonlon, faun inau mugnen inan sugeŋlon, Uzgun inan sedageklon mai,#Ef 2:8, 9; Joh 3:5; Ef 5:26 6me i Jesus Kristus idinad Patudpaseknen id fodlak zen iwalilak,#Joel 3:1 7me id inan kanimlon taoz temadowoilakoi id inan fuzan dedeŋanek bas madonen teŋalewoi, me id tusuzuazoutame.#Rom 3:24
Kris gauai ditozoi
8Azu e malik mok. Abaŋ ewoi o sansan ubol gauai, me i Anut ladinlon maliklak i nauknauk gauailon gaid demadowoi. Me kagin gauai, tamolpain mai kibiniaime.#Tit 3:14 9Ge kibiaik gedagad, dazoi daig isaz, siai, kibiaiŋoi zoikoi me umoi, me niŋon tea, se anau bedaniwoi.#Tim I 4:7 10Ilopasekwain aŋ abebanip taimon azup, kagin salan so binimap iwoi nao pasip mado.#Joh II 10; Mat 18:15, 16 11Aŋ aloŋ tamol i egin i zegailak, auipas maiime, siben meselaniime.#Tim I 6:4, 5
Azu tata
12Ŋa Artemas, tea, Tikikus tat ŋenaup o izinnen ilemap o pasak izignen Nikopolisnen uso, ŋa ilog ŋabol ŋa malassaenlon melak ŋemadowoi.#Tim II 4:12 13Senas, kibiaiŋkamaŋ Apolos mai jaeŋjaeŋ pasak waiŋ jabekoi dina, i waiŋnen abaŋ ta so teab mon.#Apos 18:24; Kor I 3:5, 6 14Ge inadgaz nauknauk gauai denaunen diloŋoi, domten tat tamolai alan mok denaudime me anedin diduwoi, kagin inan niŋon tea egin so demadowoi.#Tit 2:14; Ef 4:28; Mat 7:19
15Daŋan me ŋa maig amadoame i tabei depano. I me ilonlon maliknenlon ladin depanaddime me tabei pinidin. Kanim aŋ daŋan toanaŋ.#Kor II 5:16
Currently Selected:
Titus 3: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Titus 3
3
KRISGAZ TAMOLAI ISOLISOL ILONNEN DODIN DITOZOI?
Gowerment paenlon madowoi
1Pidinpa ladin isoup i gowerment gatengaz mai peadinlon gauai demadowoi, dagom naup ditozoi, uzat gauai daŋan denaunenoi ladin iboloi.#Pet I 2:13 2Ta dizan dewai so depanip, zoik kagin dimoioi, bobo diboloi, tamolpain daŋan noadinnen lo gauaidaŋan ditozoi.#Fil 4:5
Get megin, Kristuslon dodin?
3Id mai get ilod bekanig tatozlak, dagom tea, tezegaig, bubed imaisnen funfun, aupasek inan zigieklon se tatozmeg poadge temade, bubed funig jenaid isuig temade, tamol aenta zezeŋanad, id i mai tezezeŋana.#Kor I 6:11; Ef 2:2; 5:8 4Ge Anut inad Patudpaseknen inan lo ilopanek mai itasemeg#Tit 2:11; Met 8:31 5i patud pasilak, nauknauk taoz me id tenaulak melon tea, tea, inan kanim damonlon, faun inau mugnen inan sugeŋlon, Uzgun inan sedageklon mai,#Ef 2:8, 9; Joh 3:5; Ef 5:26 6me i Jesus Kristus idinad Patudpaseknen id fodlak zen iwalilak,#Joel 3:1 7me id inan kanimlon taoz temadowoilakoi id inan fuzan dedeŋanek bas madonen teŋalewoi, me id tusuzuazoutame.#Rom 3:24
Kris gauai ditozoi
8Azu e malik mok. Abaŋ ewoi o sansan ubol gauai, me i Anut ladinlon maliklak i nauknauk gauailon gaid demadowoi. Me kagin gauai, tamolpain mai kibiniaime.#Tit 3:14 9Ge kibiaik gedagad, dazoi daig isaz, siai, kibiaiŋoi zoikoi me umoi, me niŋon tea, se anau bedaniwoi.#Tim I 4:7 10Ilopasekwain aŋ abebanip taimon azup, kagin salan so binimap iwoi nao pasip mado.#Joh II 10; Mat 18:15, 16 11Aŋ aloŋ tamol i egin i zegailak, auipas maiime, siben meselaniime.#Tim I 6:4, 5
Azu tata
12Ŋa Artemas, tea, Tikikus tat ŋenaup o izinnen ilemap o pasak izignen Nikopolisnen uso, ŋa ilog ŋabol ŋa malassaenlon melak ŋemadowoi.#Tim II 4:12 13Senas, kibiaiŋkamaŋ Apolos mai jaeŋjaeŋ pasak waiŋ jabekoi dina, i waiŋnen abaŋ ta so teab mon.#Apos 18:24; Kor I 3:5, 6 14Ge inadgaz nauknauk gauai denaunen diloŋoi, domten tat tamolai alan mok denaudime me anedin diduwoi, kagin inan niŋon tea egin so demadowoi.#Tit 2:14; Ef 4:28; Mat 7:19
15Daŋan me ŋa maig amadoame i tabei depano. I me ilonlon maliknenlon ladin depanaddime me tabei pinidin. Kanim aŋ daŋan toanaŋ.#Kor II 5:16
New Testament published by the British and Foreign Bible Society in 1960. Genesis published by the Australian Bible Society in 1971.