Rom 5
5
ANUT INAN TAOZ INAN NIŊON ME ABAŊ GAUAI 5–8
Patunisanen bas niŋon mai Kristuslon
1Mewoi id ilonlon maliknenlon taoz noadlakoi id idinad Ujanzen Jesus Kristuslon Anut mai mazozdaŋan.#Rom 3:24, 28; 4:24 2I‐lon kanim, melon id temadotame, me teŋalenen dal pasilak, Anut inan kubel id mai panadoi tusuzuazoumeg jaud isaime.#Jes 53:5; Ef 3:12 3Megin mon tea, alan nauklon jaud isaime, id taloŋ alan nauk inan wadan me segatek,#Jak 1:2, 3; Pet I 1:5–7 4segatek inan me bunun gauai, bunun gauai inan me suzuazouknen. 5Id suzuazouk inan niŋon so teaboi, Auanuzgun me id panadlak i‐lon Anut inan ilonpanek bubedlon dizilakoi.#Kan 22:6; 25:20; Heb 6:18–19
6Id tiwod teameg saen iduseg Kristus Anut mai teablak iwoi imat pasi. 7Tata bo tamol taozoi kin so imat pasiwoi tat, tamol gauaioi tata imat pasinen iloŋ tat. 8Ge Anut inan ilonpanek melon beŋten inauime, id aupasekbibiad tatozmeg Kristus idoi imat pasilak.#Joh 3:16; Joh I 4:10 9Mewoi inan dazlon id taoz noadlakoi malik id i‐lon Anut inan buzun Kristuslon patud mai pasilak.#Rom 1:18; 2:5, 8 10Id agez temademeg inan Ai inan mateŋlon Anut mai temanadlakoi, malik id inan bas madoknenlon patud isap temadowoi.#Rom 8:7; Kor II 5:18 11Me mon tea, id inad Ujanzen Jesus Kristuslon Anutoi jaud isaime, Jesus idinad siai pasilakoi.
Adamlon aupasek mateŋ mai itase, Kristuslon taoz bas niŋon mai
12Mewoi Tamol taimonlon aupasek tan elon idulak egin aupaseklon mateŋ mai megin mateŋ daiag tamolpain daŋan ijab, i daŋan audipaslakoi.#Gen 2:17; 3:19; Rom 6:23 13Malik kibiaiŋ so ienmeg aupasek get ien, ge kibiaiŋ teamap aupasekoi ta tinin saenen tea.#Rom 4:15 14Ge Adam saenlonge ileg Moseslon mateŋ i gaten made, me i Adam inan aupasek so denaulak i leŋadinlon mai, me Adam i me gazop isowoi inan naolalek.#Kor I 15:21, 22, 45, 55
15Ge suzuzum me pezegaik egin tea, taimon inan pezegaiklon tamol kuzum dimatlakge, meginge Anut inan kanim tamol taimon Jesus Kristus inan suzuzum inan kanim mai pezagaik wadan nenazig kuzumoi dadon mok isalak. 16Lo inan suzuzum me tamol taimon inan aupasek wadan egin tea. Pezegaik taimon inan betenaeklon meselanek itaselak. Ge suzuzum me pezegaik kuzum uzig itaselak me taoz pinidinime. 17Tamol taimon inan pezegaiklon mateŋ me taimonlon gaten ienlakge, meginge i me kanim dadon isaklon taoz inan suzuzum deŋaledime a nenazip taimon Jesus Kristuslon bas niŋonlon gaten demadowoi.
Adamlon meselanek, Kristuslon kanim taoz mai itase
18Mewoi taimon inan pezagaiklon tamol daŋan zidinnen meselanek idulak egin, megin tamol taimon inan taoz nauklon basnen taoz zidinnen iduime.#Kor I 15:22 19Tamol inan auabiteklon kuzum aupasekwain denaulak egin, megin taimon inan dagom paneklon kuzum taoz inaulak.#Jes 53:11 20Kibiaiŋ aupasek i kuzum me beŋten inauwoi itaselak; ge aupasek kuzum dienlag kanim dadon mok isalak.#Rom 4:15; 7:8; Gal 3:19 21Meginge aupasek me mateŋlon gaten madelak egin, megin kanim mai taozlon gaten inauwoi, bas dedeŋaneknen, Jesus Kristus idinad Ujanzenlon.#Rom 6:23
Currently Selected:
Rom 5: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Rom 5
5
ANUT INAN TAOZ INAN NIŊON ME ABAŊ GAUAI 5–8
Patunisanen bas niŋon mai Kristuslon
1Mewoi id ilonlon maliknenlon taoz noadlakoi id idinad Ujanzen Jesus Kristuslon Anut mai mazozdaŋan.#Rom 3:24, 28; 4:24 2I‐lon kanim, melon id temadotame, me teŋalenen dal pasilak, Anut inan kubel id mai panadoi tusuzuazoumeg jaud isaime.#Jes 53:5; Ef 3:12 3Megin mon tea, alan nauklon jaud isaime, id taloŋ alan nauk inan wadan me segatek,#Jak 1:2, 3; Pet I 1:5–7 4segatek inan me bunun gauai, bunun gauai inan me suzuazouknen. 5Id suzuazouk inan niŋon so teaboi, Auanuzgun me id panadlak i‐lon Anut inan ilonpanek bubedlon dizilakoi.#Kan 22:6; 25:20; Heb 6:18–19
6Id tiwod teameg saen iduseg Kristus Anut mai teablak iwoi imat pasi. 7Tata bo tamol taozoi kin so imat pasiwoi tat, tamol gauaioi tata imat pasinen iloŋ tat. 8Ge Anut inan ilonpanek melon beŋten inauime, id aupasekbibiad tatozmeg Kristus idoi imat pasilak.#Joh 3:16; Joh I 4:10 9Mewoi inan dazlon id taoz noadlakoi malik id i‐lon Anut inan buzun Kristuslon patud mai pasilak.#Rom 1:18; 2:5, 8 10Id agez temademeg inan Ai inan mateŋlon Anut mai temanadlakoi, malik id inan bas madoknenlon patud isap temadowoi.#Rom 8:7; Kor II 5:18 11Me mon tea, id inad Ujanzen Jesus Kristuslon Anutoi jaud isaime, Jesus idinad siai pasilakoi.
Adamlon aupasek mateŋ mai itase, Kristuslon taoz bas niŋon mai
12Mewoi Tamol taimonlon aupasek tan elon idulak egin aupaseklon mateŋ mai megin mateŋ daiag tamolpain daŋan ijab, i daŋan audipaslakoi.#Gen 2:17; 3:19; Rom 6:23 13Malik kibiaiŋ so ienmeg aupasek get ien, ge kibiaiŋ teamap aupasekoi ta tinin saenen tea.#Rom 4:15 14Ge Adam saenlonge ileg Moseslon mateŋ i gaten made, me i Adam inan aupasek so denaulak i leŋadinlon mai, me Adam i me gazop isowoi inan naolalek.#Kor I 15:21, 22, 45, 55
15Ge suzuzum me pezegaik egin tea, taimon inan pezegaiklon tamol kuzum dimatlakge, meginge Anut inan kanim tamol taimon Jesus Kristus inan suzuzum inan kanim mai pezagaik wadan nenazig kuzumoi dadon mok isalak. 16Lo inan suzuzum me tamol taimon inan aupasek wadan egin tea. Pezegaik taimon inan betenaeklon meselanek itaselak. Ge suzuzum me pezegaik kuzum uzig itaselak me taoz pinidinime. 17Tamol taimon inan pezegaiklon mateŋ me taimonlon gaten ienlakge, meginge i me kanim dadon isaklon taoz inan suzuzum deŋaledime a nenazip taimon Jesus Kristuslon bas niŋonlon gaten demadowoi.
Adamlon meselanek, Kristuslon kanim taoz mai itase
18Mewoi taimon inan pezagaiklon tamol daŋan zidinnen meselanek idulak egin, megin tamol taimon inan taoz nauklon basnen taoz zidinnen iduime.#Kor I 15:22 19Tamol inan auabiteklon kuzum aupasekwain denaulak egin, megin taimon inan dagom paneklon kuzum taoz inaulak.#Jes 53:11 20Kibiaiŋ aupasek i kuzum me beŋten inauwoi itaselak; ge aupasek kuzum dienlag kanim dadon mok isalak.#Rom 4:15; 7:8; Gal 3:19 21Meginge aupasek me mateŋlon gaten madelak egin, megin kanim mai taozlon gaten inauwoi, bas dedeŋaneknen, Jesus Kristus idinad Ujanzenlon.#Rom 6:23
New Testament published by the British and Foreign Bible Society in 1960. Genesis published by the Australian Bible Society in 1971.