Rom 16
16
TABEI PANEK TAN SAEK AZU MAI.
Tabei panek
1Ŋa liud Foibe aŋ mai ŋebetemanaŋŋame, me i Kenkrealon kris medaeŋ inan dinek uzat inauime.#Apos 18:27 2Aŋ gungaz nadin kagin gauai uzip Ujanzenlon i aŋale, abaŋ dodindodin i siben inaunen so iloŋ gauai melon idini. I kuzum anedin idulak, ŋa mai idinag.
3Priska Akuila mai Kristus Jesuslon inag uzatbi tabei ipinidin.#Apos 18:2, 26 4I ŋa so ŋepadaloi tinidin debedaniwoi klugudin dowot, me ŋa mon pez so ŋipinidinŋame, tea, gobgaz nadin kris medaeŋ mai.#Joh I 3:16 5Medaeŋ me inadin ablon detemanidime i mai tabei dipinidin. Epenetus, inag bubeg tabei apani, me i Asianen malan idaŋseg matu inau.#Kor I 16:19; Kol 4:15 6Maria tabei apani, i aŋ leŋamilon uzat gauz inaulak. 7Andronikus Junias mai, inag taigtauag sebanekbi mai, i apostel leŋadinlon biŋadindaŋan dimugseg Kristuslon demade, tabei ipinidin.#Kor II 8:23 8Ampliatus, Ujanzenlon inag bubeg, tabei apani. 9Urbanus, Kristuslon inad uzatbi, Stakus mai, inag bubeg, tabei apani. 10Apeles, Kristuslon iduseg madoime, tabei apani. Aristobulusgaz mai tabei ipinidin. 11Inag gai Herodion tabei apani. Narsisus inan samungaz tabei ipinidin. 12Me uzattamol Trifena Trifosa mai Ujanzenlon tabei ipinidin. Persis bubeg Ujanzenlon tabei apani, i uzat wagai inaulak. 13Rufus, Ujanzen inan pilianek, tabei apani, inan tinan inag tinag mai.#Mar 15:21 14Asinkritus, Flegon, Hermes, Patrobas, Hermas, taidgaz i maig demadodime i mai tabei ipinidin. 15Filologus, Julia, Nereus inan liun mai, Olimpus gungaz daŋan i maig demadodime tabei ipinidin. 16Aŋ musuk gunlon nug tabei panipani. Kristus inan medaeŋ daŋan aŋ tabei depanaŋdime.#Kor I 16:20
Paulus Rom medaeŋ bebani ilon ŋale mai
17Ŋa ŋogodoanaŋ, taiggaz, me dab ipinidin, me medaeŋ detezepaleg kagin zegaiklon, peteŋanek azu aŋ peteŋanaŋlak me dedaŋedime me maip so matal mon.#Mat 7:15; Tit 3:10 18Tamol i eginlak me idinad Ujanzen Kristus so didinidime, tea, sebadin loadin, inadin azu numuzan gamun mailon i safotgaz bubudin se diwizidindime.#Fil 3:19; Hesek 13:18; Kol 2:4 19Nami dagom panekoi daŋan diloŋge me ŋa aŋoi jaug isameg aŋ abaŋ gauaioi kagindaŋan amadowoi ŋukumeŋame, ge abaŋ salanoi aŋ saman egin amadowoi ŋabol.#Rom 1:8; Kor I 14:20; Mat 10:16 20Kitek ta maip mazoz inan Anut Satan niemi paenlon petefaziwoi. Inad Ujanzen Jesus Kristus inan kanim aŋ toanaŋ.#Rom 15:33
Paulus inan dinekgaz Rom medaeŋ tabei depanidime
21Timoteus, inag uzatbi, aŋ tabei ipanaŋime, Lukius, Jason, Sosipater, inag taigtauag, me mai. 22Ŋa Tertius, leta e inan gazektamol, Ujanzenlon tabei ŋepanaŋ. 23Gaius, inag lotamol medaeŋ daŋan nadin mai, tabei ipanaŋ. Erastus, medaeŋ inan gaŋmalan tizinek Kuartus mai tabei depanaŋdime.#Kor I 1:14; Apos 19:22 24Idinad Ujanzen Jesus Kristus in kanim ay maipe.
Pez panek azulon leta funati
25I me ŋainag totol gamun Jesus Kristus inan sigianek mai uzip tiwon panaŋnen iloŋ, azu toanek me saen meladin melabublon ienlak egin,#Ef 1:9; 3:5, 9; Kol 1:26 26ge gazo boboloanig beŋten itaseg profetgaz nadin gazeklon panupanuwain totol diloŋlak, dedeŋaneknen Anut inan auan uzig ilonlon maliknen dagom panek itasawoi.#Tim II 1:10; Rom 1:5 27Anut me siben taimon mon ilon kaginkagindaŋanlak, me Jesus Kristuslon sansanpe kubeldaŋan imadowoi. Malik!#Tim I 1:17; Juda 25
Currently Selected:
Rom 16: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Rom 16
16
TABEI PANEK TAN SAEK AZU MAI.
Tabei panek
1Ŋa liud Foibe aŋ mai ŋebetemanaŋŋame, me i Kenkrealon kris medaeŋ inan dinek uzat inauime.#Apos 18:27 2Aŋ gungaz nadin kagin gauai uzip Ujanzenlon i aŋale, abaŋ dodindodin i siben inaunen so iloŋ gauai melon idini. I kuzum anedin idulak, ŋa mai idinag.
3Priska Akuila mai Kristus Jesuslon inag uzatbi tabei ipinidin.#Apos 18:2, 26 4I ŋa so ŋepadaloi tinidin debedaniwoi klugudin dowot, me ŋa mon pez so ŋipinidinŋame, tea, gobgaz nadin kris medaeŋ mai.#Joh I 3:16 5Medaeŋ me inadin ablon detemanidime i mai tabei dipinidin. Epenetus, inag bubeg tabei apani, me i Asianen malan idaŋseg matu inau.#Kor I 16:19; Kol 4:15 6Maria tabei apani, i aŋ leŋamilon uzat gauz inaulak. 7Andronikus Junias mai, inag taigtauag sebanekbi mai, i apostel leŋadinlon biŋadindaŋan dimugseg Kristuslon demade, tabei ipinidin.#Kor II 8:23 8Ampliatus, Ujanzenlon inag bubeg, tabei apani. 9Urbanus, Kristuslon inad uzatbi, Stakus mai, inag bubeg, tabei apani. 10Apeles, Kristuslon iduseg madoime, tabei apani. Aristobulusgaz mai tabei ipinidin. 11Inag gai Herodion tabei apani. Narsisus inan samungaz tabei ipinidin. 12Me uzattamol Trifena Trifosa mai Ujanzenlon tabei ipinidin. Persis bubeg Ujanzenlon tabei apani, i uzat wagai inaulak. 13Rufus, Ujanzen inan pilianek, tabei apani, inan tinan inag tinag mai.#Mar 15:21 14Asinkritus, Flegon, Hermes, Patrobas, Hermas, taidgaz i maig demadodime i mai tabei ipinidin. 15Filologus, Julia, Nereus inan liun mai, Olimpus gungaz daŋan i maig demadodime tabei ipinidin. 16Aŋ musuk gunlon nug tabei panipani. Kristus inan medaeŋ daŋan aŋ tabei depanaŋdime.#Kor I 16:20
Paulus Rom medaeŋ bebani ilon ŋale mai
17Ŋa ŋogodoanaŋ, taiggaz, me dab ipinidin, me medaeŋ detezepaleg kagin zegaiklon, peteŋanek azu aŋ peteŋanaŋlak me dedaŋedime me maip so matal mon.#Mat 7:15; Tit 3:10 18Tamol i eginlak me idinad Ujanzen Kristus so didinidime, tea, sebadin loadin, inadin azu numuzan gamun mailon i safotgaz bubudin se diwizidindime.#Fil 3:19; Hesek 13:18; Kol 2:4 19Nami dagom panekoi daŋan diloŋge me ŋa aŋoi jaug isameg aŋ abaŋ gauaioi kagindaŋan amadowoi ŋukumeŋame, ge abaŋ salanoi aŋ saman egin amadowoi ŋabol.#Rom 1:8; Kor I 14:20; Mat 10:16 20Kitek ta maip mazoz inan Anut Satan niemi paenlon petefaziwoi. Inad Ujanzen Jesus Kristus inan kanim aŋ toanaŋ.#Rom 15:33
Paulus inan dinekgaz Rom medaeŋ tabei depanidime
21Timoteus, inag uzatbi, aŋ tabei ipanaŋime, Lukius, Jason, Sosipater, inag taigtauag, me mai. 22Ŋa Tertius, leta e inan gazektamol, Ujanzenlon tabei ŋepanaŋ. 23Gaius, inag lotamol medaeŋ daŋan nadin mai, tabei ipanaŋ. Erastus, medaeŋ inan gaŋmalan tizinek Kuartus mai tabei depanaŋdime.#Kor I 1:14; Apos 19:22 24Idinad Ujanzen Jesus Kristus in kanim ay maipe.
Pez panek azulon leta funati
25I me ŋainag totol gamun Jesus Kristus inan sigianek mai uzip tiwon panaŋnen iloŋ, azu toanek me saen meladin melabublon ienlak egin,#Ef 1:9; 3:5, 9; Kol 1:26 26ge gazo boboloanig beŋten itaseg profetgaz nadin gazeklon panupanuwain totol diloŋlak, dedeŋaneknen Anut inan auan uzig ilonlon maliknen dagom panek itasawoi.#Tim II 1:10; Rom 1:5 27Anut me siben taimon mon ilon kaginkagindaŋanlak, me Jesus Kristuslon sansanpe kubeldaŋan imadowoi. Malik!#Tim I 1:17; Juda 25
New Testament published by the British and Foreign Bible Society in 1960. Genesis published by the Australian Bible Society in 1971.