Rom 14
14
Kris zugudindaŋan, kris bodok mai
1Me i ilonlon maliknenlon bodoklak me lolon aŋale, ge inan kankan kaginoi mewoi azu gauai mon apai.#Rom 15:1; Kor I 8:9 2Ta ilon ibol i abaŋ daŋan segauz janiwoi, ge bodokwain i sagau mon janiime.#Gen 1:29; 9:3 3Ta i abaŋ janiime i me, me so janiime, so meselani mon, me Anut i ŋalelak.#Kol 2:16 4O me it, o tamol ta inan uzatai betenaeume? I siben inan Ujanzen naonnen naon bisawoi, tea, gudun iduwoi. Au, i stemanip naon bisanen iloŋoi, Ujanzen i inaup naon bisanen iloŋ.#Mat 7:1; Jak 4:11, 12
5Ta ilon ibol nal e me nal a kin nenaziime, ta ibol nal daŋan biŋan iduseiduse mon. Daŋan dadodado inan lillon naloi buben segatip madowoi.#Gal 4:16 6Ta i nal dab paniime i Ujanzenoi me dab paniime. Ta i janiime i Ujanzenoi janiime, I mai Anut pez paniime.#Kor I 10:30 7Id tata sibedoi bas so temadotame, sibedoi mai so tamattame. 8Id bas temademap id Ujanzenoi bas temadotame, id tamatmap id Ujanzenoi tamattame. Meginge id bas temademap, tea, tamatmap id Ujanzen inan.#Gal 2:20; Tes I 5:10 9Mewoi Kristus imat pasig bas imais mailak, i dimatlak baslak me mai nadin Ujanzen imadowoi.
10O aitoige oina tai betenaeume? Es o, o aitoige oina tai meselaniume? Id daŋan Anut inan betenaeknen pezatiu naonnen titiuzoi.#Apos 17:31; Mat 25:31, 32; Kor II 5:10 11Azu egin gazelak, Ujanzen ibol, Ŋa baslak egin, daŋan aŋ naognen dugudin sibiniawoi, daŋan beladinlon Anut kalel depaniwoi.#Jes 45:23; Fil 2:10, 11 12Mewoi id anenanen azu tepasip inad fud Anut tepaiwoi.#Gal 6:5
Judagaz tat gobgaz tat mug krislak i bubudin taimonpa demadowoi
13Mewoi id faun nug so betenaebetenaewoi, tea, me abenlon id taboloi id peselauknen abaŋ taid ta inan dallak so mok tidiziwoi.#Mat 17:27 14Ŋa ŋaloŋ, Ujanzen Jesuslon ilog zatam mai, abaŋ ta foa tea. Ta i abaŋ foa e iboltap me i abaŋ foa e iboltap me i sibenoi mon foadaŋan.#Mat 15:11; Apos 10:15; Tit 1:15 15Ge oina tai oina anaŋ janekoi ilon bebazetap o lolon so madoume. O ta, iwoi Kristus imat pasilak, oina anaŋ o waniume melon so bedani mon.#Kor I 8:11–13 16Nami abaŋ gauaioi azu salan so diboloi.#Tit 2:5 17Anut inan kagin me janeknen, mileknenoi mai tea, tea, taoz, mazoz jaudisanen mai, Auanuzgunlon.#Luk 17:20 18Me i megin Kristus bian palup itozmap iwoi Anut gamun funi, tamol mai iwoi Gauai e dibol. 19Mewoilakoi id mazoz inan abaŋ, kagin inan subuloanekoi nug dinidininen me mai tuzip tatozŋan.#Rom 12:18; 15:2 20O anaŋoi Anut inan uzat so pitiŋini mon. Abaŋ daŋan bo ikok, ge tamol ta i janeklon aenta deladalnen so pinidinoi.#Rom 14:14 21Mudan janek, aiu milek, abaŋ tata mai me oina tai nien kude pasip ibal iduwoipa o so wani mili mon.#Kor I 8:13 22O ilolon maliknendaŋanlak o medaŋan sibewoi Anut naonnen utoz. Gauai mado me abaŋ i gauai e ibolime menen siben buben so kunutiime. 23Ta bo ilonse ilonlemeg janimap i siben tinin isae, i ilonlon maliknen me so uzilakoi; abaŋ ta me ilonlon maliknenlon so itasemap me aupasek.#Tit 1:15
Currently Selected:
Rom 14: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Rom 14
14
Kris zugudindaŋan, kris bodok mai
1Me i ilonlon maliknenlon bodoklak me lolon aŋale, ge inan kankan kaginoi mewoi azu gauai mon apai.#Rom 15:1; Kor I 8:9 2Ta ilon ibol i abaŋ daŋan segauz janiwoi, ge bodokwain i sagau mon janiime.#Gen 1:29; 9:3 3Ta i abaŋ janiime i me, me so janiime, so meselani mon, me Anut i ŋalelak.#Kol 2:16 4O me it, o tamol ta inan uzatai betenaeume? I siben inan Ujanzen naonnen naon bisawoi, tea, gudun iduwoi. Au, i stemanip naon bisanen iloŋoi, Ujanzen i inaup naon bisanen iloŋ.#Mat 7:1; Jak 4:11, 12
5Ta ilon ibol nal e me nal a kin nenaziime, ta ibol nal daŋan biŋan iduseiduse mon. Daŋan dadodado inan lillon naloi buben segatip madowoi.#Gal 4:16 6Ta i nal dab paniime i Ujanzenoi me dab paniime. Ta i janiime i Ujanzenoi janiime, I mai Anut pez paniime.#Kor I 10:30 7Id tata sibedoi bas so temadotame, sibedoi mai so tamattame. 8Id bas temademap id Ujanzenoi bas temadotame, id tamatmap id Ujanzenoi tamattame. Meginge id bas temademap, tea, tamatmap id Ujanzen inan.#Gal 2:20; Tes I 5:10 9Mewoi Kristus imat pasig bas imais mailak, i dimatlak baslak me mai nadin Ujanzen imadowoi.
10O aitoige oina tai betenaeume? Es o, o aitoige oina tai meselaniume? Id daŋan Anut inan betenaeknen pezatiu naonnen titiuzoi.#Apos 17:31; Mat 25:31, 32; Kor II 5:10 11Azu egin gazelak, Ujanzen ibol, Ŋa baslak egin, daŋan aŋ naognen dugudin sibiniawoi, daŋan beladinlon Anut kalel depaniwoi.#Jes 45:23; Fil 2:10, 11 12Mewoi id anenanen azu tepasip inad fud Anut tepaiwoi.#Gal 6:5
Judagaz tat gobgaz tat mug krislak i bubudin taimonpa demadowoi
13Mewoi id faun nug so betenaebetenaewoi, tea, me abenlon id taboloi id peselauknen abaŋ taid ta inan dallak so mok tidiziwoi.#Mat 17:27 14Ŋa ŋaloŋ, Ujanzen Jesuslon ilog zatam mai, abaŋ ta foa tea. Ta i abaŋ foa e iboltap me i abaŋ foa e iboltap me i sibenoi mon foadaŋan.#Mat 15:11; Apos 10:15; Tit 1:15 15Ge oina tai oina anaŋ janekoi ilon bebazetap o lolon so madoume. O ta, iwoi Kristus imat pasilak, oina anaŋ o waniume melon so bedani mon.#Kor I 8:11–13 16Nami abaŋ gauaioi azu salan so diboloi.#Tit 2:5 17Anut inan kagin me janeknen, mileknenoi mai tea, tea, taoz, mazoz jaudisanen mai, Auanuzgunlon.#Luk 17:20 18Me i megin Kristus bian palup itozmap iwoi Anut gamun funi, tamol mai iwoi Gauai e dibol. 19Mewoilakoi id mazoz inan abaŋ, kagin inan subuloanekoi nug dinidininen me mai tuzip tatozŋan.#Rom 12:18; 15:2 20O anaŋoi Anut inan uzat so pitiŋini mon. Abaŋ daŋan bo ikok, ge tamol ta i janeklon aenta deladalnen so pinidinoi.#Rom 14:14 21Mudan janek, aiu milek, abaŋ tata mai me oina tai nien kude pasip ibal iduwoipa o so wani mili mon.#Kor I 8:13 22O ilolon maliknendaŋanlak o medaŋan sibewoi Anut naonnen utoz. Gauai mado me abaŋ i gauai e ibolime menen siben buben so kunutiime. 23Ta bo ilonse ilonlemeg janimap i siben tinin isae, i ilonlon maliknen me so uzilakoi; abaŋ ta me ilonlon maliknenlon so itasemap me aupasek.#Tit 1:15
New Testament published by the British and Foreign Bible Society in 1960. Genesis published by the Australian Bible Society in 1971.