Rom 11
11
Israel daŋan bo so ibitlak
1Ŋa mewoi ŋabol, Anut inan tamolpainbadim betetanalak? Tea mok! Ŋa mai Israelwain, Abraham inan Benjamin inan bagen.#Kan 94:14; Jer 31:37; Fil 3:5 2Anut inan tamolpainbadim me i get iloŋlak me so betetanalak. Azu gazek Eliasoi ibolime me so aloŋ, I Anut mai Israeloi dikibiaig ibollak?#Kiŋ I 19:10, 14 3Ujazen, i oina profet difug dimatlak, oina wiwa desebazig idu, ŋa sibeg monge mai dufunagoi defenafunge ditozdime. 4Ge Anut auan jabig dodin ipai? I ibol, Ŋa sibeg 7000 sagen ŋenaulak me Baal naonnen dugudin so disibinialak.#Kiŋ I 19:18 5Megin mon saen gazo wadan demadodime me Anut kanimlon pilianalak.#Rom 9:27 6Ge kanimlon megin inaulakoi i nauknauklon so inau. Teatap kanim me niŋon tea.#Gal 3:18
7Mewoi dodin? Abaŋ me Israel bezanilak me so iŋalelak. Pilianekgaz bo deŋalelak, aenta bubudin gegaunlak.#Rom 9:31 8Gazelak egin, Anut i deladalnen uz pinidin, meladin me nasinen so diloŋ, tiliŋadin me azu dab depaninen teaboi. Megin ienge ileg gazo e.#Jes 29:10; Deut 29:3 9Dawid ibol, Inadin tuz me nadin bozwadawada dob mai inaupa, nadin siŋ wadan jabek mai.#Kan 69:23, 24 10Meladin mafuz panipged i abaŋ so denasiwoi, gaid mesepadin ileip ditozoi.
Kagin Anut Israel pinidinlak melon gobgaz mai iŋalime
11Ŋa mewoi ŋabol, i dibal diduwoi depeselaulak? Tea mok! Inadin pezebedaneklon gobgaz zidinnen patunpaseknen iselak, melon Israel jenaidin isuip demadowoi.#Apos 13:46; Rom 10:19 12Ge inadin pezebedaneknen me panupanu nadin filiadinmap, nadin bedanek me gob nadin filiadinmap, gadon, i gob mai temaneknen me a beleŋani pasiwoi.
13Ŋa aŋ gobgaz azu ŋepaiaŋŋame, ŋa gobgaz nadin apostellakoi ŋa inag uzat biŋan ŋibisaŋame. 14Dodin mon inaggaz ŋebezetaŋanamap, meginpe aenta tataz ŋaŋaloi.#Tim I 4:16 15Inadin betetaneknen me panupanu nadin siai paseknenmap, meginpe nadin iŋalnen me so tat mateŋ inan tiziau egin? 16Sepalaŋ bas boi ta malanmalan ja denaulak me gunmap sepalaŋ bas daŋan me mai gun. Dabin i gunmap zaen mai gun.#Num 15:17–21
17Ge zaen aenta pisinamap me o oliw duguze i abedinlon o bitiog sidigiolak, o i mai oliw inan numuzan aŋale taimonmap,#Ef 2:11–14, 19 18o zaenoi biŋa so bise mon. O aua belaboltap ilo isou, o dabin so joazeume, tea, dabin o jiwizioime.#Joh 4:22 19Mewoi o uboloi, Zaen pisinag dipasmeg ŋa i mai sidigiamalak. 20Megin! I ladinlon so maliklakoi pisinalak, me o ilonlon maliknenlon mon segatog madoume. O so ŋagas mon, tea, uzutpa mado.#Tim I 6:17 21Anut zaen tibun nadin azu so gusutilakoi me i oina mai so gusutiwoi. 22Mewoilakoi Anut inan lo inan gegaun mai nasipe, me i dibal didulak iwoi i gegaunge madoime, owoi i lodaŋange madoime, me o inan lolon segatip utoz, teatap o mai gusutowoi.#Joh 15:2, 4; Heb 3:14 23Aenta me mai, i ladinlon maliknen tealon gaid so demademap i faun bitiap sidigiawoi, Anut i faun sidigianen iloŋ.#Kor II 3:16 24Nasi, o oliw me wagam duguze melon gusutolakge kagin iben talon oliw gauailon sidigiolak, me dodin me i zaen fun inadin oliw tibunlon faun so bitiap sidigiawoi.
Anut daŋan kanim pinidinoi
25Taiggaz, aŋ abaŋ ewoi ŋagas so atozoi azu toanek e aloŋoi, Israel aenta bubudin gegaunlap gobgaz dadon isap didulemap eginmap.#Luk 21:24; Joh 10:16 26Meginpe Israel daŋan mai putudin pasip demadowoi, gazelak egin, Sionlonpa Patunpaseknen isowoi, i Anut kilian teanen kagin Jakob izinnenpa pasip bitiwoi.#Mat 23:39; Jes 59:20; Kan 14:7 27Me inag temaneknen i mai, ŋa inadin aupasek ŋepasimap.#Jer 31:33, 34 28I totol gamunoi aŋoi Anut inan agez, ge inan pilianekoi i mai temadingazlon ilon pinidinlak. 29Anut inan zaiŋ wagiŋ mai me pasinen tea. 30Aŋ mai get Anut dagom so apanilak, ge gazo inadin dagom panek tealon sinan kanim panaŋlak egin. 31I gazo dagom tealon ditoz, meginge kanim aŋ panaŋlak melon i mai kanim pinidinoi. 32Anut i daŋan dagom panek tealon sebanalak, i daŋan kanim ŋalep pinidinoi mewoi.#Gal 3:22; Tim I 2:4
Anut inan kagin kubel mok
33O tig mok Anut inan naŋen, inan kaginkagin, inan iloŋnen mai. Inan betenaek me tebezanip taloŋnen tea, inan nien ban uzip nasinen tea.#Rom 9:23; 10:12; Jes 45:15 34It Ujanzen inan kankan iloŋlak, it inan kibiaipanek imadelak?#Jes 40:13; Hiob 15:8 35Ne, it imugseg abaŋ se zaiŋ ipanig, meginge i faun naon paniwoi?#Jer 23:18; Kor I 2:16 36I izinnenge, i‐lon iwoi mai abaŋ daŋan ditaseg diendime. I dedeŋanip kubeldaŋan madowoi! Malik!
Currently Selected:
Rom 11: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Rom 11
11
Israel daŋan bo so ibitlak
1Ŋa mewoi ŋabol, Anut inan tamolpainbadim betetanalak? Tea mok! Ŋa mai Israelwain, Abraham inan Benjamin inan bagen.#Kan 94:14; Jer 31:37; Fil 3:5 2Anut inan tamolpainbadim me i get iloŋlak me so betetanalak. Azu gazek Eliasoi ibolime me so aloŋ, I Anut mai Israeloi dikibiaig ibollak?#Kiŋ I 19:10, 14 3Ujazen, i oina profet difug dimatlak, oina wiwa desebazig idu, ŋa sibeg monge mai dufunagoi defenafunge ditozdime. 4Ge Anut auan jabig dodin ipai? I ibol, Ŋa sibeg 7000 sagen ŋenaulak me Baal naonnen dugudin so disibinialak.#Kiŋ I 19:18 5Megin mon saen gazo wadan demadodime me Anut kanimlon pilianalak.#Rom 9:27 6Ge kanimlon megin inaulakoi i nauknauklon so inau. Teatap kanim me niŋon tea.#Gal 3:18
7Mewoi dodin? Abaŋ me Israel bezanilak me so iŋalelak. Pilianekgaz bo deŋalelak, aenta bubudin gegaunlak.#Rom 9:31 8Gazelak egin, Anut i deladalnen uz pinidin, meladin me nasinen so diloŋ, tiliŋadin me azu dab depaninen teaboi. Megin ienge ileg gazo e.#Jes 29:10; Deut 29:3 9Dawid ibol, Inadin tuz me nadin bozwadawada dob mai inaupa, nadin siŋ wadan jabek mai.#Kan 69:23, 24 10Meladin mafuz panipged i abaŋ so denasiwoi, gaid mesepadin ileip ditozoi.
Kagin Anut Israel pinidinlak melon gobgaz mai iŋalime
11Ŋa mewoi ŋabol, i dibal diduwoi depeselaulak? Tea mok! Inadin pezebedaneklon gobgaz zidinnen patunpaseknen iselak, melon Israel jenaidin isuip demadowoi.#Apos 13:46; Rom 10:19 12Ge inadin pezebedaneknen me panupanu nadin filiadinmap, nadin bedanek me gob nadin filiadinmap, gadon, i gob mai temaneknen me a beleŋani pasiwoi.
13Ŋa aŋ gobgaz azu ŋepaiaŋŋame, ŋa gobgaz nadin apostellakoi ŋa inag uzat biŋan ŋibisaŋame. 14Dodin mon inaggaz ŋebezetaŋanamap, meginpe aenta tataz ŋaŋaloi.#Tim I 4:16 15Inadin betetaneknen me panupanu nadin siai paseknenmap, meginpe nadin iŋalnen me so tat mateŋ inan tiziau egin? 16Sepalaŋ bas boi ta malanmalan ja denaulak me gunmap sepalaŋ bas daŋan me mai gun. Dabin i gunmap zaen mai gun.#Num 15:17–21
17Ge zaen aenta pisinamap me o oliw duguze i abedinlon o bitiog sidigiolak, o i mai oliw inan numuzan aŋale taimonmap,#Ef 2:11–14, 19 18o zaenoi biŋa so bise mon. O aua belaboltap ilo isou, o dabin so joazeume, tea, dabin o jiwizioime.#Joh 4:22 19Mewoi o uboloi, Zaen pisinag dipasmeg ŋa i mai sidigiamalak. 20Megin! I ladinlon so maliklakoi pisinalak, me o ilonlon maliknenlon mon segatog madoume. O so ŋagas mon, tea, uzutpa mado.#Tim I 6:17 21Anut zaen tibun nadin azu so gusutilakoi me i oina mai so gusutiwoi. 22Mewoilakoi Anut inan lo inan gegaun mai nasipe, me i dibal didulak iwoi i gegaunge madoime, owoi i lodaŋange madoime, me o inan lolon segatip utoz, teatap o mai gusutowoi.#Joh 15:2, 4; Heb 3:14 23Aenta me mai, i ladinlon maliknen tealon gaid so demademap i faun bitiap sidigiawoi, Anut i faun sidigianen iloŋ.#Kor II 3:16 24Nasi, o oliw me wagam duguze melon gusutolakge kagin iben talon oliw gauailon sidigiolak, me dodin me i zaen fun inadin oliw tibunlon faun so bitiap sidigiawoi.
Anut daŋan kanim pinidinoi
25Taiggaz, aŋ abaŋ ewoi ŋagas so atozoi azu toanek e aloŋoi, Israel aenta bubudin gegaunlap gobgaz dadon isap didulemap eginmap.#Luk 21:24; Joh 10:16 26Meginpe Israel daŋan mai putudin pasip demadowoi, gazelak egin, Sionlonpa Patunpaseknen isowoi, i Anut kilian teanen kagin Jakob izinnenpa pasip bitiwoi.#Mat 23:39; Jes 59:20; Kan 14:7 27Me inag temaneknen i mai, ŋa inadin aupasek ŋepasimap.#Jer 31:33, 34 28I totol gamunoi aŋoi Anut inan agez, ge inan pilianekoi i mai temadingazlon ilon pinidinlak. 29Anut inan zaiŋ wagiŋ mai me pasinen tea. 30Aŋ mai get Anut dagom so apanilak, ge gazo inadin dagom panek tealon sinan kanim panaŋlak egin. 31I gazo dagom tealon ditoz, meginge kanim aŋ panaŋlak melon i mai kanim pinidinoi. 32Anut i daŋan dagom panek tealon sebanalak, i daŋan kanim ŋalep pinidinoi mewoi.#Gal 3:22; Tim I 2:4
Anut inan kagin kubel mok
33O tig mok Anut inan naŋen, inan kaginkagin, inan iloŋnen mai. Inan betenaek me tebezanip taloŋnen tea, inan nien ban uzip nasinen tea.#Rom 9:23; 10:12; Jes 45:15 34It Ujanzen inan kankan iloŋlak, it inan kibiaipanek imadelak?#Jes 40:13; Hiob 15:8 35Ne, it imugseg abaŋ se zaiŋ ipanig, meginge i faun naon paniwoi?#Jer 23:18; Kor I 2:16 36I izinnenge, i‐lon iwoi mai abaŋ daŋan ditaseg diendime. I dedeŋanip kubeldaŋan madowoi! Malik!
New Testament published by the British and Foreign Bible Society in 1960. Genesis published by the Australian Bible Society in 1971.