Israel Kan 73
73
TEZEPALEK 3
Asaf inan kanam ta.
1Malik, taozgazoi Anut i lodaŋan,
bubudin ikokdaŋan iwoi mai.
2Ŋa bo nieg peselauwoi mok inau,
inag pazek iauwoige geglon bedani.
3Ŋa ŋagastamoloi jenaig ŋasui,
salanbibian gauai demademeg ŋailge.
4I dizoznen tea;
tinidin maiai teag itub gauai.
5I tamol aenta egin alan so denaudime;
i tamol aenta egin maiai tea.
6Mewoi ŋagas kagin me biziwodin inan bala;
wagai kagin jamel egin toanaime.
7Meladin numuzan ikolge didi,
bubudin baŋailon dezemaniime.
8Auadin gisigas, dizawaik azu dibol;
kin so dizutge modoanek nean denaudime.
9Auadinlon did dedaŋedime,
beladin i tan tezepaleg ilaime.
10Mewoi tamolpain didiŋiag kalel diabi dipinidindime;
i tinidinnen ja ta so denasi.
11I dibol, Anut dodin iloŋoi?
Sutan Mok i iloŋnendaŋan?
12Nasi, e me salanbibian;
tinidin binig demadeg filiadindime.
13Se mon bubeg ŋitizinig ikok ŋatozlak,
tinignen teameg nimag ŋeflani.
14Saen daŋanlon ŋa alan ŋenau,
bomon nal daŋan pututaglak.
15Ŋa ŋabolpe, Ŋa megin ŋaboloi,
ŋa oina nanugaz daz uzek elon sekauk ŋenaupe.
16Ge abaŋ e fun dodin ŋaloŋoi ŋabolge,
uzat muzuan e ŋabol.
17Ŋa bo Anut inan ab gunlon ŋaleg
ŋa inadin wadan dab ŋepani.
18Malik, o i aben iaulaklon unaulak;
o unaug i depadaloi dibal didu.
19I buntaimon pitiŋinalak,
terere dibolge gezeŋana moklak!
20I ienmin tata tiziaumap egin,
tini seflalep o inan malan nitun jazek zezeŋaniume.
21Nitug gigienge,
bubeg kunutilag,
22ŋa ilog bekanig kagin so ŋaloŋ,
ŋa owoi dazuk egin ŋemade.
23Ge ŋa dedeŋanig o mailak;
o nimag waŋ wabiume.
24O oina kibiailon duzagume,
aloupa kubellon ŋemadowoi ŋiliagoi.
25O teap it ŋawoi didlon madoime?
tanlak mai abaŋ tawoi jaeŋ so sufutanag, owoi mon.
26Tinig bubeg mai miliauwoi tat,
ge Anut i bubeg inan zagun, i inag fuzag sansanpe.
27Nasi, me owoi ibennen demadodime i depadaloi;
me owoi sekauk denaudime o i unaup meladin teaboi.
28Ge Anut izinnen madonen me ŋawoi gauai;
Ŋa Ujanzen Anut inag seafuk ŋenaulak, ŋa oina nauknauk daŋanoi ŋaboloilakoi.
Currently Selected:
Israel Kan 73: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 73
73
TEZEPALEK 3
Asaf inan kanam ta.
1Malik, taozgazoi Anut i lodaŋan,
bubudin ikokdaŋan iwoi mai.
2Ŋa bo nieg peselauwoi mok inau,
inag pazek iauwoige geglon bedani.
3Ŋa ŋagastamoloi jenaig ŋasui,
salanbibian gauai demademeg ŋailge.
4I dizoznen tea;
tinidin maiai teag itub gauai.
5I tamol aenta egin alan so denaudime;
i tamol aenta egin maiai tea.
6Mewoi ŋagas kagin me biziwodin inan bala;
wagai kagin jamel egin toanaime.
7Meladin numuzan ikolge didi,
bubudin baŋailon dezemaniime.
8Auadin gisigas, dizawaik azu dibol;
kin so dizutge modoanek nean denaudime.
9Auadinlon did dedaŋedime,
beladin i tan tezepaleg ilaime.
10Mewoi tamolpain didiŋiag kalel diabi dipinidindime;
i tinidinnen ja ta so denasi.
11I dibol, Anut dodin iloŋoi?
Sutan Mok i iloŋnendaŋan?
12Nasi, e me salanbibian;
tinidin binig demadeg filiadindime.
13Se mon bubeg ŋitizinig ikok ŋatozlak,
tinignen teameg nimag ŋeflani.
14Saen daŋanlon ŋa alan ŋenau,
bomon nal daŋan pututaglak.
15Ŋa ŋabolpe, Ŋa megin ŋaboloi,
ŋa oina nanugaz daz uzek elon sekauk ŋenaupe.
16Ge abaŋ e fun dodin ŋaloŋoi ŋabolge,
uzat muzuan e ŋabol.
17Ŋa bo Anut inan ab gunlon ŋaleg
ŋa inadin wadan dab ŋepani.
18Malik, o i aben iaulaklon unaulak;
o unaug i depadaloi dibal didu.
19I buntaimon pitiŋinalak,
terere dibolge gezeŋana moklak!
20I ienmin tata tiziaumap egin,
tini seflalep o inan malan nitun jazek zezeŋaniume.
21Nitug gigienge,
bubeg kunutilag,
22ŋa ilog bekanig kagin so ŋaloŋ,
ŋa owoi dazuk egin ŋemade.
23Ge ŋa dedeŋanig o mailak;
o nimag waŋ wabiume.
24O oina kibiailon duzagume,
aloupa kubellon ŋemadowoi ŋiliagoi.
25O teap it ŋawoi didlon madoime?
tanlak mai abaŋ tawoi jaeŋ so sufutanag, owoi mon.
26Tinig bubeg mai miliauwoi tat,
ge Anut i bubeg inan zagun, i inag fuzag sansanpe.
27Nasi, me owoi ibennen demadodime i depadaloi;
me owoi sekauk denaudime o i unaup meladin teaboi.
28Ge Anut izinnen madonen me ŋawoi gauai;
Ŋa Ujanzen Anut inag seafuk ŋenaulak, ŋa oina nauknauk daŋanoi ŋaboloilakoi.
New Testament published by the British and Foreign Bible Society in 1960. Genesis published by the Australian Bible Society in 1971.