Israel Kan 55
55
Kanamkamaŋ inan: dazuk woldaŋan. Dawid inan Maskil.
1O Anut, inag gadiŋ tiliŋalon dab pani;
inag wagiŋoi o so kukum mon!
2Dab panag, auag wabi;
inag alan toanaglak.
3Agez nadin kininaioi ŋa ilog kin deladal,
salanbibiangaz nadin modoanekoi.
I abaŋ alan dezaeg foglak iduime,
buzudinlon i ŋawoi agez denaudime.
4Tiniglon bubeg izezime,
mateŋ funekoi tinig terere ibolime.
5Ŋazutnen terere ŋabolnen mai izignen itase,
bezeteŋanek doloanag.
6Ŋa ŋabol, Ŋa bun egin banigdaŋanpes!
Ŋa ŋazoup ŋaupa tinig binip ŋemadowoi;
7Au, ŋa dal makaiu ŋapazpa ŋalawoi,
fatu udaulon ŋemadowoi, Sela
8ŋa pasak ŋainag seafuknen aben ta ŋebezaniwoi,
tim fazek tim guzugeoi mai.
9O inadin kibiaik pitiŋini, O Ujazen, nadin beladin kubuli;
ŋa panulon wagai nauk ju mai ŋenasiŋame.
10Ad tidom mai madlak ditilianig ditozdime;
panu ilonnen kagin salan teŋeadin alannen mai ienime,
11pitiŋineknen kagin ilonnen ien;
nadin dadeŋ abenlon juzeŋ gegaun mok,
sewozaik mai so dibinidime.
12Dizag iwaiime me agez tea,
tea, i agezpe me ŋa so ŋaboloi;
i ŋa kagin salanlon noag alanime i daŋekwain tea,
meginpe ŋa iwoi ŋukukumnen ŋaloŋoi.
13Tea, ŋan o, inag wozouwoin ta,
inag tazeŋbi, inag kadoi maig atozamelak.
14Id get azu gamunlon nug tikibiailak;
Anut inan ablon id nug peleŋanig tatozlak.
15Mateŋ fodinlak iduwoi, so biti mon;
unaupa bas mon Hadeslon didulawoi,
unaupa i dizut dizezpa fedafodlon didulawoi.
16Ge ŋa Anut ŋewagiŋame;
Ujanzen i patug pasiwoi.
17Juza, bomon ad mati mai
ŋa ŋainag ilogbebazek ŋabolge ŋagosŋame,
i ŋainag auag iloŋoi.
18I nitug tetazi ŋalep kin so funiwoi,
ju ŋa ŋenauŋame menen,
kuzum ŋa didiŋiagdime.
19Anut i tiliŋan po ibolpa inaup i ibinpa diduwoi,
ŋan i me getnenge pezatiulak matallak;
i kibiaiŋ ta duzi so depanidimelakoi,
Anutoi so dizutdime. Sela
20Inag tazeŋbi inan niman tizangazoi woteg,
inan temaneknen pitiŋinilak.
21Inan auan me gazeŋ egin jaulak,
ge bubenlon juoi ibol;
inan azu me gazeŋ nenazig numuzan,
ge i badiz zugusilak egin.
22Nami muzuan Ujanzen apani,
i aŋ stemanaŋoi;
taozgaz so desazizoi
i dab inauwoi.
23Ge o, Anut, o betetanap i lof tig moklon
didulawoi;
dazgaz muzipasek inan tamol mai me nadin saen won‐haf egin tanlak so demadowoi.
Ge ŋa o ŋenau ŋepanowoi.
Currently Selected:
Israel Kan 55: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 55
55
Kanamkamaŋ inan: dazuk woldaŋan. Dawid inan Maskil.
1O Anut, inag gadiŋ tiliŋalon dab pani;
inag wagiŋoi o so kukum mon!
2Dab panag, auag wabi;
inag alan toanaglak.
3Agez nadin kininaioi ŋa ilog kin deladal,
salanbibiangaz nadin modoanekoi.
I abaŋ alan dezaeg foglak iduime,
buzudinlon i ŋawoi agez denaudime.
4Tiniglon bubeg izezime,
mateŋ funekoi tinig terere ibolime.
5Ŋazutnen terere ŋabolnen mai izignen itase,
bezeteŋanek doloanag.
6Ŋa ŋabol, Ŋa bun egin banigdaŋanpes!
Ŋa ŋazoup ŋaupa tinig binip ŋemadowoi;
7Au, ŋa dal makaiu ŋapazpa ŋalawoi,
fatu udaulon ŋemadowoi, Sela
8ŋa pasak ŋainag seafuknen aben ta ŋebezaniwoi,
tim fazek tim guzugeoi mai.
9O inadin kibiaik pitiŋini, O Ujazen, nadin beladin kubuli;
ŋa panulon wagai nauk ju mai ŋenasiŋame.
10Ad tidom mai madlak ditilianig ditozdime;
panu ilonnen kagin salan teŋeadin alannen mai ienime,
11pitiŋineknen kagin ilonnen ien;
nadin dadeŋ abenlon juzeŋ gegaun mok,
sewozaik mai so dibinidime.
12Dizag iwaiime me agez tea,
tea, i agezpe me ŋa so ŋaboloi;
i ŋa kagin salanlon noag alanime i daŋekwain tea,
meginpe ŋa iwoi ŋukukumnen ŋaloŋoi.
13Tea, ŋan o, inag wozouwoin ta,
inag tazeŋbi, inag kadoi maig atozamelak.
14Id get azu gamunlon nug tikibiailak;
Anut inan ablon id nug peleŋanig tatozlak.
15Mateŋ fodinlak iduwoi, so biti mon;
unaupa bas mon Hadeslon didulawoi,
unaupa i dizut dizezpa fedafodlon didulawoi.
16Ge ŋa Anut ŋewagiŋame;
Ujanzen i patug pasiwoi.
17Juza, bomon ad mati mai
ŋa ŋainag ilogbebazek ŋabolge ŋagosŋame,
i ŋainag auag iloŋoi.
18I nitug tetazi ŋalep kin so funiwoi,
ju ŋa ŋenauŋame menen,
kuzum ŋa didiŋiagdime.
19Anut i tiliŋan po ibolpa inaup i ibinpa diduwoi,
ŋan i me getnenge pezatiulak matallak;
i kibiaiŋ ta duzi so depanidimelakoi,
Anutoi so dizutdime. Sela
20Inag tazeŋbi inan niman tizangazoi woteg,
inan temaneknen pitiŋinilak.
21Inan auan me gazeŋ egin jaulak,
ge bubenlon juoi ibol;
inan azu me gazeŋ nenazig numuzan,
ge i badiz zugusilak egin.
22Nami muzuan Ujanzen apani,
i aŋ stemanaŋoi;
taozgaz so desazizoi
i dab inauwoi.
23Ge o, Anut, o betetanap i lof tig moklon
didulawoi;
dazgaz muzipasek inan tamol mai me nadin saen won‐haf egin tanlak so demadowoi.
Ge ŋa o ŋenau ŋepanowoi.
New Testament published by the British and Foreign Bible Society in 1960. Genesis published by the Australian Bible Society in 1971.