Israel Kan 51
51
Kanamkamaŋ inan. Dawid Batseba ŋalelakoi profet Natan izinnen ile. Dawid i sepalelak.
1Kanim ŋale panagpe, O Anut, oina ilopanek segatekdaŋan sinan;
oina kanim zen sinan inag doloanek suas panag.
2Inag salan nauk daŋanoi flanag gauai,
ŋainag aupasekoi ikok noagpe.
3Ŋa ŋainag doloanek ŋaloŋlakoi,
ŋainag aupasek me gaid naognen ienime.
4O, o mon ŋa ŋibitog auŋapaslak,
o naonen abaŋ salan me ŋenau,
meginge o wadan paneklon taozlak,
oina betenaekoi azu tea.
5Nasi ŋa aupasekdaŋange duzaglak,
aupaseklon nen aidaŋange tininlon ŋa jiwiziag.
6Nasi, buben ilonnen malik inan niŋonoi ilo ibolime;
mewoi bubeg ilonnen kaginkagin peteŋanagpe.
7Hissoplon flanagpe ŋa ikokoi;
stiliagpe ŋa sno nenazip ikokoi.
8Unaup zigiek jaun isaknen mai ilog ifofokoi;
dog o pisinalak me judin isawoi.
9Ŋainag aupasekoi nao buli,
ŋainag salannauk daŋan suas panag.
10O Anut, bubeg ikok unaup panagpe,
uz faun taoz mai iloglon unau.
11O naonenpa so betetanag mon,
oina Uzgun so wiziag mon.
12Oina patunisanen inan zigiek me faun panag,
uz me so imoilak melon seŋanagoi.
13Meginpe ŋa doloanekgaz oina dal ŋepeteŋanawoi,
aupasekwain o izinen dimuloi.
14Daz biagnenoi melon tetazag ŋiliag, O Anut,
inag patugisanen inan Anut,
meginpe baleg oina tetazek ŋalekoi beŋten kanam jabiwoi.
15O Ujazen, fiziŋog pasi panagpe,
ŋainag auag oina biŋa beŋten inauwoi.
16O janaukoi ilo gamun so funiwoi,
ŋa nanek inan janauk ŋenaumap o ilo so gauaioi.
17Buben itautlak me janauk mewoi o ubollak;
buben itautlak alanlak mai, O Anut, o so meselaniwoi.
18O sibe ubolpa o Sion kibinewoi;
Jerusalem inan mad o faun zazewoi,
19meginpe o janauk tidukoi ilo gamunoi,
nanek inan janaukoi, tinin daŋan mazek inan janaukoi mai; saen melon bulmakau dauai oina wiwalak ja denauwoi.
Currently Selected:
Israel Kan 51: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 51
51
Kanamkamaŋ inan. Dawid Batseba ŋalelakoi profet Natan izinnen ile. Dawid i sepalelak.
1Kanim ŋale panagpe, O Anut, oina ilopanek segatekdaŋan sinan;
oina kanim zen sinan inag doloanek suas panag.
2Inag salan nauk daŋanoi flanag gauai,
ŋainag aupasekoi ikok noagpe.
3Ŋa ŋainag doloanek ŋaloŋlakoi,
ŋainag aupasek me gaid naognen ienime.
4O, o mon ŋa ŋibitog auŋapaslak,
o naonen abaŋ salan me ŋenau,
meginge o wadan paneklon taozlak,
oina betenaekoi azu tea.
5Nasi ŋa aupasekdaŋange duzaglak,
aupaseklon nen aidaŋange tininlon ŋa jiwiziag.
6Nasi, buben ilonnen malik inan niŋonoi ilo ibolime;
mewoi bubeg ilonnen kaginkagin peteŋanagpe.
7Hissoplon flanagpe ŋa ikokoi;
stiliagpe ŋa sno nenazip ikokoi.
8Unaup zigiek jaun isaknen mai ilog ifofokoi;
dog o pisinalak me judin isawoi.
9Ŋainag aupasekoi nao buli,
ŋainag salannauk daŋan suas panag.
10O Anut, bubeg ikok unaup panagpe,
uz faun taoz mai iloglon unau.
11O naonenpa so betetanag mon,
oina Uzgun so wiziag mon.
12Oina patunisanen inan zigiek me faun panag,
uz me so imoilak melon seŋanagoi.
13Meginpe ŋa doloanekgaz oina dal ŋepeteŋanawoi,
aupasekwain o izinen dimuloi.
14Daz biagnenoi melon tetazag ŋiliag, O Anut,
inag patugisanen inan Anut,
meginpe baleg oina tetazek ŋalekoi beŋten kanam jabiwoi.
15O Ujazen, fiziŋog pasi panagpe,
ŋainag auag oina biŋa beŋten inauwoi.
16O janaukoi ilo gamun so funiwoi,
ŋa nanek inan janauk ŋenaumap o ilo so gauaioi.
17Buben itautlak me janauk mewoi o ubollak;
buben itautlak alanlak mai, O Anut, o so meselaniwoi.
18O sibe ubolpa o Sion kibinewoi;
Jerusalem inan mad o faun zazewoi,
19meginpe o janauk tidukoi ilo gamunoi,
nanek inan janaukoi, tinin daŋan mazek inan janaukoi mai; saen melon bulmakau dauai oina wiwalak ja denauwoi.
New Testament published by the British and Foreign Bible Society in 1960. Genesis published by the Australian Bible Society in 1971.