Israel Kan 37
37
Dawid inan kanam ta.
1Salanbibianoi teŋae so alan mon,
zegaikgazoi mala so isi mon!
2I pasak kebasik egin dimiliauwoi,
ja bas egin demakazoi.
3Ujanzen unau panip abaŋ gauai unau;
meginpe o tanlak tini binip gauai madowoi.
4Ujanzenlon jau isa,
i abaŋ mewoi oina bube jaeŋ sufutanilak me ipanowoi.
5Oina dal Ujanzen nimanlon nau;
o i unau pani, i owoi imaisoi.
6I sul egin oina fu beŋten inauwoi,
oina azu ad mati egin tidukoi.
7Ujanzen naonnen to ubolpa nasinasi mon malan unau;
me siben inan dallon itublak iwoi teŋae so alan mon,
tamol kankan salan inan niŋon inaug itasaime iwoi teŋae so alan mon.
8Buzu umoipa, buzu kekazu ibolnen binipe!
teŋae so alan mon; melon abaŋ salan mon itasaime.
9Salanbibiangaz i gusutap depadaloi;
ge i me Ujanzen malan denaudime i tan fuzan deŋalewoi.
10Kitek ta mon maip salanbibian meladin teaboi;
o inan aben ban gauai lalep i men so madowoi.
11Ibin didulak i tan gaten egin demadowoi,
inadin anaŋ idu gedagadmap judin isawoi.
12Salanbibian i tamol taozoi fenafunime,
iwoi liwon giri ibolge madoime;
13ge Ujanzen salanbibianoi di iwaime,
inan nal iduwoi me iloŋ.
14Salanbibiangaz badiz duzugusi, fi mai dejaedime,
waizgaz alangaz mai dezaup diduwoi,
tiduk ditozdime difup dimatnen;
15inadin badiz sebadin nadin niuguz tezebabewoi,
inadin fi me pisiniwoi.
16Abaŋ kamo tamol taoz iŋaleg itozime
me salanbibian kuzum nadin filiadin gauz me nenaziime.
17Salanbibiangaz nadin nimadin me pisiniwoi;
ge Ujanzen taozgaz stemanaime.
18Ujanzen i me tinidinnen tealak nadin nal iloŋ,
nadin fuzadin me dedeŋanip ienoi;
19saen salanlon i mamai so ifuwoi,
pitol saenlon anaŋ idusanen demadodime.
20Salanbibiangaz bo depadaldime;
Ujanzen inan agez me ze fatu inan kubel egin,
i mitian diauwoi, jakas iauime egin.
21Salanbibian abaŋ ta ŋalep naon inaunen tea,
ge tamol taoz i lodaŋan, i lo iduime;
22Ujanzen kibinialak me tan fun egin demadowoi,
ge me i meselanalak i gusutap depadaloi.
23Ujanzen siben tamol inan ipaznen panilak,
tata inan dal Anut gamun funiime, me i stemanip madowoi;
24I ibal idumap i so idu mokoi,
Ujanzen inan niman inan satuklakoi.
25Ŋa get ai faunlak, gazo mug dinou ŋenau;
ge tamol taoz nien taimon mademeg
inan nanun anaŋoi digodmeg ta so ŋenasi.
26I gaid lo iwag ti pinidin maiime,
inan nanun me tamolai aenta dikibiniadime.
27Kagin salan ibinip, kagin gauai uzip atoz;
meginpe aŋ dedeŋanip amadowoi.
28Ujanzen talek taozoi imatlakoi;
i inan gungaz so ibinoi.
Taozgaz i sansanpe tizinap gauai demadowoi,
ge salanbibiangaz nadin nunudin me gusutap depadaloi.
29Taozgaz i tan fun denaup demadowoi,
i gaid melon demadowoi.
30Tamol taoz inan auan azu kaginkagindaŋan ibolime,
inan balen talek tidukoi ibol.
31Inan Anut inan kibiaiŋ bubenlon ien;
inan pazek so saziz.
32Salanbibian tamol taoz dab paniime,
i funiwoi fenafunime.
33Ujanzen i so binip tamol salan inan nimanlon idulawoi,
kortlon mai idini, azu niŋon tealakoi naon bitiime.
34Ujanzen malan unau, inan dal mon uzip utoz,
i o bisiop o tan fun egin madowoi;
o salanbibiangaz pitiŋinap depadalmap uwiloi.
35Ŋa tamol salan siben tinin ŋale imugmeg ŋenasi,
i did Lebanon inan wamei egin latnenlak.
36Faun te ŋagegge ŋalemeg i mug malan aben tea;
ŋa ŋebezani lo tea, so made.
37Tamol tininnen tea me nasipe, tamol tiduk me dab pani,
mazoztamol inan daz i uziuziwoi.
38Ge zegaiktamol daŋan pitiŋinawoi;
inadin daz gusutap teaboi.
39Taozgaz nadin patunpaseknen me Ujanzen inauime;
saen alanlon i inadin seafuknen aben.
40Ujanzen i dina, putudin mai pasiime;
i salanbibiangaz nimadinlonge tataz iŋal, putudin pasiime,
i i izinnen deseafuwoi dilelakoi.
Currently Selected:
Israel Kan 37: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 37
37
Dawid inan kanam ta.
1Salanbibianoi teŋae so alan mon,
zegaikgazoi mala so isi mon!
2I pasak kebasik egin dimiliauwoi,
ja bas egin demakazoi.
3Ujanzen unau panip abaŋ gauai unau;
meginpe o tanlak tini binip gauai madowoi.
4Ujanzenlon jau isa,
i abaŋ mewoi oina bube jaeŋ sufutanilak me ipanowoi.
5Oina dal Ujanzen nimanlon nau;
o i unau pani, i owoi imaisoi.
6I sul egin oina fu beŋten inauwoi,
oina azu ad mati egin tidukoi.
7Ujanzen naonnen to ubolpa nasinasi mon malan unau;
me siben inan dallon itublak iwoi teŋae so alan mon,
tamol kankan salan inan niŋon inaug itasaime iwoi teŋae so alan mon.
8Buzu umoipa, buzu kekazu ibolnen binipe!
teŋae so alan mon; melon abaŋ salan mon itasaime.
9Salanbibiangaz i gusutap depadaloi;
ge i me Ujanzen malan denaudime i tan fuzan deŋalewoi.
10Kitek ta mon maip salanbibian meladin teaboi;
o inan aben ban gauai lalep i men so madowoi.
11Ibin didulak i tan gaten egin demadowoi,
inadin anaŋ idu gedagadmap judin isawoi.
12Salanbibian i tamol taozoi fenafunime,
iwoi liwon giri ibolge madoime;
13ge Ujanzen salanbibianoi di iwaime,
inan nal iduwoi me iloŋ.
14Salanbibiangaz badiz duzugusi, fi mai dejaedime,
waizgaz alangaz mai dezaup diduwoi,
tiduk ditozdime difup dimatnen;
15inadin badiz sebadin nadin niuguz tezebabewoi,
inadin fi me pisiniwoi.
16Abaŋ kamo tamol taoz iŋaleg itozime
me salanbibian kuzum nadin filiadin gauz me nenaziime.
17Salanbibiangaz nadin nimadin me pisiniwoi;
ge Ujanzen taozgaz stemanaime.
18Ujanzen i me tinidinnen tealak nadin nal iloŋ,
nadin fuzadin me dedeŋanip ienoi;
19saen salanlon i mamai so ifuwoi,
pitol saenlon anaŋ idusanen demadodime.
20Salanbibiangaz bo depadaldime;
Ujanzen inan agez me ze fatu inan kubel egin,
i mitian diauwoi, jakas iauime egin.
21Salanbibian abaŋ ta ŋalep naon inaunen tea,
ge tamol taoz i lodaŋan, i lo iduime;
22Ujanzen kibinialak me tan fun egin demadowoi,
ge me i meselanalak i gusutap depadaloi.
23Ujanzen siben tamol inan ipaznen panilak,
tata inan dal Anut gamun funiime, me i stemanip madowoi;
24I ibal idumap i so idu mokoi,
Ujanzen inan niman inan satuklakoi.
25Ŋa get ai faunlak, gazo mug dinou ŋenau;
ge tamol taoz nien taimon mademeg
inan nanun anaŋoi digodmeg ta so ŋenasi.
26I gaid lo iwag ti pinidin maiime,
inan nanun me tamolai aenta dikibiniadime.
27Kagin salan ibinip, kagin gauai uzip atoz;
meginpe aŋ dedeŋanip amadowoi.
28Ujanzen talek taozoi imatlakoi;
i inan gungaz so ibinoi.
Taozgaz i sansanpe tizinap gauai demadowoi,
ge salanbibiangaz nadin nunudin me gusutap depadaloi.
29Taozgaz i tan fun denaup demadowoi,
i gaid melon demadowoi.
30Tamol taoz inan auan azu kaginkagindaŋan ibolime,
inan balen talek tidukoi ibol.
31Inan Anut inan kibiaiŋ bubenlon ien;
inan pazek so saziz.
32Salanbibian tamol taoz dab paniime,
i funiwoi fenafunime.
33Ujanzen i so binip tamol salan inan nimanlon idulawoi,
kortlon mai idini, azu niŋon tealakoi naon bitiime.
34Ujanzen malan unau, inan dal mon uzip utoz,
i o bisiop o tan fun egin madowoi;
o salanbibiangaz pitiŋinap depadalmap uwiloi.
35Ŋa tamol salan siben tinin ŋale imugmeg ŋenasi,
i did Lebanon inan wamei egin latnenlak.
36Faun te ŋagegge ŋalemeg i mug malan aben tea;
ŋa ŋebezani lo tea, so made.
37Tamol tininnen tea me nasipe, tamol tiduk me dab pani,
mazoztamol inan daz i uziuziwoi.
38Ge zegaiktamol daŋan pitiŋinawoi;
inadin daz gusutap teaboi.
39Taozgaz nadin patunpaseknen me Ujanzen inauime;
saen alanlon i inadin seafuknen aben.
40Ujanzen i dina, putudin mai pasiime;
i salanbibiangaz nimadinlonge tataz iŋal, putudin pasiime,
i i izinnen deseafuwoi dilelakoi.
New Testament published by the British and Foreign Bible Society in 1960. Genesis published by the Australian Bible Society in 1971.