Israel Kan 35
35
Dawid inan kanam ta.
1Me i ŋa didiŋiagdime, Ujazen, me o diŋia;
me i ŋa mai azoiame, o i maip azoi.
2Gubiz ujan kitek mai uŋal, uwabpa
umaispa aneg udu!
3Ju fi mai uwabpa geg pinidin,
duzagdime ŋan i!
Nitug upai,
Ŋa oina tetazek ŋaleknen!
4Me i ŋa dufunagoi defenafundime
me mamai deŋalep biŋadin tea mai demadowoi.
Me ŋawoi abaŋ salanoi dikibiaidime
me dutuzubulip dedeladaloi!
5Unaupa i timlon fufain egin denauwoi,
Ujanzen inan eŋel kuduap diladime egin!
6Unaupa nadin dal mafuz panip taled mai inauwoi,
Ujanzen inan eŋel uzmap!
7Tinignen ja teag i ŋawoi dob dimiŋianig denaulak;
tinignen teag i ŋawoi siŋ denau.
8Unaupa i dab so denaumap i depadaloi!
Dob i dimiŋianilak me i ijaboi;
unaupa i melon dibal didup depadaloi!
9Meginpe nitug Ujanzenlon jaun isawoi,
inan tetazek ŋalekoi zigewoi.
10Inag dog daŋan diboloi,
Ujanzen, it o egin,
o tamol bodok tamol gegaun i mai so iduselak
me nimanlonge tetazi ŋaleume,
au, tamol bodok waiz mai inan pitiŋinektamol me
nimanlon pasi ŋaleume.
11Blanektamol sladin dimaisdime;
nauknauk me ŋa so ŋenaulak menen disidiziagdime.
12Abaŋ gauai naon salan depanagdime;
nitug me siben taimon.
13Ge i maiai ifumeg
ŋa jamel memasendaŋan ŋipila,
ŋa udeklon noag alan.
Ŋa gudug idug petazeg isaeg ŋagod,
14tizag, tea, taigoi ŋatalak egin iwoi tiŋia ŋenau;
ta inan tinanoi itaime egin
ŋa ŋetakokge ŋagosge ŋatoz.
15Ge ŋa ŋepeselaumeg i judin isag detemani,
i ŋa didiŋiagoi detemani;
tinidin kezepazup me ŋa so ŋaloŋlak
me ŋawoi uf denaug ile, so dibini;
16Azu salanlon dizag dewaig, gik dibolge deselaselge,
ŋawoi liwodin girigira ibol.
17O Ujazen, saen pitep o se uwil monoi?
nadin benenaiklonge pisiag,
tinig laionoi tetazi ŋale!
18Meginpe ŋa medaeŋ ujanlon pez ŋepanowoi;
tamolpain malan ujanzen leŋadinlon ŋa biŋa ŋibisawoi.
19Unaupa me i se mon inag agez denaudime
me ŋawoi ladin so zigewoi;
me ŋa ja teag se mon dumugunaglak,
i meladinlon nug so ŋaleŋalewoi.
20I mazozoi so dibollakoi,
tea, tamolai i malol demadodime
iwoi i se wozaik inan azuoi kankandime.
21Auadin bekekazig ŋa disiag;
i dibol, Aha, Aha!
melama inasilak!
22O Ujazen, o nasilak; to so ubol mon!
Ujazen, o ŋawoi makaiu so made mon!
23O ŋainag abaŋoi sifililiop inag azuoi
bas umaispa, ŋainag Anut, ŋainag Ujanzen mai.
24O Ujazen, ŋainag Anut, o taozlak egin inag azu beŋten unau;
pizianap i ŋawoi so zigiawoi!
25Unaupa i sebadin nug so paipaiwoi,
Aha, bubed ibollak egin itase!
I so diboloi, Id i teteŋalilak.
26Me i ŋainag alanoi zigiaime
me mamai deŋalep dedeladal malan itauwoi!
Me i ŋa disiagge sebadin ujadin e dibol
i mamai biŋadin salan mai toanawoi.
27I me ŋa tinignen tea me beŋten itasawoi ladin ibollak
i judin isap muguzuŋ mai denauwoi.
I gaid diboloi,
Ujanzen i ujan mok,
i begabeg gauai madowoi buben ibolime.
28Meginpe baleg oina taozoi,
oina kalel paninenoi mai nal melaen daŋan iboloi.
Currently Selected:
Israel Kan 35: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 35
35
Dawid inan kanam ta.
1Me i ŋa didiŋiagdime, Ujazen, me o diŋia;
me i ŋa mai azoiame, o i maip azoi.
2Gubiz ujan kitek mai uŋal, uwabpa
umaispa aneg udu!
3Ju fi mai uwabpa geg pinidin,
duzagdime ŋan i!
Nitug upai,
Ŋa oina tetazek ŋaleknen!
4Me i ŋa dufunagoi defenafundime
me mamai deŋalep biŋadin tea mai demadowoi.
Me ŋawoi abaŋ salanoi dikibiaidime
me dutuzubulip dedeladaloi!
5Unaupa i timlon fufain egin denauwoi,
Ujanzen inan eŋel kuduap diladime egin!
6Unaupa nadin dal mafuz panip taled mai inauwoi,
Ujanzen inan eŋel uzmap!
7Tinignen ja teag i ŋawoi dob dimiŋianig denaulak;
tinignen teag i ŋawoi siŋ denau.
8Unaupa i dab so denaumap i depadaloi!
Dob i dimiŋianilak me i ijaboi;
unaupa i melon dibal didup depadaloi!
9Meginpe nitug Ujanzenlon jaun isawoi,
inan tetazek ŋalekoi zigewoi.
10Inag dog daŋan diboloi,
Ujanzen, it o egin,
o tamol bodok tamol gegaun i mai so iduselak
me nimanlonge tetazi ŋaleume,
au, tamol bodok waiz mai inan pitiŋinektamol me
nimanlon pasi ŋaleume.
11Blanektamol sladin dimaisdime;
nauknauk me ŋa so ŋenaulak menen disidiziagdime.
12Abaŋ gauai naon salan depanagdime;
nitug me siben taimon.
13Ge i maiai ifumeg
ŋa jamel memasendaŋan ŋipila,
ŋa udeklon noag alan.
Ŋa gudug idug petazeg isaeg ŋagod,
14tizag, tea, taigoi ŋatalak egin iwoi tiŋia ŋenau;
ta inan tinanoi itaime egin
ŋa ŋetakokge ŋagosge ŋatoz.
15Ge ŋa ŋepeselaumeg i judin isag detemani,
i ŋa didiŋiagoi detemani;
tinidin kezepazup me ŋa so ŋaloŋlak
me ŋawoi uf denaug ile, so dibini;
16Azu salanlon dizag dewaig, gik dibolge deselaselge,
ŋawoi liwodin girigira ibol.
17O Ujazen, saen pitep o se uwil monoi?
nadin benenaiklonge pisiag,
tinig laionoi tetazi ŋale!
18Meginpe ŋa medaeŋ ujanlon pez ŋepanowoi;
tamolpain malan ujanzen leŋadinlon ŋa biŋa ŋibisawoi.
19Unaupa me i se mon inag agez denaudime
me ŋawoi ladin so zigewoi;
me ŋa ja teag se mon dumugunaglak,
i meladinlon nug so ŋaleŋalewoi.
20I mazozoi so dibollakoi,
tea, tamolai i malol demadodime
iwoi i se wozaik inan azuoi kankandime.
21Auadin bekekazig ŋa disiag;
i dibol, Aha, Aha!
melama inasilak!
22O Ujazen, o nasilak; to so ubol mon!
Ujazen, o ŋawoi makaiu so made mon!
23O ŋainag abaŋoi sifililiop inag azuoi
bas umaispa, ŋainag Anut, ŋainag Ujanzen mai.
24O Ujazen, ŋainag Anut, o taozlak egin inag azu beŋten unau;
pizianap i ŋawoi so zigiawoi!
25Unaupa i sebadin nug so paipaiwoi,
Aha, bubed ibollak egin itase!
I so diboloi, Id i teteŋalilak.
26Me i ŋainag alanoi zigiaime
me mamai deŋalep dedeladal malan itauwoi!
Me i ŋa disiagge sebadin ujadin e dibol
i mamai biŋadin salan mai toanawoi.
27I me ŋa tinignen tea me beŋten itasawoi ladin ibollak
i judin isap muguzuŋ mai denauwoi.
I gaid diboloi,
Ujanzen i ujan mok,
i begabeg gauai madowoi buben ibolime.
28Meginpe baleg oina taozoi,
oina kalel paninenoi mai nal melaen daŋan iboloi.
New Testament published by the British and Foreign Bible Society in 1960. Genesis published by the Australian Bible Society in 1971.