Israel Kan 31
31
Kanamkamaŋ inan. Dawid inan kanam.
1Olon, Ujazen, seafukoi ŋedalelŋame;
noagpa ŋa mamai so ŋeŋalewoi;
oina taozlon tetazag ŋiliagpe!
2Ŋa salo tiliŋa unaupa,
pasak gateg pasipe!
O ŋawoi seafuknen pat unaup madoŋan,
kaboŋ gegaun patug pasinen!
3Au, o ŋainag pat, ŋainag kaboŋ mai;
oina neawoilakoi duzag kibiai mai panag,
4amag ŋawoi dimiŋianilak melonge pisiag,
o ŋainag seafuknen aben.
5Oina nimalon nitug ŋenaug ien;
o ŋa udad ŋiliaglak, Ujazen, Anut buben malikimelak me.
6I me mazoz niŋon tealak dab dipinidin me o zezeŋana;
ge ŋa Ujanzen ŋenau ŋepaniŋame.
7Oina ilopanek segatekdaŋanoi zigiag jaug isa maiwoi,
o ŋainag alan nasilakoi,
abaŋ ŋa diŋiaglak o dab panilak,
8o agez nimanlon so noaglak;
o nieg aben bebaŋanlon unaulak.
9Kanim ŋale panagpe, O Ujazen, ŋa pinagge ŋemadoŋame;
malag me ŋatameglon salanlak,
nitug tinig mai.
10Ŋa bubeg alanmeg ŋemadelak,
inag umaz daŋan ŋa ŋesagai mon;
inag alannauklon zagug bodo ibol,
inag dog mug nefazan.
11Ŋa inag daŋekgaz nadin kufa egin,
inag muduban ŋawoi sizidin isaime,
ŋa diloŋlak mai ŋa dimoige dibitag;
tamolai panulon denasag, i dibinag diaudime.
12Ta i imat pasilak egin ŋawoi ladin padal;
ŋa sap egin ŋenau.
13Ŋawoi defenafunmap,
dufunagoi dikibiaimap,
kuzum muzignen komkomlon dibolmeg ŋaloŋ,
baŋeg daŋanlon bezeteŋanek mon ien.
14Ge ŋa o, Ujazen, ŋenau ŋepanoŋame,
ŋa ŋabol, O ŋainag Anut.
15Inag saen oina nimalon ienime;
inag agez ŋalekuzekgaz mai nimadinlon tetazag ŋiliagpe!
16Unaup ina begabeg fonlak oina nao leleipe;
oina ilopanek segatekdaŋanlon patug pasipe!
17O Ujazen, unaupa ŋa mamai so ŋeŋalewoi,
ŋa owoi ŋawogŋamelakoi,
salanbibian i mamai deŋalewoi;
i dedeladalpa Hadeslon didulawoi.
18Unaupa fiziŋodin sekauk me to diboloi,
me sebadin digasge dizawaiklon
taozgazoi azu diboldime.
19O iduse malan itau,
oina lo me owoi dizutdime iwoi bageunen unaulak,
o izinen deseafuwoi diladime iwoi o kibinelak me,
tamol nadin aigaz noadinnen!
20O zidinnen mademeglon miŋianalak,
tamol nadin tawaŋoi;
oina seafuknenlon o tizinameg
i beladin inan zoik azuoi se demadodime.
21Ujanzen patun isap mado,
i inan ilopanek segatekdaŋan kagin kubellon peteŋanaglak,
ŋa panu ta agez dililitilak egin funatagmeg.
22Ŋa ŋazutge ŋabol,
Oina malalonge bitagge O makaiu ŋemadoŋame.
Ge o dinagoi ŋogodoanomeg,
o inag gadiŋ uloŋ.
23Aŋ gungaz, aŋ daŋan Ujanzen lami panipe!
Ujanzen bubudin malikgaz tizinaime,
ge ta naon latnenpa itozmap me naon gauz paniwoi.
24Stemanaŋpa amado, bubumi gauaipa,
aŋ me Ujanzen malan anauame, aŋ daŋan.
Currently Selected:
Israel Kan 31: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 31
31
Kanamkamaŋ inan. Dawid inan kanam.
1Olon, Ujazen, seafukoi ŋedalelŋame;
noagpa ŋa mamai so ŋeŋalewoi;
oina taozlon tetazag ŋiliagpe!
2Ŋa salo tiliŋa unaupa,
pasak gateg pasipe!
O ŋawoi seafuknen pat unaup madoŋan,
kaboŋ gegaun patug pasinen!
3Au, o ŋainag pat, ŋainag kaboŋ mai;
oina neawoilakoi duzag kibiai mai panag,
4amag ŋawoi dimiŋianilak melonge pisiag,
o ŋainag seafuknen aben.
5Oina nimalon nitug ŋenaug ien;
o ŋa udad ŋiliaglak, Ujazen, Anut buben malikimelak me.
6I me mazoz niŋon tealak dab dipinidin me o zezeŋana;
ge ŋa Ujanzen ŋenau ŋepaniŋame.
7Oina ilopanek segatekdaŋanoi zigiag jaug isa maiwoi,
o ŋainag alan nasilakoi,
abaŋ ŋa diŋiaglak o dab panilak,
8o agez nimanlon so noaglak;
o nieg aben bebaŋanlon unaulak.
9Kanim ŋale panagpe, O Ujazen, ŋa pinagge ŋemadoŋame;
malag me ŋatameglon salanlak,
nitug tinig mai.
10Ŋa bubeg alanmeg ŋemadelak,
inag umaz daŋan ŋa ŋesagai mon;
inag alannauklon zagug bodo ibol,
inag dog mug nefazan.
11Ŋa inag daŋekgaz nadin kufa egin,
inag muduban ŋawoi sizidin isaime,
ŋa diloŋlak mai ŋa dimoige dibitag;
tamolai panulon denasag, i dibinag diaudime.
12Ta i imat pasilak egin ŋawoi ladin padal;
ŋa sap egin ŋenau.
13Ŋawoi defenafunmap,
dufunagoi dikibiaimap,
kuzum muzignen komkomlon dibolmeg ŋaloŋ,
baŋeg daŋanlon bezeteŋanek mon ien.
14Ge ŋa o, Ujazen, ŋenau ŋepanoŋame,
ŋa ŋabol, O ŋainag Anut.
15Inag saen oina nimalon ienime;
inag agez ŋalekuzekgaz mai nimadinlon tetazag ŋiliagpe!
16Unaup ina begabeg fonlak oina nao leleipe;
oina ilopanek segatekdaŋanlon patug pasipe!
17O Ujazen, unaupa ŋa mamai so ŋeŋalewoi,
ŋa owoi ŋawogŋamelakoi,
salanbibian i mamai deŋalewoi;
i dedeladalpa Hadeslon didulawoi.
18Unaupa fiziŋodin sekauk me to diboloi,
me sebadin digasge dizawaiklon
taozgazoi azu diboldime.
19O iduse malan itau,
oina lo me owoi dizutdime iwoi bageunen unaulak,
o izinen deseafuwoi diladime iwoi o kibinelak me,
tamol nadin aigaz noadinnen!
20O zidinnen mademeglon miŋianalak,
tamol nadin tawaŋoi;
oina seafuknenlon o tizinameg
i beladin inan zoik azuoi se demadodime.
21Ujanzen patun isap mado,
i inan ilopanek segatekdaŋan kagin kubellon peteŋanaglak,
ŋa panu ta agez dililitilak egin funatagmeg.
22Ŋa ŋazutge ŋabol,
Oina malalonge bitagge O makaiu ŋemadoŋame.
Ge o dinagoi ŋogodoanomeg,
o inag gadiŋ uloŋ.
23Aŋ gungaz, aŋ daŋan Ujanzen lami panipe!
Ujanzen bubudin malikgaz tizinaime,
ge ta naon latnenpa itozmap me naon gauz paniwoi.
24Stemanaŋpa amado, bubumi gauaipa,
aŋ me Ujanzen malan anauame, aŋ daŋan.
New Testament published by the British and Foreign Bible Society in 1960. Genesis published by the Australian Bible Society in 1971.