Israel Kan 25
25
Dawid inan kanam ta.
1Ujazen, o naonen nitug ŋibiseg ŋenauŋame.
2O ŋainag Anut, ŋa o ŋenau ŋepanoŋame,
unaupa ŋa mamai so ŋeŋalewoi;
unaupa inag agez ŋawoi so zigiawoi.
3Es, unaupa tata o mala inauime me mamai so ŋalewoi;
tea, aenta i abaŋ salan denaug sekauk denaudime,
i mamai deŋalewoi.
4Noagpa ŋa oina dal ŋaloŋoi, Ujazen;
oina dal kinkin mai peteŋanagpe.
5Oina azu maliklon duzagpa kagin peteŋanagpe,
o inag patugisanen inan Anut;
nal melaen daŋan ŋa o mala ŋenauŋame.
6O am‐oi teŋae alanimelak, segatekdaŋanlon ilo mai penamaumelak me ilo isou,
me getnengelakoi.
7Ŋa ai faunlon auŋapaslak, kagin ŋodoloanilak me mai faun so ilo isou mon;
o segatekdaŋan sinanlon ilo panaglak ŋawoi ilo isou,
oina lo sinanlon, Ujazen, ilo isou!
8Ujanzen i gauai taoz mai;
mewoi aupasekgaz kagin peteŋanaime.
9Ibin didulak me kagin tiduklon idauziime,
bini idulak Anut inan dal peteŋaniime.
10I me Anut inan temanek, inan sigianek mai duzi depanidime,
iwoi Ujanzen inan dal daŋan me ilopanek segatekdaŋan, buben maliknen dal mai mon.
11Ujazen, oina neaoi inag ja me ilo padal,
ja me ujan.
12Tamol it Ujanzenoi izutime?
Dal gauai me i pilianiwoi ibol, me i peteŋaniime.
13Tamol me siben ilondaŋange gauai madowoi,
nanungaz tan fun egin demadowoi.
14Me i Ujanzenoi dizutdime, iwoi i lo madoime,
inan temaneknen me peteŋanag diloŋdime.
15Malag me sansan Ujanzen daŋeime,
i nieg doblon me pasiwoi.
16Diŋiagpe, kanim ŋale panagpe,
ŋa nieg taimon alan mai ŋenauŋame.
17Bubeg inan muzuan me pasipe,
inag alan daŋanlonpa duzagpe.
18Abaŋ modoanagime, ŋainag alan mai dab pani,
inag aupasek daŋan paze idupe.
19Ŋainag agez kuzumlak, bubudin gigienlon dumugunagdimelak
mai dab unaupe.
20Tinig nitug mai tizinip patug pasipe;
unaupa abaŋ ewoi mamai so ŋeŋalewoi, ŋa olon ŋeseafug ŋemadoŋamelakoi.
21Kagin gauai zatamlak tiduk niŋon mai duzagoi,
ŋa o mala ŋenauŋamelakoi.
22O Anut, alan daŋanlon
Israel patun pasipe.
Currently Selected:
Israel Kan 25: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 25
25
Dawid inan kanam ta.
1Ujazen, o naonen nitug ŋibiseg ŋenauŋame.
2O ŋainag Anut, ŋa o ŋenau ŋepanoŋame,
unaupa ŋa mamai so ŋeŋalewoi;
unaupa inag agez ŋawoi so zigiawoi.
3Es, unaupa tata o mala inauime me mamai so ŋalewoi;
tea, aenta i abaŋ salan denaug sekauk denaudime,
i mamai deŋalewoi.
4Noagpa ŋa oina dal ŋaloŋoi, Ujazen;
oina dal kinkin mai peteŋanagpe.
5Oina azu maliklon duzagpa kagin peteŋanagpe,
o inag patugisanen inan Anut;
nal melaen daŋan ŋa o mala ŋenauŋame.
6O am‐oi teŋae alanimelak, segatekdaŋanlon ilo mai penamaumelak me ilo isou,
me getnengelakoi.
7Ŋa ai faunlon auŋapaslak, kagin ŋodoloanilak me mai faun so ilo isou mon;
o segatekdaŋan sinanlon ilo panaglak ŋawoi ilo isou,
oina lo sinanlon, Ujazen, ilo isou!
8Ujanzen i gauai taoz mai;
mewoi aupasekgaz kagin peteŋanaime.
9Ibin didulak me kagin tiduklon idauziime,
bini idulak Anut inan dal peteŋaniime.
10I me Anut inan temanek, inan sigianek mai duzi depanidime,
iwoi Ujanzen inan dal daŋan me ilopanek segatekdaŋan, buben maliknen dal mai mon.
11Ujazen, oina neaoi inag ja me ilo padal,
ja me ujan.
12Tamol it Ujanzenoi izutime?
Dal gauai me i pilianiwoi ibol, me i peteŋaniime.
13Tamol me siben ilondaŋange gauai madowoi,
nanungaz tan fun egin demadowoi.
14Me i Ujanzenoi dizutdime, iwoi i lo madoime,
inan temaneknen me peteŋanag diloŋdime.
15Malag me sansan Ujanzen daŋeime,
i nieg doblon me pasiwoi.
16Diŋiagpe, kanim ŋale panagpe,
ŋa nieg taimon alan mai ŋenauŋame.
17Bubeg inan muzuan me pasipe,
inag alan daŋanlonpa duzagpe.
18Abaŋ modoanagime, ŋainag alan mai dab pani,
inag aupasek daŋan paze idupe.
19Ŋainag agez kuzumlak, bubudin gigienlon dumugunagdimelak
mai dab unaupe.
20Tinig nitug mai tizinip patug pasipe;
unaupa abaŋ ewoi mamai so ŋeŋalewoi, ŋa olon ŋeseafug ŋemadoŋamelakoi.
21Kagin gauai zatamlak tiduk niŋon mai duzagoi,
ŋa o mala ŋenauŋamelakoi.
22O Anut, alan daŋanlon
Israel patun pasipe.
New Testament published by the British and Foreign Bible Society in 1960. Genesis published by the Australian Bible Society in 1971.