Israel Kan 22
22
Kanamkamaŋ inan. Sesalinen isi sinan Dawid inan kanam.
1Ŋainag Anut, ŋainag Anut, dodinge o ŋa binaglak?
Dodinge aneg udunenoi siziz so panag, ŋainag sagaik menen?
2O ŋainag Anut, adlon ŋawog, ge o auag so wabiume;
bonen mai, ge tinig binig so ŋemadoŋame.
3O bo gun,
Israel kalellon madoume.
4Begamagaz o denau depanolak;
i denau depanomeg o tataz uŋallak.
5O salo ditag o putudin pasilak;
o denau depanog owoi ladin so bebaze.
6Ŋa bo tantiwon ikol, tamol tea;
tamol dumugunag, tamolai dizag dewai.
7Denasagdime me daŋan ŋawoi didiwadime,
auadin dubufate, getadin detanise detanilaime, dibol,
8I Ujanzen inau panilak; segauz i tetazi ŋalewoi,
i gaten pasiwoi, iwoi i zigeimelakoi.
9O ŋainag nen teŋaenlonge ziaglak;
ŋa nen inan su ŋanimeg o gauai dab panaglak.
10Nen noaglak melonge ŋa o mailak,
nen duzaglakge gazo e o ŋainag Anut.
11O ŋa makaiu so made mon,
pulufunek sizizlon iseg ienimelakoi,
tata aneg idunen so madoime.
12Bulmakau dauai dililitagdime,
Bazan fatu inan bulmakau balif digilinagdime;
13ŋawoi auadin dubufateg ujandime,
laion wagai buzundaŋan egin.
14Naz egin diwiliaglak,
ŋainag dog daŋan tapasime;
inag bubeg numuzan jalak buliseg naz inauime egin,
petazeg ilonnen buliselak.
15Zagug me palaŋ egin kekaka ibol,
baleg me aeglak bugatiime;
mateŋ inan kulukallon o noagume.
16Au, gaun ditilianagdime;
salannaukgaz lol depasig dililitagdime;
inag nimag nieg mai desebelailak.
17Ŋa inag dog daŋan ŋusutinen ŋaloŋ,
i dililiag deleŋanag mai;
18Ŋainag jamel nug dewae deŋaledime,
inag jamel melaenoi i gaŋmalan egin dititig deŋale.
19Ge o, Ujazen ibennen makaiu so made mon!
O ŋainag aneg idunen pasak dinagpe!
20Sebuzioi nitug tetazi ŋalepe,
ŋainag bas gaun inan gemaunlon!
21Laion inan auanlonpa patug pasipe,
nitug alan nauklak bulmakau duguze inan failon mai.
22Oina nea taiggaz ŋeblani ŋipinidinoi;
medaeŋ leŋadinlon ŋa o kalel ŋepanowoi.
23Aŋ Ujanzenoi azutamelak aŋ kalel apaniwoi!
Jakob inan daz daŋan biŋan ibisawoi,
Israel inan daz daŋan, iwoi aŋ melami kebazanpa atiuzoi!
24Waizdaŋanlak me alan naug madelak
me so zezeŋani, iwoi sizin so isalak;
iwoi i naon so miŋianilak,
tea, iwoi iwogge i dab panilak.
25O sinalon ŋa medaeŋ ujanlon kalel ŋabinen ŋaloŋ;
Ŋainag blanipanek azu me iwoi dizutdime me noadinnen niŋon ŋenaup itasawoi.
26Alan inaulak me anaŋ janip pitol teaboi;
me i debezanidime i Ujanzen kalel depaniwoi!
Nami bubumi dedeŋanip basoi.
27Fatu wadan daŋannen Ujanzen ladin isoup
didaŋsawoi;
fatufatu nadin samungaz
i naonnen sibiniap diduwoi.
28Gaten nauk me Ujanzen inan,
i fatufatu kibiai pinidinime.
29Au, i naonnen tan inan ŋagastamol daŋan detakokoi;
daŋan me dimatpa tenatan ibuloimap me i naonnen detakokoi,
i me siben bas madonen lo teag i mai.
30Begazangaz i bian depaluwoi;
tamol i Ujanzenoi daz uzekgaz dipidinoi.
31Inan tetazek ŋalek uzatoi daz loantapnen mai pidinoi,
i inaulak ŋan me.
Currently Selected:
Israel Kan 22: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 22
22
Kanamkamaŋ inan. Sesalinen isi sinan Dawid inan kanam.
1Ŋainag Anut, ŋainag Anut, dodinge o ŋa binaglak?
Dodinge aneg udunenoi siziz so panag, ŋainag sagaik menen?
2O ŋainag Anut, adlon ŋawog, ge o auag so wabiume;
bonen mai, ge tinig binig so ŋemadoŋame.
3O bo gun,
Israel kalellon madoume.
4Begamagaz o denau depanolak;
i denau depanomeg o tataz uŋallak.
5O salo ditag o putudin pasilak;
o denau depanog owoi ladin so bebaze.
6Ŋa bo tantiwon ikol, tamol tea;
tamol dumugunag, tamolai dizag dewai.
7Denasagdime me daŋan ŋawoi didiwadime,
auadin dubufate, getadin detanise detanilaime, dibol,
8I Ujanzen inau panilak; segauz i tetazi ŋalewoi,
i gaten pasiwoi, iwoi i zigeimelakoi.
9O ŋainag nen teŋaenlonge ziaglak;
ŋa nen inan su ŋanimeg o gauai dab panaglak.
10Nen noaglak melonge ŋa o mailak,
nen duzaglakge gazo e o ŋainag Anut.
11O ŋa makaiu so made mon,
pulufunek sizizlon iseg ienimelakoi,
tata aneg idunen so madoime.
12Bulmakau dauai dililitagdime,
Bazan fatu inan bulmakau balif digilinagdime;
13ŋawoi auadin dubufateg ujandime,
laion wagai buzundaŋan egin.
14Naz egin diwiliaglak,
ŋainag dog daŋan tapasime;
inag bubeg numuzan jalak buliseg naz inauime egin,
petazeg ilonnen buliselak.
15Zagug me palaŋ egin kekaka ibol,
baleg me aeglak bugatiime;
mateŋ inan kulukallon o noagume.
16Au, gaun ditilianagdime;
salannaukgaz lol depasig dililitagdime;
inag nimag nieg mai desebelailak.
17Ŋa inag dog daŋan ŋusutinen ŋaloŋ,
i dililiag deleŋanag mai;
18Ŋainag jamel nug dewae deŋaledime,
inag jamel melaenoi i gaŋmalan egin dititig deŋale.
19Ge o, Ujazen ibennen makaiu so made mon!
O ŋainag aneg idunen pasak dinagpe!
20Sebuzioi nitug tetazi ŋalepe,
ŋainag bas gaun inan gemaunlon!
21Laion inan auanlonpa patug pasipe,
nitug alan nauklak bulmakau duguze inan failon mai.
22Oina nea taiggaz ŋeblani ŋipinidinoi;
medaeŋ leŋadinlon ŋa o kalel ŋepanowoi.
23Aŋ Ujanzenoi azutamelak aŋ kalel apaniwoi!
Jakob inan daz daŋan biŋan ibisawoi,
Israel inan daz daŋan, iwoi aŋ melami kebazanpa atiuzoi!
24Waizdaŋanlak me alan naug madelak
me so zezeŋani, iwoi sizin so isalak;
iwoi i naon so miŋianilak,
tea, iwoi iwogge i dab panilak.
25O sinalon ŋa medaeŋ ujanlon kalel ŋabinen ŋaloŋ;
Ŋainag blanipanek azu me iwoi dizutdime me noadinnen niŋon ŋenaup itasawoi.
26Alan inaulak me anaŋ janip pitol teaboi;
me i debezanidime i Ujanzen kalel depaniwoi!
Nami bubumi dedeŋanip basoi.
27Fatu wadan daŋannen Ujanzen ladin isoup
didaŋsawoi;
fatufatu nadin samungaz
i naonnen sibiniap diduwoi.
28Gaten nauk me Ujanzen inan,
i fatufatu kibiai pinidinime.
29Au, i naonnen tan inan ŋagastamol daŋan detakokoi;
daŋan me dimatpa tenatan ibuloimap me i naonnen detakokoi,
i me siben bas madonen lo teag i mai.
30Begazangaz i bian depaluwoi;
tamol i Ujanzenoi daz uzekgaz dipidinoi.
31Inan tetazek ŋalek uzatoi daz loantapnen mai pidinoi,
i inaulak ŋan me.
New Testament published by the British and Foreign Bible Society in 1960. Genesis published by the Australian Bible Society in 1971.