Israel Kan 147
147
1Ujanzen kalel pani!
Inad Anut kalel paninen me gauai;
i kanimdaŋanlakoi kalel paneknen dug iwoi iduse.
2Ujanzen Jerusalem saseime;
Israel nadin meselanekwain temanaime.
3Bubudin itautlak me kibiniaime,
nadin dai ipauime.
4I patui sutaime,
daŋan neadin pinidinime.
5Inad Ujanzen i ujanzen, tiwon zen mok,
inan iloŋnen me tabolnen tea.
6Piziŋinag demadodime me Ujanzen bisiadinime,
salanbibiangaz tanlak betetanaime.
7Pez apanimap Ujanzen dug abip apani;
laiarlon inad Anut klagun ta abip apani!
8I timtaenlon did toanaime,
ui tanoi sagen inauime, bubunlak kebasik inaug isaime.
9Dazuk i anaŋ pinidinime,
gaugau faun anaŋoi dibobdime me mai.
10I hors tiwonoi ilon so ibolime,
tamol nienoi mai ilon so gamun;
11Tea, Ujanzen me iwoi dizutdime iwoi i ilon gamun funiime,
iwoi me inan ilopanek segatekdaŋan dusuzuazoudime me.
12O Jerusalem, Ujanzen kalel apani!
O Sion, nami Anut kalel apani!
13I oina dalauan inan bubu seŋaniime;
i ilonnen oina ai kibiniaime.
14I oina fatu geggeglon mazoz inaug iduime;
baza gauai mok panop wanip loa didiwoi.
15I inan kibiaiŋ inaug iseg tan paniime;
inan azu pasak paluime.
16Sno belelek fufulun egin inaug iduime;
bug inan sno sagaf egin sezaneime.
17Inan ais anaŋ boi egin tan ilaime;
it inan fatu jizun daŋenen iloŋ?
18I inan azu inaug ibulge naz egin inau;
i tim inaug fazeg naz paluime.
19Inan azu Jakob ipaiime,
inan kibiai kibiaik mai Israel pinidinime.
20I panu tawain megin so idauzilak;
i inan kibiaik so diloŋ.
Ujanzen kalel apani!
Currently Selected:
Israel Kan 147: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 147
147
1Ujanzen kalel pani!
Inad Anut kalel paninen me gauai;
i kanimdaŋanlakoi kalel paneknen dug iwoi iduse.
2Ujanzen Jerusalem saseime;
Israel nadin meselanekwain temanaime.
3Bubudin itautlak me kibiniaime,
nadin dai ipauime.
4I patui sutaime,
daŋan neadin pinidinime.
5Inad Ujanzen i ujanzen, tiwon zen mok,
inan iloŋnen me tabolnen tea.
6Piziŋinag demadodime me Ujanzen bisiadinime,
salanbibiangaz tanlak betetanaime.
7Pez apanimap Ujanzen dug abip apani;
laiarlon inad Anut klagun ta abip apani!
8I timtaenlon did toanaime,
ui tanoi sagen inauime, bubunlak kebasik inaug isaime.
9Dazuk i anaŋ pinidinime,
gaugau faun anaŋoi dibobdime me mai.
10I hors tiwonoi ilon so ibolime,
tamol nienoi mai ilon so gamun;
11Tea, Ujanzen me iwoi dizutdime iwoi i ilon gamun funiime,
iwoi me inan ilopanek segatekdaŋan dusuzuazoudime me.
12O Jerusalem, Ujanzen kalel apani!
O Sion, nami Anut kalel apani!
13I oina dalauan inan bubu seŋaniime;
i ilonnen oina ai kibiniaime.
14I oina fatu geggeglon mazoz inaug iduime;
baza gauai mok panop wanip loa didiwoi.
15I inan kibiaiŋ inaug iseg tan paniime;
inan azu pasak paluime.
16Sno belelek fufulun egin inaug iduime;
bug inan sno sagaf egin sezaneime.
17Inan ais anaŋ boi egin tan ilaime;
it inan fatu jizun daŋenen iloŋ?
18I inan azu inaug ibulge naz egin inau;
i tim inaug fazeg naz paluime.
19Inan azu Jakob ipaiime,
inan kibiai kibiaik mai Israel pinidinime.
20I panu tawain megin so idauzilak;
i inan kibiaik so diloŋ.
Ujanzen kalel apani!
New Testament published by the British and Foreign Bible Society in 1960. Genesis published by the Australian Bible Society in 1971.