Israel Kan 144
144
Dawid inan kanam ta.
1Ujanzen, inag pat, patun isap mado,
i me nimag ju maŋau peteŋaniime,
nimag tikun zoiknen maŋau me;
2inag pat, inag kaboŋ mai,
inag sep tetazekŋaleknen mai,
ŋainag gubiz, ŋan i mai melon ŋa seafuklon ŋemadoŋame,
i me fatufatuwain puzotoanag siben paenlon inauime.
3O Ujazen, tamol me ait tat o i dab paniume,
tamol inan ai o iwoi ilo isouime?
4Tamol i jaeŋ ŋalek taimon egin,
inan nal me jauŋ igegge iduime egin.
5O Ujazen, unaup oina did takokpa udu!
did titip jakas itasa!
6Lelei unaup idup pititilia,
oina tu unaupa ditasap kudua!
7Latnenpa nima wote,
naz kuzumlon gateg pasi, tetazag ŋiliagpe,
panubaswain nimadinlon,
8me auadinlon azu sekauk diboldime,
me nadin nimadin waŋ me kagin sekauk inan niman waŋ.
9O Anut, ŋa owoi dug faun ta ŋabiwoi;
ŋa harp wol tendaŋanlon dug ŋesaewoi,
10O me unaup kiŋ seŋanadime,
o me Dawid, inan begabeg, tetazi ŋaleime.
11Badiz malandaŋanoi gateg pasipe,
panubaswain nimadinlon tetazag ŋiliagpe,
me auadinlon azu sekauk diboldime,
i me nimadin waŋ me sekauk inan niman waŋ.
12Inad ai nadin damaglon
biab isa gauailak eginpes,
inad aipain me ab siun inan bag eginpes,
ab ujanoi disiglak eginpeges.
13Inad anaŋ bad ifofokpe,
anaŋ funfun idoi ienpeges;
belelek nunudin tausend kuzum denaupe,
inad panulon ten tausend denaupes.
14Bulmakau tinidindaŋanpe,
dusuzuaimap tinan nanun mai so dimatoi;
tata inad panulon abaŋ salanoi so ibob kekaukoi!
15Ladin gauaipa demado me i megin kibinia gauailak!
Ladin gauaipa me Anut Ujanzenoi Inad e dibol.
Currently Selected:
Israel Kan 144: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 144
144
Dawid inan kanam ta.
1Ujanzen, inag pat, patun isap mado,
i me nimag ju maŋau peteŋaniime,
nimag tikun zoiknen maŋau me;
2inag pat, inag kaboŋ mai,
inag sep tetazekŋaleknen mai,
ŋainag gubiz, ŋan i mai melon ŋa seafuklon ŋemadoŋame,
i me fatufatuwain puzotoanag siben paenlon inauime.
3O Ujazen, tamol me ait tat o i dab paniume,
tamol inan ai o iwoi ilo isouime?
4Tamol i jaeŋ ŋalek taimon egin,
inan nal me jauŋ igegge iduime egin.
5O Ujazen, unaup oina did takokpa udu!
did titip jakas itasa!
6Lelei unaup idup pititilia,
oina tu unaupa ditasap kudua!
7Latnenpa nima wote,
naz kuzumlon gateg pasi, tetazag ŋiliagpe,
panubaswain nimadinlon,
8me auadinlon azu sekauk diboldime,
me nadin nimadin waŋ me kagin sekauk inan niman waŋ.
9O Anut, ŋa owoi dug faun ta ŋabiwoi;
ŋa harp wol tendaŋanlon dug ŋesaewoi,
10O me unaup kiŋ seŋanadime,
o me Dawid, inan begabeg, tetazi ŋaleime.
11Badiz malandaŋanoi gateg pasipe,
panubaswain nimadinlon tetazag ŋiliagpe,
me auadinlon azu sekauk diboldime,
i me nimadin waŋ me sekauk inan niman waŋ.
12Inad ai nadin damaglon
biab isa gauailak eginpes,
inad aipain me ab siun inan bag eginpes,
ab ujanoi disiglak eginpeges.
13Inad anaŋ bad ifofokpe,
anaŋ funfun idoi ienpeges;
belelek nunudin tausend kuzum denaupe,
inad panulon ten tausend denaupes.
14Bulmakau tinidindaŋanpe,
dusuzuaimap tinan nanun mai so dimatoi;
tata inad panulon abaŋ salanoi so ibob kekaukoi!
15Ladin gauaipa demado me i megin kibinia gauailak!
Ladin gauaipa me Anut Ujanzenoi Inad e dibol.
New Testament published by the British and Foreign Bible Society in 1960. Genesis published by the Australian Bible Society in 1971.