Israel Kan 140
140
Kanamkamaŋ inan: Dawid inan kanam ta.
1O Ujazen tamol sladin nimadinlon tetazag ŋiliag;
wagaitamoloi dab panagpe,
2me bubudinlon abaŋ salan nean denaudime,
sansan ju azu mai disikilidime.
3Beladin mot inan egin malandaŋan,
fiziŋodin paenlon mot salan inan tibilan ien. Sela
4O Ujazen, salanbibiangaz nimadinoi tizinagpe;
wagaitamoloi dab panagpe,
i nieg peselauknen paniwoi nean denaulak.
5Tamol gisigas i ŋawoi siŋ denaulak,
dob mai kapit desaelak,
dal gezaŋenlon ŋawoi bozwadan denaulak. Sela
6Ŋa Ujanzen ŋepai, O Ŋainag Anut;
O Ujazen, auag inan gadiŋ tiliŋa daŋepe!
7O Ujazen, ŋainag Ujanzen, inag tetazekŋaleknen gegaun,
o ju inan nallon gateg toanilak.
8O Ujazen, salanbibian ilon ibolime me pizianipe;
ŋawoi fenafunime melon o so dini mon! Sela
9I me dililitagdime i getadin dibise,
fiziŋodin inan aupasek toanap bekekazawoi!
10Waetaen nanek fodinlak ibal iduwoi!
Segauz betetanap loflon didulap, faun beŋten so ditasawoi!
11Naup uftamol i fatulon tan fun so inauwoi;
wagaitamol me segauz pasak abaŋ salanlon padaloi!
12Ŋa ŋaloŋ Ujanzen i tamolai modoanalak me stemanaime,
alangaz nadin azu tali tidukime.
13Malik, taozgaz i oina nea pez depaniwoi;
tidukgaz o naonen demadowoi.
Currently Selected:
Israel Kan 140: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 140
140
Kanamkamaŋ inan: Dawid inan kanam ta.
1O Ujazen tamol sladin nimadinlon tetazag ŋiliag;
wagaitamoloi dab panagpe,
2me bubudinlon abaŋ salan nean denaudime,
sansan ju azu mai disikilidime.
3Beladin mot inan egin malandaŋan,
fiziŋodin paenlon mot salan inan tibilan ien. Sela
4O Ujazen, salanbibiangaz nimadinoi tizinagpe;
wagaitamoloi dab panagpe,
i nieg peselauknen paniwoi nean denaulak.
5Tamol gisigas i ŋawoi siŋ denaulak,
dob mai kapit desaelak,
dal gezaŋenlon ŋawoi bozwadan denaulak. Sela
6Ŋa Ujanzen ŋepai, O Ŋainag Anut;
O Ujazen, auag inan gadiŋ tiliŋa daŋepe!
7O Ujazen, ŋainag Ujanzen, inag tetazekŋaleknen gegaun,
o ju inan nallon gateg toanilak.
8O Ujazen, salanbibian ilon ibolime me pizianipe;
ŋawoi fenafunime melon o so dini mon! Sela
9I me dililitagdime i getadin dibise,
fiziŋodin inan aupasek toanap bekekazawoi!
10Waetaen nanek fodinlak ibal iduwoi!
Segauz betetanap loflon didulap, faun beŋten so ditasawoi!
11Naup uftamol i fatulon tan fun so inauwoi;
wagaitamol me segauz pasak abaŋ salanlon padaloi!
12Ŋa ŋaloŋ Ujanzen i tamolai modoanalak me stemanaime,
alangaz nadin azu tali tidukime.
13Malik, taozgaz i oina nea pez depaniwoi;
tidukgaz o naonen demadowoi.
New Testament published by the British and Foreign Bible Society in 1960. Genesis published by the Australian Bible Society in 1971.