Israel Kan 119
119
1Putudin isap me i ja teag demadodime,
me i Anut inan kaginlon ditozdime
2Putudin isap me i inan sigianek duzi depanidime,
me bubudindaŋan i debezanidime,
3i abaŋ salan ta mai so denaudime,
tea, inan dallon ditozdime!
4O oina azu penamalak,
me am kabe mon dab apaniwoi.
5Ŋainag tazeŋ oina kibiai
ŋuzi ŋepaninenoi segatipeges!
6Meginpe ŋa mamai so ŋeŋalewoi,
ŋainag malag oina kibiaiŋ lalep ienmap.
7Ŋa bubeg tidukdaŋan owoi kalel ŋabiwoi,
ŋa oina kibiaik taoz ŋeŋalemap.
8Ŋa oina kibiai ŋuzi ŋepaniwoi;
o so binag mok mon!
9Aifaun dodin inaup inan damag so bedaniwoi?
I oina azu mon uzi panimap megin mon.
10Bubegdaŋan o ŋebezano,
unaup ŋa oina kibiaiŋ so ŋepezebedaniwoi!
11Oina azu bubeglon bageunen ŋenaulak,
ŋa o ŋidiŋiop au so ŋapasoilakoi.
12Patu isap, O Ujazen;
oina kibiai peteŋanagpe!
13Fiziŋoglon oina aua
inan kibiaik daŋan ŋisigianiŋame.
14Ŋa oina sigianek inan dallon jaug isa,
jes gauai daŋanoi egin.
15Oina azu ŋa ilog kankanoi,
inag malag oina dal mon lalewoi.
16Ŋa oina kibiailon jaugjaug ŋemadowoi;
oina azu ŋa ilog so padaloi.
17O oina begabeg sililip kibine,
meginpe ŋa gauai ŋemademap oina azu dagom ŋepaniwoi.
18Naup malag po iboloi, meginmap
oina kaginlon abaŋ kubelzen ŋenasiwoi.
19Ŋa tan elon lowain egin;
oina kibiaiŋ ŋa naognen so miŋiani mon.
20Tinig ŋenau ŋenaumeg nitug itaut,
oina kibiaikoi sansange.
21Ŋagasgaz meselaneklak mai me o bebanaume,
i me oina kibiaiŋ dibinig ibennen ditozdime.
22Inadin fiziŋon nauk dizawaik mai biti panag,
ŋa oina sigianek dab ŋepanilakoi.
23Kiŋ inan tamolujan dematalmeg mai ŋawoi defenafun,
ge oina begabeg oina kibiaioi kankanmap madowoi.
24Oina sigianekoi jaug isaime,
i ŋainag dal peteŋanek mai.
25Ŋainag nitug kulukal jabilak;
Faun noag mugpa, oina azu ibollak egin!
26Inag daldaloi beŋten ŋabolge o auag wabilak;
oina kibiai peteŋanagpe!
27Noagpe ŋa oina azu inan dal ŋaloŋoi,
meginpe ŋa oina nauknauk kubeloi ilog kankanoi.
28Nitug muzuanlakoi inauime;
zagun panagpe, oina azu ibolime egin!
29Kagin sekauk me bitip ibennen naup;
oina kanimlon kagin peteŋanagŋan!
30Ŋa buben maliknen inan dal ŋipiliani,
oina kibiaik naognen ŋenau.
31Ŋa oina sigianeklon bugutagge ŋemadoŋame;
unaupa ŋa mamai so ŋeŋalewoi!
32Ŋa oina kibiaiŋ inan dallon ŋepalup ŋatozoi,
o ŋainag ŋaloŋnen bebaŋep ujanmap!
33O Ujazen, oina kibiai inan dal peteŋanagpe;
meginpe ŋa wadanlonpa, ŋuzi ŋepaniwoi.
34Ŋaloŋnen panagpe, meginpe ŋa oina kagin ŋuzi ŋepaniwoi,
bubegdaŋan dab ŋepaniwoi.
35Oina kibiaiŋ inan dallon duzagpe,
ŋa melon jaug isaime.
36Bubeg kumep oina sigianek daŋewoi,
tan inan jesoi bulases biti!
37Malag bozozoanip abaŋ se dab so paniwoi;
oina dallon ŋemadonen panagpe.
38Oina blani paneknen azu me oina begabegoi stemani pani,
me i owoi dizutdime iwoi ienime.
39Seuf azu mewoi ŋuzuazouŋame me kume ila panag;
oina kibiaik gauailakoi.
40Nasi, oina azuoi jaeŋ sufutanag;
oina taozlon basnen panagpe!
41O Ujazen, unaup oina ilopanek segatekdaŋan izignen iduwoi,
oina patuisanen oina blanipaneknen egin.
42Meginpe me i azu salan depaiagdime me auadin ŋabinen ŋaloŋoi,
oina azu ŋenau ŋepanilakoi.
43Azu malik auaglonpa so wozai mok mon,
inag suzuazouknen oina kibiaiklon ienimelakoi.
44Oina kagin sansanpe ŋuzi ŋepaniwoi,
dedeŋanip dedeŋanipnen;
45Ŋa paseklon ŋatozoi,
ŋa oina azu ŋebezanilakoi.
46Kiŋ noadinnen mai oina sigianekoi ŋaboloi,
mamai so ŋeŋalewoi.
47Ŋainag jaug me oina kibiaiŋlon ienime,
ŋa iwoi ŋamat.
48Oina kibiaiŋ mewoi ŋa ŋamat bubeg ŋepaniŋame,
oina kibiaioi ŋa kankanoi.
49Azu oina begabeg upailak me ilo isou,
azu melon o noagge ŋusuzuazouŋame.
50Me inag alanlon ilog ŋalelak,
oina blanipaneknen azu basnen panagime.
51Anut so dikollak tamol me dizag dewai mokdime,
ge ŋa ŋukumeg oina kagin so ŋibinilak.
52Ŋa oina kibiaik wagamnen ilog isoumap,
O Ujazen, ilogŋalek ŋeŋaleŋame.
53Salanbibiangaz me oina kagin miz depanidime
iwoi bubeg wonananime.
54Ab baslon ŋemademeg
oina kibiai me ŋainag kanam.
55O Ujazen, oina nea bonen ilog isou,
oina kagin mai ŋuzi ŋepaniŋame.
56Melon patug isalak,
oina azu dagom ŋepanilakoi.
57Ujanzen i ŋainag fuzag;
oina azu ŋitiziniwoi malik ŋabol.
58Bubegdaŋan oina looi ŋagod;
oina azu ibollak egin kanim ŋale panagpe.
59Ŋa oina daloi kankanmap
ŋa nieg ŋobozozoanig oina sigianeklon idulaime;
60Ŋa jaeŋjaeŋ ŋenau, bodo so ŋabol,
oina kibiaiŋ dab ŋepaniŋame.
61Salanbibian nadin zaeŋ tilianag poaglakge
ŋa oina kagin ilog so padalime.
62Tidom loanlon ŋamaispa kalel ŋepanoŋame,
oina kibiaik taozlakoi.
63Ŋa me i owoi dizutdime, oina azu mai
duzi depanidime, ŋa inadin tazeŋbi.
64O Ujazen, oina ilopanek segatekdaŋan me tan fuamime;
kibiai peteŋanagpe!
65O oina begabeg mai gauai tatozlak,
O Ujazen, oina azu ibollak egin.
66Betenaeknen gauai ŋaloŋnen mai peteŋanagpe,
ŋa oina kibiaiŋ iloglon maliklakoi.
67Alan so noagmeg ŋa ŋepezebedani;
ge gazo oina azu dab ŋepaniŋame.
68O gauaiged, gauai unau mai;
oina kibiai peteŋanagpe.
69Anut mai so dikollak i azu sekauklon dububunagdime,
ge bubegdaŋanlon ŋa oina azu ŋuzi ŋepaniŋame.
70Bubudin muzuan numuzan digallak egin itub gauailak,
ge ŋa oina kaginlon jaug isaime.
71Ŋa alan noaglak me gauai,
ŋa oina kibiai ŋaloŋoilakoi.
72Oina aua inan kaginoi ilog ibolime,
gold silwer me mai boi tausend kuzum i mai so iduse.
73Oina nima noag, tinig teŋanilak;
ŋaloŋnen panagpe, meginpe ŋa oina kibiaiŋ ŋeŋalewoi.
74Owoi dizutlak me denasagpa ladin gauaioi,
ŋa oina azulon ŋusuzuazoulakoi.
75O Ujazen, ŋa ŋaloŋ oina betenaek me tiduk mon,
o bube malikdaŋanlon modoanaglak.
76Oina ilopanek segatekdaŋan unaup ilog ŋaleknen panagoi,
oina blanipaneknen azu oina begabeg panilak egin.
77Unaup oina teŋaealannen izignen idup ŋa basoi;
oina kagin me ŋainag jaug.
78Anut mai so dikollak me unaup mamai deŋalewoi,
I sekauklon dupuzutoanaglakoi.
Ge ŋa oina azuoi kankanoi.
79Unaup me i owoi dizutlak i ŋa diŋiagoi,
meginpe i oina sigianek diloŋoi,
80bubegdaŋan oina kibiailon ŋatozŋan,
meginpe ŋa mamai so ŋeŋalewoi!
81Nitug oina patunisanenoi jaeŋ sufutaniime;
oina azulon ŋusuzuazouŋame.
82Oina blanipaneknen malan ŋenaumeg malag i kobaub;
ŋa sodoz ŋepano, O saŋeptap ilog ŋalewoi?
83Ŋa boz tezamen jakaslon ienlak egin kazo ŋabol,
oina kibiai bo so ilog padallak.
84Oina begabeg nal pitep abaŋ e joazewoi?
Saŋeptap diŋiliag duzagdime me bitiniawoi?
85Anut mai so dikollak i ŋawoi siŋ denaulak,
tamol me oina kagin mai so kilianlak me.
86Oina kibiaiŋ daŋan malik mon;
i azu sekauk sinan diŋiliag duzagdime, aneg udupe!
87Kitek ta maip i denaup ŋa tanlak malag teaboi;
ge ŋa oina azu so ŋibinilak.
88Oina ilopanek segatekdaŋanlon tizinagpa so ŋepadaloi,
meginpe ŋa oina aua inan sigianek dab ŋepaniwoi.
89O Ujazen, oina azu dedeŋanipnen
didlak zatamge ien.
90Daz uzek daŋanlon oina bube maliknen kagin ienoi;
o tan unaulakge zatamge ien.
91Oina azu sinanlon gazomnen diendime;
abaŋ daŋan o bia palunen monlakoi.
92Oina kaginlon jaug so isape
ŋa inag alannauklon ŋepadalpe.
93Ŋa oina azu ilog so padaloi;
melon o ŋa sidigiag baslakoi.
94Ŋa oina, patug pasipe;
ŋa oina azuoi ŋelaŋailakoi.
95Salanbibiangaz dipitiŋinagoi defenafundime;
ge ŋa oina sigianek ilog kankanime.
96Abaŋ gauai moklak me mai samoimeg ŋenasi,
ge oina kibiaiŋ me gaid ienoi.
97Auje, oina kaginoi ŋamatged!
nal melaendaŋan melon kankan ŋeŋaleŋame.
98Oina kibiaiŋ me agez nenazag ilog kaginkagin paniime,
i sansan izignen ienimelak.
99Ŋaloŋnen inag peteŋanekgaz daŋan nadin maŋau nenaza pasi,
oina aua inan sigianek me ŋainag kankan.
100Ŋaloŋnenlon tamolujanujan ŋenenaza pasi,
ŋa oina azu dab ŋepaniŋamelakoi.
101Dal salan daŋanlon nieg ŋipiziani,
oina azu dab ŋepaniwoilakoi.
102Oina kibiaikoi so ŋefeanig ŋatoz;
o peteŋanaglakoi.
103Oina azu auaglon gamunged,
au, gubuzuztaen inan gamun nenazi.
104Oina azulon ŋaloŋnen ŋeŋaleŋame,
mewoi dal salan daŋan ŋezezeŋani.
105Oina azu me ŋainag nieg inan sul,
inag dallak lelaman egin ienime.
106Ŋa stemanek azulon malik e ŋabol,
ŋa oina kibiaik taoz dagom ŋepaniwoi.
107Ŋa alan mok noagime;
O Ujazen, basnen panagpe, oina azu ibollak egin.
108O Ujazen, inag kalel panek inan janauk me dab panipe,
oina kibiaik me peteŋanagpe.
109Nitug tinig mai ŋa gaid nimaglon ŋabi,
oina kagin bo so ilog padalime.
110Salanbibiangaz i ŋawoi tawaŋ denaulak,
ge oina azuoi ŋa so ŋedeladalge ŋatozŋame.
111Oina sigianek me dedeŋanipnen fuzag ŋeŋale,
au, me ŋainag bubeg inan zigiek.
112Oina kibiai ŋenau ŋufuninenoi ŋedaŋeŋame,
dedeŋanipnen wadanlon mai.
113Tamol bubudin azuazulak me ŋezezeŋana,
ge oina kaginoi ŋamat.
114O ŋainag seafuknen aben, ŋainag gubiz mai;
oina azulon ilog suzuazouime.
115Salannauk, aŋ daŋan binagpa,
meginpe ŋainag Anut inan kibiaiŋ dagom ŋepaniwoi.
116Seŋanagpe oina azu blani panaglak egin, meginpe ŋa bas gauai ŋemadowoi,
inag suzuazouklon mamai so ŋeŋalewoi!
117Stemanagpe, ŋa se gauai ŋemadowoi,
oina kibiai mai sansan dab ŋepaniwoi!
118Oina kibiaioi dedeladalge ditozdime me daŋan o zezeŋanaume;
nadin sepalek me se denau debedani.
119Tan inan salanbibian daŋanoi kizika e ubolume;
Mewoi ŋa oina sigianekoi ŋamatŋame.
120Owoi tinig terere ibolime,
oina betenaekoi ŋa ŋazut.
121Kagin iduselak abaŋ taoz mai ŋenau;
inag tetalekgaz ilonlon so binag mon.
122Oina begabeg anen udupe;
Unaup Anut mai so dikollak me so domodoanag mon.
123Oina patunisanenoi malan ŋenaumeg malag i kobaub,
oina blanipanek taoz niŋon inaunenoi mai.
124Oina ilopanek segatekdaŋanlon oina begabeg duzi,
oina kibiai peteŋanagpe.
125Ŋa oina begabeg, ŋaloŋnen panagpe,
meginpe ŋa oina sigianek ŋaloŋoi!
126Anut uzat inauwoi saen iduse,
oina kagin dubufunilakoi.
127Mewoi ŋa oina kibiaiŋoi ŋamat,
gold, gold kibineg imonlak me nenazi.
128Mewoi oina azu daŋanlon nieg ŋuduziŋame;
dal salan daŋan ŋezezeŋana.
129Oina sigianek me kubel mok;
mewoi nitug uzi paniime.
130Oina azu inan flalek abaŋ sesali inauime;
i ladin tea me diloŋnen pinidinime.
131Ŋa auag ŋesepanig jaeŋ funag,
ŋa oina kibiaiŋoi tinig ŋenaug ŋemadoŋamelakoi.
132Diŋiagpa kanim ŋalep panagpe,
o get me i oina neawoi dimatlak iwoi unaulak egin.
133Ŋainag nieg blanipanek azu ibolime egin seŋaniŋan,
unaupa aupasek ta inag gaten so inaup ienoi.
134Tamol nadin modoaneklonpa udad ŋiliagpe,
meginpe ŋa oina azu dab ŋepaniwoi.
135Naup oina nao oina begabeg fonlak sepetadewoi,
oina kibiai peteŋanagpe.
136Malaglonge melaug gauz iduime,
tamol i oina kagin dagom so depanidimelakoi.
137O Ujazen, o taozume,
oina betenaek me tiduk.
138O oina sigianek taozlon unaug diendime,
bube malik mailon.
139Inag jaugjaug jiniagime,
oina daŋekgaz oina azu ladin padalimelakoi.
140Oina blanipanek me kibiani gauai,
oina begabeg ilon paniime.
141Ŋa mitin, dezezeŋanagdime mai,
ge oina azu so ilog padalime.
142Oina taoz niŋon me sansanpe taoz,
oina kagin me malik.
143Alan sagaiknen mai biaglak,
ge oina kibiaiŋ me ŋainag jaug.
144Oina sigianek me taoz dedeŋanipnen;
ŋa ŋaloŋnen panagpe ŋa ŋemadonen ŋaloŋoi.
145Bubegdaŋan mon ŋawoglak, O Ujazen, auag wabipe!
ŋa oina kibiai dagom ŋepaniwoi.
146Ŋa owoi ŋawog, patug pasipe,
meginpe ŋa oina sigianek dab ŋepaniwoi.
147Fatu so sesalimeg ŋa ŋamaisge aneg idunenoi ŋawog;
ŋa oina azuoi ŋusuzuazouŋame.
148Malag bonen tiziau me imugseg basime,
oina blanipanek azu kankannenoi.
149Oina ilopanek segatekdaŋanlon auag uloŋpe;
O Ujazen, oina kagin tiduk sinan tizinagpe so ŋepadaloi.
150Abaŋ alan nean denaug diŋiliag duzagdime i siziz depanag;
i oina kagin makaiuge demadodime.
151O Ujazen, o bo izignen madoume,
oina kibiaiŋ daŋan malik.
152Oina sigianek unaug dedeŋanig zatamlak
me get mon oina aualon ŋaloŋlak.
153Ŋainag alan dab panip tetazag ŋiliagpe,
ŋa oina kagin ilog so padalimelakoi.
154O ŋainag fug beŋten ubolpa udad ŋiliagpe;
noagpa ŋa basoi, oina blanipanek azu ibollak egin!
155Patunisanen me salanbibiangaz zidinnen so ien,
i oina kibiaioi so delaŋaidime.
156O Ujazen, oina kanim ujan mok;
oina kagin tiduk sinan basnen panagpe.
157Ŋainag ŋalekuzek daŋekgaz mai kuzum,
ge ŋa oina sigianekoi so ŋepezebedani.
158Tamol buben malik tealak ŋailpa sizig isaime,
i oina kibiaiŋ dagom so depanidimelakoi.
159Nasipe ŋa oina azuoi gauz ŋamatŋame!
oina ilopanek segatekdaŋan sinan tinig nitug mai tizinipe.
160Oina azu wadan me malik niŋon;
oina kibiaik taoz daŋan me dedeŋanipnen.
161Kiŋ inan tamolujan tinignen teameg diŋiliag duzagdime,
bubeg bo oina azuoi izutge ienime.
162Oina azuoi jaug isa,
ta abaŋ naon gauai iŋalelak egin.
163Ŋa kagin sekauk ŋezezeŋani ŋumuguni mai,
ge oina kaginoi ŋamatŋame.
164Ad taimon 7‐ge kalel ŋabiŋame,
oina kibiaik taozoi.
165Me i oina kaginoi dimatdime i mazoz mok demadodime;
abaŋ ta fiŋiap depeselaunen tea.
166O Ujazen, ŋa oina patunisanenoi ŋusuzuazouŋame,
oina kibiaiŋ inan niŋon ŋenauŋame;
167Ŋainag nitug oina sigianek dagom ŋepaniŋame;
ŋa iwoi gauz ŋamatŋame.
168Ŋa oina azu sigianek mai dagom ŋepaniŋame,
inag dal daŋan o naonen beŋten ienime.
169Unaup ŋainag wagiŋ izinen itasawoi, O Ujazen;
ŋaloŋnen panagpe oina azu ibollak egin!
170Unaup ŋainag gadiŋ o izinen itasawoi;
oina azu ibollak egin tetazag ŋiliagpe.
171Inag fiziŋog kalel gauz jabiwoi,
o oina kibiai peteŋanagume mewoi.
172Baleg me oina azuoi dug jabiwoi,
oina kibiaiŋ daŋan tiduk monlakoi.
173Oina nima dinagoi tenanou naup,
ŋa oina azu ŋipilianilakoi.
174O Ujazen, ŋa oina patunisanenoi tinig ŋenauŋame,
oina kagin me ŋainag jaug.
175Noagpa ŋa bas ŋemado, meginpe ŋa kalel panonen ŋaloŋ,
unaup oina kibiaik me dinagoi.
176Belelek padalge itozime egin ŋa ŋedeladal, oina begabeg bezanipe,
ŋa oina kibiaiŋ so ilog padaloi.
Currently Selected:
Israel Kan 119: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 119
119
1Putudin isap me i ja teag demadodime,
me i Anut inan kaginlon ditozdime
2Putudin isap me i inan sigianek duzi depanidime,
me bubudindaŋan i debezanidime,
3i abaŋ salan ta mai so denaudime,
tea, inan dallon ditozdime!
4O oina azu penamalak,
me am kabe mon dab apaniwoi.
5Ŋainag tazeŋ oina kibiai
ŋuzi ŋepaninenoi segatipeges!
6Meginpe ŋa mamai so ŋeŋalewoi,
ŋainag malag oina kibiaiŋ lalep ienmap.
7Ŋa bubeg tidukdaŋan owoi kalel ŋabiwoi,
ŋa oina kibiaik taoz ŋeŋalemap.
8Ŋa oina kibiai ŋuzi ŋepaniwoi;
o so binag mok mon!
9Aifaun dodin inaup inan damag so bedaniwoi?
I oina azu mon uzi panimap megin mon.
10Bubegdaŋan o ŋebezano,
unaup ŋa oina kibiaiŋ so ŋepezebedaniwoi!
11Oina azu bubeglon bageunen ŋenaulak,
ŋa o ŋidiŋiop au so ŋapasoilakoi.
12Patu isap, O Ujazen;
oina kibiai peteŋanagpe!
13Fiziŋoglon oina aua
inan kibiaik daŋan ŋisigianiŋame.
14Ŋa oina sigianek inan dallon jaug isa,
jes gauai daŋanoi egin.
15Oina azu ŋa ilog kankanoi,
inag malag oina dal mon lalewoi.
16Ŋa oina kibiailon jaugjaug ŋemadowoi;
oina azu ŋa ilog so padaloi.
17O oina begabeg sililip kibine,
meginpe ŋa gauai ŋemademap oina azu dagom ŋepaniwoi.
18Naup malag po iboloi, meginmap
oina kaginlon abaŋ kubelzen ŋenasiwoi.
19Ŋa tan elon lowain egin;
oina kibiaiŋ ŋa naognen so miŋiani mon.
20Tinig ŋenau ŋenaumeg nitug itaut,
oina kibiaikoi sansange.
21Ŋagasgaz meselaneklak mai me o bebanaume,
i me oina kibiaiŋ dibinig ibennen ditozdime.
22Inadin fiziŋon nauk dizawaik mai biti panag,
ŋa oina sigianek dab ŋepanilakoi.
23Kiŋ inan tamolujan dematalmeg mai ŋawoi defenafun,
ge oina begabeg oina kibiaioi kankanmap madowoi.
24Oina sigianekoi jaug isaime,
i ŋainag dal peteŋanek mai.
25Ŋainag nitug kulukal jabilak;
Faun noag mugpa, oina azu ibollak egin!
26Inag daldaloi beŋten ŋabolge o auag wabilak;
oina kibiai peteŋanagpe!
27Noagpe ŋa oina azu inan dal ŋaloŋoi,
meginpe ŋa oina nauknauk kubeloi ilog kankanoi.
28Nitug muzuanlakoi inauime;
zagun panagpe, oina azu ibolime egin!
29Kagin sekauk me bitip ibennen naup;
oina kanimlon kagin peteŋanagŋan!
30Ŋa buben maliknen inan dal ŋipiliani,
oina kibiaik naognen ŋenau.
31Ŋa oina sigianeklon bugutagge ŋemadoŋame;
unaupa ŋa mamai so ŋeŋalewoi!
32Ŋa oina kibiaiŋ inan dallon ŋepalup ŋatozoi,
o ŋainag ŋaloŋnen bebaŋep ujanmap!
33O Ujazen, oina kibiai inan dal peteŋanagpe;
meginpe ŋa wadanlonpa, ŋuzi ŋepaniwoi.
34Ŋaloŋnen panagpe, meginpe ŋa oina kagin ŋuzi ŋepaniwoi,
bubegdaŋan dab ŋepaniwoi.
35Oina kibiaiŋ inan dallon duzagpe,
ŋa melon jaug isaime.
36Bubeg kumep oina sigianek daŋewoi,
tan inan jesoi bulases biti!
37Malag bozozoanip abaŋ se dab so paniwoi;
oina dallon ŋemadonen panagpe.
38Oina blani paneknen azu me oina begabegoi stemani pani,
me i owoi dizutdime iwoi ienime.
39Seuf azu mewoi ŋuzuazouŋame me kume ila panag;
oina kibiaik gauailakoi.
40Nasi, oina azuoi jaeŋ sufutanag;
oina taozlon basnen panagpe!
41O Ujazen, unaup oina ilopanek segatekdaŋan izignen iduwoi,
oina patuisanen oina blanipaneknen egin.
42Meginpe me i azu salan depaiagdime me auadin ŋabinen ŋaloŋoi,
oina azu ŋenau ŋepanilakoi.
43Azu malik auaglonpa so wozai mok mon,
inag suzuazouknen oina kibiaiklon ienimelakoi.
44Oina kagin sansanpe ŋuzi ŋepaniwoi,
dedeŋanip dedeŋanipnen;
45Ŋa paseklon ŋatozoi,
ŋa oina azu ŋebezanilakoi.
46Kiŋ noadinnen mai oina sigianekoi ŋaboloi,
mamai so ŋeŋalewoi.
47Ŋainag jaug me oina kibiaiŋlon ienime,
ŋa iwoi ŋamat.
48Oina kibiaiŋ mewoi ŋa ŋamat bubeg ŋepaniŋame,
oina kibiaioi ŋa kankanoi.
49Azu oina begabeg upailak me ilo isou,
azu melon o noagge ŋusuzuazouŋame.
50Me inag alanlon ilog ŋalelak,
oina blanipaneknen azu basnen panagime.
51Anut so dikollak tamol me dizag dewai mokdime,
ge ŋa ŋukumeg oina kagin so ŋibinilak.
52Ŋa oina kibiaik wagamnen ilog isoumap,
O Ujazen, ilogŋalek ŋeŋaleŋame.
53Salanbibiangaz me oina kagin miz depanidime
iwoi bubeg wonananime.
54Ab baslon ŋemademeg
oina kibiai me ŋainag kanam.
55O Ujazen, oina nea bonen ilog isou,
oina kagin mai ŋuzi ŋepaniŋame.
56Melon patug isalak,
oina azu dagom ŋepanilakoi.
57Ujanzen i ŋainag fuzag;
oina azu ŋitiziniwoi malik ŋabol.
58Bubegdaŋan oina looi ŋagod;
oina azu ibollak egin kanim ŋale panagpe.
59Ŋa oina daloi kankanmap
ŋa nieg ŋobozozoanig oina sigianeklon idulaime;
60Ŋa jaeŋjaeŋ ŋenau, bodo so ŋabol,
oina kibiaiŋ dab ŋepaniŋame.
61Salanbibian nadin zaeŋ tilianag poaglakge
ŋa oina kagin ilog so padalime.
62Tidom loanlon ŋamaispa kalel ŋepanoŋame,
oina kibiaik taozlakoi.
63Ŋa me i owoi dizutdime, oina azu mai
duzi depanidime, ŋa inadin tazeŋbi.
64O Ujazen, oina ilopanek segatekdaŋan me tan fuamime;
kibiai peteŋanagpe!
65O oina begabeg mai gauai tatozlak,
O Ujazen, oina azu ibollak egin.
66Betenaeknen gauai ŋaloŋnen mai peteŋanagpe,
ŋa oina kibiaiŋ iloglon maliklakoi.
67Alan so noagmeg ŋa ŋepezebedani;
ge gazo oina azu dab ŋepaniŋame.
68O gauaiged, gauai unau mai;
oina kibiai peteŋanagpe.
69Anut mai so dikollak i azu sekauklon dububunagdime,
ge bubegdaŋanlon ŋa oina azu ŋuzi ŋepaniŋame.
70Bubudin muzuan numuzan digallak egin itub gauailak,
ge ŋa oina kaginlon jaug isaime.
71Ŋa alan noaglak me gauai,
ŋa oina kibiai ŋaloŋoilakoi.
72Oina aua inan kaginoi ilog ibolime,
gold silwer me mai boi tausend kuzum i mai so iduse.
73Oina nima noag, tinig teŋanilak;
ŋaloŋnen panagpe, meginpe ŋa oina kibiaiŋ ŋeŋalewoi.
74Owoi dizutlak me denasagpa ladin gauaioi,
ŋa oina azulon ŋusuzuazoulakoi.
75O Ujazen, ŋa ŋaloŋ oina betenaek me tiduk mon,
o bube malikdaŋanlon modoanaglak.
76Oina ilopanek segatekdaŋan unaup ilog ŋaleknen panagoi,
oina blanipaneknen azu oina begabeg panilak egin.
77Unaup oina teŋaealannen izignen idup ŋa basoi;
oina kagin me ŋainag jaug.
78Anut mai so dikollak me unaup mamai deŋalewoi,
I sekauklon dupuzutoanaglakoi.
Ge ŋa oina azuoi kankanoi.
79Unaup me i owoi dizutlak i ŋa diŋiagoi,
meginpe i oina sigianek diloŋoi,
80bubegdaŋan oina kibiailon ŋatozŋan,
meginpe ŋa mamai so ŋeŋalewoi!
81Nitug oina patunisanenoi jaeŋ sufutaniime;
oina azulon ŋusuzuazouŋame.
82Oina blanipaneknen malan ŋenaumeg malag i kobaub;
ŋa sodoz ŋepano, O saŋeptap ilog ŋalewoi?
83Ŋa boz tezamen jakaslon ienlak egin kazo ŋabol,
oina kibiai bo so ilog padallak.
84Oina begabeg nal pitep abaŋ e joazewoi?
Saŋeptap diŋiliag duzagdime me bitiniawoi?
85Anut mai so dikollak i ŋawoi siŋ denaulak,
tamol me oina kagin mai so kilianlak me.
86Oina kibiaiŋ daŋan malik mon;
i azu sekauk sinan diŋiliag duzagdime, aneg udupe!
87Kitek ta maip i denaup ŋa tanlak malag teaboi;
ge ŋa oina azu so ŋibinilak.
88Oina ilopanek segatekdaŋanlon tizinagpa so ŋepadaloi,
meginpe ŋa oina aua inan sigianek dab ŋepaniwoi.
89O Ujazen, oina azu dedeŋanipnen
didlak zatamge ien.
90Daz uzek daŋanlon oina bube maliknen kagin ienoi;
o tan unaulakge zatamge ien.
91Oina azu sinanlon gazomnen diendime;
abaŋ daŋan o bia palunen monlakoi.
92Oina kaginlon jaug so isape
ŋa inag alannauklon ŋepadalpe.
93Ŋa oina azu ilog so padaloi;
melon o ŋa sidigiag baslakoi.
94Ŋa oina, patug pasipe;
ŋa oina azuoi ŋelaŋailakoi.
95Salanbibiangaz dipitiŋinagoi defenafundime;
ge ŋa oina sigianek ilog kankanime.
96Abaŋ gauai moklak me mai samoimeg ŋenasi,
ge oina kibiaiŋ me gaid ienoi.
97Auje, oina kaginoi ŋamatged!
nal melaendaŋan melon kankan ŋeŋaleŋame.
98Oina kibiaiŋ me agez nenazag ilog kaginkagin paniime,
i sansan izignen ienimelak.
99Ŋaloŋnen inag peteŋanekgaz daŋan nadin maŋau nenaza pasi,
oina aua inan sigianek me ŋainag kankan.
100Ŋaloŋnenlon tamolujanujan ŋenenaza pasi,
ŋa oina azu dab ŋepaniŋamelakoi.
101Dal salan daŋanlon nieg ŋipiziani,
oina azu dab ŋepaniwoilakoi.
102Oina kibiaikoi so ŋefeanig ŋatoz;
o peteŋanaglakoi.
103Oina azu auaglon gamunged,
au, gubuzuztaen inan gamun nenazi.
104Oina azulon ŋaloŋnen ŋeŋaleŋame,
mewoi dal salan daŋan ŋezezeŋani.
105Oina azu me ŋainag nieg inan sul,
inag dallak lelaman egin ienime.
106Ŋa stemanek azulon malik e ŋabol,
ŋa oina kibiaik taoz dagom ŋepaniwoi.
107Ŋa alan mok noagime;
O Ujazen, basnen panagpe, oina azu ibollak egin.
108O Ujazen, inag kalel panek inan janauk me dab panipe,
oina kibiaik me peteŋanagpe.
109Nitug tinig mai ŋa gaid nimaglon ŋabi,
oina kagin bo so ilog padalime.
110Salanbibiangaz i ŋawoi tawaŋ denaulak,
ge oina azuoi ŋa so ŋedeladalge ŋatozŋame.
111Oina sigianek me dedeŋanipnen fuzag ŋeŋale,
au, me ŋainag bubeg inan zigiek.
112Oina kibiai ŋenau ŋufuninenoi ŋedaŋeŋame,
dedeŋanipnen wadanlon mai.
113Tamol bubudin azuazulak me ŋezezeŋana,
ge oina kaginoi ŋamat.
114O ŋainag seafuknen aben, ŋainag gubiz mai;
oina azulon ilog suzuazouime.
115Salannauk, aŋ daŋan binagpa,
meginpe ŋainag Anut inan kibiaiŋ dagom ŋepaniwoi.
116Seŋanagpe oina azu blani panaglak egin, meginpe ŋa bas gauai ŋemadowoi,
inag suzuazouklon mamai so ŋeŋalewoi!
117Stemanagpe, ŋa se gauai ŋemadowoi,
oina kibiai mai sansan dab ŋepaniwoi!
118Oina kibiaioi dedeladalge ditozdime me daŋan o zezeŋanaume;
nadin sepalek me se denau debedani.
119Tan inan salanbibian daŋanoi kizika e ubolume;
Mewoi ŋa oina sigianekoi ŋamatŋame.
120Owoi tinig terere ibolime,
oina betenaekoi ŋa ŋazut.
121Kagin iduselak abaŋ taoz mai ŋenau;
inag tetalekgaz ilonlon so binag mon.
122Oina begabeg anen udupe;
Unaup Anut mai so dikollak me so domodoanag mon.
123Oina patunisanenoi malan ŋenaumeg malag i kobaub,
oina blanipanek taoz niŋon inaunenoi mai.
124Oina ilopanek segatekdaŋanlon oina begabeg duzi,
oina kibiai peteŋanagpe.
125Ŋa oina begabeg, ŋaloŋnen panagpe,
meginpe ŋa oina sigianek ŋaloŋoi!
126Anut uzat inauwoi saen iduse,
oina kagin dubufunilakoi.
127Mewoi ŋa oina kibiaiŋoi ŋamat,
gold, gold kibineg imonlak me nenazi.
128Mewoi oina azu daŋanlon nieg ŋuduziŋame;
dal salan daŋan ŋezezeŋana.
129Oina sigianek me kubel mok;
mewoi nitug uzi paniime.
130Oina azu inan flalek abaŋ sesali inauime;
i ladin tea me diloŋnen pinidinime.
131Ŋa auag ŋesepanig jaeŋ funag,
ŋa oina kibiaiŋoi tinig ŋenaug ŋemadoŋamelakoi.
132Diŋiagpa kanim ŋalep panagpe,
o get me i oina neawoi dimatlak iwoi unaulak egin.
133Ŋainag nieg blanipanek azu ibolime egin seŋaniŋan,
unaupa aupasek ta inag gaten so inaup ienoi.
134Tamol nadin modoaneklonpa udad ŋiliagpe,
meginpe ŋa oina azu dab ŋepaniwoi.
135Naup oina nao oina begabeg fonlak sepetadewoi,
oina kibiai peteŋanagpe.
136Malaglonge melaug gauz iduime,
tamol i oina kagin dagom so depanidimelakoi.
137O Ujazen, o taozume,
oina betenaek me tiduk.
138O oina sigianek taozlon unaug diendime,
bube malik mailon.
139Inag jaugjaug jiniagime,
oina daŋekgaz oina azu ladin padalimelakoi.
140Oina blanipanek me kibiani gauai,
oina begabeg ilon paniime.
141Ŋa mitin, dezezeŋanagdime mai,
ge oina azu so ilog padalime.
142Oina taoz niŋon me sansanpe taoz,
oina kagin me malik.
143Alan sagaiknen mai biaglak,
ge oina kibiaiŋ me ŋainag jaug.
144Oina sigianek me taoz dedeŋanipnen;
ŋa ŋaloŋnen panagpe ŋa ŋemadonen ŋaloŋoi.
145Bubegdaŋan mon ŋawoglak, O Ujazen, auag wabipe!
ŋa oina kibiai dagom ŋepaniwoi.
146Ŋa owoi ŋawog, patug pasipe,
meginpe ŋa oina sigianek dab ŋepaniwoi.
147Fatu so sesalimeg ŋa ŋamaisge aneg idunenoi ŋawog;
ŋa oina azuoi ŋusuzuazouŋame.
148Malag bonen tiziau me imugseg basime,
oina blanipanek azu kankannenoi.
149Oina ilopanek segatekdaŋanlon auag uloŋpe;
O Ujazen, oina kagin tiduk sinan tizinagpe so ŋepadaloi.
150Abaŋ alan nean denaug diŋiliag duzagdime i siziz depanag;
i oina kagin makaiuge demadodime.
151O Ujazen, o bo izignen madoume,
oina kibiaiŋ daŋan malik.
152Oina sigianek unaug dedeŋanig zatamlak
me get mon oina aualon ŋaloŋlak.
153Ŋainag alan dab panip tetazag ŋiliagpe,
ŋa oina kagin ilog so padalimelakoi.
154O ŋainag fug beŋten ubolpa udad ŋiliagpe;
noagpa ŋa basoi, oina blanipanek azu ibollak egin!
155Patunisanen me salanbibiangaz zidinnen so ien,
i oina kibiaioi so delaŋaidime.
156O Ujazen, oina kanim ujan mok;
oina kagin tiduk sinan basnen panagpe.
157Ŋainag ŋalekuzek daŋekgaz mai kuzum,
ge ŋa oina sigianekoi so ŋepezebedani.
158Tamol buben malik tealak ŋailpa sizig isaime,
i oina kibiaiŋ dagom so depanidimelakoi.
159Nasipe ŋa oina azuoi gauz ŋamatŋame!
oina ilopanek segatekdaŋan sinan tinig nitug mai tizinipe.
160Oina azu wadan me malik niŋon;
oina kibiaik taoz daŋan me dedeŋanipnen.
161Kiŋ inan tamolujan tinignen teameg diŋiliag duzagdime,
bubeg bo oina azuoi izutge ienime.
162Oina azuoi jaug isa,
ta abaŋ naon gauai iŋalelak egin.
163Ŋa kagin sekauk ŋezezeŋani ŋumuguni mai,
ge oina kaginoi ŋamatŋame.
164Ad taimon 7‐ge kalel ŋabiŋame,
oina kibiaik taozoi.
165Me i oina kaginoi dimatdime i mazoz mok demadodime;
abaŋ ta fiŋiap depeselaunen tea.
166O Ujazen, ŋa oina patunisanenoi ŋusuzuazouŋame,
oina kibiaiŋ inan niŋon ŋenauŋame;
167Ŋainag nitug oina sigianek dagom ŋepaniŋame;
ŋa iwoi gauz ŋamatŋame.
168Ŋa oina azu sigianek mai dagom ŋepaniŋame,
inag dal daŋan o naonen beŋten ienime.
169Unaup ŋainag wagiŋ izinen itasawoi, O Ujazen;
ŋaloŋnen panagpe oina azu ibollak egin!
170Unaup ŋainag gadiŋ o izinen itasawoi;
oina azu ibollak egin tetazag ŋiliagpe.
171Inag fiziŋog kalel gauz jabiwoi,
o oina kibiai peteŋanagume mewoi.
172Baleg me oina azuoi dug jabiwoi,
oina kibiaiŋ daŋan tiduk monlakoi.
173Oina nima dinagoi tenanou naup,
ŋa oina azu ŋipilianilakoi.
174O Ujazen, ŋa oina patunisanenoi tinig ŋenauŋame,
oina kagin me ŋainag jaug.
175Noagpa ŋa bas ŋemado, meginpe ŋa kalel panonen ŋaloŋ,
unaup oina kibiaik me dinagoi.
176Belelek padalge itozime egin ŋa ŋedeladal, oina begabeg bezanipe,
ŋa oina kibiaiŋ so ilog padaloi.
New Testament published by the British and Foreign Bible Society in 1960. Genesis published by the Australian Bible Society in 1971.