Israel Kan 103
103
Dawid inan kanam ta.
1O ŋainag nitug, Ujanzen kibine;
ilog daŋan inan nean gun kibine!
2O ŋainag nitug, Ujanzen kibine,
i lo zen idulak, me so ilo padal mon.
3I oina aupasek daŋan ilon padalime,
i oina alan nuonen daŋan kibine panolak,
4i Lofoi idad ŋilioime,
ilopanek segatekdaŋanlon kanimlon mai lilitkubel gatelak inauime,
5Oina madoknen saen daŋanlon i abaŋ gauai dadon isaknen panoime,
meginpe bog egin zagu ŋalep faun aifaun egin utozoi.
6Ujanzen modoaneklon demadodime i daŋanoi
azu fun beŋten inaup tali tiduk maiime.
7Inan kagin Moses,
inan nauknauk Israel inan tamolpain peteŋanalak.
8Ujanzen i kanim lo maidaŋan,
buzun bodo ibol, ilopanek segatekdaŋan ienlalonime.
9I gaid bebanek azu so iboloi,
i dedeŋanip buzun so isawoi.
10Inad aupasek sinan id so noadoi,
inad alannauk sinadin naon so panadoi.
11Did me tan nenazig latnen ienime egin,
megin me iwoi dizutdime iwoi inan ilopanek segatekdaŋan ujan mok.
12West baŋenlonge ilailap ist baŋen makaiulak egin,
megin inad doloanek makaiu ibennen inauime.
13Taman inan nanunoi teŋaen alanlak egin,
megin Ujanzen i me iwoi dizutdime teŋaealannen pinidinime.
14I tinid iloŋ,
id kulukal mon me ilon isou.
15Tamol inan nal me kebasik inan egin;
i um inan zizigun egin isaime;
16ge kazag fon mon faze ilemap i mug ibini,
inan aben i mug so iloŋ.
17Ge Ujanzen inan ilopanek segatekdaŋan me dedeŋanip dedeŋanipnen,
i me iwoi dizutdime fodinnen idup
daz uzip mai inan taoz deŋalewoi,
18i me inan temaneknen dagom depanidime,
inan kibiaiŋ ladin isoupa duzi depanidime me.
19Ujanzen i inan pezatiu didlon inaulak,
inan kiŋdom tamolai daŋan kibiai pinidinime.
20Aŋ inan eŋel, Ujanzen kibine,
tiwomidaŋan aŋ inan azu uzi apaniame me,
inan azu inan auan dab apaniame me!
21Inan daup daŋan, Ujanzen kibine,
inan dinek me inan auan duzi depanidime!
22Inan nauknauk daŋan, aŋ Ujanzen kibine,
inan kiŋdom aben daŋanlon.
O ŋainag nitug, Ujanzen kibine!
Currently Selected:
Israel Kan 103: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 103
103
Dawid inan kanam ta.
1O ŋainag nitug, Ujanzen kibine;
ilog daŋan inan nean gun kibine!
2O ŋainag nitug, Ujanzen kibine,
i lo zen idulak, me so ilo padal mon.
3I oina aupasek daŋan ilon padalime,
i oina alan nuonen daŋan kibine panolak,
4i Lofoi idad ŋilioime,
ilopanek segatekdaŋanlon kanimlon mai lilitkubel gatelak inauime,
5Oina madoknen saen daŋanlon i abaŋ gauai dadon isaknen panoime,
meginpe bog egin zagu ŋalep faun aifaun egin utozoi.
6Ujanzen modoaneklon demadodime i daŋanoi
azu fun beŋten inaup tali tiduk maiime.
7Inan kagin Moses,
inan nauknauk Israel inan tamolpain peteŋanalak.
8Ujanzen i kanim lo maidaŋan,
buzun bodo ibol, ilopanek segatekdaŋan ienlalonime.
9I gaid bebanek azu so iboloi,
i dedeŋanip buzun so isawoi.
10Inad aupasek sinan id so noadoi,
inad alannauk sinadin naon so panadoi.
11Did me tan nenazig latnen ienime egin,
megin me iwoi dizutdime iwoi inan ilopanek segatekdaŋan ujan mok.
12West baŋenlonge ilailap ist baŋen makaiulak egin,
megin inad doloanek makaiu ibennen inauime.
13Taman inan nanunoi teŋaen alanlak egin,
megin Ujanzen i me iwoi dizutdime teŋaealannen pinidinime.
14I tinid iloŋ,
id kulukal mon me ilon isou.
15Tamol inan nal me kebasik inan egin;
i um inan zizigun egin isaime;
16ge kazag fon mon faze ilemap i mug ibini,
inan aben i mug so iloŋ.
17Ge Ujanzen inan ilopanek segatekdaŋan me dedeŋanip dedeŋanipnen,
i me iwoi dizutdime fodinnen idup
daz uzip mai inan taoz deŋalewoi,
18i me inan temaneknen dagom depanidime,
inan kibiaiŋ ladin isoupa duzi depanidime me.
19Ujanzen i inan pezatiu didlon inaulak,
inan kiŋdom tamolai daŋan kibiai pinidinime.
20Aŋ inan eŋel, Ujanzen kibine,
tiwomidaŋan aŋ inan azu uzi apaniame me,
inan azu inan auan dab apaniame me!
21Inan daup daŋan, Ujanzen kibine,
inan dinek me inan auan duzi depanidime!
22Inan nauknauk daŋan, aŋ Ujanzen kibine,
inan kiŋdom aben daŋanlon.
O ŋainag nitug, Ujanzen kibine!
New Testament published by the British and Foreign Bible Society in 1960. Genesis published by the Australian Bible Society in 1971.