Markus 2
2
Ta tinin miliau Jesus ikibine
1Nal taitai binig i faun te Kapernaumnen idu. I mug diloŋ i ablon madoime. 2Kuzum detemanig mug dal funati, dalauan izinnen mai mug dal tea. I azu ipidin. 3Ai palgen ta tinin miliaudaŋan dibiseg dojoazeg dise. 4Tamolpain malan ujanoi i izinnen didunen teatag i Jesus fonlak ab tinin degageg tamol miliau kapaldaŋan dibinig idu. 5Jesus nadin ladinlon maliknen nasig i tinin miliaudaŋan me ipai, Nanugai, oina aupasek ŋepasi ŋepano. 6Gazekmaŋau ta melak dematalmeg i dukumukomge ladin ibol,#Jes 43:25 7Tamol e dodin mon megin ibolime? I azu salan ibolime. It aupasek pasinen iloŋ? Anut siben mon. 8Ge Jesus buntaimon ilonlon nadin kankan iloŋge i ipidin, Aitoige aŋ megin lamilon kankaname? 9Abaŋte tinin miliaulak ŋepainen pasak tat, Oina aupasek ŋepasi ŋepano, tea, Umais, oina kapal bisap utoz me tat? 10Ge Tamolai i tanlak aupasek pasinen tiwondaŋanlak aloŋoi, i me tinin miliaulak ipai, 11Ŋa o ŋepao, umaispa oina kapal bisap joazep inanen ula. 12Buntaimon i imaisge inan kapal biseg daŋan malakmalaklon idug ile. Meginge i daŋan gauz dizutge Anut kalel depanimeg dibol, Id get megin abaŋ ta so tenasilak.
Jesus Lewi iwagi, sunuziwoi
13Jesus faun mug wililuk laŋten idu. Tamolpain malan ujan i izinnen didu. 14I igegge ilemeg i Lewi, Alfeus inan ai, täks inan ofis izinnen matalmeg inasig ipai, O ŋa uzagpa utoz. I imaisge i uzig maig ditoz.#Joh 1:43
15Meginge i inan ablak tuz imilimeg selna kuzum aupasekwain mai Jesus inan meglaum maig dematal, kuzum duzig ditozdimelakoi. 16Farisea nadin gazekmaŋau i Jesus aupasekwain selna mai anaŋ dianimeg dilge i meglaum dipidin, Aitoige i aupasekwain selna mai anaŋ dianidime? 17Jesus i me iloŋge ipidin, Tinidin zagundaŋanlak me kibinekkamaŋoi so dibol, tea, maiaidaŋan me mon. Taozgaz ŋiwigidinoi so ŋase, tea, aupasekgaz ŋiwigidinoi ŋase.
Jesus anaŋ janekoi ibol
18Johanes inan meglaum farisea mai dudig demade. Tamolai diseg i Jesus depai, Aitoige Johanes inan meglaum farisea nadin meglaum mai dudidime, ge oina meglaum so dudidime? 19Jesus ipidin, ibol, Aifazeŋ i maip demademap mezazeŋgaz dudip demadowoi? Tea, aifazeŋ i maip demademap i dudinen tea. 20Ge saen ta iduwoi melon aifazeŋ zidinnenpa wozaiwoi, nal melon i dudip demadowoi. 21Tata jamel faun nazlon so leleŋanilak me jamel samoi fonlak so sitiime. I inautap jamel boi me jamel samoi tetaziime, faun me getnenlon matuk ujan ta itasaime. 22Tata wain faun siliŋon samoilon so liliime. I megin inautap wain me siliŋon pitiŋinip wain padaloi, siliŋon mai. Tea, wain faun me siliŋon faun nadin.
Meglaum uboulon baza deŋaleg diani
23Santa Jesus uboulon baza um tezepaleg ile. I dilemeg meglaum baza dunueg diani. 24Farisea depai, Nasi, aitoige uboulon kagin tenaunen tealak me denaudime? 25Jesus ipidin, Dawid alan inaug, i inan ai mai pitol ifumeg inaulak me kin so suti. 26I Abiatar, waliŋgaz getadin, izinnen Anut inan ablon sepalaŋ sansan Anut naonnen denaulak me i jani, inan ai mai pinidinge diani, me so aloŋ?#Sam I 21:7; Lew 24:9 27I ipidin, Ubou me tamoloi inaulak, tamol ubouoi so inaulak. 28Mewoi Tamolai i ubou inan gaten mai.#Deut 5:14
Currently Selected:
Markus 2: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Markus 2
2
Ta tinin miliau Jesus ikibine
1Nal taitai binig i faun te Kapernaumnen idu. I mug diloŋ i ablon madoime. 2Kuzum detemanig mug dal funati, dalauan izinnen mai mug dal tea. I azu ipidin. 3Ai palgen ta tinin miliaudaŋan dibiseg dojoazeg dise. 4Tamolpain malan ujanoi i izinnen didunen teatag i Jesus fonlak ab tinin degageg tamol miliau kapaldaŋan dibinig idu. 5Jesus nadin ladinlon maliknen nasig i tinin miliaudaŋan me ipai, Nanugai, oina aupasek ŋepasi ŋepano. 6Gazekmaŋau ta melak dematalmeg i dukumukomge ladin ibol,#Jes 43:25 7Tamol e dodin mon megin ibolime? I azu salan ibolime. It aupasek pasinen iloŋ? Anut siben mon. 8Ge Jesus buntaimon ilonlon nadin kankan iloŋge i ipidin, Aitoige aŋ megin lamilon kankaname? 9Abaŋte tinin miliaulak ŋepainen pasak tat, Oina aupasek ŋepasi ŋepano, tea, Umais, oina kapal bisap utoz me tat? 10Ge Tamolai i tanlak aupasek pasinen tiwondaŋanlak aloŋoi, i me tinin miliaulak ipai, 11Ŋa o ŋepao, umaispa oina kapal bisap joazep inanen ula. 12Buntaimon i imaisge inan kapal biseg daŋan malakmalaklon idug ile. Meginge i daŋan gauz dizutge Anut kalel depanimeg dibol, Id get megin abaŋ ta so tenasilak.
Jesus Lewi iwagi, sunuziwoi
13Jesus faun mug wililuk laŋten idu. Tamolpain malan ujan i izinnen didu. 14I igegge ilemeg i Lewi, Alfeus inan ai, täks inan ofis izinnen matalmeg inasig ipai, O ŋa uzagpa utoz. I imaisge i uzig maig ditoz.#Joh 1:43
15Meginge i inan ablak tuz imilimeg selna kuzum aupasekwain mai Jesus inan meglaum maig dematal, kuzum duzig ditozdimelakoi. 16Farisea nadin gazekmaŋau i Jesus aupasekwain selna mai anaŋ dianimeg dilge i meglaum dipidin, Aitoige i aupasekwain selna mai anaŋ dianidime? 17Jesus i me iloŋge ipidin, Tinidin zagundaŋanlak me kibinekkamaŋoi so dibol, tea, maiaidaŋan me mon. Taozgaz ŋiwigidinoi so ŋase, tea, aupasekgaz ŋiwigidinoi ŋase.
Jesus anaŋ janekoi ibol
18Johanes inan meglaum farisea mai dudig demade. Tamolai diseg i Jesus depai, Aitoige Johanes inan meglaum farisea nadin meglaum mai dudidime, ge oina meglaum so dudidime? 19Jesus ipidin, ibol, Aifazeŋ i maip demademap mezazeŋgaz dudip demadowoi? Tea, aifazeŋ i maip demademap i dudinen tea. 20Ge saen ta iduwoi melon aifazeŋ zidinnenpa wozaiwoi, nal melon i dudip demadowoi. 21Tata jamel faun nazlon so leleŋanilak me jamel samoi fonlak so sitiime. I inautap jamel boi me jamel samoi tetaziime, faun me getnenlon matuk ujan ta itasaime. 22Tata wain faun siliŋon samoilon so liliime. I megin inautap wain me siliŋon pitiŋinip wain padaloi, siliŋon mai. Tea, wain faun me siliŋon faun nadin.
Meglaum uboulon baza deŋaleg diani
23Santa Jesus uboulon baza um tezepaleg ile. I dilemeg meglaum baza dunueg diani. 24Farisea depai, Nasi, aitoige uboulon kagin tenaunen tealak me denaudime? 25Jesus ipidin, Dawid alan inaug, i inan ai mai pitol ifumeg inaulak me kin so suti. 26I Abiatar, waliŋgaz getadin, izinnen Anut inan ablon sepalaŋ sansan Anut naonnen denaulak me i jani, inan ai mai pinidinge diani, me so aloŋ?#Sam I 21:7; Lew 24:9 27I ipidin, Ubou me tamoloi inaulak, tamol ubouoi so inaulak. 28Mewoi Tamolai i ubou inan gaten mai.#Deut 5:14
New Testament published by the British and Foreign Bible Society in 1960. Genesis published by the Australian Bible Society in 1971.