Mateus 18
18
It didnen kaginlon ujanzen
1Saen melon meglaumgaz Jesus izinnen diseg dibol. It didnen kaginlon aenta beleŋanag ujanzen? 2I ai kamo ta wagig i leŋadinlon inaug itiuzge, 3ibol, Malik ŋa aŋ nepaiaŋ, aŋ so adaŋsemap, ai kamo egin so anaumap, aŋ didnen kaginlon so mok adulawoi.#Mat 5:20; 19:14; Joh 3:3, 5 4Mewoi ta ai kamo e egin bini idug itozime i didnen kaginlon aenta beleŋanag ujanzen madoime. 5Ta ai kamo taimon e egin inag neaglon iŋaleime i ŋa ŋiliagime.#Mat 10:40; Joh 13:20 6Ge ta ai kamo enen taimon i ŋa ilonlon malikime ilon pasitap i klagunlon pat ujan sasep mas tiglon tanip ididip me iwoi iduse.
Waio atesaekoi
7Waio tealakgaz, i‐lon aupasekoi atesaek ienime. Au, atesaek bo ienoi, ge waio i me i‐lon atesaek itasaime.#Luk 17:1, 2 8Nima tat, tea, nie o auupasoi nuomap gusutip tani ila. O tini desepazup tea, laleg tat medaŋan basnenlon ulemap me gauai, me nima azuazu, nie azuazu jananin dedeŋanipnenlon tanop ulanen me nenazi.#Mat 5:29, 30 9Oina mala nuop auupasmap tuep tani ila. O mala taimondaŋan basnenlon ulanen me mala azuazudaŋan Hades inan jananinlon ulanen me nenazi.
10Aŋ dab anau, aŋ enen kamo ta so azezeŋani mon. Ŋa aŋ ŋepaiaŋ, didlon nadin eŋel sansan inag Mam didlon madoime inan naon denasidime.#Heb 1:14 11Tamolai depadallak me putudin pasiwoi iselakoi.#Mat 9:13; Luk 19:10
Belelek taimon padallak
12Aŋ dodin abol? Tamol ta inan belelek 100 demadodime, ge taimon zegaip itozmap i 99 me so ibinpa did ilonnen ilap ta zegailak me ibezaniwoi. 13Malik ŋa aŋ ŋepaiaŋ, i me nasimap i mewoi gauz zigewoi, 99 so dezegailak iwoi egin tea. 14Megin mon nami didnen Temami kamo enen ta padal ilanen imoiime.
Tai zegaiime bebaninen
15Oina tai auipastap ulap siben taimon mademap inan zegaikoi upai. Oina aua uzi panimap o mug i ŋalelak.#Lew 19:17; Gal 6:1 16Ge i oina aua so uzi panitap ai taimon azugen uŋalpa o maip alap sigianek azup tol noadinnen azu daŋan beŋten itasawoi.#Deut 19:15 17I me auadin dab paninen imoitap o medaeŋ pidinoi. Medaeŋ inan auan dab so panitap i gob selna mai egin e aboloi.#Kor I 5:13 18Malik ŋa aŋ ŋepaiaŋ, abaŋ ta aŋ tanlak apauame, me didlon mai paup ienoi, ge abaŋ ta aŋ tanlak seflaleame me didlon mai seflalep ienoi.#Mat 16:19; Joh 20:23 19Faun te ŋa aŋ ŋepaiaŋ, aŋ azugen tanlak abaŋ tawoi godoaninen bubumi taimonmap me ŋainag Mam didlon niŋon inaup aŋ ziminen iduwoi. 20Ge azugen, tea, tol tat inag neaglon detemanilak, melak ŋa i leŋadinlon ŋemadoŋame.#Mat 28:20; Joh 14:13
Aupasek paze idunen
21Me uzig Petrus Jesus izinnen iseg ipai, Ujazen, ŋainag taig izignen auipastap ŋa pitep ŋepazep iduwoi? Sewenpa iduse tat? 22Jesus ipai, Sewenpa iduse me ŋa so ŋepaoŋame, tea, sewenti taims 7.#Luk 17:4
Kiŋ ta inan uzataioi dodin inaulak faŋan ibol
23Mewoi didnen kagin me kiŋ ta egin, me i inan begabeg mai jawadan kibinewoi ibol. 24Naon panekoi fun inaug i ta me inan jawadan gaŋmalan 3,000,000 (milion) paund me i izinnen duduzi. 25Ge me i naon paninen tealakoi inan tamolujan kibiai inau, i, inan iwon, nanungaz, inan abaŋ daŋan mai idad ilap naon paniwoi. 26Meginge begabeg dagun sebenaig godoanig ibol, Ujazen, so sisik mon, ŋa naon daŋan ŋepanowoi. 27Meginge tamolujan inan begabegbi teŋaen alange gaten pasi, inan jawadan mai paze idu. 28Ge begabeg me tapas idug ilemeg inan begabegbi ta nasi, i gaŋmalan 4 paundoi jawadan ien, i jabig klagun pipig ibol, Jawadan naon panag. 29Meginge inan begabegbi dagun sebenaig igosigos ipai, So sisik mon, ŋa naon daŋan ŋepanowoi. 30Ge i imoi. I ileg sebaneklon itanig, i get jawadan panimap eginmap. 31Mewoi inan uzatbi aenta abaŋ idulak me denasimeg i teŋeadin alan mok. I dileg nadin tamolujan abaŋ idulak me daŋan sai depani. 32Me uzig tamolujan iwagig ipai, O begabeg salan! Oina jawadan daŋan ŋepaze idulak, o ugoslakoi. 33O oina uzatbi ilo so paniwoi ubol, ŋa ilog ŋepanolak egin. 34Inan tamolujan buzun isameg i funekai nimadinlon inaug, i jawadan daŋan get panimap eginmap.#Mat 5:26 35Megin mon inag didnen Mam aŋ inoaŋoi, aŋ dudumi nami timi nadin aupasek lami so padaltap.#Mat 6:14, 15
Currently Selected:
Mateus 18: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Mateus 18
18
It didnen kaginlon ujanzen
1Saen melon meglaumgaz Jesus izinnen diseg dibol. It didnen kaginlon aenta beleŋanag ujanzen? 2I ai kamo ta wagig i leŋadinlon inaug itiuzge, 3ibol, Malik ŋa aŋ nepaiaŋ, aŋ so adaŋsemap, ai kamo egin so anaumap, aŋ didnen kaginlon so mok adulawoi.#Mat 5:20; 19:14; Joh 3:3, 5 4Mewoi ta ai kamo e egin bini idug itozime i didnen kaginlon aenta beleŋanag ujanzen madoime. 5Ta ai kamo taimon e egin inag neaglon iŋaleime i ŋa ŋiliagime.#Mat 10:40; Joh 13:20 6Ge ta ai kamo enen taimon i ŋa ilonlon malikime ilon pasitap i klagunlon pat ujan sasep mas tiglon tanip ididip me iwoi iduse.
Waio atesaekoi
7Waio tealakgaz, i‐lon aupasekoi atesaek ienime. Au, atesaek bo ienoi, ge waio i me i‐lon atesaek itasaime.#Luk 17:1, 2 8Nima tat, tea, nie o auupasoi nuomap gusutip tani ila. O tini desepazup tea, laleg tat medaŋan basnenlon ulemap me gauai, me nima azuazu, nie azuazu jananin dedeŋanipnenlon tanop ulanen me nenazi.#Mat 5:29, 30 9Oina mala nuop auupasmap tuep tani ila. O mala taimondaŋan basnenlon ulanen me mala azuazudaŋan Hades inan jananinlon ulanen me nenazi.
10Aŋ dab anau, aŋ enen kamo ta so azezeŋani mon. Ŋa aŋ ŋepaiaŋ, didlon nadin eŋel sansan inag Mam didlon madoime inan naon denasidime.#Heb 1:14 11Tamolai depadallak me putudin pasiwoi iselakoi.#Mat 9:13; Luk 19:10
Belelek taimon padallak
12Aŋ dodin abol? Tamol ta inan belelek 100 demadodime, ge taimon zegaip itozmap i 99 me so ibinpa did ilonnen ilap ta zegailak me ibezaniwoi. 13Malik ŋa aŋ ŋepaiaŋ, i me nasimap i mewoi gauz zigewoi, 99 so dezegailak iwoi egin tea. 14Megin mon nami didnen Temami kamo enen ta padal ilanen imoiime.
Tai zegaiime bebaninen
15Oina tai auipastap ulap siben taimon mademap inan zegaikoi upai. Oina aua uzi panimap o mug i ŋalelak.#Lew 19:17; Gal 6:1 16Ge i oina aua so uzi panitap ai taimon azugen uŋalpa o maip alap sigianek azup tol noadinnen azu daŋan beŋten itasawoi.#Deut 19:15 17I me auadin dab paninen imoitap o medaeŋ pidinoi. Medaeŋ inan auan dab so panitap i gob selna mai egin e aboloi.#Kor I 5:13 18Malik ŋa aŋ ŋepaiaŋ, abaŋ ta aŋ tanlak apauame, me didlon mai paup ienoi, ge abaŋ ta aŋ tanlak seflaleame me didlon mai seflalep ienoi.#Mat 16:19; Joh 20:23 19Faun te ŋa aŋ ŋepaiaŋ, aŋ azugen tanlak abaŋ tawoi godoaninen bubumi taimonmap me ŋainag Mam didlon niŋon inaup aŋ ziminen iduwoi. 20Ge azugen, tea, tol tat inag neaglon detemanilak, melak ŋa i leŋadinlon ŋemadoŋame.#Mat 28:20; Joh 14:13
Aupasek paze idunen
21Me uzig Petrus Jesus izinnen iseg ipai, Ujazen, ŋainag taig izignen auipastap ŋa pitep ŋepazep iduwoi? Sewenpa iduse tat? 22Jesus ipai, Sewenpa iduse me ŋa so ŋepaoŋame, tea, sewenti taims 7.#Luk 17:4
Kiŋ ta inan uzataioi dodin inaulak faŋan ibol
23Mewoi didnen kagin me kiŋ ta egin, me i inan begabeg mai jawadan kibinewoi ibol. 24Naon panekoi fun inaug i ta me inan jawadan gaŋmalan 3,000,000 (milion) paund me i izinnen duduzi. 25Ge me i naon paninen tealakoi inan tamolujan kibiai inau, i, inan iwon, nanungaz, inan abaŋ daŋan mai idad ilap naon paniwoi. 26Meginge begabeg dagun sebenaig godoanig ibol, Ujazen, so sisik mon, ŋa naon daŋan ŋepanowoi. 27Meginge tamolujan inan begabegbi teŋaen alange gaten pasi, inan jawadan mai paze idu. 28Ge begabeg me tapas idug ilemeg inan begabegbi ta nasi, i gaŋmalan 4 paundoi jawadan ien, i jabig klagun pipig ibol, Jawadan naon panag. 29Meginge inan begabegbi dagun sebenaig igosigos ipai, So sisik mon, ŋa naon daŋan ŋepanowoi. 30Ge i imoi. I ileg sebaneklon itanig, i get jawadan panimap eginmap. 31Mewoi inan uzatbi aenta abaŋ idulak me denasimeg i teŋeadin alan mok. I dileg nadin tamolujan abaŋ idulak me daŋan sai depani. 32Me uzig tamolujan iwagig ipai, O begabeg salan! Oina jawadan daŋan ŋepaze idulak, o ugoslakoi. 33O oina uzatbi ilo so paniwoi ubol, ŋa ilog ŋepanolak egin. 34Inan tamolujan buzun isameg i funekai nimadinlon inaug, i jawadan daŋan get panimap eginmap.#Mat 5:26 35Megin mon inag didnen Mam aŋ inoaŋoi, aŋ dudumi nami timi nadin aupasek lami so padaltap.#Mat 6:14, 15
New Testament published by the British and Foreign Bible Society in 1960. Genesis published by the Australian Bible Society in 1971.