Mateus 10
10
JESUS INAN MEGLAUM WIGIDIN, 10:1—11:1
Jesus meglaum twelf iŋalge tiwon pinidin
1I inan meglaum 12 wigidinge uzgataf kuduanen tiwon ipinidin, maiai daŋan sub daŋan kibinenen mai.#Mar 6:7–13; 10 2Apostel twelf i neadin megin: malanmalan Simon me Petrus dibol, inan tain Andreas mai, Jakobus, Sebedeus inan ai, inan tain Johanes mai, 3Filipus Bartolomeus mai, Tomas, Mateus i selna, Jakobus me Alfeus nanunai, Tadeus mai, 4Simon me Kananaioswain, Judas Iskariot me Jesus blanilak i mai.
Jesus inan meglaum uzat pinidin
5Jesus ai twelf me inaug kibiai ipinidinge ibol, Gobgaz nadin dallak so atoz mon, Samariagaz nadin panulon mai so adule mon,#Mat 9:36; 15:24 6tea, Israel belelek depadallak me zidinnen ala.#Apos 13:46; Mat 4:17 7Aŋ atozmap azu pidinpa abol, Didnen kagin sizizlon iseg ien.#Luk 10:9 8Maiaidaŋan ikibinia, dimatlak ufuŋuna, pizapizdaŋan me anaup sezane, buga sladin ukudua. Se lo aŋalelak, se lo ipinidin.#Apos 20:33 9Gold, silwer bras mai nami badamlon so ien mon. 10Tazeŋ inan badam, jamel azugen, nienaten tok mai teap atoz, uzatai i madoknen abaŋ ŋalenen iduse.#Luk 10:4; Tim I 5:18; Num 18:31
11Aŋ panu domten ujanlon tat, kiteklon tat adulemap, it tat iduse me alaŋaip tamol me maip amado, panu binip alawoi eginmap. 12Aŋ ablak adusemap inan tamolai pez ipinidin.#Luk 10:5, 6 13Ab me idusetap nami mazoz me fonlak iduwoi, ge me so idusetap nami mazoz aŋ ziminen imuloi. 14Ge ta aŋ so iŋiliaŋime, nami azu dab so ipaniime, ab me panu me mai ibinip ala, kulukal niemilak atetanip idu.#Luk 10:10–12; Apos 13:51; 18:6 15Malik ŋa aŋ ŋepaiaŋ, betenaek ujanlon panu me Sodom Gomora fatu inan naon ŋalenen me beleŋanip iŋalewoi.#Mat 11:24; Luk 20:47
Jesus inan uzatai diŋal duzoi
16Nasi, aŋ belelek egin ŋa wolf leŋadinlon ŋonoaŋŋame; mewoi aŋ mot egin kaginkagindaŋan, bun egin lami taozoi.#Luk 10:3; Joh 10:12; Apos 20:29 17Ge tamoloi dab anau, i nadin temaneklon aŋ donoaŋoi, nadin ubouablon dugusulaŋoi,#Rom 16:19; Mat 24:9 18ŋawoi aŋ gowerner kiŋ mai noadinnen diziaŋoi, i gobgaz mai meladinlon aŋ ŋawoi isigianiwoi.#Apos 25:23; 27:24 19Ge aŋ i nimadinlon donoaŋmap, abaŋte aboloi mewoi lami so muzuan mon, aŋ abolnen azu me saen melon panaŋoilakoi. 20Aŋ so abolame, tea, Temami inan Uz aŋlon ibolime.#Kor I 2:1 21Tain me inan tain imatnenoi nimadinlon inauwoi, taman inan nanun, samungaz nadin tinadin temadin titij denaup difup dimatoi.#Mat 10:35 22Tamolpain daŋan ŋainag neagoi dezezeŋanaŋoi, ge me i segatip madoime wadanpa i tetazi ŋalewoi.#Mat 24:9, 13 23Ge panu talon ŋiliaŋ uzaŋmap aŋ aentalon au. Malik ŋa aŋ ŋepaiaŋ, aŋ panupanu Israel demadodime me daŋan mok azu so ipidin binimap Tamolai mug imulpa isowoi.#Mat 16:28
Jesus meglaum azu ta peteŋana, tansaek mai pinidin
24Maŋau ŋalekai i inan peteŋanek so beleŋaniime, begabeg mai i inan ujanzen so nenaziime.#Luk 6:40; Joh 3:16; 15:20 25Maŋau ŋalekai i inan peteŋanek ikolmap me iduse, begabeg inan ujanzen ikolmap me mai. I abgaten Beelsebub deblanilak i me nenazip abgaz dodin neadin salanlon deblanawoi.#Mat 12:24
26Mewoi iwoi so azez mon. Abaŋ toaneklak daŋan beŋten itasawoi, miŋianeklak mai beŋten diloŋoi.#Mar 4:22; Luk 8:17 27Me ŋa aŋ mafuzlon ŋepaiaŋŋame me lelamanlon abol, me aŋ komfilon aloŋame me badimlakpa ipidinoi. 28I tinin dufunip imatnen diloŋ ge nitun dufunip imatnen so diloŋ, iwoi so azez mon. Tea, me i nitun tinin mai Hadeslon pedaleŋ paninen iloŋ, iwoi azezoi.#Jak 4:12 29Kuseŋ azugen pens taimonlon so didaddime tat? Ge Temami so iboltap menen ta tanlak so ibal iduime. 30Nami getamizaun daŋan sutalakoi.#Mat 6:26; 12:12 31Mewoi aŋ so azez mon, aŋ kuseŋ kuzum beleŋanaame. 32Mewoi it tat i tamolpain noadinnen ŋa sigianagime, iwoi ŋa mai inag didnen Mam naonnen ŋisigianiwoi. 33Ge me i ŋawoi tamolpain noadinnen kakezime, iwoi ŋa mai didnen Mam naonnen ŋaboloi, Ŋa i so ŋaloŋ.#Luk 9:26
34Lami so ibol mon ŋa tan mazoz ŋepaniwoi ŋase, mazoz ŋepaniwoi so ŋase, tea, sebuzi. 35Ŋa mewoi ŋase, tamol ta inan taman mai siai demadowoi, nanunpain inan tinan mai, zauan inan jaub mai.#Mika 7:6 36Tamol inan agez me inan ab samungaz. 37Ta i inan tamanoi tat, tinanoi tat imatime, ge ŋawoi megin tea, i ŋawoi so iduse. Ta i inan nanunaioi tat nanunpainoi tat imatime, ge ŋawoi megin tea, i ŋawoi so iduse.#Deut 33:9 38Ta i inan jakebazek so iŋalep ŋa uzagime i ŋawoi so iduse.#Mat 16:24, 25 39Ta i tinin bas madoknen bezanig ŋaleime, i me bedaniwoi, ge i inan tinin bas madoknen ŋawoi bedaniime, i inasip ŋalewoi.#Luk 17:33; Joh 12:25
40I me aŋ ŋiliaŋime, i ŋa ŋiliagime; iŋa ŋiliagime i ŋa noaglak me iŋaleime.#Mat 18:5; Joh 13:20 41I me profet ta profet neanlon kibineime, i profet inan naon ŋalewoi. Me i tamol taoz ta tamol taoz neanlon ŋaleime, i tamol taoz inan naon ŋaleime. 42Ta i meglaumlakoi mitingaz enen ta naz jizun gabdaŋan paniime, malik ŋa aŋ ŋepaiaŋ, i inan naon so teaboi.#Mat 25:40
Currently Selected:
Mateus 10: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Mateus 10
10
JESUS INAN MEGLAUM WIGIDIN, 10:1—11:1
Jesus meglaum twelf iŋalge tiwon pinidin
1I inan meglaum 12 wigidinge uzgataf kuduanen tiwon ipinidin, maiai daŋan sub daŋan kibinenen mai.#Mar 6:7–13; 10 2Apostel twelf i neadin megin: malanmalan Simon me Petrus dibol, inan tain Andreas mai, Jakobus, Sebedeus inan ai, inan tain Johanes mai, 3Filipus Bartolomeus mai, Tomas, Mateus i selna, Jakobus me Alfeus nanunai, Tadeus mai, 4Simon me Kananaioswain, Judas Iskariot me Jesus blanilak i mai.
Jesus inan meglaum uzat pinidin
5Jesus ai twelf me inaug kibiai ipinidinge ibol, Gobgaz nadin dallak so atoz mon, Samariagaz nadin panulon mai so adule mon,#Mat 9:36; 15:24 6tea, Israel belelek depadallak me zidinnen ala.#Apos 13:46; Mat 4:17 7Aŋ atozmap azu pidinpa abol, Didnen kagin sizizlon iseg ien.#Luk 10:9 8Maiaidaŋan ikibinia, dimatlak ufuŋuna, pizapizdaŋan me anaup sezane, buga sladin ukudua. Se lo aŋalelak, se lo ipinidin.#Apos 20:33 9Gold, silwer bras mai nami badamlon so ien mon. 10Tazeŋ inan badam, jamel azugen, nienaten tok mai teap atoz, uzatai i madoknen abaŋ ŋalenen iduse.#Luk 10:4; Tim I 5:18; Num 18:31
11Aŋ panu domten ujanlon tat, kiteklon tat adulemap, it tat iduse me alaŋaip tamol me maip amado, panu binip alawoi eginmap. 12Aŋ ablak adusemap inan tamolai pez ipinidin.#Luk 10:5, 6 13Ab me idusetap nami mazoz me fonlak iduwoi, ge me so idusetap nami mazoz aŋ ziminen imuloi. 14Ge ta aŋ so iŋiliaŋime, nami azu dab so ipaniime, ab me panu me mai ibinip ala, kulukal niemilak atetanip idu.#Luk 10:10–12; Apos 13:51; 18:6 15Malik ŋa aŋ ŋepaiaŋ, betenaek ujanlon panu me Sodom Gomora fatu inan naon ŋalenen me beleŋanip iŋalewoi.#Mat 11:24; Luk 20:47
Jesus inan uzatai diŋal duzoi
16Nasi, aŋ belelek egin ŋa wolf leŋadinlon ŋonoaŋŋame; mewoi aŋ mot egin kaginkagindaŋan, bun egin lami taozoi.#Luk 10:3; Joh 10:12; Apos 20:29 17Ge tamoloi dab anau, i nadin temaneklon aŋ donoaŋoi, nadin ubouablon dugusulaŋoi,#Rom 16:19; Mat 24:9 18ŋawoi aŋ gowerner kiŋ mai noadinnen diziaŋoi, i gobgaz mai meladinlon aŋ ŋawoi isigianiwoi.#Apos 25:23; 27:24 19Ge aŋ i nimadinlon donoaŋmap, abaŋte aboloi mewoi lami so muzuan mon, aŋ abolnen azu me saen melon panaŋoilakoi. 20Aŋ so abolame, tea, Temami inan Uz aŋlon ibolime.#Kor I 2:1 21Tain me inan tain imatnenoi nimadinlon inauwoi, taman inan nanun, samungaz nadin tinadin temadin titij denaup difup dimatoi.#Mat 10:35 22Tamolpain daŋan ŋainag neagoi dezezeŋanaŋoi, ge me i segatip madoime wadanpa i tetazi ŋalewoi.#Mat 24:9, 13 23Ge panu talon ŋiliaŋ uzaŋmap aŋ aentalon au. Malik ŋa aŋ ŋepaiaŋ, aŋ panupanu Israel demadodime me daŋan mok azu so ipidin binimap Tamolai mug imulpa isowoi.#Mat 16:28
Jesus meglaum azu ta peteŋana, tansaek mai pinidin
24Maŋau ŋalekai i inan peteŋanek so beleŋaniime, begabeg mai i inan ujanzen so nenaziime.#Luk 6:40; Joh 3:16; 15:20 25Maŋau ŋalekai i inan peteŋanek ikolmap me iduse, begabeg inan ujanzen ikolmap me mai. I abgaten Beelsebub deblanilak i me nenazip abgaz dodin neadin salanlon deblanawoi.#Mat 12:24
26Mewoi iwoi so azez mon. Abaŋ toaneklak daŋan beŋten itasawoi, miŋianeklak mai beŋten diloŋoi.#Mar 4:22; Luk 8:17 27Me ŋa aŋ mafuzlon ŋepaiaŋŋame me lelamanlon abol, me aŋ komfilon aloŋame me badimlakpa ipidinoi. 28I tinin dufunip imatnen diloŋ ge nitun dufunip imatnen so diloŋ, iwoi so azez mon. Tea, me i nitun tinin mai Hadeslon pedaleŋ paninen iloŋ, iwoi azezoi.#Jak 4:12 29Kuseŋ azugen pens taimonlon so didaddime tat? Ge Temami so iboltap menen ta tanlak so ibal iduime. 30Nami getamizaun daŋan sutalakoi.#Mat 6:26; 12:12 31Mewoi aŋ so azez mon, aŋ kuseŋ kuzum beleŋanaame. 32Mewoi it tat i tamolpain noadinnen ŋa sigianagime, iwoi ŋa mai inag didnen Mam naonnen ŋisigianiwoi. 33Ge me i ŋawoi tamolpain noadinnen kakezime, iwoi ŋa mai didnen Mam naonnen ŋaboloi, Ŋa i so ŋaloŋ.#Luk 9:26
34Lami so ibol mon ŋa tan mazoz ŋepaniwoi ŋase, mazoz ŋepaniwoi so ŋase, tea, sebuzi. 35Ŋa mewoi ŋase, tamol ta inan taman mai siai demadowoi, nanunpain inan tinan mai, zauan inan jaub mai.#Mika 7:6 36Tamol inan agez me inan ab samungaz. 37Ta i inan tamanoi tat, tinanoi tat imatime, ge ŋawoi megin tea, i ŋawoi so iduse. Ta i inan nanunaioi tat nanunpainoi tat imatime, ge ŋawoi megin tea, i ŋawoi so iduse.#Deut 33:9 38Ta i inan jakebazek so iŋalep ŋa uzagime i ŋawoi so iduse.#Mat 16:24, 25 39Ta i tinin bas madoknen bezanig ŋaleime, i me bedaniwoi, ge i inan tinin bas madoknen ŋawoi bedaniime, i inasip ŋalewoi.#Luk 17:33; Joh 12:25
40I me aŋ ŋiliaŋime, i ŋa ŋiliagime; iŋa ŋiliagime i ŋa noaglak me iŋaleime.#Mat 18:5; Joh 13:20 41I me profet ta profet neanlon kibineime, i profet inan naon ŋalewoi. Me i tamol taoz ta tamol taoz neanlon ŋaleime, i tamol taoz inan naon ŋaleime. 42Ta i meglaumlakoi mitingaz enen ta naz jizun gabdaŋan paniime, malik ŋa aŋ ŋepaiaŋ, i inan naon so teaboi.#Mat 25:40
New Testament published by the British and Foreign Bible Society in 1960. Genesis published by the Australian Bible Society in 1971.