Lukas 3
3
JESUS ITASANEN ANUT DAL KIBINE, 3, 4, 13
Johanes beŋten itase
1Tiberius umaz fiftin kaisar madelag, Pontius Pilatus Judea inan kiap mademeg, Herodes Galilea inan gaten, inan tain Herodes Filipus Iturea, Tarakonia fatu mai inan gaten, Lisanias i Abilene gaten. 2Hanas Kaifas mai me waliŋ getadin demademeg, saen melon Johanes, Sakarias inan ai, fatu udaulon get ileg madoime, Anut inan auan iloŋ. 3Meginge i itaseg Jordan baŋenlon itozmeg, didaŋsanen, aupasek suasnen mai gaten flanek azu ibol. 4Iwoi get profet Jesaia ibollak, gazeklon ienime egin: Auan ta fatu udaulon ienime ibol, Ujanzen inan dal kibinep pani, inan dal taoz nau,#Jes 40:3–5 5gezapen daŋan tutumuniwoi, did bubun mai pezezeŋanewoi, dal mikilinmakalanlak tidukoi, dal bubunbubandaŋan me zoanawoi. 6Me tamolpain daŋan putudinpasinen Anut inaulak denasiwoi.
Johanes tulufunek didaŋsanen azu ibol
7Tamolpain pifoldaŋan i izinnen didu dise, getadin flanawoi dibol, me i pidin, Mot suzumen malandaŋan! It mon aŋ paiaŋlak, aŋ buzun loantapnen utuzugusiwoi?#Mat 23:33 8Adaŋsanen inan niŋon anaup tenasiwoi! Aŋ sebami lamilon so abol mon, Abraham i amnama mam! Ŋa aŋ ŋepaiaŋŋame, Anut i Abraham pat elon nanun fuŋunanen iloŋime.#Apos 26:20 9Plagis ja dabinlon mug naug ienime, ja ta niŋon gauai so inaumap i tazewoi, jananinlon itaniwoi. 10Tamolpain Johanes desedaze dibol, Am abaŋte mon anauwoi? 11I auadin jabi pidin, Ta i jamel azuazudaŋan, i jamel teag itozime me taimon paniwoi, ta i anaŋdaŋan i megin mon. 12Selnagaz mai te izinnen getadin flanawoi dise, desedazeg dibol, Maŋautamol ubolpe, am abaŋte anauwoi?#Mat 21:31 13I me pidin, Gaŋmalan gazeklon dibol, me mon aŋaloi, subuŋan ta tea. 14Opasgaz maig sodoz denaug depai, Am mai te am abaŋte anauwoi? I pidin, Aŋ ponau naon so ani atoz mon, tamolpain so titiliawoi, nami uzat naonoi dadon isa e aboloi.
Johanes i sibenoi, Mesiasoi mai sigiana. Johanes sebanek denau
15Tamolpain ladinlon komkom, daŋan bubudinlon Johanesoi dibol, i Kristus tat e dibol.#Joh 1:19–28 16Meginge Johanes daŋan pidin ibol, Ŋa aŋ nazlon ŋeflanaŋŋame, ge ta ŋa uzag isoime, i inan tiwon me ŋainag nenazig latnen itase, inan nienatennen mol ŋeflalenen ŋa so iduse, i aŋ Uzgunlon, jalon mai flanaŋoi.#Apos 13:25 17Inan baza kibineknen salu inan nimanlon ienime, i inan badaten kibinewoi, baza niŋon inan badlon idizoi, ge fufain i jalon taniwoi, ja me sufuninen tata so iloŋoi. 18Azu aenta kuzum i mai pidin, tamolpain ibebanaime, totol gamun patunisanen azu pidin.
19Johanes mai Galilea gaten Herodes gauz ipai, i tain iwon, Herodias, wozai ŋalelakoi, abaŋ salan aenta mai inaulak, mewoi ipeneŋani.#Mat 14:3, 4; Mar 6:17, 18 20Herodes bo salan getnen ta mai ibate, i Johanes jabig sebaneklon inaug funati.
Johanes i Jesus flani
21Johanes tamolpain daŋan getadin flanameg i Jesus mai flani. Jesus igodoani mademeg, did auan ifue. 22Auanuzgun tinin bun egin i fonlak sololoanig idu. Auan ta mai didlakge idu ibol, O ŋainag ai, waza gado, owoi ŋa ilog gamun funag.#Luk 9:35; Kan 2:7
Josef bagengaz neadin
23Jesus umaz tirti itozlag i uzat fun ŋale. Iwoi dibol, i Josef inan ai, me Elei inan,#Luk 4:22 24me Matat inan, me Lewi inan, me Melkei inan, me Janai inan, me Josef inan, 25me Matatias inan, me Amos inan, me Nahum inan, me Esle inan, me Nagai inan, 26me Maat inan, me Matatias inan, me Semein inan, me Josea inan, me Joda inan, 27me Johanan inan, me Resa inan, me Sorobabel inan, me Salatiel inan, me Nerei inan, 28me Melkei inan, me Adei inan, me Kosam inan, me Elmadam inan, me Er inan, 29me Jesua inan, me Eliesar inan, me Joreim inan, me Matat inan, me Lewi inan, 30me Simeon inan, me Judas inan, me Judas inan, me Josef inan, me Eliakeim inan, 31me Melea inan, me Menna inan, me Matata inan, me Natan inan, me Dawid inan,#Sam II 5:14 32me Jesse inan, me Obed inan, me Boas inan, me Sala inan, me Naason inan,#Rut 4:22 33me Aminadab inan, me Admein inan, me Arni inan, me Esrom inan, me Pares inan, me Juda inan,#Gen 29:35 34me Jakob inan, me Isak inan, me Abraham inan, me Tara inan, me Nahor inan,#Gen 21:2, 3 35me Serug inan, me Ragau inan, me Falek inan, me Eber inan, me Sala inan, 36me Kainam inan, me Arfaksad inan, me Sem inan, me Noa inan, me Lamek inan,#Gen 5:3–32 37me Matusala inan, me Henok inan, me Jaret inan, me Maleleiel inan, me Kainam inan, 38me Enos inan, me Set inan, me Adam inan, me Anut inaulak.#Gen 5:1–3
Currently Selected:
Lukas 3: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Lukas 3
3
JESUS ITASANEN ANUT DAL KIBINE, 3, 4, 13
Johanes beŋten itase
1Tiberius umaz fiftin kaisar madelag, Pontius Pilatus Judea inan kiap mademeg, Herodes Galilea inan gaten, inan tain Herodes Filipus Iturea, Tarakonia fatu mai inan gaten, Lisanias i Abilene gaten. 2Hanas Kaifas mai me waliŋ getadin demademeg, saen melon Johanes, Sakarias inan ai, fatu udaulon get ileg madoime, Anut inan auan iloŋ. 3Meginge i itaseg Jordan baŋenlon itozmeg, didaŋsanen, aupasek suasnen mai gaten flanek azu ibol. 4Iwoi get profet Jesaia ibollak, gazeklon ienime egin: Auan ta fatu udaulon ienime ibol, Ujanzen inan dal kibinep pani, inan dal taoz nau,#Jes 40:3–5 5gezapen daŋan tutumuniwoi, did bubun mai pezezeŋanewoi, dal mikilinmakalanlak tidukoi, dal bubunbubandaŋan me zoanawoi. 6Me tamolpain daŋan putudinpasinen Anut inaulak denasiwoi.
Johanes tulufunek didaŋsanen azu ibol
7Tamolpain pifoldaŋan i izinnen didu dise, getadin flanawoi dibol, me i pidin, Mot suzumen malandaŋan! It mon aŋ paiaŋlak, aŋ buzun loantapnen utuzugusiwoi?#Mat 23:33 8Adaŋsanen inan niŋon anaup tenasiwoi! Aŋ sebami lamilon so abol mon, Abraham i amnama mam! Ŋa aŋ ŋepaiaŋŋame, Anut i Abraham pat elon nanun fuŋunanen iloŋime.#Apos 26:20 9Plagis ja dabinlon mug naug ienime, ja ta niŋon gauai so inaumap i tazewoi, jananinlon itaniwoi. 10Tamolpain Johanes desedaze dibol, Am abaŋte mon anauwoi? 11I auadin jabi pidin, Ta i jamel azuazudaŋan, i jamel teag itozime me taimon paniwoi, ta i anaŋdaŋan i megin mon. 12Selnagaz mai te izinnen getadin flanawoi dise, desedazeg dibol, Maŋautamol ubolpe, am abaŋte anauwoi?#Mat 21:31 13I me pidin, Gaŋmalan gazeklon dibol, me mon aŋaloi, subuŋan ta tea. 14Opasgaz maig sodoz denaug depai, Am mai te am abaŋte anauwoi? I pidin, Aŋ ponau naon so ani atoz mon, tamolpain so titiliawoi, nami uzat naonoi dadon isa e aboloi.
Johanes i sibenoi, Mesiasoi mai sigiana. Johanes sebanek denau
15Tamolpain ladinlon komkom, daŋan bubudinlon Johanesoi dibol, i Kristus tat e dibol.#Joh 1:19–28 16Meginge Johanes daŋan pidin ibol, Ŋa aŋ nazlon ŋeflanaŋŋame, ge ta ŋa uzag isoime, i inan tiwon me ŋainag nenazig latnen itase, inan nienatennen mol ŋeflalenen ŋa so iduse, i aŋ Uzgunlon, jalon mai flanaŋoi.#Apos 13:25 17Inan baza kibineknen salu inan nimanlon ienime, i inan badaten kibinewoi, baza niŋon inan badlon idizoi, ge fufain i jalon taniwoi, ja me sufuninen tata so iloŋoi. 18Azu aenta kuzum i mai pidin, tamolpain ibebanaime, totol gamun patunisanen azu pidin.
19Johanes mai Galilea gaten Herodes gauz ipai, i tain iwon, Herodias, wozai ŋalelakoi, abaŋ salan aenta mai inaulak, mewoi ipeneŋani.#Mat 14:3, 4; Mar 6:17, 18 20Herodes bo salan getnen ta mai ibate, i Johanes jabig sebaneklon inaug funati.
Johanes i Jesus flani
21Johanes tamolpain daŋan getadin flanameg i Jesus mai flani. Jesus igodoani mademeg, did auan ifue. 22Auanuzgun tinin bun egin i fonlak sololoanig idu. Auan ta mai didlakge idu ibol, O ŋainag ai, waza gado, owoi ŋa ilog gamun funag.#Luk 9:35; Kan 2:7
Josef bagengaz neadin
23Jesus umaz tirti itozlag i uzat fun ŋale. Iwoi dibol, i Josef inan ai, me Elei inan,#Luk 4:22 24me Matat inan, me Lewi inan, me Melkei inan, me Janai inan, me Josef inan, 25me Matatias inan, me Amos inan, me Nahum inan, me Esle inan, me Nagai inan, 26me Maat inan, me Matatias inan, me Semein inan, me Josea inan, me Joda inan, 27me Johanan inan, me Resa inan, me Sorobabel inan, me Salatiel inan, me Nerei inan, 28me Melkei inan, me Adei inan, me Kosam inan, me Elmadam inan, me Er inan, 29me Jesua inan, me Eliesar inan, me Joreim inan, me Matat inan, me Lewi inan, 30me Simeon inan, me Judas inan, me Judas inan, me Josef inan, me Eliakeim inan, 31me Melea inan, me Menna inan, me Matata inan, me Natan inan, me Dawid inan,#Sam II 5:14 32me Jesse inan, me Obed inan, me Boas inan, me Sala inan, me Naason inan,#Rut 4:22 33me Aminadab inan, me Admein inan, me Arni inan, me Esrom inan, me Pares inan, me Juda inan,#Gen 29:35 34me Jakob inan, me Isak inan, me Abraham inan, me Tara inan, me Nahor inan,#Gen 21:2, 3 35me Serug inan, me Ragau inan, me Falek inan, me Eber inan, me Sala inan, 36me Kainam inan, me Arfaksad inan, me Sem inan, me Noa inan, me Lamek inan,#Gen 5:3–32 37me Matusala inan, me Henok inan, me Jaret inan, me Maleleiel inan, me Kainam inan, 38me Enos inan, me Set inan, me Adam inan, me Anut inaulak.#Gen 5:1–3
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.