Lukas 24
24
Jesus imaisnen. Paingaz noadinnen boboloani
1Uzatnal funlon paingaz bomon mon dimaisge malan izinnen dile, gazeŋmoz dikibinelak me deŋaleg dile. 2Pat lof auanlak ienlak me get pasig ienmeg denasi. 3I loflon diduleg i sesanun so denasi, 4mewoi ladin bebazeg demademeg mug tamol azugen jamel nunutekdaŋan dil. 5I mewoi dizutge gududin idug demademeg, tamol me i dipidin, Aitoige aŋ baslak me dimatlak zidinnen abezaniame? 6I en tea, tea, i mug imaislak! An get Galileanen ipaiaŋlak, me lami isouwoi. 7I ibollak, Tamolai i aupasekbibian nimadinlon denaup dufunip imatoi, taen azup geglon faun imaisoi ibol.#Mat 17:22, 23 8Mug azu me ladin isou. 9I fedafodlonge dimulge dileg abaŋ e daŋan apostel elewen mai aenta daŋan mai sai pinidin. 10Pain me i Maria Magdalena, Johana, Maria me Jakobus tinan, pain aenta mai, i apostel me sai dipinidin.#Luk 8:2, 3 11I azu me diloŋge ladinlon malikoi denau lo teag, biŋ se mon tat dibol. 12Ge Petrus imaisge malan izinnen palu mon ile. I takok idug soakmeg puzeknen jamel mon dienmeg nasi. I imulge inannen ileg ilonlon izut, me dodin tatte ibol.
Emaus ai azugen
13Nasi, nal melon mok ai azugen menen panu ta, nean Emaus, me mail sewen Jerusalem muzinnen ien, men dilawoi dile. 14Me abaŋ daŋan inaulak mewoi dallak dikibiaimeg dile. 15I mewoi dibol dikibiaig dilemeg Jesus zidinnen itaseg maig ditoz.#Mat 18:20 16Ge meladin jabilak, mewoi i Jesus so diloŋ. 17Meginge i pidin, Aŋ auzun dodinge ikibiaimeg atozame? 18I mug noadin mimiog ditiuz. Ai ta, nean Kleopas, auan jabig ipai, O sibe taimon bas Jerusalemnen madoume, abaŋ men nal inaulak, kin so uloŋ? 19I sidizia, Abaŋte tat? Ge i depai, Ŋan me Nasaretwain Jesusoi, i profet, Anut naonnen, tamolpain noadinnen azulon, maŋaumaŋaulon mai tiwon pazeg itozlak. 20Me inad waliŋgatengaz, kibiaipanekgaz mai funip imatoi dibolge uf denaulak, demeselanig jakebazeklak dezailak. 21Am bo abol i Israel putudin pasiwoi, ge i denaulak gazo nal tolgen mug bini.#Apos 1:6 22Amnama pain aenta am depaiamalak, mewoi am azut. I gazo bomon mon malan izinnen dilelag#Luk 24:1–11 23inan tinin so denasilak, diseg dibol eŋel mon denasi e dibol. Eŋel i pidin, i bas imais. 24Meginge am taitai maig malan izinnen dileg pain dibollak megin denasi, i siben bo so denasi.#Joh 20:3–10
25Mug Jesus i pidin, Aŋ lami tea, aŋ bubumi muzuan, profetgaz dibollak lamilon so malik gauai! 26Kristus so tat alan inaumap mon inan kubelkubellon ilawoi? 27Ibol ileg azu gazek Moses profetgazlon iwoi degazeg ien, azu bedagek me daŋan i daiag, zazeg ile, fun flale idu pasi.#Deut 18:15; Kan 22; Jes 53
28I panu men dilawoi dibol, mug sizizlon ditaseg, i igegpa ilawoi inau. 29I deseseŋanig digosge dibol, Mug tidomged, ad jeŋajoŋ idulawoi inauime, am maip temadowoi! I maig nadin ablak diduseg maip demadowoi ibol. 30I maig anaŋ dianiwoi dematalmeg sepalaŋ ŋale, peznen godoanek ibol, bufate idug wae pinidin.#Luk 22:19 31I meladin po ibol, i diloŋ, ŋan i meladinlon mitian iau. 32Meginge i nug dikibiaimeg dibol, Dallak id mai tatozmeg azu gazek funfun iflaleg idumeg inad bubed so tat niniad egin wonanange gamun ifunad?
33Gazo mok dimaisge tapas didug Jerusalemnen dimulge dile. Meginge ditaseg meglaum elewen detemanilak, aenta maig demademeg dil. 34I daŋan dibol, Ujanzen malik mok imaislak, Simon naonnen itaseg inasilak.#Kor I 15:4, 5 35Ai Emausnen dilelak dallak denasilak azu daŋan e mai sai dipinidin, i sepalaŋ bufatemeg melon i diloŋ.
Imaislak nal juza apostel noadinnen itase
36I megin dikibiaimeg i siben i leŋadinlon itaseg ipidin, Aŋ mazozdaŋan amado! 37I gauz dizutge dizezmeg tibud tat denasie dibol.#Mat 14:26 38Ge i pidin, Aŋ ait gauz azezame? Aŋ dodin lamilon megin abolame? 39Ŋainag nimag nieg mai anasi, ŋa sibeg dadog, ibiag anasagŋan, tibud i ŋa egin tat! I ŋa egin dog mudandaŋan tea. 40I megin ibollag inan niman nien mai peteŋana. 41Ge i ladin zigiameg ladin denau lo teag dizut maig demademeg i pidin, Aŋ anaŋ kamo ta ienime? 42I ij mazeklak boi ta, gubuzuztaen mai deŋaleg diseg depani.#Joh 21:10 43I wizidinge noadinnen jani.
Totol uzatoi kibiaiŋ; Auanuzgun blani pinidin
44Meginge i pidin, Ŋan ŋainag auag, get aŋ maig tatozmeg ŋepaiaŋlak, ŋan e Moses profetgaz mai nadin azulon kanamlon mai get ŋawoi digezlak, ŋan me daŋan niŋon inauwoi ŋabol.#Luk 9:22; 18:31–33; 24:27
45Meginmeg i azu funfun me daŋan flaleg idu, i maip diloŋoi. 46Batemeg ipidin, Gazek egin ienime: Kristus alan inaup itozoi, taen azup geglonpa faun imaisoi. 47Meginmap inan neanlon tamolpainbadim daŋan tulufuna didaŋsanen azu pidinoi, nadin aupasek pazek iduknen deŋalewoi, mewoi malanmalan Jerusalemnen me fun nauwoi, 48an kagin me inan sigianeknen totol atozoi. 49Aloŋ gauai, Ŋa Mam inan blanipanek aŋ fomilak ŋenaup idup panaŋoi. Ge aŋ panu elon amademap tiwon latnenpa get idup atozlap eginmap.#Joh 15:26; 16:7; Apos 1:4
Jesus didlon ile
50Meginlag i idauzig Betana panu sizizlon dile. I inan niman ibiseg baz pinidin. 51Meginge timtaen ta idu iseg ibiseg didlon ŋaleg ile.
52I Jesus dogodoanilag judin isag, Jerusalemnen dimulge dile. 53I dedeŋanig tempellon demademeg Anut kalel depani mon demade.
Currently Selected:
Lukas 24: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Lukas 24
24
Jesus imaisnen. Paingaz noadinnen boboloani
1Uzatnal funlon paingaz bomon mon dimaisge malan izinnen dile, gazeŋmoz dikibinelak me deŋaleg dile. 2Pat lof auanlak ienlak me get pasig ienmeg denasi. 3I loflon diduleg i sesanun so denasi, 4mewoi ladin bebazeg demademeg mug tamol azugen jamel nunutekdaŋan dil. 5I mewoi dizutge gududin idug demademeg, tamol me i dipidin, Aitoige aŋ baslak me dimatlak zidinnen abezaniame? 6I en tea, tea, i mug imaislak! An get Galileanen ipaiaŋlak, me lami isouwoi. 7I ibollak, Tamolai i aupasekbibian nimadinlon denaup dufunip imatoi, taen azup geglon faun imaisoi ibol.#Mat 17:22, 23 8Mug azu me ladin isou. 9I fedafodlonge dimulge dileg abaŋ e daŋan apostel elewen mai aenta daŋan mai sai pinidin. 10Pain me i Maria Magdalena, Johana, Maria me Jakobus tinan, pain aenta mai, i apostel me sai dipinidin.#Luk 8:2, 3 11I azu me diloŋge ladinlon malikoi denau lo teag, biŋ se mon tat dibol. 12Ge Petrus imaisge malan izinnen palu mon ile. I takok idug soakmeg puzeknen jamel mon dienmeg nasi. I imulge inannen ileg ilonlon izut, me dodin tatte ibol.
Emaus ai azugen
13Nasi, nal melon mok ai azugen menen panu ta, nean Emaus, me mail sewen Jerusalem muzinnen ien, men dilawoi dile. 14Me abaŋ daŋan inaulak mewoi dallak dikibiaimeg dile. 15I mewoi dibol dikibiaig dilemeg Jesus zidinnen itaseg maig ditoz.#Mat 18:20 16Ge meladin jabilak, mewoi i Jesus so diloŋ. 17Meginge i pidin, Aŋ auzun dodinge ikibiaimeg atozame? 18I mug noadin mimiog ditiuz. Ai ta, nean Kleopas, auan jabig ipai, O sibe taimon bas Jerusalemnen madoume, abaŋ men nal inaulak, kin so uloŋ? 19I sidizia, Abaŋte tat? Ge i depai, Ŋan me Nasaretwain Jesusoi, i profet, Anut naonnen, tamolpain noadinnen azulon, maŋaumaŋaulon mai tiwon pazeg itozlak. 20Me inad waliŋgatengaz, kibiaipanekgaz mai funip imatoi dibolge uf denaulak, demeselanig jakebazeklak dezailak. 21Am bo abol i Israel putudin pasiwoi, ge i denaulak gazo nal tolgen mug bini.#Apos 1:6 22Amnama pain aenta am depaiamalak, mewoi am azut. I gazo bomon mon malan izinnen dilelag#Luk 24:1–11 23inan tinin so denasilak, diseg dibol eŋel mon denasi e dibol. Eŋel i pidin, i bas imais. 24Meginge am taitai maig malan izinnen dileg pain dibollak megin denasi, i siben bo so denasi.#Joh 20:3–10
25Mug Jesus i pidin, Aŋ lami tea, aŋ bubumi muzuan, profetgaz dibollak lamilon so malik gauai! 26Kristus so tat alan inaumap mon inan kubelkubellon ilawoi? 27Ibol ileg azu gazek Moses profetgazlon iwoi degazeg ien, azu bedagek me daŋan i daiag, zazeg ile, fun flale idu pasi.#Deut 18:15; Kan 22; Jes 53
28I panu men dilawoi dibol, mug sizizlon ditaseg, i igegpa ilawoi inau. 29I deseseŋanig digosge dibol, Mug tidomged, ad jeŋajoŋ idulawoi inauime, am maip temadowoi! I maig nadin ablak diduseg maip demadowoi ibol. 30I maig anaŋ dianiwoi dematalmeg sepalaŋ ŋale, peznen godoanek ibol, bufate idug wae pinidin.#Luk 22:19 31I meladin po ibol, i diloŋ, ŋan i meladinlon mitian iau. 32Meginge i nug dikibiaimeg dibol, Dallak id mai tatozmeg azu gazek funfun iflaleg idumeg inad bubed so tat niniad egin wonanange gamun ifunad?
33Gazo mok dimaisge tapas didug Jerusalemnen dimulge dile. Meginge ditaseg meglaum elewen detemanilak, aenta maig demademeg dil. 34I daŋan dibol, Ujanzen malik mok imaislak, Simon naonnen itaseg inasilak.#Kor I 15:4, 5 35Ai Emausnen dilelak dallak denasilak azu daŋan e mai sai dipinidin, i sepalaŋ bufatemeg melon i diloŋ.
Imaislak nal juza apostel noadinnen itase
36I megin dikibiaimeg i siben i leŋadinlon itaseg ipidin, Aŋ mazozdaŋan amado! 37I gauz dizutge dizezmeg tibud tat denasie dibol.#Mat 14:26 38Ge i pidin, Aŋ ait gauz azezame? Aŋ dodin lamilon megin abolame? 39Ŋainag nimag nieg mai anasi, ŋa sibeg dadog, ibiag anasagŋan, tibud i ŋa egin tat! I ŋa egin dog mudandaŋan tea. 40I megin ibollag inan niman nien mai peteŋana. 41Ge i ladin zigiameg ladin denau lo teag dizut maig demademeg i pidin, Aŋ anaŋ kamo ta ienime? 42I ij mazeklak boi ta, gubuzuztaen mai deŋaleg diseg depani.#Joh 21:10 43I wizidinge noadinnen jani.
Totol uzatoi kibiaiŋ; Auanuzgun blani pinidin
44Meginge i pidin, Ŋan ŋainag auag, get aŋ maig tatozmeg ŋepaiaŋlak, ŋan e Moses profetgaz mai nadin azulon kanamlon mai get ŋawoi digezlak, ŋan me daŋan niŋon inauwoi ŋabol.#Luk 9:22; 18:31–33; 24:27
45Meginmeg i azu funfun me daŋan flaleg idu, i maip diloŋoi. 46Batemeg ipidin, Gazek egin ienime: Kristus alan inaup itozoi, taen azup geglonpa faun imaisoi. 47Meginmap inan neanlon tamolpainbadim daŋan tulufuna didaŋsanen azu pidinoi, nadin aupasek pazek iduknen deŋalewoi, mewoi malanmalan Jerusalemnen me fun nauwoi, 48an kagin me inan sigianeknen totol atozoi. 49Aloŋ gauai, Ŋa Mam inan blanipanek aŋ fomilak ŋenaup idup panaŋoi. Ge aŋ panu elon amademap tiwon latnenpa get idup atozlap eginmap.#Joh 15:26; 16:7; Apos 1:4
Jesus didlon ile
50Meginlag i idauzig Betana panu sizizlon dile. I inan niman ibiseg baz pinidin. 51Meginge timtaen ta idu iseg ibiseg didlon ŋaleg ile.
52I Jesus dogodoanilag judin isag, Jerusalemnen dimulge dile. 53I dedeŋanig tempellon demademeg Anut kalel depani mon demade.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.