Lukas 22
22
VI. ALAN NAUKNEN, IMAISLAK INAN SAI MAI, 22–24
Judas Jesus blani
1Sepalaŋ Dideknen Abaŋ Tea inan ubou me mug siziz, me Pasanal e deblani.#Luk 20:19 2Waliŋgatengaz, gazekmaŋaugaz nug dibolse dibolle, i dodindodin mon denaup dufuninen diloŋoi, i tamolpainoi dizezdime.
3Gazo e Satan imaisge Judas me Iskariot deblanidime, i meglaum twelf menen taimon, inan bubenlon idug jabi.#Joh 13:2, 27 4I ileg waliŋgatengaz opasgatengaz maig dikibiai, i dodin tat inaup Jesus i nimadinlon nauwoi. 5Me zigiag i mai bubudin taimon, depai, i gaŋmalan depaniwoi dibol. 6I au pidin. Mug ilon kankanmeg inasi, i dodin inaup, Jesus tamolpain muzudinnen agez nimadinlon inaunen iloŋ.
Pasa dianiwoi dikibinedime
7Sepalaŋ Didek Abaŋ Tea inan ubou mug pisiniwoi inautag, melon i pasa inan belelek janauknenoi desaewoi,#Ekso 12:18–20 8i Petrus, Johanes maig inaug dile, pidin, Alap, pasa inan belelek ikibinep id taniwoi. 9I depai, O dodin ubol, am domten mon alap ikibinewoi? 10I pidin, Aloŋ, aŋ gazo panulon atasemap tamol ta naz niŋondaŋan joazeime, aŋ maip naon tazetaze, i uzip alap, ab i idusaime, aŋ maip adusawoi. 11Abfun apaip, Peteŋanek o ipaog ibol, Lotamol galuŋ me ŋan, melon ŋa ŋainag meglaum mai pasa aniwoi? 12Meginmap i aŋ galuŋ ujan latnen taeg kalikdaŋan peteŋanaŋoi, melak ikibine. 13Ai dile, Jesus ibollak megin denasig pasa inan belelek dikibine.#Luk 19:32
Jesus apostel mai pasa getnen diani, pasa faun fun inau
14Aur idumeg i apostel maig dematal. 15I pidin, Ŋa get alan so ŋenauwoi eginmap, pasa e aŋ maip taniwoi jaeŋ sufutanagge ŋemade. 16Ŋa ŋepaiaŋ, Ŋa faun ta so ŋaniwoi, Anut kiŋdom wadan get niŋon inauwoi eginmap.#Luk 13:29
17Meginge i nazgab iŋaleg jabi iwoi Anut pez panimeg ibol, Aŋ aŋalp imilip ila. 18Ŋa ŋepaiaŋ, Ŋa faun te menen so ŋimiliwoi, get Anut kiŋdom boboloanip itasawoi eginmap. 19Uzimeg sepalaŋ iŋale jabi, iwoi mai Anut pez ipani, ibufate idug wae pinidinmeg ibol, Me ŋainag tinig, i aŋoi panaŋoi; aŋ ŋa lami isouknen anauwoi.#Kor I 11:23 20Anaŋ dianilag alouge nazgab megin mon inale, ibol, Nazgab me i ŋainag dazlon temaneknen faun, i aŋoi walip iduwoi. 21Ŋan aloŋ, me i ŋa blanagoi, maig elak taeglak matalime.#Joh 13:21, 22 22Tamolai bo get gazelak egin, megin mateŋlon iduime, ge waio! tamol me i blaniime! 23I sebadin nug sedazesedaze, i leŋadinlon it megin inauwoi.
Aposteloi azu wadan ibol. I digaslak ipidin
24Meglaumgaz leŋadinlon nug pusaipusai, it tat aenta daŋan nenazag latnen itase.#Luk 9:46 25Ge i pidin, Gob kiŋgaz bo gob fodinlak gaten gegaun demadodime, inadin dagomgaz nadin bilakzen kanimtamol deblanawoi dibol. 26Ge aŋ i egin so anauwoi! Tea, aŋ leŋamilon ta matu madoime, i nigineg egin naup madowoi. Ta i sutange madoime i begabeg egin inaup madowoi. 27It mon aenta nenazag madoime? E tat i taeglak matal, janiime, tea, e i bian palu mon itozime tat? Ŋan me i matalime, abol? Ge ŋa aŋ leŋamilon biami mon ŋepalu ŋatozŋame.#Joh 13:4–14 28Aŋ bo ŋainag kibianeklon ibinig adug amadelak. 29Mewoi inag mam ŋa kiŋdom panaglak egin, megin ŋa aŋ mai blani ŋepanaŋŋame. 30Aŋ inag kiŋdomlon anaŋ ani, tuz imiliwoi; aŋ betenaeknen pezatiulak amataloi, Israel bagen twelf abetenaewoi.#Mat 19:28
Petrus Jesusoi kakezoi imug ipai
31I ibol, Simon, Simon! Satan wolaul inaulak, i aŋ kibianaŋoi, bom egin fefazaŋoi.#Kor II 2:11 32Ge ŋa owoi ŋagodlak, oina ilolon maliknen so biniwoi. O gazop udaŋsemap, oina taigaz tansae pinidinoi.#Joh 17:11; 15:20 33Petrus auan jabig ipai, Ujazen, ŋa o maip sebaneklon tadup o maip segauz tamat pasiwoi. 34Jesus auanlon pasi ŋaleg ipai, Ŋa o ŋepao, Petrus gazo e kekazek get so ibob eginmap, o ŋawoi kakez tolp unau, o ŋa so uloŋ e uboloi.
I apostel pidin, gazop saen muzuan, metalun ijaboi
35Batemeg ipidin, Ŋa aŋ gaŋmalan inan badam teag, tazeŋ badam, nienaten mai teag ŋonoaŋmeg, saen melon aŋ abaŋ teag atoz tat? I dibol tea.#Luk 9:3 36Jesus auan batemeg ibol, Gazo bo kin iben. Me i gaŋmalan inan badamdaŋan, tazeŋ badam mai me segauz ŋalep itozoi. Ta i abaŋ menen tealak, i inan jamel idad ilap, sebuzi ta idadoi. 37Ŋa ŋepaiaŋ, Gazek e mai te tiniglon niŋon inauwoi, I wagaibibian mai naon taimon denaup paniwoi. Ŋawoi get digezlak me daŋan gazog wadan idusap niŋon inauwoi.#Jes 53:12 38I dibol, Ujazen, e nasi, sebuzi azugen dien. I pidin, Gauai biniŋan.
Jesus Gazeŋdidlak godoaneklon jaeŋ gauz funi
39I panu binig itase, get sansan inaulak, megin gazo mai Gazeŋdidlak ilawoi ile. Inan meglaum maig dile.#Joh 18:1 40Men itaseg meglaum pidin, Aŋ agodoanimap aŋ kibianeklon so apadaloi. 41I meglaum kin ibinge, pat tanek egin makaiu ibennen ile, dagun tan saeg idug, godoanimeg ibol, 42Mam, o uboltap nazgab e ŋalep naognen nenazip ilape, ge o sibe, ŋa tea, o ubolume egin, megin ŋenauwoi.#Mat 6:10 43Eŋel ta i naonnen didlakge itase, tansae pani.#Kiŋ I 19:5 44I mateŋ mai bulebuleg mademeg stemanig igodoani, jaeŋ gauz sufutanineg made, inan maiab gauz daz dut metalun egin tanlak idu. 45Godoani binig imaisge meglaum zidinnen ile. I dienmeg il, ladin alange digoslak, mewoi. 46I pidin, Aitoi aename? Amaispa godoaniwoi, kibianeklon so apadaloi.
Judas Jesus iblani, agez Jesus diabi
47I me ibol mademeg daup ta, meglaum twelf menen ta mai, nean Judas, i idauzi. Judas Jesus izinnen ipaz, musuk paniwoi inau. 48Jesus i ipai, Judas, o Tamolai musuklon blaniwoi use? 49Jesus maig demadodime denasitag, agez ait denauwoi denaudime, depai, Ujazen, am badizlon afuwoi ubol? 50Ai ta waliŋgaten inan begabeg ta funiwoi inaumeg inan tiliŋan waŋ mon sebazi. 51Jesus auadin jabig ibol, Biniŋan, segauz megin denauwoi. I begabeg iliŋan jabig kibine. 52Meginlag Jesus waliŋgatengaz, opasgatengaz, tamol matugaz mai pidin, Aŋ wagaibibian abiwoi egin izignen sebuzidaŋan, judaŋan ase. 53Ŋa get nalnal aŋ maig tempellon temadelak, melon nimami kin so woteg biaglak. Au, gazo e nami aur mok, mafuz mug tiwon pazeg itoz inauime.#Joh 7:30; 8:20
Petrus kakezlak
54I mug Jesus diabig duduzig dileg waliŋgaten inan ablon denau. Petrus kin iben egin maig dile. 55Begabeggaz panu atenlak ja dutunig detemanig dematal. Petrus ileŋadinlon maig dematal. 56Painbegabeg ta, i ja dabinlon maig dematalmeg, nasi, ilalemeg ipai, Me i mai ditoz. 57Petrus ikakez, ibol, Pain, ŋa i so ŋaloŋ. 58Kin ta maig ta i Petrus nasimeg ibol, O mai menen ai ta! Petrus auanlon pasi ŋaleg ipai, Tamol, ŋa tea. 59Kin made panig, aur taimon egin binig faun mug ta Petrus isaeg ibol, Malik, ai e i maig ditoz, i Galileawain. 60Ge Petrus ibol, Tamol, ŋa so ŋaloŋ, abaŋte tat ubolume. Megin ibolibol monmeg kekazek ibob. 61Ujanzen idaŋseg Petrus lale. Ujanzen get ibollak, Gazo e kekazek so iboboi eginmap o ŋawoi kakez tolp unauwoi, me i ilon isou.#Luk 22:34 62I mug muzinnen idug zen mok ita.
Jesus dizan dewaig dufuni, betenaekgaten naonnen sedazek denau
63Tamol i Jesus diabig demazazge demademeg, dizan dewai depanig dufuni. 64Inan malan dotoanag desedazemeg dapai, Naon nasi, it o funolak? 65Abaŋ menen aenta zen moklon mai dezezeŋani.
66Bomonge fatu gigimeg tamolpainbadim inan matugaz, waliŋgatengaz gazekmaŋaugaz maig medaeŋ detani. I noadinnen Jesus deŋaleg denaug desedaze, 67O Kristustap, am paiamap aloŋ! Meginmeg i pidin, Ŋa ŋepaiaŋmap aŋ lamilon so malikoi. 68Ŋa ŋisidiziaŋmap aŋ auag so abiwoi, ŋa so ibinagoi. 69Ge gazo mok Tamolai Anut tiwon waŋlon maip mataloi. 70Mug daŋan desedaze, O Anut Ai? I auadin jabig pidin, Aŋ ŋan abolame, ŋa Anut Ai. 71I nug dibol, Abaŋte mon ta mai tesedazewoi tat? Id sibed inan auanlon taloŋlak.
Currently Selected:
Lukas 22: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Lukas 22
22
VI. ALAN NAUKNEN, IMAISLAK INAN SAI MAI, 22–24
Judas Jesus blani
1Sepalaŋ Dideknen Abaŋ Tea inan ubou me mug siziz, me Pasanal e deblani.#Luk 20:19 2Waliŋgatengaz, gazekmaŋaugaz nug dibolse dibolle, i dodindodin mon denaup dufuninen diloŋoi, i tamolpainoi dizezdime.
3Gazo e Satan imaisge Judas me Iskariot deblanidime, i meglaum twelf menen taimon, inan bubenlon idug jabi.#Joh 13:2, 27 4I ileg waliŋgatengaz opasgatengaz maig dikibiai, i dodin tat inaup Jesus i nimadinlon nauwoi. 5Me zigiag i mai bubudin taimon, depai, i gaŋmalan depaniwoi dibol. 6I au pidin. Mug ilon kankanmeg inasi, i dodin inaup, Jesus tamolpain muzudinnen agez nimadinlon inaunen iloŋ.
Pasa dianiwoi dikibinedime
7Sepalaŋ Didek Abaŋ Tea inan ubou mug pisiniwoi inautag, melon i pasa inan belelek janauknenoi desaewoi,#Ekso 12:18–20 8i Petrus, Johanes maig inaug dile, pidin, Alap, pasa inan belelek ikibinep id taniwoi. 9I depai, O dodin ubol, am domten mon alap ikibinewoi? 10I pidin, Aloŋ, aŋ gazo panulon atasemap tamol ta naz niŋondaŋan joazeime, aŋ maip naon tazetaze, i uzip alap, ab i idusaime, aŋ maip adusawoi. 11Abfun apaip, Peteŋanek o ipaog ibol, Lotamol galuŋ me ŋan, melon ŋa ŋainag meglaum mai pasa aniwoi? 12Meginmap i aŋ galuŋ ujan latnen taeg kalikdaŋan peteŋanaŋoi, melak ikibine. 13Ai dile, Jesus ibollak megin denasig pasa inan belelek dikibine.#Luk 19:32
Jesus apostel mai pasa getnen diani, pasa faun fun inau
14Aur idumeg i apostel maig dematal. 15I pidin, Ŋa get alan so ŋenauwoi eginmap, pasa e aŋ maip taniwoi jaeŋ sufutanagge ŋemade. 16Ŋa ŋepaiaŋ, Ŋa faun ta so ŋaniwoi, Anut kiŋdom wadan get niŋon inauwoi eginmap.#Luk 13:29
17Meginge i nazgab iŋaleg jabi iwoi Anut pez panimeg ibol, Aŋ aŋalp imilip ila. 18Ŋa ŋepaiaŋ, Ŋa faun te menen so ŋimiliwoi, get Anut kiŋdom boboloanip itasawoi eginmap. 19Uzimeg sepalaŋ iŋale jabi, iwoi mai Anut pez ipani, ibufate idug wae pinidinmeg ibol, Me ŋainag tinig, i aŋoi panaŋoi; aŋ ŋa lami isouknen anauwoi.#Kor I 11:23 20Anaŋ dianilag alouge nazgab megin mon inale, ibol, Nazgab me i ŋainag dazlon temaneknen faun, i aŋoi walip iduwoi. 21Ŋan aloŋ, me i ŋa blanagoi, maig elak taeglak matalime.#Joh 13:21, 22 22Tamolai bo get gazelak egin, megin mateŋlon iduime, ge waio! tamol me i blaniime! 23I sebadin nug sedazesedaze, i leŋadinlon it megin inauwoi.
Aposteloi azu wadan ibol. I digaslak ipidin
24Meglaumgaz leŋadinlon nug pusaipusai, it tat aenta daŋan nenazag latnen itase.#Luk 9:46 25Ge i pidin, Gob kiŋgaz bo gob fodinlak gaten gegaun demadodime, inadin dagomgaz nadin bilakzen kanimtamol deblanawoi dibol. 26Ge aŋ i egin so anauwoi! Tea, aŋ leŋamilon ta matu madoime, i nigineg egin naup madowoi. Ta i sutange madoime i begabeg egin inaup madowoi. 27It mon aenta nenazag madoime? E tat i taeglak matal, janiime, tea, e i bian palu mon itozime tat? Ŋan me i matalime, abol? Ge ŋa aŋ leŋamilon biami mon ŋepalu ŋatozŋame.#Joh 13:4–14 28Aŋ bo ŋainag kibianeklon ibinig adug amadelak. 29Mewoi inag mam ŋa kiŋdom panaglak egin, megin ŋa aŋ mai blani ŋepanaŋŋame. 30Aŋ inag kiŋdomlon anaŋ ani, tuz imiliwoi; aŋ betenaeknen pezatiulak amataloi, Israel bagen twelf abetenaewoi.#Mat 19:28
Petrus Jesusoi kakezoi imug ipai
31I ibol, Simon, Simon! Satan wolaul inaulak, i aŋ kibianaŋoi, bom egin fefazaŋoi.#Kor II 2:11 32Ge ŋa owoi ŋagodlak, oina ilolon maliknen so biniwoi. O gazop udaŋsemap, oina taigaz tansae pinidinoi.#Joh 17:11; 15:20 33Petrus auan jabig ipai, Ujazen, ŋa o maip sebaneklon tadup o maip segauz tamat pasiwoi. 34Jesus auanlon pasi ŋaleg ipai, Ŋa o ŋepao, Petrus gazo e kekazek get so ibob eginmap, o ŋawoi kakez tolp unau, o ŋa so uloŋ e uboloi.
I apostel pidin, gazop saen muzuan, metalun ijaboi
35Batemeg ipidin, Ŋa aŋ gaŋmalan inan badam teag, tazeŋ badam, nienaten mai teag ŋonoaŋmeg, saen melon aŋ abaŋ teag atoz tat? I dibol tea.#Luk 9:3 36Jesus auan batemeg ibol, Gazo bo kin iben. Me i gaŋmalan inan badamdaŋan, tazeŋ badam mai me segauz ŋalep itozoi. Ta i abaŋ menen tealak, i inan jamel idad ilap, sebuzi ta idadoi. 37Ŋa ŋepaiaŋ, Gazek e mai te tiniglon niŋon inauwoi, I wagaibibian mai naon taimon denaup paniwoi. Ŋawoi get digezlak me daŋan gazog wadan idusap niŋon inauwoi.#Jes 53:12 38I dibol, Ujazen, e nasi, sebuzi azugen dien. I pidin, Gauai biniŋan.
Jesus Gazeŋdidlak godoaneklon jaeŋ gauz funi
39I panu binig itase, get sansan inaulak, megin gazo mai Gazeŋdidlak ilawoi ile. Inan meglaum maig dile.#Joh 18:1 40Men itaseg meglaum pidin, Aŋ agodoanimap aŋ kibianeklon so apadaloi. 41I meglaum kin ibinge, pat tanek egin makaiu ibennen ile, dagun tan saeg idug, godoanimeg ibol, 42Mam, o uboltap nazgab e ŋalep naognen nenazip ilape, ge o sibe, ŋa tea, o ubolume egin, megin ŋenauwoi.#Mat 6:10 43Eŋel ta i naonnen didlakge itase, tansae pani.#Kiŋ I 19:5 44I mateŋ mai bulebuleg mademeg stemanig igodoani, jaeŋ gauz sufutanineg made, inan maiab gauz daz dut metalun egin tanlak idu. 45Godoani binig imaisge meglaum zidinnen ile. I dienmeg il, ladin alange digoslak, mewoi. 46I pidin, Aitoi aename? Amaispa godoaniwoi, kibianeklon so apadaloi.
Judas Jesus iblani, agez Jesus diabi
47I me ibol mademeg daup ta, meglaum twelf menen ta mai, nean Judas, i idauzi. Judas Jesus izinnen ipaz, musuk paniwoi inau. 48Jesus i ipai, Judas, o Tamolai musuklon blaniwoi use? 49Jesus maig demadodime denasitag, agez ait denauwoi denaudime, depai, Ujazen, am badizlon afuwoi ubol? 50Ai ta waliŋgaten inan begabeg ta funiwoi inaumeg inan tiliŋan waŋ mon sebazi. 51Jesus auadin jabig ibol, Biniŋan, segauz megin denauwoi. I begabeg iliŋan jabig kibine. 52Meginlag Jesus waliŋgatengaz, opasgatengaz, tamol matugaz mai pidin, Aŋ wagaibibian abiwoi egin izignen sebuzidaŋan, judaŋan ase. 53Ŋa get nalnal aŋ maig tempellon temadelak, melon nimami kin so woteg biaglak. Au, gazo e nami aur mok, mafuz mug tiwon pazeg itoz inauime.#Joh 7:30; 8:20
Petrus kakezlak
54I mug Jesus diabig duduzig dileg waliŋgaten inan ablon denau. Petrus kin iben egin maig dile. 55Begabeggaz panu atenlak ja dutunig detemanig dematal. Petrus ileŋadinlon maig dematal. 56Painbegabeg ta, i ja dabinlon maig dematalmeg, nasi, ilalemeg ipai, Me i mai ditoz. 57Petrus ikakez, ibol, Pain, ŋa i so ŋaloŋ. 58Kin ta maig ta i Petrus nasimeg ibol, O mai menen ai ta! Petrus auanlon pasi ŋaleg ipai, Tamol, ŋa tea. 59Kin made panig, aur taimon egin binig faun mug ta Petrus isaeg ibol, Malik, ai e i maig ditoz, i Galileawain. 60Ge Petrus ibol, Tamol, ŋa so ŋaloŋ, abaŋte tat ubolume. Megin ibolibol monmeg kekazek ibob. 61Ujanzen idaŋseg Petrus lale. Ujanzen get ibollak, Gazo e kekazek so iboboi eginmap o ŋawoi kakez tolp unauwoi, me i ilon isou.#Luk 22:34 62I mug muzinnen idug zen mok ita.
Jesus dizan dewaig dufuni, betenaekgaten naonnen sedazek denau
63Tamol i Jesus diabig demazazge demademeg, dizan dewai depanig dufuni. 64Inan malan dotoanag desedazemeg dapai, Naon nasi, it o funolak? 65Abaŋ menen aenta zen moklon mai dezezeŋani.
66Bomonge fatu gigimeg tamolpainbadim inan matugaz, waliŋgatengaz gazekmaŋaugaz maig medaeŋ detani. I noadinnen Jesus deŋaleg denaug desedaze, 67O Kristustap, am paiamap aloŋ! Meginmeg i pidin, Ŋa ŋepaiaŋmap aŋ lamilon so malikoi. 68Ŋa ŋisidiziaŋmap aŋ auag so abiwoi, ŋa so ibinagoi. 69Ge gazo mok Tamolai Anut tiwon waŋlon maip mataloi. 70Mug daŋan desedaze, O Anut Ai? I auadin jabig pidin, Aŋ ŋan abolame, ŋa Anut Ai. 71I nug dibol, Abaŋte mon ta mai tesedazewoi tat? Id sibed inan auanlon taloŋlak.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.