Lukas 20
20
Waliŋgatengaz Jesus inan uzatoi desedaze
1Nal talon i tempellon tamolpaingaz kagin peteŋanameg, totol gamun pidinmeg waliŋgatengaz, gazekmaŋaugaz tamol natugaz mai dimaisge diseg, 2depai, It neanlon o megin unauume? It mon nuog tiwon mai panolak? 3I auadin jabig pidin, Ŋa mai azu tawoi ŋisidiziaŋoi, abolpa, 4Johanes inan flanek didlak inan tat, tea, tamolpain nadin mon tat? 5I ladin degazemeg dibol, am aboltap, didlak inan, i paiamawoi, Aitoige aŋ i lamilon so malik? 6Ge am aboltap, tamolpain nadin mon, tamolpain am patlon dufunumawoi. I ladinlon maliklak, Johanes i profet. 7Meginlak i auan diabig dibol, i so diloŋ, domten tatge ise. 8Jesus ipidin, Megintap ŋa mai aŋ so ŋepaiaŋoi, it neanlon ŋa megin ŋenauŋame.
Um uzatai sladinoi
9Meginge i imaisge tamolpain azu faŋanfaŋan ta pidin, Tamol ta inan um iŋaleg ipae. I me um jabekgaz se nimadinlon inau. Ileg fatu talon saen melaen itoz. 10Melaunsaenlon inan aibegabeg ta inaug inan um jabekgaz zidinnen ilap um inan niŋon tata iŋalewoi ibol. Ge um jabekgaz aibegabeg me dufunig se mon denaug imul.#Sai II 36:15, 16 11Uzig aibegabeg ta inaug ile. I me mai deŋaleg dufuni, demeselani maig, se mon denaug imul. 12Faun mug tol me inaug ile. I me mai ditiziŋini, debetetanig muzinnen detani. 13Meginge umfun ibol, Dodin ŋenauwoi? Au, ŋa ŋainag ai wazan ŋenaup ilawoi, i me denasip tat dizutoi! 14Ge um jabektamol umfun inan nanunai denasimeg nug dikibiaig dibol, Me um inan fuzanmezaun, asop, id tufunip imatoi, meginpe inan fuzan me idinad. 15Dileg diabig um muzinnen dibitig dufunig imat. Aitlon tat umfun inan um jabektamol wadan jabiwoi. 16I isop um jabektamol ifup dimatoi, inan um panu aentawain pinidinoi, I me diloŋge dibol, Megin tea. 17Ge Jesus i liliadinmeg pidin, Gazelak me niŋon abaŋte: Pat ab sasekkamaŋgaz demeselanilak me mok ab siun inan fod inan.#Kan 118:22 18Ta i pat e fonlak ibal idumap i pitiŋiniwoi, ge pat me ta fonlak ibal idumap me i petefaziwoi.
19Mug gazekmaŋaugaz, waliŋgatengaz mai gazo mok nimadinlon diabiwoi denau, ge tamolpainoi dizut; i diloŋ azu faŋanfaŋan elon Jesus i siadinlak.#Luk 19:48
Kaisar inan gaŋmalanoi
20Mewoi i Jesusoi tawaŋ denau. Kibianekai ta totol denaug fudin dimiŋianip dagomlon izinnen dilawoi. Melon i azu talon diabip gowerner inan kortlon denauwoi.#Luk 11:54 21Meginmeg i desedazeg dibol, Peteŋanek, am aloŋame, o malik mon, aua tali mon ubolume, o Anut inan dal kabe mon peteŋanamaume, o aentawoi so uzezume, o sibe nao mon utozume. 22Paiamapa, me kaisar täks paninen me gauai tat? 23Ge Jesus nadin sekauk dab ipanig ipidin, 24Gaŋmalan ta peteŋanagpe! It inan naon deteŋani, nean mai gazeg ien? I depai, Kaisar inan. 25Meginge i pidin, Mewoi kaisar inan abaŋ kaisar apani, Anut inan abaŋ Anut apani. 26I meginge tamolpain noadinnen Jesus inan azu tatawoi peneŋaninen so diloŋ, inan auan jabekoi dizut deladalge to dibol.
Sadukea sedazek: Dimatlak faun dimaisoi tat?
27Sadukea taitai dipaz dise, i diboldime, tiziau so iduwoi, me i desedazeg, 28depai, Peteŋanek, Moses kibiaiŋ penamalak, ibol: Tamol ta imattap, ge ai tealak, i inan tain i inan iwon ŋalep ditozoi, tain imatlak neanoi daz inaup itasawoi.#Deut 25:5, 6 29Santag taingaz sewen demade. Matu pain ŋale, ge nanunai teag imat. 30Tain mizimu uzig painbob me ŋale, nanunai teag i mai imat. 31Tol megin mon, aenta uziguzig daŋan nigineg mai, ge i daŋan nanun teag dimat. 32Alouge pain mai imat. 33Ubolpa, tiziaulon i it tat inan iwon? Tamol sewen get i maig ditozlak. 34Jesus auadin jabig pidin, Fatu e nanungaz pain deŋaledime, tamol deŋaledime. 35Ge me i fatu latnenoi diduse, tiziau mai denasidime, i nug so deŋaledime. 36I faun dimat pasinen mai so diloŋ, i eŋel wilisen, i Anut inan nanungaz, me i tiziau nanungazlakoi.#Joh I 3:1, 2 37Dimatlak faun dimaisoi, me mug Moses aon faiag izinnen boboloanilak, i Ujanzen nean blanimeg ibol, i Abraham inan Anut, Isak inan Anut, Jakob inan Anut.#Ekso 3:2, 6 38Anut ŋan me mateŋ padalnenlon demadodime nadin Anut tea, teabe, i basnenlon demadodime inadin Anut. 39Gazekmaŋau taitai auadin diabig depai, Peteŋanek, o niŋon saeg kabe mok ubollak. 40I bo faun te so desedazeg denasi, dimoi.
Kristus it inan ai?
41Mug Jesus i pidin, Me dodin dibol, Kristus i Dawid inan ai? 42Dawid siben kanamlon ibol: Ujanzen i nainag Ujanzen ipai, Nimag waŋlon matal,#Kan 110:1 43ŋa oina agez daŋan get nie funlon ŋenaup ŋepanowoi eginmap. 44Dawid i iwoi Ujanzen blaniime, i dodin mon inan ai?
Meglaum pidin, gazekmaŋauoi dab naup ditozoi
45Tamolpain daŋan diloŋmeg inan meglaum pidin, 46Gazekmaŋauoi dab anaup atoz. I jamel melaendaŋan ditozoi ladin gamun, dallak tabei dipinidinoi gamun ifu, sinagoglon dimugsap demataloi, tuzlon mai malanmalan mai demataloi jaeŋ ifu.#Luk 11:43 47Painbob nadin ab, jes maiwoi meladin isimeg diwizidinge deŋaledime; tamolpain malakmalaklon se godoanek melaen denaudime. I mewoi wadan muzuan deŋaledime.
Currently Selected:
Lukas 20: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Lukas 20
20
Waliŋgatengaz Jesus inan uzatoi desedaze
1Nal talon i tempellon tamolpaingaz kagin peteŋanameg, totol gamun pidinmeg waliŋgatengaz, gazekmaŋaugaz tamol natugaz mai dimaisge diseg, 2depai, It neanlon o megin unauume? It mon nuog tiwon mai panolak? 3I auadin jabig pidin, Ŋa mai azu tawoi ŋisidiziaŋoi, abolpa, 4Johanes inan flanek didlak inan tat, tea, tamolpain nadin mon tat? 5I ladin degazemeg dibol, am aboltap, didlak inan, i paiamawoi, Aitoige aŋ i lamilon so malik? 6Ge am aboltap, tamolpain nadin mon, tamolpain am patlon dufunumawoi. I ladinlon maliklak, Johanes i profet. 7Meginlak i auan diabig dibol, i so diloŋ, domten tatge ise. 8Jesus ipidin, Megintap ŋa mai aŋ so ŋepaiaŋoi, it neanlon ŋa megin ŋenauŋame.
Um uzatai sladinoi
9Meginge i imaisge tamolpain azu faŋanfaŋan ta pidin, Tamol ta inan um iŋaleg ipae. I me um jabekgaz se nimadinlon inau. Ileg fatu talon saen melaen itoz. 10Melaunsaenlon inan aibegabeg ta inaug inan um jabekgaz zidinnen ilap um inan niŋon tata iŋalewoi ibol. Ge um jabekgaz aibegabeg me dufunig se mon denaug imul.#Sai II 36:15, 16 11Uzig aibegabeg ta inaug ile. I me mai deŋaleg dufuni, demeselani maig, se mon denaug imul. 12Faun mug tol me inaug ile. I me mai ditiziŋini, debetetanig muzinnen detani. 13Meginge umfun ibol, Dodin ŋenauwoi? Au, ŋa ŋainag ai wazan ŋenaup ilawoi, i me denasip tat dizutoi! 14Ge um jabektamol umfun inan nanunai denasimeg nug dikibiaig dibol, Me um inan fuzanmezaun, asop, id tufunip imatoi, meginpe inan fuzan me idinad. 15Dileg diabig um muzinnen dibitig dufunig imat. Aitlon tat umfun inan um jabektamol wadan jabiwoi. 16I isop um jabektamol ifup dimatoi, inan um panu aentawain pinidinoi, I me diloŋge dibol, Megin tea. 17Ge Jesus i liliadinmeg pidin, Gazelak me niŋon abaŋte: Pat ab sasekkamaŋgaz demeselanilak me mok ab siun inan fod inan.#Kan 118:22 18Ta i pat e fonlak ibal idumap i pitiŋiniwoi, ge pat me ta fonlak ibal idumap me i petefaziwoi.
19Mug gazekmaŋaugaz, waliŋgatengaz mai gazo mok nimadinlon diabiwoi denau, ge tamolpainoi dizut; i diloŋ azu faŋanfaŋan elon Jesus i siadinlak.#Luk 19:48
Kaisar inan gaŋmalanoi
20Mewoi i Jesusoi tawaŋ denau. Kibianekai ta totol denaug fudin dimiŋianip dagomlon izinnen dilawoi. Melon i azu talon diabip gowerner inan kortlon denauwoi.#Luk 11:54 21Meginmeg i desedazeg dibol, Peteŋanek, am aloŋame, o malik mon, aua tali mon ubolume, o Anut inan dal kabe mon peteŋanamaume, o aentawoi so uzezume, o sibe nao mon utozume. 22Paiamapa, me kaisar täks paninen me gauai tat? 23Ge Jesus nadin sekauk dab ipanig ipidin, 24Gaŋmalan ta peteŋanagpe! It inan naon deteŋani, nean mai gazeg ien? I depai, Kaisar inan. 25Meginge i pidin, Mewoi kaisar inan abaŋ kaisar apani, Anut inan abaŋ Anut apani. 26I meginge tamolpain noadinnen Jesus inan azu tatawoi peneŋaninen so diloŋ, inan auan jabekoi dizut deladalge to dibol.
Sadukea sedazek: Dimatlak faun dimaisoi tat?
27Sadukea taitai dipaz dise, i diboldime, tiziau so iduwoi, me i desedazeg, 28depai, Peteŋanek, Moses kibiaiŋ penamalak, ibol: Tamol ta imattap, ge ai tealak, i inan tain i inan iwon ŋalep ditozoi, tain imatlak neanoi daz inaup itasawoi.#Deut 25:5, 6 29Santag taingaz sewen demade. Matu pain ŋale, ge nanunai teag imat. 30Tain mizimu uzig painbob me ŋale, nanunai teag i mai imat. 31Tol megin mon, aenta uziguzig daŋan nigineg mai, ge i daŋan nanun teag dimat. 32Alouge pain mai imat. 33Ubolpa, tiziaulon i it tat inan iwon? Tamol sewen get i maig ditozlak. 34Jesus auadin jabig pidin, Fatu e nanungaz pain deŋaledime, tamol deŋaledime. 35Ge me i fatu latnenoi diduse, tiziau mai denasidime, i nug so deŋaledime. 36I faun dimat pasinen mai so diloŋ, i eŋel wilisen, i Anut inan nanungaz, me i tiziau nanungazlakoi.#Joh I 3:1, 2 37Dimatlak faun dimaisoi, me mug Moses aon faiag izinnen boboloanilak, i Ujanzen nean blanimeg ibol, i Abraham inan Anut, Isak inan Anut, Jakob inan Anut.#Ekso 3:2, 6 38Anut ŋan me mateŋ padalnenlon demadodime nadin Anut tea, teabe, i basnenlon demadodime inadin Anut. 39Gazekmaŋau taitai auadin diabig depai, Peteŋanek, o niŋon saeg kabe mok ubollak. 40I bo faun te so desedazeg denasi, dimoi.
Kristus it inan ai?
41Mug Jesus i pidin, Me dodin dibol, Kristus i Dawid inan ai? 42Dawid siben kanamlon ibol: Ujanzen i nainag Ujanzen ipai, Nimag waŋlon matal,#Kan 110:1 43ŋa oina agez daŋan get nie funlon ŋenaup ŋepanowoi eginmap. 44Dawid i iwoi Ujanzen blaniime, i dodin mon inan ai?
Meglaum pidin, gazekmaŋauoi dab naup ditozoi
45Tamolpain daŋan diloŋmeg inan meglaum pidin, 46Gazekmaŋauoi dab anaup atoz. I jamel melaendaŋan ditozoi ladin gamun, dallak tabei dipinidinoi gamun ifu, sinagoglon dimugsap demataloi, tuzlon mai malanmalan mai demataloi jaeŋ ifu.#Luk 11:43 47Painbob nadin ab, jes maiwoi meladin isimeg diwizidinge deŋaledime; tamolpain malakmalaklon se godoanek melaen denaudime. I mewoi wadan muzuan deŋaledime.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.