Lukas 14
14
Tamol ta dezamug teŋalie, Jesus ikibine
1Ubou talon i fariseagaten ta inan ablak iduseg, i mai anaŋ dianiwoi. I daŋan Jesusoi fenafunge demade.#Luk 6:6–11; 11:37 2Nasi, tamol ta i naonnen imade, i dezamug teŋalilak. 3Meginmeg Jesus auan bufatemeg kibiaiŋkamaŋ fariseagaz mai pidin, Uboulon maiai kibineknen me kagin gauai tat, tea tat? Abolpa. 4I daŋan to dibol pasi. Megintag i tamol me jabig ikibineg ilawoi ipai. 5Meginge i daŋan sidizia, Tamol ta inan nanunai, tea, bulmakau mon tat nazsazeklon ibal idumap, i me uboulakoi so tetazi ŋalewoi tat?#Luk 13:15; Mat 12:11 6I abaŋ ewoi auan diabinen so diloŋ.
Siben bini idup itoznen
7Mezazeŋ diselak me Jesus ilmeg malanmalanlon aben gauai mon dipilianimeg ditoz, me faŋanfaŋan pidin,#Mat 23:6 8O ta inan fazeŋ tuz miliwoi ibolpa usemap, o malanmalanlon taeglak so mataloi; aloupa tamol ujan ta isemap, 9tuzfun o ipao, Uloŋ, umaispa, kin usuk uduwoi, i elak mataloi. Megintap o mamai funop wadanlon mon mataloi. 10Tea, o mezazeŋ ulemap, usop geglon mon matal. Gazop jafun itasap o ipaowoi, Tizag, malanmalanlon usop mataloi, meginpe o aenta meladinlon biŋadaŋanoi. 11Tamol i siben bise latnen inau, i ŋalep tanlak iduwoi, ta i siben izae idulak me isou itasawoi.#Luk 18:14; Mat 23:12
Dodin gauai lo taduwoi
12Farisea tuz inaulak me ipai, O tuz nauwoimap o oina tizagaz, taigaz, taitauagaz, temalegaz, i filiadindaŋanlak, gazop wadan diabinen diloŋ, iwoi mon so ubol mon. 13Tea, o tuz nauwoimap, o tamolpain waiz, tinidin kesepazup, niedin zegaig, meladin itau a daŋan pidinpe, disowoi;#Deut 14:29 14i naon depanonen so diloŋlakoi, ge gazop tamolpain taoz nadin tiziaulon o naon ŋalewoi.#Joh 5:29
Tuz ujanoi
15Mezazeŋ ta azu me iloŋtag, imais Jesus ipai, Ai i Anut kiŋdomlon anaŋ janiime, i patun isap madowoi!#Luk 13:29 16Ge i me ipai, Tamol ta tuz ujan inauwoige kuzumpanu get nal pinidinlak. 17Tuz gazo inaumeg egin, inan aibegabeg inauge, get nal pinidinlak, me disowoi pidinoi ibol, Asoŋan, abaŋ daŋan wagam depasig ien. 18I daŋan dimoige binekazu dibol. Ta ipai ibol, Ŋa tan faun ŋadadlak, ŋenasiwoi ŋalawoi, tama paip i binagoi. 19Ta ibol, Ŋa bulmakau faun ten ŋadadlak, me gazo ŋailoi ŋalawoi ŋabol, tama paip i binagoi. 20Tol me ibol, Ŋa pain ŋeŋalelak, ŋalanen so ŋaloŋ. 21Ai imulge ise, dibollak me inan taman ipai. Meginge jafun buzun isag ai ipai, Pasak tapas udu ulap, panu dal ujanlak, dagenlak mai tamolpain waiz, tinidin kesepazup, niedin zegaig, meladin itaulak me sagep udauzip disowoi.#Kor I 7:33 22I ileg itozge inaug ibol, Ujazen, ubollak megin ŋenau bini, ge taeg aenta bo so iduse. 23Jafun faun te ai ipai, Ulap dal gezaŋen gazaŋlon mai alan denaug demadodimelak, me daŋan seseŋanip uŋalpa aso, inag taeg daŋan idusawoi. 24Ŋa aŋ ŋepaiaŋ, Tamol get nal pinidinlak, ge dimoi mon dibol, i daŋan tatata so mok ŋainag tuz musi nasiwoi.
Jesus sunuzeknen idoi wolaul ait inau
25Tamolpain malan zen i maig duzig ditoz. I idaŋseg pidin, 26Ta izignen isetap, ge inan taman, tinan, iwon, nanungaz, taingaz, liungaz, siben tinin inan bas mai so zezeŋanaime, i ŋainag meglaum tea.#Deut 33:9, 10; Luk 18:29, 30 27Ta i inan jakebazek so joazep uzagime, i ŋainag meglaum tea.
28It mon ab sasewoi ibol, ge i get ab biabi inan gaŋmalan ilon so gazeime, i sasenen iloŋ tat, gaŋmalan dadon isag ien tat? 29Teatap gazop fun inaulap, sase bininen so iloŋmap aenta i denasip didiwa depanip, 30diboloi. Tamol me bo ab sasewoi ibolge bag igun, ge sase bininen so iloŋlak.
31Tea, kiŋ ta aenta mai ju denauwoitap, i get so tat matalime, ilon naup sutapa i 10,000‐lon aenta me 20,000 daŋan funip kuduinen iloŋ tat? 32Ge inaunen so iloŋtap, i agez kiŋ dal makaiu egin mademap, mug inan totol izinnen inaup ilap mazozoi igodime. 33Megin mai ta i inan abaŋ daŋan so zezeŋanap bitaime, i inag meglaum teabe.
34Mastaen i bo gauai; ge mastaen katizkatiztap aitlon faun mug tiwon paniwoi?#Mat 5:13; Mar 9:50 35I mug tanlon gauai tea, dazuktaenlon mai gauai teabe, id se mon tesezanetame. Ta i tiliŋan gauaidaŋantap azu e iloŋ.
Currently Selected:
Lukas 14: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Lukas 14
14
Tamol ta dezamug teŋalie, Jesus ikibine
1Ubou talon i fariseagaten ta inan ablak iduseg, i mai anaŋ dianiwoi. I daŋan Jesusoi fenafunge demade.#Luk 6:6–11; 11:37 2Nasi, tamol ta i naonnen imade, i dezamug teŋalilak. 3Meginmeg Jesus auan bufatemeg kibiaiŋkamaŋ fariseagaz mai pidin, Uboulon maiai kibineknen me kagin gauai tat, tea tat? Abolpa. 4I daŋan to dibol pasi. Megintag i tamol me jabig ikibineg ilawoi ipai. 5Meginge i daŋan sidizia, Tamol ta inan nanunai, tea, bulmakau mon tat nazsazeklon ibal idumap, i me uboulakoi so tetazi ŋalewoi tat?#Luk 13:15; Mat 12:11 6I abaŋ ewoi auan diabinen so diloŋ.
Siben bini idup itoznen
7Mezazeŋ diselak me Jesus ilmeg malanmalanlon aben gauai mon dipilianimeg ditoz, me faŋanfaŋan pidin,#Mat 23:6 8O ta inan fazeŋ tuz miliwoi ibolpa usemap, o malanmalanlon taeglak so mataloi; aloupa tamol ujan ta isemap, 9tuzfun o ipao, Uloŋ, umaispa, kin usuk uduwoi, i elak mataloi. Megintap o mamai funop wadanlon mon mataloi. 10Tea, o mezazeŋ ulemap, usop geglon mon matal. Gazop jafun itasap o ipaowoi, Tizag, malanmalanlon usop mataloi, meginpe o aenta meladinlon biŋadaŋanoi. 11Tamol i siben bise latnen inau, i ŋalep tanlak iduwoi, ta i siben izae idulak me isou itasawoi.#Luk 18:14; Mat 23:12
Dodin gauai lo taduwoi
12Farisea tuz inaulak me ipai, O tuz nauwoimap o oina tizagaz, taigaz, taitauagaz, temalegaz, i filiadindaŋanlak, gazop wadan diabinen diloŋ, iwoi mon so ubol mon. 13Tea, o tuz nauwoimap, o tamolpain waiz, tinidin kesepazup, niedin zegaig, meladin itau a daŋan pidinpe, disowoi;#Deut 14:29 14i naon depanonen so diloŋlakoi, ge gazop tamolpain taoz nadin tiziaulon o naon ŋalewoi.#Joh 5:29
Tuz ujanoi
15Mezazeŋ ta azu me iloŋtag, imais Jesus ipai, Ai i Anut kiŋdomlon anaŋ janiime, i patun isap madowoi!#Luk 13:29 16Ge i me ipai, Tamol ta tuz ujan inauwoige kuzumpanu get nal pinidinlak. 17Tuz gazo inaumeg egin, inan aibegabeg inauge, get nal pinidinlak, me disowoi pidinoi ibol, Asoŋan, abaŋ daŋan wagam depasig ien. 18I daŋan dimoige binekazu dibol. Ta ipai ibol, Ŋa tan faun ŋadadlak, ŋenasiwoi ŋalawoi, tama paip i binagoi. 19Ta ibol, Ŋa bulmakau faun ten ŋadadlak, me gazo ŋailoi ŋalawoi ŋabol, tama paip i binagoi. 20Tol me ibol, Ŋa pain ŋeŋalelak, ŋalanen so ŋaloŋ. 21Ai imulge ise, dibollak me inan taman ipai. Meginge jafun buzun isag ai ipai, Pasak tapas udu ulap, panu dal ujanlak, dagenlak mai tamolpain waiz, tinidin kesepazup, niedin zegaig, meladin itaulak me sagep udauzip disowoi.#Kor I 7:33 22I ileg itozge inaug ibol, Ujazen, ubollak megin ŋenau bini, ge taeg aenta bo so iduse. 23Jafun faun te ai ipai, Ulap dal gezaŋen gazaŋlon mai alan denaug demadodimelak, me daŋan seseŋanip uŋalpa aso, inag taeg daŋan idusawoi. 24Ŋa aŋ ŋepaiaŋ, Tamol get nal pinidinlak, ge dimoi mon dibol, i daŋan tatata so mok ŋainag tuz musi nasiwoi.
Jesus sunuzeknen idoi wolaul ait inau
25Tamolpain malan zen i maig duzig ditoz. I idaŋseg pidin, 26Ta izignen isetap, ge inan taman, tinan, iwon, nanungaz, taingaz, liungaz, siben tinin inan bas mai so zezeŋanaime, i ŋainag meglaum tea.#Deut 33:9, 10; Luk 18:29, 30 27Ta i inan jakebazek so joazep uzagime, i ŋainag meglaum tea.
28It mon ab sasewoi ibol, ge i get ab biabi inan gaŋmalan ilon so gazeime, i sasenen iloŋ tat, gaŋmalan dadon isag ien tat? 29Teatap gazop fun inaulap, sase bininen so iloŋmap aenta i denasip didiwa depanip, 30diboloi. Tamol me bo ab sasewoi ibolge bag igun, ge sase bininen so iloŋlak.
31Tea, kiŋ ta aenta mai ju denauwoitap, i get so tat matalime, ilon naup sutapa i 10,000‐lon aenta me 20,000 daŋan funip kuduinen iloŋ tat? 32Ge inaunen so iloŋtap, i agez kiŋ dal makaiu egin mademap, mug inan totol izinnen inaup ilap mazozoi igodime. 33Megin mai ta i inan abaŋ daŋan so zezeŋanap bitaime, i inag meglaum teabe.
34Mastaen i bo gauai; ge mastaen katizkatiztap aitlon faun mug tiwon paniwoi?#Mat 5:13; Mar 9:50 35I mug tanlon gauai tea, dazuktaenlon mai gauai teabe, id se mon tesezanetame. Ta i tiliŋan gauaidaŋantap azu e iloŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.