Lukas 12
12
Farisea ladin sakeklak Jesus apostel dab naup! pidin
1Meginmeg tamolpain malanzen gugup depaug, nug niedin pazepazemeg dise. Jesus imaisge inan meglaumgaz pidin, Malanmalanlon aŋ farisea nadin wasaioi, me ilon sakek niŋon, dab anaup atoz. 2Abaŋ tata toaninen teabe, daŋan boboloanip itasawoi, miŋianinen tea, daŋan beŋten taloŋoi.#Luk 8:17 3Mewoilakoi aŋ mafuzlon ikibiaiame me lelamanlon taloŋoi; aŋ galuŋlon tiliŋamilon nug ukumukom mon abolame, me ab tininlak sai dianiwoi.
Itoi mon tazezoi?
4Ŋa aŋ bo, ŋainag kadoigaz, ŋepaiaŋ, Aŋ iwoi so azez mon, i tinin mon funi imatnen diloŋ, ge abaŋ aenta denaunen tea. 5Ŋa ŋepeteŋanaŋoi, aŋ itoi azutoi: Aŋ iwoi azutoi, i tinin imat paninen iloŋ, aloupa Hadeslon tanip ilanen mai iloŋ. Au, ŋa ŋepaiaŋ, aŋ iwoi mon azutoi! 6Aloŋ, kuseŋ 5 bo pens taimonlon tadadtame, ge menen taimon ta Anut ilon so padal. 7Megin mok mon getamilak zaun daŋan mai isutalak iloŋ. Mewoi aŋ so mok azezoi! Kuseŋ kuzumpanu Anut naonnen aŋ mai so iduse.#Luk 21:18
Jesus inan fun blanekoi, Auanuzgun dizan wae panekoi mai
8Ta mai ŋepaiaŋ, Ta i tamolpain noadinnen ŋa fug blaniime, iwoi Tamolai Anut inan eŋel noadinnen mai fun blaniwoi. 9Ge ta i ŋa tamolpain noadinnen zezeŋanagime, me Anut inan eŋel noadinnen mai ŋezezeŋaniwoi.#Luk 9:26
10Ta i Tamolai dizan waiime, me suas paninen ien, ge me i Auanuzgun dizan iwaiime, me paze idu ŋalenen tea mok tea.#Mat 12:32; Mar 3:28, 29
11Tata aŋ inadin sinagog, kiap, betenaeknen noadinnen donoaŋtap, aŋ lamilon so kankan mon, aŋ ait tat getami pasekoi aboloi, so lami bebaze mon, tea;#Luk 21:14, 15; Mat 10:19, 20 12Auanuzgun siben nal melon lamilon aŋ paiaŋoi, me abol.
Tata i filiangaz iwoi Jesus ibol
13Tamolpain malan ilonnen ta ipai, Peteŋanek, inag taig paip, i ŋa mai jesfuzan tezepalep, ta ŋa panagoi ŋabol. 14Jesus ipai, Tamol it mon ŋa noaglak ŋa nami betenaek waepanekgaten ŋemadowoi. 15Meginge daŋan ipidin, Aŋ dab anau, abaŋabaŋoi melami isinen amoipe, tamol inan basnen filian zen sinanlon so ŋaleime.#Tim I 6:9, 10
16Meginge azu faŋanfaŋan e pidin ibol, Tamol ta filianlak inan um anaŋ tezepaleg kuzum mok inau. 17I ilonlon kankan ibol, Ŋa ait ŋenauwoi, inag anaŋ domten ta ŋadiziwoi? 18I ibol, Au, ŋaloŋ, e ŋenauwoi: ŋainag bad ŋesebazawoi, ujanujan ta ŋasosoi. Abaŋ daŋan disap melaunpa melon ŋidizoi, inag jes dadon isap mai. 19Gazop inag nitug ŋepaiwoi, O nitug waza, oina anaŋ kuzumpanu ienime, umaz kuzum wanilap so teaboi, nuo gauaiged, segauz mado! 20Ge Anut ipai, O gedagad, bo elon ina nitu diwiziowoi, meginpe abaŋ o udizlak, me it inan tat?#Heb 9:27 21Megin tamolpain i bo tannen jes detemana, ge Anutlon filiadin tea.#Mat 6:20
Meglaum tan abaŋoi so kankan, dab denauwoi
22Mug meglaum diŋiameg pidin, Mewoi aŋ ŋepaiaŋ, Aŋ tinimioi jaeŋ so sufutanaŋ mon, abaŋte aniwoi, abaŋte unulawoi. 23Anaŋ abaŋ mitin mon, nitun bo ujan; megin mon, nulaknen mitin, tinin bo ujan. 24Gaugau ailpa, i um so depaedime, anaŋ melaun si didizidime, i bageu ab tea, bad ta mai tea; ge Anut i gaidgaid futuaime. Aloŋ, ma i aŋ mai so iduse.#Kan 147:9 25It mon kankanlon inan madoknen niman sukusuk taimon batenen iloŋ? 26Meginge aŋ abaŋ mitin anaunen so aloŋ, ait mon aŋ aentawoi lami kankaname? 27Moz adeleŋanipe! I jamel so iwaiime, abaŋabaŋoi jaeŋ so sufutanaime, ge disa gauai. Ŋa ŋepaiaŋ, Solomon inan kubel daŋanlon enen tata egin so nula gizaudlak. 28Ge Anut mug kebasik tanlak nulaknen gizaud panimap, me gazo mon isag ien, boŋanip mug jalon tetanip imomozoi, megin mok i aŋ mai nulaknen malik panaŋoi. Aŋ lamilon maliknen minmin. 29Mewoi aŋ janeknen mileknenoi jaeŋ so sufutanaŋmap atozoi, lami so bebazewoi! 30Panupanuwain i abaŋ ewoi dedaleldime; ge nami Mam didlon iloŋ, aŋ tan abaŋ menen aŋalewoi. 31Malik, aŋ inan kiŋdomoi akumep amadowoi, meginpe abaŋ aenta mai aŋalewoi. 32Malan kitek o, o so uzez mon, nami Mam nean inaulak, i inan kiŋdom aŋ panaŋoi.#Luk 22:29; Jes 41:14 33Nami jes adad ila, lo awa mon aduwoi, badam so samoinen me awaipa, didnen so teabnen jes aŋalpa, me ponaubibian ŋalenen teabe, me gil so dianiwoi.#Luk 18:22 34Nami jes ienimelak, men nami bubumi mai kumep ien.
Mezazikoi malan naukoi mai
35Teleami metagiz nulap nami sul naup nanip amado!#Ekso 12:11; Pet I 1:13 36Aŋ tamolpain enen akoloi, i inadin Ujanzen, i bop fazeŋ tuzoi ilelak, inan imulnenoi malan denaudime. Gazop i imaismap, isowoi ibol isemap, titimap madop, i buntaimon pasi depaninen diloŋoi, menen.#Mat 25:1–13 37Begabeg e putudin isawoi, me Ujanzen isemap demazazmeg ilime. Malik ŋepaiaŋ, i siben dadon jamel izalewoi, i dematalmap zidinnen ilap biadin palup itozoi. 38I tidom loanloan isowoitap, tea kekazek dibobmap mon isetap inan begabeg megin mon demazazmeg ilmap, i putudin isawoi. 39Aŋ me aloŋoi: Abfun i ponaubibian isowoi ibol, iloŋpe, i mazazpe, ablak idusanen naon dal ifalepe.#Tes I 5:2 40Mewoi aŋ mai sansan malan anaup amado, Tamolai saen aŋ so abolame melon isowoilakoi.
Begabeg buben malik, ta buben funek salan
41Petrus ipai, Tamoluja, azu faŋanfaŋan o am‐oi ubol tat, tea, daŋanoi tat. 42Ujanzen auan jabig ibol, It mon abgaten buben malik, kaginkagindaŋan mai, me inan gaten inan aibegabeg fodinlak inaunen iloŋ, me saen iduseklon nadin anaŋ tenaep gauai ipinidinoi? 43Gaten imulmap inan abtizinek megin naunaumeg nasiime i patun isaime. 44Malik ŋepaiaŋ, i inan jes abaŋabaŋ inan nimanlon inauwoi.#Mat 25:21 45Ge abtizinek bubenlon iboloi tat: Inag gateg muzuange so isoime ibol, imaispa aibegabeg, painbegabeg ifup dadon bo anaŋ tetameime, mileknen imolime, gedagad funip inauime, 46meginpe inan gaten nal ta, abtizinek so ibolime, saen ta, i so iloŋime, bezetaŋanip isowoi. Meginmap i abtizinek pitiŋiniwoi, aenta bubudin malik tealak, i mai naon taimon pinidinoi. 47Begabeg i gaten inan kibiaiŋ iloŋlak, ge abaŋ so kibinelak, inan auan dagom so pani itozlak, i funek kuzum naon ŋalewoi.#Jak 4:17 48Ta i bo kibiaiŋ so iloŋlak, ge abaŋ salan mai inaulak, me funek taitai mon naon ŋalewoi. Ta i kuzum panilak, i izinnen mai kuzum iŋaloi; ta bo i abaŋ taitai inau panilak, i izinnen mon abaŋ taitai bezaniime.
Jesus ja, pizibitek mai tanlak iŋaleg idu
49Ja ŋutuniwoi tanlak ŋase, pasak bububu ibolpeges. 50Ge flanek talon get flanag mokoi, i iduwoi tinig ŋenaug jitiagge ŋemadoŋame.#Mat 20:22; 26:38; Joh 12:27
51Aŋ abol tat, ŋa tan mazoz ŋepaniwoi ŋase? Tea ŋepaiaŋ, pizibitek mon. 52Saen gazo elonge egin: ab taimonlon faif pizibiteklak demadowoi: tolp me azup diŋiawoi, azup me tolp diŋiawoi. 53Taman inan ai mai, ai inan taman mai, tinan inan nanunpain mai, nanunpain inan tinan mai, zauan inan jaub mai, jaub inan zauan mai pizibitek mon ditozoi.
Saennen bagozoi
54I tamolpain pidin, Aŋ jauazti baŋenlon timtaen gunig ien anasimap, aŋ abol, Ui iduwoi isoime; abolak, megin inauime.#Mat 16:2, 3 55Jauazti fazemap aŋ abol, Ad liwon gegaun inauwoi; abollak, megin inauime. 56Kakez aŋ! Abaŋ did paenlon tanlak kibianinen aloŋame; ait mon didnen kagin inan saen gazo e kibianinen so aloŋame? 57Aitoige aŋ sebamilon abaŋabaŋ liluŋlon tali betenaenen so aloŋame? 58O oina liwo jabektamol mai betenaekoi alemap, o dallak unaup nasi, nima faun panip ibinowoi, teatap, i o talekkamaŋ naonnen inuoime, talekkamaŋ i o inan begabeg panip i o sebaneklon itanowoi.#Mat 5:25, 26 59Ŋa ŋepao, O melakpa faun so tapas uduwoi, get naon wadan daŋan mok i panimap eginmap.
Currently Selected:
Lukas 12: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Lukas 12
12
Farisea ladin sakeklak Jesus apostel dab naup! pidin
1Meginmeg tamolpain malanzen gugup depaug, nug niedin pazepazemeg dise. Jesus imaisge inan meglaumgaz pidin, Malanmalanlon aŋ farisea nadin wasaioi, me ilon sakek niŋon, dab anaup atoz. 2Abaŋ tata toaninen teabe, daŋan boboloanip itasawoi, miŋianinen tea, daŋan beŋten taloŋoi.#Luk 8:17 3Mewoilakoi aŋ mafuzlon ikibiaiame me lelamanlon taloŋoi; aŋ galuŋlon tiliŋamilon nug ukumukom mon abolame, me ab tininlak sai dianiwoi.
Itoi mon tazezoi?
4Ŋa aŋ bo, ŋainag kadoigaz, ŋepaiaŋ, Aŋ iwoi so azez mon, i tinin mon funi imatnen diloŋ, ge abaŋ aenta denaunen tea. 5Ŋa ŋepeteŋanaŋoi, aŋ itoi azutoi: Aŋ iwoi azutoi, i tinin imat paninen iloŋ, aloupa Hadeslon tanip ilanen mai iloŋ. Au, ŋa ŋepaiaŋ, aŋ iwoi mon azutoi! 6Aloŋ, kuseŋ 5 bo pens taimonlon tadadtame, ge menen taimon ta Anut ilon so padal. 7Megin mok mon getamilak zaun daŋan mai isutalak iloŋ. Mewoi aŋ so mok azezoi! Kuseŋ kuzumpanu Anut naonnen aŋ mai so iduse.#Luk 21:18
Jesus inan fun blanekoi, Auanuzgun dizan wae panekoi mai
8Ta mai ŋepaiaŋ, Ta i tamolpain noadinnen ŋa fug blaniime, iwoi Tamolai Anut inan eŋel noadinnen mai fun blaniwoi. 9Ge ta i ŋa tamolpain noadinnen zezeŋanagime, me Anut inan eŋel noadinnen mai ŋezezeŋaniwoi.#Luk 9:26
10Ta i Tamolai dizan waiime, me suas paninen ien, ge me i Auanuzgun dizan iwaiime, me paze idu ŋalenen tea mok tea.#Mat 12:32; Mar 3:28, 29
11Tata aŋ inadin sinagog, kiap, betenaeknen noadinnen donoaŋtap, aŋ lamilon so kankan mon, aŋ ait tat getami pasekoi aboloi, so lami bebaze mon, tea;#Luk 21:14, 15; Mat 10:19, 20 12Auanuzgun siben nal melon lamilon aŋ paiaŋoi, me abol.
Tata i filiangaz iwoi Jesus ibol
13Tamolpain malan ilonnen ta ipai, Peteŋanek, inag taig paip, i ŋa mai jesfuzan tezepalep, ta ŋa panagoi ŋabol. 14Jesus ipai, Tamol it mon ŋa noaglak ŋa nami betenaek waepanekgaten ŋemadowoi. 15Meginge daŋan ipidin, Aŋ dab anau, abaŋabaŋoi melami isinen amoipe, tamol inan basnen filian zen sinanlon so ŋaleime.#Tim I 6:9, 10
16Meginge azu faŋanfaŋan e pidin ibol, Tamol ta filianlak inan um anaŋ tezepaleg kuzum mok inau. 17I ilonlon kankan ibol, Ŋa ait ŋenauwoi, inag anaŋ domten ta ŋadiziwoi? 18I ibol, Au, ŋaloŋ, e ŋenauwoi: ŋainag bad ŋesebazawoi, ujanujan ta ŋasosoi. Abaŋ daŋan disap melaunpa melon ŋidizoi, inag jes dadon isap mai. 19Gazop inag nitug ŋepaiwoi, O nitug waza, oina anaŋ kuzumpanu ienime, umaz kuzum wanilap so teaboi, nuo gauaiged, segauz mado! 20Ge Anut ipai, O gedagad, bo elon ina nitu diwiziowoi, meginpe abaŋ o udizlak, me it inan tat?#Heb 9:27 21Megin tamolpain i bo tannen jes detemana, ge Anutlon filiadin tea.#Mat 6:20
Meglaum tan abaŋoi so kankan, dab denauwoi
22Mug meglaum diŋiameg pidin, Mewoi aŋ ŋepaiaŋ, Aŋ tinimioi jaeŋ so sufutanaŋ mon, abaŋte aniwoi, abaŋte unulawoi. 23Anaŋ abaŋ mitin mon, nitun bo ujan; megin mon, nulaknen mitin, tinin bo ujan. 24Gaugau ailpa, i um so depaedime, anaŋ melaun si didizidime, i bageu ab tea, bad ta mai tea; ge Anut i gaidgaid futuaime. Aloŋ, ma i aŋ mai so iduse.#Kan 147:9 25It mon kankanlon inan madoknen niman sukusuk taimon batenen iloŋ? 26Meginge aŋ abaŋ mitin anaunen so aloŋ, ait mon aŋ aentawoi lami kankaname? 27Moz adeleŋanipe! I jamel so iwaiime, abaŋabaŋoi jaeŋ so sufutanaime, ge disa gauai. Ŋa ŋepaiaŋ, Solomon inan kubel daŋanlon enen tata egin so nula gizaudlak. 28Ge Anut mug kebasik tanlak nulaknen gizaud panimap, me gazo mon isag ien, boŋanip mug jalon tetanip imomozoi, megin mok i aŋ mai nulaknen malik panaŋoi. Aŋ lamilon maliknen minmin. 29Mewoi aŋ janeknen mileknenoi jaeŋ so sufutanaŋmap atozoi, lami so bebazewoi! 30Panupanuwain i abaŋ ewoi dedaleldime; ge nami Mam didlon iloŋ, aŋ tan abaŋ menen aŋalewoi. 31Malik, aŋ inan kiŋdomoi akumep amadowoi, meginpe abaŋ aenta mai aŋalewoi. 32Malan kitek o, o so uzez mon, nami Mam nean inaulak, i inan kiŋdom aŋ panaŋoi.#Luk 22:29; Jes 41:14 33Nami jes adad ila, lo awa mon aduwoi, badam so samoinen me awaipa, didnen so teabnen jes aŋalpa, me ponaubibian ŋalenen teabe, me gil so dianiwoi.#Luk 18:22 34Nami jes ienimelak, men nami bubumi mai kumep ien.
Mezazikoi malan naukoi mai
35Teleami metagiz nulap nami sul naup nanip amado!#Ekso 12:11; Pet I 1:13 36Aŋ tamolpain enen akoloi, i inadin Ujanzen, i bop fazeŋ tuzoi ilelak, inan imulnenoi malan denaudime. Gazop i imaismap, isowoi ibol isemap, titimap madop, i buntaimon pasi depaninen diloŋoi, menen.#Mat 25:1–13 37Begabeg e putudin isawoi, me Ujanzen isemap demazazmeg ilime. Malik ŋepaiaŋ, i siben dadon jamel izalewoi, i dematalmap zidinnen ilap biadin palup itozoi. 38I tidom loanloan isowoitap, tea kekazek dibobmap mon isetap inan begabeg megin mon demazazmeg ilmap, i putudin isawoi. 39Aŋ me aloŋoi: Abfun i ponaubibian isowoi ibol, iloŋpe, i mazazpe, ablak idusanen naon dal ifalepe.#Tes I 5:2 40Mewoi aŋ mai sansan malan anaup amado, Tamolai saen aŋ so abolame melon isowoilakoi.
Begabeg buben malik, ta buben funek salan
41Petrus ipai, Tamoluja, azu faŋanfaŋan o am‐oi ubol tat, tea, daŋanoi tat. 42Ujanzen auan jabig ibol, It mon abgaten buben malik, kaginkagindaŋan mai, me inan gaten inan aibegabeg fodinlak inaunen iloŋ, me saen iduseklon nadin anaŋ tenaep gauai ipinidinoi? 43Gaten imulmap inan abtizinek megin naunaumeg nasiime i patun isaime. 44Malik ŋepaiaŋ, i inan jes abaŋabaŋ inan nimanlon inauwoi.#Mat 25:21 45Ge abtizinek bubenlon iboloi tat: Inag gateg muzuange so isoime ibol, imaispa aibegabeg, painbegabeg ifup dadon bo anaŋ tetameime, mileknen imolime, gedagad funip inauime, 46meginpe inan gaten nal ta, abtizinek so ibolime, saen ta, i so iloŋime, bezetaŋanip isowoi. Meginmap i abtizinek pitiŋiniwoi, aenta bubudin malik tealak, i mai naon taimon pinidinoi. 47Begabeg i gaten inan kibiaiŋ iloŋlak, ge abaŋ so kibinelak, inan auan dagom so pani itozlak, i funek kuzum naon ŋalewoi.#Jak 4:17 48Ta i bo kibiaiŋ so iloŋlak, ge abaŋ salan mai inaulak, me funek taitai mon naon ŋalewoi. Ta i kuzum panilak, i izinnen mai kuzum iŋaloi; ta bo i abaŋ taitai inau panilak, i izinnen mon abaŋ taitai bezaniime.
Jesus ja, pizibitek mai tanlak iŋaleg idu
49Ja ŋutuniwoi tanlak ŋase, pasak bububu ibolpeges. 50Ge flanek talon get flanag mokoi, i iduwoi tinig ŋenaug jitiagge ŋemadoŋame.#Mat 20:22; 26:38; Joh 12:27
51Aŋ abol tat, ŋa tan mazoz ŋepaniwoi ŋase? Tea ŋepaiaŋ, pizibitek mon. 52Saen gazo elonge egin: ab taimonlon faif pizibiteklak demadowoi: tolp me azup diŋiawoi, azup me tolp diŋiawoi. 53Taman inan ai mai, ai inan taman mai, tinan inan nanunpain mai, nanunpain inan tinan mai, zauan inan jaub mai, jaub inan zauan mai pizibitek mon ditozoi.
Saennen bagozoi
54I tamolpain pidin, Aŋ jauazti baŋenlon timtaen gunig ien anasimap, aŋ abol, Ui iduwoi isoime; abolak, megin inauime.#Mat 16:2, 3 55Jauazti fazemap aŋ abol, Ad liwon gegaun inauwoi; abollak, megin inauime. 56Kakez aŋ! Abaŋ did paenlon tanlak kibianinen aloŋame; ait mon didnen kagin inan saen gazo e kibianinen so aloŋame? 57Aitoige aŋ sebamilon abaŋabaŋ liluŋlon tali betenaenen so aloŋame? 58O oina liwo jabektamol mai betenaekoi alemap, o dallak unaup nasi, nima faun panip ibinowoi, teatap, i o talekkamaŋ naonnen inuoime, talekkamaŋ i o inan begabeg panip i o sebaneklon itanowoi.#Mat 5:25, 26 59Ŋa ŋepao, O melakpa faun so tapas uduwoi, get naon wadan daŋan mok i panimap eginmap.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.