Johanes 5
5
LADINLON SO MALIKLAK I SIGIANEKOI JESUS DEDAŊEDIME, 5–6
Jesus Betesdanen tamol tinin miliau kibinelak
1Me uzig Juda nadin ubou ta idug Jesus Jerusalemnen ile. 2Me Jerusalemnen belelek inan dalauan izinnen wililuk ta ien me Hebrea nadin azulon Betesda depaidime, me aenaenlon tazas damon faifdaŋan ien.#Mat 23:37; Joh 9:7 3Melon sansan miliaugaz kuzum dien, tamolai malan itaulak, nien kazo ibollak, tinin kesepazup mai naz benenaik malan denaudime. 4Tamol dibol eŋel sansan idumeg naz me benenaiime. Naz benenaimeg ta i malanmalan idumeg i tinin gauai, maiai abaŋte tat funilak me mug pasa ibol. 5Tamol ta madoime i umaz 38 tinin miliaulak. 6Jesus i tamol me ienmeg nasitag iloŋ maig i saen kin melaen megin madelak i ipai, O tini gauaioi ubolume? 7Tinin miliaulak me auan jabig ibol, Ujazen, naz benenaimap ŋa nazlon noagnen tamol ta tea, ŋa ŋadumap ta i naog dal faleg iduime. 8Jesus i ipai, Umais, oina taeg ŋalep utoz.#Mat 9:6 9Buntaimon tamol me tinin gauaige inan taeg biseg itoz.
Nal me ubou. 10Mewoi Judawain i tamol tinin gauailak me depai, Gazomnen ubou, o taeg so joaze mon.#Joh 9:14; Jer 17:21; Luk 6:2 11Ge i auadin jabig ibol, Me i ŋa kibiniaglak ŋan i paiag, Oina taeg bisap utoz. 12Meginge i sodoz depani, Tamol ite o ipao, Oina taeg bisap utoz? 13Ge me i tinin gauailak i so iloŋ tamol me ite. Jesus tamolai kuzum demademeg, tata dab so depanimeg idug ilelak.#Mar 9:25 14Alouge Jesus i tempellon nasig ipai, Nasi, o tini gauai, faun au so upas mon, teap abaŋ salan ta funowoi.#Joh 8:11 15Tamol me idug ileg Judagaz pidin, tamol i kibinelak me Jesus. 16Mewoilakoi Judagaz Jesus deŋale duzinen fun denau, i abaŋ me uboulon inaulakoi.#Mat 12:14 17Jesus bo auadin jabig pidin, Mam dedeŋanig uzat inauime, ŋa mai megin mon.#Joh 9:4 18Mewoilakoi Judawain i gik dibolge dufuniwoi denau, i ubou mon so benenailak, tea, i ibol mai Anut i inan Taman, Anut maig dikol e ibol.#Joh 7:30; 10:33
19Mewoi Jesus auadin jabig pidin, Malik mok malik, ŋa aŋ ŋepaiaŋ, Ai i siben abaŋ ta so inauwoi. Taman inaumeg nasiime me mon; abaŋ i inauime me Ai mai megin mon inauime.#Joh 3:11, 32 20Taman Aioi imat, abaŋ i siben inauime me daŋan peteŋaniime. E nenazilak menen ta mai peteŋaniwoi, melon aŋ lami izutoi.#Joh 3:25; 16:27 21Taman i dimatlak me fuŋunap dimaispa basnen pinidinime, megin mon Ai mai tata basnen pinidinoi ibol me pinidinime. 22Taman tamol ta so betenaeime, tea, betenaeknen uzat me daŋan Ai panilak.#Dan 7:13, 14; Apos 17:31 23Meginpe tamolai daŋan Ai biŋan dibisawoi, Taman biŋan dibisadimelak egin. Me i Ai biŋan so bisaime i Taman me Ai inaug iselak mai biŋan so bisaime.#Fil 2:10, 11; Joh I 2:23 24Malik mok malik, ŋa aŋ ŋepaiaŋ, me i ŋainag azu iloŋ, i ŋa noagge ŋaselak mai ilonlon malik me dedeŋaneknen basdaŋan padalnen betenaek so nasiwoi, tea, mateŋlonge bas niŋonlon idulelak.#Joh 3:16, 18; 6:47
25Malik mok malik, ŋa aŋ ŋepaiaŋ, Aur me iduwoi, tea, get idu melon dimatlak me Anut Ai inan klagun diloŋoi, me i diloŋdime i bas demadowoi.#Mat 8:22; Ef 2:5, 6 26Taman siben basnen tiwondaŋanlak egin, megin Ai mai panig i mai siben dadon tiwondaŋan.#Joh 1:1–4 27Me i ibolge i betenaek uzat mai inauwoi, i Tamolailakoi.#Joh 5:22 28Mewoi lami so bebaze mon, aur me iduwoi melon daŋan me fedafodlon demadodimelak inan klagun diloŋpa#Apos 10:42 29i dipazpa ditasawoi. Me i ditoz gauailak i basnenoi ditiziauwoi, me i ditoz alanlak i betenaeknenoi ditiziauwoi.#Joh 6:40; Dan 12:2
Jesusoi sigianek ienime
30Ŋa sibeg dadog abaŋ ta ŋenaunen tea, ŋa ŋaloŋŋame egin ŋa ŋebetenaeŋame. Ŋa betenaek taozlon ŋebetenaeŋame, ŋa sibeg ŋabolŋamelak megin so ŋenau, tea, me i noagge ŋaselak i inan auan ŋuzi ŋepaniŋamelakoi.#Joh 5:19; 6:38 31Ŋa sibeg mon sigianagŋametap ŋainag sigianek me malik tea,#Joh 8:14 32Ta madoime i ŋa sigianagime, me ŋa ŋaloŋ, sigianek melon i ŋa sigianagimelak me malik.#Joh 5:36, 37 33Aŋ Johanes sodoz apaniwoi totol anauge dilelak, me i azu malikoi sigianilak. #Joh 1:19–34 34Ge ŋa tamol nadin sigianeklon mon niŋog tea, tea, azu e aŋ putumi pasiwoi ŋabolŋame. 35I sul me nanig lelaman maimeg aŋ saen tag melon jumi isawoi so amoi. 36Ge inag sigianek me Johanes inan nenaziime. Uzat me ŋa ŋenaup biniwoi Mam panaglak, uzat mok me ŋa gazo ŋenauŋame me Mam i ŋa noagge ŋaselak disigianagdime.#Joh I 5:9; Joh 1:33; 3:2 37Mam i noagge ŋaselak i siben sigianaglak. Aŋ saen ta inan auan so mok aloŋ, inan naon mai so anasilak.#Mat 3:17 38Inan azu aŋ lamilon so ienime, me i inaug iselak me aŋ lamilon so malik.#Joh 15:7 39Azu gazeklon alaŋaiame, melon aŋ dedeŋaneknen bas aŋalewoi abollakoi, ŋan me i ŋa sigianagime.#Luk 24:27; Tim II 3:15–17 40Me aŋ bas niŋon aŋalewoi izignen so asowoi abol.
Judagaz Moses inan azu mai ladinlon so malik
41Tamol nadin biŋan biseklon sinan ŋa biŋag teabe. 42Ŋa bo aŋ ŋaloŋ. Anut inan lo aŋ lamilon so ien. 43Ŋa inag Mam neanlon ŋaselak me aŋ so ŋiliag, ta siben neanlon isetap aŋ i aŋalewoi.#Luk 11:42; Mat 24:5 44Me dodin lamilon malikoi, aŋ nug biŋan bisebiseg atozame, ge biŋan me Anut taimon izinnenge mon iduime mewoi lami so ibolime.#Joh 12:43; Mat 23:5–7 45Aŋ lami so abol mon ŋa Mam naonnen aŋnami fumi be ŋten ŋaboloi, tea, ta madoime, me Moses, iwoi aŋ suzuazoumeg anau apaniame, i aŋoi azu beŋten iboloi.#Deut 31:26 46Me aŋ Moses lamilon malikpe aŋ ŋa mai lamilon malikoi, i ŋawoi gazelak. 47Ge inan gazek lamilon so maliklak aŋ dodin ŋainag azu lamilon malikoi.#Gen 3:15; 49:10; Deut 18:15; Luk 16:31
Currently Selected:
Johanes 5: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Johanes 5
5
LADINLON SO MALIKLAK I SIGIANEKOI JESUS DEDAŊEDIME, 5–6
Jesus Betesdanen tamol tinin miliau kibinelak
1Me uzig Juda nadin ubou ta idug Jesus Jerusalemnen ile. 2Me Jerusalemnen belelek inan dalauan izinnen wililuk ta ien me Hebrea nadin azulon Betesda depaidime, me aenaenlon tazas damon faifdaŋan ien.#Mat 23:37; Joh 9:7 3Melon sansan miliaugaz kuzum dien, tamolai malan itaulak, nien kazo ibollak, tinin kesepazup mai naz benenaik malan denaudime. 4Tamol dibol eŋel sansan idumeg naz me benenaiime. Naz benenaimeg ta i malanmalan idumeg i tinin gauai, maiai abaŋte tat funilak me mug pasa ibol. 5Tamol ta madoime i umaz 38 tinin miliaulak. 6Jesus i tamol me ienmeg nasitag iloŋ maig i saen kin melaen megin madelak i ipai, O tini gauaioi ubolume? 7Tinin miliaulak me auan jabig ibol, Ujazen, naz benenaimap ŋa nazlon noagnen tamol ta tea, ŋa ŋadumap ta i naog dal faleg iduime. 8Jesus i ipai, Umais, oina taeg ŋalep utoz.#Mat 9:6 9Buntaimon tamol me tinin gauaige inan taeg biseg itoz.
Nal me ubou. 10Mewoi Judawain i tamol tinin gauailak me depai, Gazomnen ubou, o taeg so joaze mon.#Joh 9:14; Jer 17:21; Luk 6:2 11Ge i auadin jabig ibol, Me i ŋa kibiniaglak ŋan i paiag, Oina taeg bisap utoz. 12Meginge i sodoz depani, Tamol ite o ipao, Oina taeg bisap utoz? 13Ge me i tinin gauailak i so iloŋ tamol me ite. Jesus tamolai kuzum demademeg, tata dab so depanimeg idug ilelak.#Mar 9:25 14Alouge Jesus i tempellon nasig ipai, Nasi, o tini gauai, faun au so upas mon, teap abaŋ salan ta funowoi.#Joh 8:11 15Tamol me idug ileg Judagaz pidin, tamol i kibinelak me Jesus. 16Mewoilakoi Judagaz Jesus deŋale duzinen fun denau, i abaŋ me uboulon inaulakoi.#Mat 12:14 17Jesus bo auadin jabig pidin, Mam dedeŋanig uzat inauime, ŋa mai megin mon.#Joh 9:4 18Mewoilakoi Judawain i gik dibolge dufuniwoi denau, i ubou mon so benenailak, tea, i ibol mai Anut i inan Taman, Anut maig dikol e ibol.#Joh 7:30; 10:33
19Mewoi Jesus auadin jabig pidin, Malik mok malik, ŋa aŋ ŋepaiaŋ, Ai i siben abaŋ ta so inauwoi. Taman inaumeg nasiime me mon; abaŋ i inauime me Ai mai megin mon inauime.#Joh 3:11, 32 20Taman Aioi imat, abaŋ i siben inauime me daŋan peteŋaniime. E nenazilak menen ta mai peteŋaniwoi, melon aŋ lami izutoi.#Joh 3:25; 16:27 21Taman i dimatlak me fuŋunap dimaispa basnen pinidinime, megin mon Ai mai tata basnen pinidinoi ibol me pinidinime. 22Taman tamol ta so betenaeime, tea, betenaeknen uzat me daŋan Ai panilak.#Dan 7:13, 14; Apos 17:31 23Meginpe tamolai daŋan Ai biŋan dibisawoi, Taman biŋan dibisadimelak egin. Me i Ai biŋan so bisaime i Taman me Ai inaug iselak mai biŋan so bisaime.#Fil 2:10, 11; Joh I 2:23 24Malik mok malik, ŋa aŋ ŋepaiaŋ, me i ŋainag azu iloŋ, i ŋa noagge ŋaselak mai ilonlon malik me dedeŋaneknen basdaŋan padalnen betenaek so nasiwoi, tea, mateŋlonge bas niŋonlon idulelak.#Joh 3:16, 18; 6:47
25Malik mok malik, ŋa aŋ ŋepaiaŋ, Aur me iduwoi, tea, get idu melon dimatlak me Anut Ai inan klagun diloŋoi, me i diloŋdime i bas demadowoi.#Mat 8:22; Ef 2:5, 6 26Taman siben basnen tiwondaŋanlak egin, megin Ai mai panig i mai siben dadon tiwondaŋan.#Joh 1:1–4 27Me i ibolge i betenaek uzat mai inauwoi, i Tamolailakoi.#Joh 5:22 28Mewoi lami so bebaze mon, aur me iduwoi melon daŋan me fedafodlon demadodimelak inan klagun diloŋpa#Apos 10:42 29i dipazpa ditasawoi. Me i ditoz gauailak i basnenoi ditiziauwoi, me i ditoz alanlak i betenaeknenoi ditiziauwoi.#Joh 6:40; Dan 12:2
Jesusoi sigianek ienime
30Ŋa sibeg dadog abaŋ ta ŋenaunen tea, ŋa ŋaloŋŋame egin ŋa ŋebetenaeŋame. Ŋa betenaek taozlon ŋebetenaeŋame, ŋa sibeg ŋabolŋamelak megin so ŋenau, tea, me i noagge ŋaselak i inan auan ŋuzi ŋepaniŋamelakoi.#Joh 5:19; 6:38 31Ŋa sibeg mon sigianagŋametap ŋainag sigianek me malik tea,#Joh 8:14 32Ta madoime i ŋa sigianagime, me ŋa ŋaloŋ, sigianek melon i ŋa sigianagimelak me malik.#Joh 5:36, 37 33Aŋ Johanes sodoz apaniwoi totol anauge dilelak, me i azu malikoi sigianilak. #Joh 1:19–34 34Ge ŋa tamol nadin sigianeklon mon niŋog tea, tea, azu e aŋ putumi pasiwoi ŋabolŋame. 35I sul me nanig lelaman maimeg aŋ saen tag melon jumi isawoi so amoi. 36Ge inag sigianek me Johanes inan nenaziime. Uzat me ŋa ŋenaup biniwoi Mam panaglak, uzat mok me ŋa gazo ŋenauŋame me Mam i ŋa noagge ŋaselak disigianagdime.#Joh I 5:9; Joh 1:33; 3:2 37Mam i noagge ŋaselak i siben sigianaglak. Aŋ saen ta inan auan so mok aloŋ, inan naon mai so anasilak.#Mat 3:17 38Inan azu aŋ lamilon so ienime, me i inaug iselak me aŋ lamilon so malik.#Joh 15:7 39Azu gazeklon alaŋaiame, melon aŋ dedeŋaneknen bas aŋalewoi abollakoi, ŋan me i ŋa sigianagime.#Luk 24:27; Tim II 3:15–17 40Me aŋ bas niŋon aŋalewoi izignen so asowoi abol.
Judagaz Moses inan azu mai ladinlon so malik
41Tamol nadin biŋan biseklon sinan ŋa biŋag teabe. 42Ŋa bo aŋ ŋaloŋ. Anut inan lo aŋ lamilon so ien. 43Ŋa inag Mam neanlon ŋaselak me aŋ so ŋiliag, ta siben neanlon isetap aŋ i aŋalewoi.#Luk 11:42; Mat 24:5 44Me dodin lamilon malikoi, aŋ nug biŋan bisebiseg atozame, ge biŋan me Anut taimon izinnenge mon iduime mewoi lami so ibolime.#Joh 12:43; Mat 23:5–7 45Aŋ lami so abol mon ŋa Mam naonnen aŋnami fumi be ŋten ŋaboloi, tea, ta madoime, me Moses, iwoi aŋ suzuazoumeg anau apaniame, i aŋoi azu beŋten iboloi.#Deut 31:26 46Me aŋ Moses lamilon malikpe aŋ ŋa mai lamilon malikoi, i ŋawoi gazelak. 47Ge inan gazek lamilon so maliklak aŋ dodin ŋainag azu lamilon malikoi.#Gen 3:15; 49:10; Deut 18:15; Luk 16:31
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.