Johanes 21
21
Jesus wililuk aenlon meglaum zidinnen itase
1Nal tag Jesus faun Tiberias mas laŋten meglaum zidinnen siben boboloanig itase. 2Men Simon Petrus, Tomas me Didimus mai deblanidime, Natanael Kanawain Galileanen, Sebedeus inan ai azugen, meglaum azugen ta mai detemanig demade.#Joh 1:45 3Simon Petrus pidin, Ŋa ijoi ŋauwoi. I depai, Am o maip talawoi. I buntaimon dileg wag talak diduse, ge tidom melon i ij ta so deŋale.
4Fatu sesalimeg Jesus i laŋten itiuz; meglaum bo so diloŋ tamol me Jesus.#Joh 20:14; Luk 24:16 5Jesus ipidin, Nanug, abaŋ ta anaŋ maip taninen ienime? I auan diabig dibol, Tea.#Luk 24:41 6I pidin ibol, Kakaŋ wag tinin waŋlon atanip ij ta aŋalewoi. I detanilag i mug dezae lo tea, ij kuzumlakoi.#Luk 5:4–7; Joh 13:23 7Mewoi meglaum iwoi Jesus imatlak me Petrus ipai, Me Ujanzen. Me Simon Petrus iloŋge tamol me Jesus, i inan jamel melaen uzatoi pasilak me tabubge maslon sisug idu. 8Meglaum aenta i waglon ij kakaŋdaŋan dezaeg dublak diduse, i laŋ izinnen demade, fut 300 egin mon.
9I dibalge buntaimon ja medagezlak ta denasi, giginnen sepalaŋ mai ien. 10Jesus ipidin ibol, Ij gazo aŋallak menen ta aŋalep aso. 11Simon Petrus ileg ij ujanujan kakaŋ fuamlak me dublak izae dusutag me ij 153. Ge ij kuzumge kakaŋ kin so tetazi. 12Jesus ipidin, Asop abaŋ kin ani. Meglaum ta so sedaze, O ite? Daŋan diloŋ me Ujanzen. 13Jesus iseg sepalaŋ ij mai pinidin.#Joh 6:11 14Me mug nal tol mateŋlonge imaislak me siben meglaum peteŋanalak.#Joh 20:19, 26
Jesus Petrus ilopanekoi kibiani
15Anaŋ diani binig Jesus Simon Petrus ipai, Simon, Jonas inan ai, o ilo panagume, aenta e egin tea? I ipai, Au Ujazen, o uloŋ ŋa owoi ŋamat.#Joh 1:42; Kor I 15:5 16I ipaig ibol, Ŋainag belelek nanun futua panag. I ipai azu, Simon, Jonas inan ai, o ilo panagume? I ipai, Au, Ujazen, o uloŋ ŋa owoi ŋamat. I ipaig ibol, Ŋainag belelek kibinia panag.#Pet I 5:2, 4 17I mug ibol tol, Simon, Jonas inan ai, o ŋawoi umatume? Jesus Petrus ipai tollakoi, O ŋawoi umatume? mewoi i teŋaen alan. Mewoi i ipai, Ujazen, o abaŋ daŋan uloŋ pasi, o uloŋ mai ŋa owoi ŋamat. Jesus i ipai, Ŋainag belelek futua panag.#Joh 13:38; 16:30 18Malik mok malik, ŋa o ŋepao, o ai faunge o sibe metagiz nuleg ulawoi ubolge sibe umaisge ulelak, ge o dinou unaumap o oina nima wotep ai ta metagiz nula panowoi, panu o so ulawoi ubollak men ulawoi.#Mat 16:22 19Me aloupa Petrus mateŋ aitlon Anut biŋan bisawoi Jesus kin beŋten ibol. Me uzig i ipai, O ŋa sunuzagpa utoz.#Joh 13:36
20Petrus idaŋseg meglaum me Jesus ilon panilak, anaŋ janeklon mai dud panig matalmeg ibol, Ujazen, it o blanowoi, ai me uzge ilemeg inasi. 21Petrus meglaum me nasig i Jesus ipai, Ujazen, tamol e abaŋte inauwoi? 22Jesus ipaig ibol, Ŋa ŋaboltap i madowoi ŋa ŋamul ŋasop eginmap, o ilo so bebaze. O ŋa uzagpa utoz! 23Meginge taingaz ilonnen azu megin itase, meglaum me so imatoi. Ge Jesus so ipai, i so imatoi, tea, Ŋa ŋaboltap i so imatoi o ilo so bebaze mon.
24Meglaum ŋan e i abaŋ e sigianig madoime i gaze mai. Id taloŋ inan sigianek me malik.#Joh 15:27
25Abaŋ kuzum ta mai Jesus inaulak, me daŋan gazemap, ilog ŋabol buk kuzum panupanu fuamoi.#Joh 20:30
Currently Selected:
Johanes 21: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Johanes 21
21
Jesus wililuk aenlon meglaum zidinnen itase
1Nal tag Jesus faun Tiberias mas laŋten meglaum zidinnen siben boboloanig itase. 2Men Simon Petrus, Tomas me Didimus mai deblanidime, Natanael Kanawain Galileanen, Sebedeus inan ai azugen, meglaum azugen ta mai detemanig demade.#Joh 1:45 3Simon Petrus pidin, Ŋa ijoi ŋauwoi. I depai, Am o maip talawoi. I buntaimon dileg wag talak diduse, ge tidom melon i ij ta so deŋale.
4Fatu sesalimeg Jesus i laŋten itiuz; meglaum bo so diloŋ tamol me Jesus.#Joh 20:14; Luk 24:16 5Jesus ipidin, Nanug, abaŋ ta anaŋ maip taninen ienime? I auan diabig dibol, Tea.#Luk 24:41 6I pidin ibol, Kakaŋ wag tinin waŋlon atanip ij ta aŋalewoi. I detanilag i mug dezae lo tea, ij kuzumlakoi.#Luk 5:4–7; Joh 13:23 7Mewoi meglaum iwoi Jesus imatlak me Petrus ipai, Me Ujanzen. Me Simon Petrus iloŋge tamol me Jesus, i inan jamel melaen uzatoi pasilak me tabubge maslon sisug idu. 8Meglaum aenta i waglon ij kakaŋdaŋan dezaeg dublak diduse, i laŋ izinnen demade, fut 300 egin mon.
9I dibalge buntaimon ja medagezlak ta denasi, giginnen sepalaŋ mai ien. 10Jesus ipidin ibol, Ij gazo aŋallak menen ta aŋalep aso. 11Simon Petrus ileg ij ujanujan kakaŋ fuamlak me dublak izae dusutag me ij 153. Ge ij kuzumge kakaŋ kin so tetazi. 12Jesus ipidin, Asop abaŋ kin ani. Meglaum ta so sedaze, O ite? Daŋan diloŋ me Ujanzen. 13Jesus iseg sepalaŋ ij mai pinidin.#Joh 6:11 14Me mug nal tol mateŋlonge imaislak me siben meglaum peteŋanalak.#Joh 20:19, 26
Jesus Petrus ilopanekoi kibiani
15Anaŋ diani binig Jesus Simon Petrus ipai, Simon, Jonas inan ai, o ilo panagume, aenta e egin tea? I ipai, Au Ujazen, o uloŋ ŋa owoi ŋamat.#Joh 1:42; Kor I 15:5 16I ipaig ibol, Ŋainag belelek nanun futua panag. I ipai azu, Simon, Jonas inan ai, o ilo panagume? I ipai, Au, Ujazen, o uloŋ ŋa owoi ŋamat. I ipaig ibol, Ŋainag belelek kibinia panag.#Pet I 5:2, 4 17I mug ibol tol, Simon, Jonas inan ai, o ŋawoi umatume? Jesus Petrus ipai tollakoi, O ŋawoi umatume? mewoi i teŋaen alan. Mewoi i ipai, Ujazen, o abaŋ daŋan uloŋ pasi, o uloŋ mai ŋa owoi ŋamat. Jesus i ipai, Ŋainag belelek futua panag.#Joh 13:38; 16:30 18Malik mok malik, ŋa o ŋepao, o ai faunge o sibe metagiz nuleg ulawoi ubolge sibe umaisge ulelak, ge o dinou unaumap o oina nima wotep ai ta metagiz nula panowoi, panu o so ulawoi ubollak men ulawoi.#Mat 16:22 19Me aloupa Petrus mateŋ aitlon Anut biŋan bisawoi Jesus kin beŋten ibol. Me uzig i ipai, O ŋa sunuzagpa utoz.#Joh 13:36
20Petrus idaŋseg meglaum me Jesus ilon panilak, anaŋ janeklon mai dud panig matalmeg ibol, Ujazen, it o blanowoi, ai me uzge ilemeg inasi. 21Petrus meglaum me nasig i Jesus ipai, Ujazen, tamol e abaŋte inauwoi? 22Jesus ipaig ibol, Ŋa ŋaboltap i madowoi ŋa ŋamul ŋasop eginmap, o ilo so bebaze. O ŋa uzagpa utoz! 23Meginge taingaz ilonnen azu megin itase, meglaum me so imatoi. Ge Jesus so ipai, i so imatoi, tea, Ŋa ŋaboltap i so imatoi o ilo so bebaze mon.
24Meglaum ŋan e i abaŋ e sigianig madoime i gaze mai. Id taloŋ inan sigianek me malik.#Joh 15:27
25Abaŋ kuzum ta mai Jesus inaulak, me daŋan gazemap, ilog ŋabol buk kuzum panupanu fuamoi.#Joh 20:30
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.