Johanes 19
19
Pilatus Jesus pasiwoi ibol lo tea
1Meginge Pilatus Jesus ŋaleg funi alan. 2Opas faiaglon talit dipizig gatenlak dunule, jamel dazan dunule depani. 3I izinnen dipaz dibol, Es e, Juda nadin kiŋ, nimadinlon desae.#Joh 18:22 4Pilatus faun beŋten idug ipidin, Anasi, ŋa ŋuduzig beŋten idu, aŋ aloŋoilakoi i siben tininnen ta so ŋenasi. 5Jesus talit duzdaŋan jamel dazan maidaŋange idug Pilatus ipidin, Tamol me nasipe! 6Waliŋgaten tempel inan tizinekgaz mai denasig i dibob dibol, Azai o, azai o! Pilatus ipidin, Aŋ sebami aŋalep azai, ŋa i tininnen salan ta so ŋenasi.#Kor I 1:23 7Juda auan diabig dibol, Am kibiaiŋdaŋan, amnama kibiaiŋlon i imatoi, i siben Anut Ai ibollakoi.#Joh 10:33; Lew 24:16 8Pilatus azu me iloŋge i faun izut mug. 9I faun te betenaekablon ileg Jesus ipai, O domtenge use? Ge Jesus auan so jabi. 10Mewoi Pilatus i ipai, O auag so wabiume? O so uloŋ, ŋa ŋiziowoi ŋaboltap ŋiziowoi, ŋibinowoi ŋaboltap ŋibinowoi. 11Jesus auan jabig ibol, Latnenge tiwon so panope o biagnen teaboi. Mewoi i me oina nimalon noaglak i tininnen ja zen.#Joh 3:27; Apos 2:2
12Melonge Pilatus pasiwoi inau. Ge Judagaz dibob dibol, O tamol e binitap o kaisar inan tizan tea; tata siben kiŋoi inautap i kaisar daŋeime.#Apos 17:7 13Pilatus azu me iloŋge i Jesus beŋten duzig betenaeknen pezatiulak matal, aben me nean Aten, ge Hebrea azulon Gabbata dibol. 14Gazo Pasa inan kibineknen nal, mug aur siks. I Judagaz pidin, Aŋnami kiŋ ie! 15Ge i dibobge dibol, Naup ila, naup ila, jakebazeklak azai! Pilatus ipidin, Ŋa aŋnami kiŋ jakebazeklak ŋezaiwoi? Waliŋgaten me dibol, Am kiŋ ta tea, kaisar mon. 16Meginge i dezaiwoi pinidin.
I Jesus duduzig Golgatanen dezai
17Mewoi i deŋaleg Jesus siben inan jakebazek joazemeg aben ta nean Lasen men dile. Hebrea azulon Golgata deblanidime. 18Melak i dezai, tamol azugen mai, ta waŋlon, ta ŋaslon, Jesus liluŋlon. 19Pilatus azu gaten ta gazeg jakebazeklak inau. Gazek me megin, Jesus Nasaretwain, Juda nadin kiŋ. 20Juda tamolai kuzum azu gazek dusuti; fatu Jesus dezailak me panu izinnen, azu me Hebrea, Grik, Latin mailon gazelak.#Heb 13:12 21Meginge Juda nadin waliŋgaten Pilatus depai, O so gaze mon, Juda nadin kiŋ, tea, i ibollak, Ŋa Juda nadin kiŋ, me gaze. 22Pilatus auadin jabig ibol, Ŋa ŋegazelak ŋan ŋegazie.
23Meginge opas Jesus dezailakge inan jamel deŋaleg malan palgen denau, opas taitai deŋalenen. Ge inan jamel melaen me sitek tea. 24Mewoi i nug dikibiaig dibol, Id so tutuzutiwoi, tea, gaŋmalan egin tititip tenasiwoi, it iŋalewoi. Azu gazek niŋon inau me ibol, I ŋainag jamel nug wae pinidin, me ŋainag jamel melaenoi gaŋmalan egin dititi deŋale.#Kan 22:19
25Opas megin denaulak. Jakebazek izinnen Jesus inan tinan, tinan inan tain, Maria Kleofas iwon, Maria Magdalena maig ditiuz.#Luk 2:35 26Jesus inan tinan meglaum iwoi i imatlak me mai izinnen ditiuzmeg ilge i inan tinan ipai, Pain, oina ai nasi.#Joh 13:23 27Meginge meglaum me ipai, Nasi, oina tina, Nal melonge meglaum me i ŋaleg inan ablak inaug dab pani.#Joh 16:32
28Uzig Jesus iloŋ abaŋ daŋan mug inau bini, azu gazek niŋon inaunen, i ibol, Ŋa ŋazoi ŋamat.#Joh 13:3; 18:4; Kan 22:16 29Nasi, naz kibinelak nabuddaŋan ienmeg i mames nazlon dubuig toklak desaeg auanlon denau.#Kan 69:22 30Jesus naz musi binig i ibol, Abaŋ daŋan ŋenau ŋibini. Megin ibolmeg gudun tagoz idug imat.
31Judawain nal me kibineknen nallakoi susunudin uboulon jakebazeklak so dibinpa dienoi, ubou me ubou ujanlakoi, i Pilatus dogodoani, i niedin pisinip susunudin ipasoi.#Deut 21:23; Joh 7:37 32Meginge opas diseg tamol Jesus maig dezailak menen ta inan nien dipisini, uzig ta inan mai. 33Ge Jesus izinnen diseg i get imatlak denasig i inan nien so dipisini. 34Ge opas ta julon gezaŋen isaeg buntaimon daz naz mai idu.#Joh 20:25 35I me inasilak i beŋten sigiani, ibollak me malik, i iloŋ inan azu me malik, aŋ mai lamilon malikoilakoi. 36Abaŋ e azu gazek niŋon inauwoi me ibollak, Inan dog ta so pisini.#Ekso 12:46; Kan 34:21 37Azu bedagek ta mai ibol, Tinin desaelak me aloupa denasiwoi.#Sak 12:10; Bo 1:7
Jesus denaulak
38Me uzig Josef Arimatiawain, me Judaoi izezge kukumlon Jesus inan meglaum inaug itozlak, i Pilatus izinnen ileg sesanun ipasiwoi igod. Me Pilatus ipani. Meginge Arimatiawain sesanun ipasi ŋale. 39Nikodemus mai me malanmalan tidomlon Jesus izinnen ilelak, i ileg mozgazeŋ mimin siziun mai inan muzuan paund 100 egin bezaug ile.#Joh 3:2; Mat 2:11 40I Jesus inan tinin deŋaleg abaŋ gigien mai jamellon dupuzi, Judagaz denaudimelak egin. 41Aben i Jesus dezailak men um ta ien, um melon fedafod faun ta ien, melon i get sesanun ta so denaulak. 42Juda nadin ubou inan kibineknen saen mug idu, ge fedafod me iziknen, mewoi Jesus melon denau.
Currently Selected:
Johanes 19: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Johanes 19
19
Pilatus Jesus pasiwoi ibol lo tea
1Meginge Pilatus Jesus ŋaleg funi alan. 2Opas faiaglon talit dipizig gatenlak dunule, jamel dazan dunule depani. 3I izinnen dipaz dibol, Es e, Juda nadin kiŋ, nimadinlon desae.#Joh 18:22 4Pilatus faun beŋten idug ipidin, Anasi, ŋa ŋuduzig beŋten idu, aŋ aloŋoilakoi i siben tininnen ta so ŋenasi. 5Jesus talit duzdaŋan jamel dazan maidaŋange idug Pilatus ipidin, Tamol me nasipe! 6Waliŋgaten tempel inan tizinekgaz mai denasig i dibob dibol, Azai o, azai o! Pilatus ipidin, Aŋ sebami aŋalep azai, ŋa i tininnen salan ta so ŋenasi.#Kor I 1:23 7Juda auan diabig dibol, Am kibiaiŋdaŋan, amnama kibiaiŋlon i imatoi, i siben Anut Ai ibollakoi.#Joh 10:33; Lew 24:16 8Pilatus azu me iloŋge i faun izut mug. 9I faun te betenaekablon ileg Jesus ipai, O domtenge use? Ge Jesus auan so jabi. 10Mewoi Pilatus i ipai, O auag so wabiume? O so uloŋ, ŋa ŋiziowoi ŋaboltap ŋiziowoi, ŋibinowoi ŋaboltap ŋibinowoi. 11Jesus auan jabig ibol, Latnenge tiwon so panope o biagnen teaboi. Mewoi i me oina nimalon noaglak i tininnen ja zen.#Joh 3:27; Apos 2:2
12Melonge Pilatus pasiwoi inau. Ge Judagaz dibob dibol, O tamol e binitap o kaisar inan tizan tea; tata siben kiŋoi inautap i kaisar daŋeime.#Apos 17:7 13Pilatus azu me iloŋge i Jesus beŋten duzig betenaeknen pezatiulak matal, aben me nean Aten, ge Hebrea azulon Gabbata dibol. 14Gazo Pasa inan kibineknen nal, mug aur siks. I Judagaz pidin, Aŋnami kiŋ ie! 15Ge i dibobge dibol, Naup ila, naup ila, jakebazeklak azai! Pilatus ipidin, Ŋa aŋnami kiŋ jakebazeklak ŋezaiwoi? Waliŋgaten me dibol, Am kiŋ ta tea, kaisar mon. 16Meginge i dezaiwoi pinidin.
I Jesus duduzig Golgatanen dezai
17Mewoi i deŋaleg Jesus siben inan jakebazek joazemeg aben ta nean Lasen men dile. Hebrea azulon Golgata deblanidime. 18Melak i dezai, tamol azugen mai, ta waŋlon, ta ŋaslon, Jesus liluŋlon. 19Pilatus azu gaten ta gazeg jakebazeklak inau. Gazek me megin, Jesus Nasaretwain, Juda nadin kiŋ. 20Juda tamolai kuzum azu gazek dusuti; fatu Jesus dezailak me panu izinnen, azu me Hebrea, Grik, Latin mailon gazelak.#Heb 13:12 21Meginge Juda nadin waliŋgaten Pilatus depai, O so gaze mon, Juda nadin kiŋ, tea, i ibollak, Ŋa Juda nadin kiŋ, me gaze. 22Pilatus auadin jabig ibol, Ŋa ŋegazelak ŋan ŋegazie.
23Meginge opas Jesus dezailakge inan jamel deŋaleg malan palgen denau, opas taitai deŋalenen. Ge inan jamel melaen me sitek tea. 24Mewoi i nug dikibiaig dibol, Id so tutuzutiwoi, tea, gaŋmalan egin tititip tenasiwoi, it iŋalewoi. Azu gazek niŋon inau me ibol, I ŋainag jamel nug wae pinidin, me ŋainag jamel melaenoi gaŋmalan egin dititi deŋale.#Kan 22:19
25Opas megin denaulak. Jakebazek izinnen Jesus inan tinan, tinan inan tain, Maria Kleofas iwon, Maria Magdalena maig ditiuz.#Luk 2:35 26Jesus inan tinan meglaum iwoi i imatlak me mai izinnen ditiuzmeg ilge i inan tinan ipai, Pain, oina ai nasi.#Joh 13:23 27Meginge meglaum me ipai, Nasi, oina tina, Nal melonge meglaum me i ŋaleg inan ablak inaug dab pani.#Joh 16:32
28Uzig Jesus iloŋ abaŋ daŋan mug inau bini, azu gazek niŋon inaunen, i ibol, Ŋa ŋazoi ŋamat.#Joh 13:3; 18:4; Kan 22:16 29Nasi, naz kibinelak nabuddaŋan ienmeg i mames nazlon dubuig toklak desaeg auanlon denau.#Kan 69:22 30Jesus naz musi binig i ibol, Abaŋ daŋan ŋenau ŋibini. Megin ibolmeg gudun tagoz idug imat.
31Judawain nal me kibineknen nallakoi susunudin uboulon jakebazeklak so dibinpa dienoi, ubou me ubou ujanlakoi, i Pilatus dogodoani, i niedin pisinip susunudin ipasoi.#Deut 21:23; Joh 7:37 32Meginge opas diseg tamol Jesus maig dezailak menen ta inan nien dipisini, uzig ta inan mai. 33Ge Jesus izinnen diseg i get imatlak denasig i inan nien so dipisini. 34Ge opas ta julon gezaŋen isaeg buntaimon daz naz mai idu.#Joh 20:25 35I me inasilak i beŋten sigiani, ibollak me malik, i iloŋ inan azu me malik, aŋ mai lamilon malikoilakoi. 36Abaŋ e azu gazek niŋon inauwoi me ibollak, Inan dog ta so pisini.#Ekso 12:46; Kan 34:21 37Azu bedagek ta mai ibol, Tinin desaelak me aloupa denasiwoi.#Sak 12:10; Bo 1:7
Jesus denaulak
38Me uzig Josef Arimatiawain, me Judaoi izezge kukumlon Jesus inan meglaum inaug itozlak, i Pilatus izinnen ileg sesanun ipasiwoi igod. Me Pilatus ipani. Meginge Arimatiawain sesanun ipasi ŋale. 39Nikodemus mai me malanmalan tidomlon Jesus izinnen ilelak, i ileg mozgazeŋ mimin siziun mai inan muzuan paund 100 egin bezaug ile.#Joh 3:2; Mat 2:11 40I Jesus inan tinin deŋaleg abaŋ gigien mai jamellon dupuzi, Judagaz denaudimelak egin. 41Aben i Jesus dezailak men um ta ien, um melon fedafod faun ta ien, melon i get sesanun ta so denaulak. 42Juda nadin ubou inan kibineknen saen mug idu, ge fedafod me iziknen, mewoi Jesus melon denau.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.