Johanes 12
12
Maria inan zaiŋ
1Ubou so idug ad 6 ienmeg Jesus Betanianen ile, men Lasarus imade, i get fuŋunig imaislak me.#Joh 11:1, 43 2Melak i tuz ta denaug depani. Marta i bian palug itoz. Me Lasarus i mai tuz dimilimeg demataldime. 3Meginge Maria gazeŋmoz gauai mok ta jaliŋdaŋan ŋaleg Jesus inan nien buzugusig me gatenzaunlon suas pani, me zuŋan ab inau itau.#Luk 7:38 4Ge meglaum ta, Judas Iskariot, me i blaniwoi, i ibol, 5Aitoige gazeŋmoz me 300 siliŋlon so idadge ileg tamolpain waiz pinidinlak? 6Me i waizgaz ilon pinidinlakoi so ibol, tea, i ponaubibian, gaŋmalan inan badam i izinnen ien, gaŋmalan lo dipinidindime melon denaug menen i ta ŋale.#Luk 8:3 7Jesus ibol, Aŋ ibiniŋan, ŋainag mateŋoi i segauz megin inauwoi. 8Waizgaz sansan aŋ maig amadoamelakge ŋa sansan aŋ maip so temadowoi.#Deut 15:11
9Judawain kuzum Jesus madoime diloŋtag dise. Ge Jesusoi mon tea, tea, Lasarus me i get fuŋunig imaislak mai denasiwoi dise. 10Meginge waliŋgaten Lasarus mai dufuniwoi dikibiai. 11I‐lon Judawain kuzum dileg Jesus ladinlon maliklakoi.
Jesus kiŋ egin Jerusalemnen itase
12Nal uzig tamolai malan zen ubouoi diselak me diloŋ Jesus Jerusalemnen isoime. 13Mewoi i patoz zaun deŋaleg mai naon tazetazewoi dileg dibol, Hosanna, patun isap mado, Israel nadin kiŋ me Ujanzen neanlon isoime.#Kan 118:25, 26 14Me Jesus i doŋki faun ta inasig fonlak matal gazelak egin:#Sak 9:9 15So uzut mon, Sion nanunpain, nasi, oina kiŋ isoime, doŋki nanun fonlak matalime. 16Inan meglaum malanmalan abaŋ me fun so diloŋ, ge Jesus kubeldaŋan itaseg i ladin isou, abaŋ e iwoi gazelak, me iwoi megin denau mai.#Joh 2:22; 14:26 17Tamolpain malan zen i maig demade i Lasarus fedafodlonge wagig fuŋunilak, me disigianig ditoz. 18Ŋan mewoi mai tamolai pifoldaŋan i mai naon tazetazewoi dile, me i diloŋ i bagoz me inaulak. 19Mewoige farisea nug dikibiaig dibol, Aŋ anau lo teabame, anasi, panupanugaz i dusunuzig ditozdime.#Joh 3:26; 11:48
Jesus imat pasimeg mon tamolai putudin pasi
20Me i ubou melon ubou denasiwoi diselak me leŋadinlon Grikwain ta demade.#Joh 7:35; 11:55 21I mewoi Filipus Galilea fatu Betsaida panuwain me izinnen dileg digodge depai, Tamoluja am Jesus anasiwoi ase.#Joh 1:44 22Filipus ileg Andreas ipai, me Andreas Filipus mai dileg Jesus depaig iloŋ. 23Jesus auadin jabig ibol, Saen mug idu melon Tamolai kubeldaŋanoi. 24Malik mok malik, ŋa aŋ ŋepaiaŋ, baza patun tan ilonlon so ibal idup imattap i siben dadon madowoi, ge i imatmap i niŋon kuzumoi.#Rom 14:9; Kor I 15:36 25Me i tinin bas madowoi imattap i padaloi; ge me tinin inan bas madoknen tan elon zezeŋanitap i tizinip dedeŋanip madowoi.#Mat 10:39; Luk 17:33 26Ta biag paluwoitap i bubendaŋan sunuzagpa itozoi. Me ŋa ŋemadoŋame melak ŋainag uzatai mai madowoi; tata i ŋa biag palumap inan biŋan Mam ibisawoi.#Joh 14:3; 17:24
27Ŋainag nitug izut izez. Ŋa dodin ŋaboloi? Mam saen ewoi gateg pasipe; ge mewoi ŋa saen elon ŋase.#Kan 6:4; Mat 26:38 28Mam, oina nea biŋa bisape. Meginge auan ta didlonge idug ibol, Ŋa get biŋan ŋibiselakge faun te ŋibisawoi.#Joh 1:51; 5:37 29Tamolpain malan zen me izinnen ditiuz diloŋ maig dibol, wail idulak. Aenta dibol eŋel ta i azu ipai. 30Jesus auadin jabig ibol, Auan e ŋawoi so idu, tea, aŋoi.#Joh 11:42 31Gazo tan e inan betenaek saen, gazo tan e inan gaten betetanip beŋten iduwoi.#Joh 14:30; 16:11; Luk 10:18 32Me ŋa tan elonpa bisiagmap tamolai daŋan ŋazaupa izignen disowoi.#Joh 8:28 33Ge i inan imatnen fun beŋten inauwoi i megin ibol. 34Tamolpain malan zen auan diabig depai, Am kibiaiŋlon aloŋ Kristus dedeŋanip madowoi. Me o dodinlakoi ubol Tamolai bisawoi? Tamolai me ite?#Kan 110:4; Jes 9:7; Dan 7:14 35Meginge Jesus ipidin, Kitek ta mon lelaman aŋ maip amadowoi. Sul ienmap aŋ melon atoz, meginpe mafuz tukan so toanaŋoi; me i mafuzlon itozime i inan dal so nasiime.#Joh 8:12; 11:10 36Aŋ suldaŋanmap aŋ sul lamilon malikoi, meginmap aŋ sul nanun anaup amadowoi. Jesus azu e ibollag i ibinge ileg i meladinoi kukum.#Ef 5:8
Kuzum ladinlon so malik, aenta melabublon ladinlon malik
37Jesus tamolai malakmalaklon kubelmaŋau kuzum inaulakge i ladinlon so malik.#Joh 20:30; Kor I 1:22 38Melon Jesaia inan azu niŋon inauwoi me ibol, Ujazen, it amnama totol ilonlon malik? It Anut inan tiwon boboloanig iloŋlak?#Jes 53:1; Rom 10:16 39Mewoilakoi i ladinlon maliknen tea, me Jesaia ibol,#Jes 6:9, 10; Mat 13:14, 15 40I nadin meladin funig itaulak, bubudin mai butunilak, meginge i meladinlon abaŋ ta so denasiwoi, bubudin mai so diloŋpa didaŋsap ŋa ŋikibiniawoi. 41Jesaia Jesus inan kubelkubel nasilakoi iwoi ibol.#Jes 6:1 42Au, tamol gatengaz ilonlon kin kuzum ladinlon maliklak, ge fariseaoi dizezge beŋten so disigiani, sinagoglon dipaspa muzinnen se demadowoilakoi.#Joh 9:22; 16:2 43I tamol nadin biŋadinoi dimatlak, Anut inan biŋanoi egin tea.#Joh 5:44
Jesus Taman Anut mai taimon
44Jesus iwog ibol, Me i ŋa ilonlon malik, i ŋa mon ilonlon so malik, tea, i me ŋa noagge ŋaselak ŋan me ilonlon malik. 45Me i ŋa nasagime me i ŋa noagge ŋaselak ŋan me inasiime.#Joh 14:9 46Ŋa tan inan sul egin ŋase, mewoi tata i ŋa ilonlon malik i mafuzlon so itozoi.#Joh 12:35 47Tamol ta i ŋainag azu iloŋmap, ge so tiziniime, ŋa i so ŋebetenaeŋame, ŋa tan e ŋebetenaewoi so ŋase, tea, ŋa patun ŋepasiwoi.#Joh 3:17; Luk 9:56 48Me i ŋa meselanag, ŋainag azu so ŋaleime, inan betenaeknen ta ienime. Azu ŋa ŋabollak me nal wadanlonpa ibetenaewoi.#Luk 10:16; Bo 19:15 49Ŋa sibeg damoglon so ŋabollak, tea, Mam i ŋa noagge ŋaselak i kibiaiŋ ta panaglak, ŋa azu ait ŋaboloi, sai ait ŋaniwoi. 50Me ŋa ŋaloŋ, inan kibiaiŋ me dedeŋaneknen bas, mewoi azu ŋa ŋabolŋame me Mam ibolimelak egin mon ŋabolŋame.#Joh 3:34; 6:40
Currently Selected:
Johanes 12: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Johanes 12
12
Maria inan zaiŋ
1Ubou so idug ad 6 ienmeg Jesus Betanianen ile, men Lasarus imade, i get fuŋunig imaislak me.#Joh 11:1, 43 2Melak i tuz ta denaug depani. Marta i bian palug itoz. Me Lasarus i mai tuz dimilimeg demataldime. 3Meginge Maria gazeŋmoz gauai mok ta jaliŋdaŋan ŋaleg Jesus inan nien buzugusig me gatenzaunlon suas pani, me zuŋan ab inau itau.#Luk 7:38 4Ge meglaum ta, Judas Iskariot, me i blaniwoi, i ibol, 5Aitoige gazeŋmoz me 300 siliŋlon so idadge ileg tamolpain waiz pinidinlak? 6Me i waizgaz ilon pinidinlakoi so ibol, tea, i ponaubibian, gaŋmalan inan badam i izinnen ien, gaŋmalan lo dipinidindime melon denaug menen i ta ŋale.#Luk 8:3 7Jesus ibol, Aŋ ibiniŋan, ŋainag mateŋoi i segauz megin inauwoi. 8Waizgaz sansan aŋ maig amadoamelakge ŋa sansan aŋ maip so temadowoi.#Deut 15:11
9Judawain kuzum Jesus madoime diloŋtag dise. Ge Jesusoi mon tea, tea, Lasarus me i get fuŋunig imaislak mai denasiwoi dise. 10Meginge waliŋgaten Lasarus mai dufuniwoi dikibiai. 11I‐lon Judawain kuzum dileg Jesus ladinlon maliklakoi.
Jesus kiŋ egin Jerusalemnen itase
12Nal uzig tamolai malan zen ubouoi diselak me diloŋ Jesus Jerusalemnen isoime. 13Mewoi i patoz zaun deŋaleg mai naon tazetazewoi dileg dibol, Hosanna, patun isap mado, Israel nadin kiŋ me Ujanzen neanlon isoime.#Kan 118:25, 26 14Me Jesus i doŋki faun ta inasig fonlak matal gazelak egin:#Sak 9:9 15So uzut mon, Sion nanunpain, nasi, oina kiŋ isoime, doŋki nanun fonlak matalime. 16Inan meglaum malanmalan abaŋ me fun so diloŋ, ge Jesus kubeldaŋan itaseg i ladin isou, abaŋ e iwoi gazelak, me iwoi megin denau mai.#Joh 2:22; 14:26 17Tamolpain malan zen i maig demade i Lasarus fedafodlonge wagig fuŋunilak, me disigianig ditoz. 18Ŋan mewoi mai tamolai pifoldaŋan i mai naon tazetazewoi dile, me i diloŋ i bagoz me inaulak. 19Mewoige farisea nug dikibiaig dibol, Aŋ anau lo teabame, anasi, panupanugaz i dusunuzig ditozdime.#Joh 3:26; 11:48
Jesus imat pasimeg mon tamolai putudin pasi
20Me i ubou melon ubou denasiwoi diselak me leŋadinlon Grikwain ta demade.#Joh 7:35; 11:55 21I mewoi Filipus Galilea fatu Betsaida panuwain me izinnen dileg digodge depai, Tamoluja am Jesus anasiwoi ase.#Joh 1:44 22Filipus ileg Andreas ipai, me Andreas Filipus mai dileg Jesus depaig iloŋ. 23Jesus auadin jabig ibol, Saen mug idu melon Tamolai kubeldaŋanoi. 24Malik mok malik, ŋa aŋ ŋepaiaŋ, baza patun tan ilonlon so ibal idup imattap i siben dadon madowoi, ge i imatmap i niŋon kuzumoi.#Rom 14:9; Kor I 15:36 25Me i tinin bas madowoi imattap i padaloi; ge me tinin inan bas madoknen tan elon zezeŋanitap i tizinip dedeŋanip madowoi.#Mat 10:39; Luk 17:33 26Ta biag paluwoitap i bubendaŋan sunuzagpa itozoi. Me ŋa ŋemadoŋame melak ŋainag uzatai mai madowoi; tata i ŋa biag palumap inan biŋan Mam ibisawoi.#Joh 14:3; 17:24
27Ŋainag nitug izut izez. Ŋa dodin ŋaboloi? Mam saen ewoi gateg pasipe; ge mewoi ŋa saen elon ŋase.#Kan 6:4; Mat 26:38 28Mam, oina nea biŋa bisape. Meginge auan ta didlonge idug ibol, Ŋa get biŋan ŋibiselakge faun te ŋibisawoi.#Joh 1:51; 5:37 29Tamolpain malan zen me izinnen ditiuz diloŋ maig dibol, wail idulak. Aenta dibol eŋel ta i azu ipai. 30Jesus auadin jabig ibol, Auan e ŋawoi so idu, tea, aŋoi.#Joh 11:42 31Gazo tan e inan betenaek saen, gazo tan e inan gaten betetanip beŋten iduwoi.#Joh 14:30; 16:11; Luk 10:18 32Me ŋa tan elonpa bisiagmap tamolai daŋan ŋazaupa izignen disowoi.#Joh 8:28 33Ge i inan imatnen fun beŋten inauwoi i megin ibol. 34Tamolpain malan zen auan diabig depai, Am kibiaiŋlon aloŋ Kristus dedeŋanip madowoi. Me o dodinlakoi ubol Tamolai bisawoi? Tamolai me ite?#Kan 110:4; Jes 9:7; Dan 7:14 35Meginge Jesus ipidin, Kitek ta mon lelaman aŋ maip amadowoi. Sul ienmap aŋ melon atoz, meginpe mafuz tukan so toanaŋoi; me i mafuzlon itozime i inan dal so nasiime.#Joh 8:12; 11:10 36Aŋ suldaŋanmap aŋ sul lamilon malikoi, meginmap aŋ sul nanun anaup amadowoi. Jesus azu e ibollag i ibinge ileg i meladinoi kukum.#Ef 5:8
Kuzum ladinlon so malik, aenta melabublon ladinlon malik
37Jesus tamolai malakmalaklon kubelmaŋau kuzum inaulakge i ladinlon so malik.#Joh 20:30; Kor I 1:22 38Melon Jesaia inan azu niŋon inauwoi me ibol, Ujazen, it amnama totol ilonlon malik? It Anut inan tiwon boboloanig iloŋlak?#Jes 53:1; Rom 10:16 39Mewoilakoi i ladinlon maliknen tea, me Jesaia ibol,#Jes 6:9, 10; Mat 13:14, 15 40I nadin meladin funig itaulak, bubudin mai butunilak, meginge i meladinlon abaŋ ta so denasiwoi, bubudin mai so diloŋpa didaŋsap ŋa ŋikibiniawoi. 41Jesaia Jesus inan kubelkubel nasilakoi iwoi ibol.#Jes 6:1 42Au, tamol gatengaz ilonlon kin kuzum ladinlon maliklak, ge fariseaoi dizezge beŋten so disigiani, sinagoglon dipaspa muzinnen se demadowoilakoi.#Joh 9:22; 16:2 43I tamol nadin biŋadinoi dimatlak, Anut inan biŋanoi egin tea.#Joh 5:44
Jesus Taman Anut mai taimon
44Jesus iwog ibol, Me i ŋa ilonlon malik, i ŋa mon ilonlon so malik, tea, i me ŋa noagge ŋaselak ŋan me ilonlon malik. 45Me i ŋa nasagime me i ŋa noagge ŋaselak ŋan me inasiime.#Joh 14:9 46Ŋa tan inan sul egin ŋase, mewoi tata i ŋa ilonlon malik i mafuzlon so itozoi.#Joh 12:35 47Tamol ta i ŋainag azu iloŋmap, ge so tiziniime, ŋa i so ŋebetenaeŋame, ŋa tan e ŋebetenaewoi so ŋase, tea, ŋa patun ŋepasiwoi.#Joh 3:17; Luk 9:56 48Me i ŋa meselanag, ŋainag azu so ŋaleime, inan betenaeknen ta ienime. Azu ŋa ŋabollak me nal wadanlonpa ibetenaewoi.#Luk 10:16; Bo 19:15 49Ŋa sibeg damoglon so ŋabollak, tea, Mam i ŋa noagge ŋaselak i kibiaiŋ ta panaglak, ŋa azu ait ŋaboloi, sai ait ŋaniwoi. 50Me ŋa ŋaloŋ, inan kibiaiŋ me dedeŋaneknen bas, mewoi azu ŋa ŋabolŋame me Mam ibolimelak egin mon ŋabolŋame.#Joh 3:34; 6:40
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.