Jakobus 2
2
Ta jusuni, ta biŋan bisawoi me gauai tea, daŋanoi tabolpa kibiniawoi
1Taiggaz, aŋ kubelkubel inan Ujanzen Jesus Kristus inan Ujanzen Jesus Kristus inan ilonlon maliknendaŋanlak tamolpain meladin so aŋale mon, e tamol filian neandaŋan mai, me waiz nean tea e so abol mon.#Kor I 2:8 2Tamol ta nimanlak biu golddaŋan, jamel gizaud maipnami medaeŋlon idutap, tamol waiz ta me jamel samoidaŋan mon mai isetap,#Heb 10:25 3meginpe aŋ filian, me malan isiknen abaŋdaŋange iselak, i mon pez gauai apanip apaip, En aben gauailon matal; ge waiz me apai, O melak utiuz, tea, usop, ŋainag nieg fun tanlak matal uduwoi. 4Meginpe aŋ sebami lami so tat tezepalep azugen anau? Aŋ so tat tamol e egin anaulak, i ladin kankan alandaŋanlon debetenae salandime?
5Taiggaz wezami, auag dab apani! Anut so tat me i tannenwain meladinlon waiz ditozdime ipilianalak, i ladinlon maliknenlon filiadinoi, kiŋdom inan fuzan mai deŋalewoi, me i enenwain depanidime blana ipinidinlak?#Kor I 1:26; Luk 12:21; 6:20 6Ge aŋ waizgaz ujusunalak. Abolpa, filiangaz me mok joazeknen muzuan so tat depanaŋdime? Ŋan i mon so tat betenaeknen noadinnen aŋ donoaŋdimelakge? 7I me nean kubel melon aŋ wigiaŋge atozame me so tat dizan dewaidime?
Moses inan kibiaiŋ dadon isap taloŋtaloŋpa niŋon tenauwoi, taimon ta so bini iduwoi
8Azi, aŋ kiŋnen kibiaiŋ matu me gazeklon gazeg ienime egin: O sibe o ilo paniumelak egin, megin o oina muduban mai ilo paniwoi! aŋ ŋan me uzi apanitap aŋ gauai anauame.#Lew 19:18 9Ge aŋ tata meladin ŋalewoi anautap aŋ auapasame, kibiaiŋ aŋ bitiniaŋime ibol aŋ pezebedanekbibian.#Deut 1:17 10Nasi, ta kibiaiŋ daŋan uzi panip, ge taimon mok mon inenaziime, ŋan me kibiaiŋ daŋan pezebedanalak egin.#Mat 5:19; Gal 3:10 11Uloŋ, me i ibollak, O jait so wabi mon! me mai ibollak, O tamolpain so funip imat mon! Uloŋume, o jait so wabitap, ge tamol ufunig imatime, meginpe a kibiaiŋ pezebedanektamol.#Ekso 20:13, 14 12Au, aŋ gauai lami isouwoi, aŋ paseknen kibiaiŋ gazop bitiniaŋoi, mewoi i auan ibolime megin uzip azu ikibiaip atoz mai.#Jak 1:25 13Gazop betenaek i tamol me gazo aentawoi teŋaen so alanime iwoi mai teŋaen so alanoi; ge me i aentawoi teŋaen alanime, i betenaekoi izeznen teabe.#Mat 5:7; 18:30, 34; 25:45, 46
Ilodlon maliknen niŋon sansan nauknaukdaŋan mai
14Me aitnenge, taiggaz, tamol ta ibolmap i ilonlon malik, ge inan niŋon so inaug tenasitame. Ilonlon maliknen lasen mon i patun pasiwoi tat?#Mat 7:21; 21:29 15Timi ta, lumi ta malas funitap, pitol jabitap, 16ta ipidin, Aŋ mazozdaŋan segauz ala, ja kin tunipa, tinimi pazewoi, anaŋ anip loami didiwoi, ge ja sagau mai so pinidinime, me aitnen tat?#Joh I 3:17 17Ilonlon maliknen mai megin, inan zagunlon niŋon so isa gauaiime i se mok mon.
18Au, tata iboloi, O ilolon maliknendaŋan ubolume, me ŋa bo nauknaukdaŋan. Me ŋa ŋepaiwoi, O oina ilolon maliknen me nauknauklon so boboloanip niŋon inaup peteŋanagpa, meginpe ŋa inag nauknauklon ŋainag iloglon maliknen ŋepeteŋanowoi.#Gal 5:6 19O ilolon malikume, Anut taimon mok mon madoime ubol. Gauai! Buga sladin bo mai me ladinlon malik, ge i tinidin terere dibolge demadodime.#Mat 8:29; Mar 5:7
Ilodlon maliknen niŋon inan naolalek azugen: Abraham Rahab mai
20O tamol lase! O uloŋ gauaioi tat, ilonlon maliknen me auanlon mon ienime, i se mok mon? 21Inad mam Abraham inan ai Isak janauklon inaumeg i inan nauknauk sinanlon so tat taozlak?#Gen 22:9; 10:12 22Melon o beŋten uloŋume, inan ilonlon maliknen inan zagun gauailonge nauknauk mai betemanalak, au, inan ilonlon maliknen me nauknauklon mon tezepasilak. 23Gazek niŋon inaulak ibol, Abraham Anut ilonlon maliklak, mewoi Anut ibol Abraham i taoz, ŋan mewoi i Anut inan kadoi e mai dibol.#Jes 41:8; Gen 15:6 24Megin aŋ anasiame, tamol inan nauknauk niŋon sinanlon i Anut naonnen taoz, ilonlon maliknenlon mon tea.#Joh 8:39; Rom 4:12 25Megin mon Rahab mai, i jaitpainlakge anasi, i nauknauk gauailon so tat taoz? Ŋan me i Israel nadin fatu kibianekoi azugen kibiniag dal talak inauge dimul.#Heb 11:31; Jos 2:4, 15 26Au, megin, tinin me uz basnen teaime, i imat ien egin, megin ilonlon maliknen mai i nauknauknen niŋon teamap i get imat pasilak.#Jak 2:17
Currently Selected:
Jakobus 2: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Jakobus 2
2
Ta jusuni, ta biŋan bisawoi me gauai tea, daŋanoi tabolpa kibiniawoi
1Taiggaz, aŋ kubelkubel inan Ujanzen Jesus Kristus inan Ujanzen Jesus Kristus inan ilonlon maliknendaŋanlak tamolpain meladin so aŋale mon, e tamol filian neandaŋan mai, me waiz nean tea e so abol mon.#Kor I 2:8 2Tamol ta nimanlak biu golddaŋan, jamel gizaud maipnami medaeŋlon idutap, tamol waiz ta me jamel samoidaŋan mon mai isetap,#Heb 10:25 3meginpe aŋ filian, me malan isiknen abaŋdaŋange iselak, i mon pez gauai apanip apaip, En aben gauailon matal; ge waiz me apai, O melak utiuz, tea, usop, ŋainag nieg fun tanlak matal uduwoi. 4Meginpe aŋ sebami lami so tat tezepalep azugen anau? Aŋ so tat tamol e egin anaulak, i ladin kankan alandaŋanlon debetenae salandime?
5Taiggaz wezami, auag dab apani! Anut so tat me i tannenwain meladinlon waiz ditozdime ipilianalak, i ladinlon maliknenlon filiadinoi, kiŋdom inan fuzan mai deŋalewoi, me i enenwain depanidime blana ipinidinlak?#Kor I 1:26; Luk 12:21; 6:20 6Ge aŋ waizgaz ujusunalak. Abolpa, filiangaz me mok joazeknen muzuan so tat depanaŋdime? Ŋan i mon so tat betenaeknen noadinnen aŋ donoaŋdimelakge? 7I me nean kubel melon aŋ wigiaŋge atozame me so tat dizan dewaidime?
Moses inan kibiaiŋ dadon isap taloŋtaloŋpa niŋon tenauwoi, taimon ta so bini iduwoi
8Azi, aŋ kiŋnen kibiaiŋ matu me gazeklon gazeg ienime egin: O sibe o ilo paniumelak egin, megin o oina muduban mai ilo paniwoi! aŋ ŋan me uzi apanitap aŋ gauai anauame.#Lew 19:18 9Ge aŋ tata meladin ŋalewoi anautap aŋ auapasame, kibiaiŋ aŋ bitiniaŋime ibol aŋ pezebedanekbibian.#Deut 1:17 10Nasi, ta kibiaiŋ daŋan uzi panip, ge taimon mok mon inenaziime, ŋan me kibiaiŋ daŋan pezebedanalak egin.#Mat 5:19; Gal 3:10 11Uloŋ, me i ibollak, O jait so wabi mon! me mai ibollak, O tamolpain so funip imat mon! Uloŋume, o jait so wabitap, ge tamol ufunig imatime, meginpe a kibiaiŋ pezebedanektamol.#Ekso 20:13, 14 12Au, aŋ gauai lami isouwoi, aŋ paseknen kibiaiŋ gazop bitiniaŋoi, mewoi i auan ibolime megin uzip azu ikibiaip atoz mai.#Jak 1:25 13Gazop betenaek i tamol me gazo aentawoi teŋaen so alanime iwoi mai teŋaen so alanoi; ge me i aentawoi teŋaen alanime, i betenaekoi izeznen teabe.#Mat 5:7; 18:30, 34; 25:45, 46
Ilodlon maliknen niŋon sansan nauknaukdaŋan mai
14Me aitnenge, taiggaz, tamol ta ibolmap i ilonlon malik, ge inan niŋon so inaug tenasitame. Ilonlon maliknen lasen mon i patun pasiwoi tat?#Mat 7:21; 21:29 15Timi ta, lumi ta malas funitap, pitol jabitap, 16ta ipidin, Aŋ mazozdaŋan segauz ala, ja kin tunipa, tinimi pazewoi, anaŋ anip loami didiwoi, ge ja sagau mai so pinidinime, me aitnen tat?#Joh I 3:17 17Ilonlon maliknen mai megin, inan zagunlon niŋon so isa gauaiime i se mok mon.
18Au, tata iboloi, O ilolon maliknendaŋan ubolume, me ŋa bo nauknaukdaŋan. Me ŋa ŋepaiwoi, O oina ilolon maliknen me nauknauklon so boboloanip niŋon inaup peteŋanagpa, meginpe ŋa inag nauknauklon ŋainag iloglon maliknen ŋepeteŋanowoi.#Gal 5:6 19O ilolon malikume, Anut taimon mok mon madoime ubol. Gauai! Buga sladin bo mai me ladinlon malik, ge i tinidin terere dibolge demadodime.#Mat 8:29; Mar 5:7
Ilodlon maliknen niŋon inan naolalek azugen: Abraham Rahab mai
20O tamol lase! O uloŋ gauaioi tat, ilonlon maliknen me auanlon mon ienime, i se mok mon? 21Inad mam Abraham inan ai Isak janauklon inaumeg i inan nauknauk sinanlon so tat taozlak?#Gen 22:9; 10:12 22Melon o beŋten uloŋume, inan ilonlon maliknen inan zagun gauailonge nauknauk mai betemanalak, au, inan ilonlon maliknen me nauknauklon mon tezepasilak. 23Gazek niŋon inaulak ibol, Abraham Anut ilonlon maliklak, mewoi Anut ibol Abraham i taoz, ŋan mewoi i Anut inan kadoi e mai dibol.#Jes 41:8; Gen 15:6 24Megin aŋ anasiame, tamol inan nauknauk niŋon sinanlon i Anut naonnen taoz, ilonlon maliknenlon mon tea.#Joh 8:39; Rom 4:12 25Megin mon Rahab mai, i jaitpainlakge anasi, i nauknauk gauailon so tat taoz? Ŋan me i Israel nadin fatu kibianekoi azugen kibiniag dal talak inauge dimul.#Heb 11:31; Jos 2:4, 15 26Au, megin, tinin me uz basnen teaime, i imat ien egin, megin ilonlon maliknen mai i nauknauknen niŋon teamap i get imat pasilak.#Jak 2:17
New Testament published by the British and Foreign Bible Society in 1960. Genesis published by the Australian Bible Society in 1971.