Hebrea 5
5
Jesus i idinad waliŋgaten niŋon
1Waliŋgaten me taitai tamolpain ilonlon pilianilak, i tamolpainoi i Anut mai liluŋlon madoime, anaŋlon Anut pez panip dazuklon aupasekoi mai ja inauwoi inaulak. 2I tamolai me ladin itaulak, dal depenenazidime iwoi teŋaen alan ilon pinidinnen iloŋ, i siben mai bodoklon itozimelakoi.#Heb 4:15 3Mewoilakoi i tamolpain nadin aupasekoi ja inauime egin megin siben inan aupasekoi mai ja inauwoi kibiaiŋ ibol.#Lew 9:7; 16:6 4Ta i menen siben biŋan so ŋaleime, tea, Anut i wagiime, Aron egin.#Ekso 28:1 5Megin Kristus mai waliŋgaten inauwoi biŋan so ibise, tea, i me i iŋalelak i ipai mai, O inag Ai, gazomnen e ŋa o ŋunuolak.#Kan 2:7; Apos 13:33 6Egin mai aben talon ibol, I waliŋ dedeŋaneknen, Melkisedek egin.#Heb 7; Kan 110:4 7Jesus tininlon itozmeg i tiŋialon melaun mai idumeg igod, igosigos Anut ipai, me i mateŋlon patunpasinen iloŋ. I Anut inan izutnenlon izutge madeg inan gadiŋ dab pani.#Mat 26:39–46 8I Anut Ailakge alan inaumeglon i dagom panek tezepasig iloŋ.#Fil 2:8 9I tezepasilakoi i daŋan me i dagom depanidime iwoi i patunpasek dedeŋaneknen fun,#Joh 17:1, 5 10Anut i Jesus waliŋgaten inaulak, Melkisedek egin.#Kan 110:4
Medaeŋ desazizlak
11Abaŋ ewoi azu zen aboloige flalenen muzuan, aŋ tiliŋami boklakoi. 12Aŋ gazo peteŋanek uzat anauwoige aŋ safot, ta aŋ faun mug Anut inan azu fun mok me peteŋanaŋoi. Aŋ su numuzan imiliwoi, anaŋ gegaun aninen so aloŋ.#Kor I 3:1–3 13Tata sulon madoime i azu taozlon safot mon madoime, i ai kiteklakoi.#Ef 4:14 14Ge anaŋ gegaun me gazoigaz nadin, i me Anut azu sansan dusutig ladin gazeklon abaŋ gauai salan mai dipilianinen diloŋ.#Fil 1:10; Rom 16:19
Currently Selected:
Hebrea 5: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Hebrea 5
5
Jesus i idinad waliŋgaten niŋon
1Waliŋgaten me taitai tamolpain ilonlon pilianilak, i tamolpainoi i Anut mai liluŋlon madoime, anaŋlon Anut pez panip dazuklon aupasekoi mai ja inauwoi inaulak. 2I tamolai me ladin itaulak, dal depenenazidime iwoi teŋaen alan ilon pinidinnen iloŋ, i siben mai bodoklon itozimelakoi.#Heb 4:15 3Mewoilakoi i tamolpain nadin aupasekoi ja inauime egin megin siben inan aupasekoi mai ja inauwoi kibiaiŋ ibol.#Lew 9:7; 16:6 4Ta i menen siben biŋan so ŋaleime, tea, Anut i wagiime, Aron egin.#Ekso 28:1 5Megin Kristus mai waliŋgaten inauwoi biŋan so ibise, tea, i me i iŋalelak i ipai mai, O inag Ai, gazomnen e ŋa o ŋunuolak.#Kan 2:7; Apos 13:33 6Egin mai aben talon ibol, I waliŋ dedeŋaneknen, Melkisedek egin.#Heb 7; Kan 110:4 7Jesus tininlon itozmeg i tiŋialon melaun mai idumeg igod, igosigos Anut ipai, me i mateŋlon patunpasinen iloŋ. I Anut inan izutnenlon izutge madeg inan gadiŋ dab pani.#Mat 26:39–46 8I Anut Ailakge alan inaumeglon i dagom panek tezepasig iloŋ.#Fil 2:8 9I tezepasilakoi i daŋan me i dagom depanidime iwoi i patunpasek dedeŋaneknen fun,#Joh 17:1, 5 10Anut i Jesus waliŋgaten inaulak, Melkisedek egin.#Kan 110:4
Medaeŋ desazizlak
11Abaŋ ewoi azu zen aboloige flalenen muzuan, aŋ tiliŋami boklakoi. 12Aŋ gazo peteŋanek uzat anauwoige aŋ safot, ta aŋ faun mug Anut inan azu fun mok me peteŋanaŋoi. Aŋ su numuzan imiliwoi, anaŋ gegaun aninen so aloŋ.#Kor I 3:1–3 13Tata sulon madoime i azu taozlon safot mon madoime, i ai kiteklakoi.#Ef 4:14 14Ge anaŋ gegaun me gazoigaz nadin, i me Anut azu sansan dusutig ladin gazeklon abaŋ gauai salan mai dipilianinen diloŋ.#Fil 1:10; Rom 16:19
New Testament published by the British and Foreign Bible Society in 1960. Genesis published by the Australian Bible Society in 1971.