Genesis 7
7
Fatu siz iŋale
1Ujanzen Noa ipai, O inagaz daŋan mai waglak adusa, o daz uzek elon naognen taoz utozlak me dab ŋepanilak. 2Dazuk foa tea me daŋan ilonnen iwoniwon sewen, dauai inan iwon mai uŋalpa ula. Dazuk foadaŋan mai iwoniwon, dauai inan iwon mai. 3Did paenlon ma mai dauai paiat mai, tan daŋanlon inadin fabul ienoi, so padaloi. 4Nal sewen binip ŋa ui ŋenaup tanlak ad fourti tidom fourti iduwoi. Abaŋ bas daŋan ŋa ŋenaulak me tan atenlonpa ŋegezeŋanip meladin teaboi. 5Ujanzen Noa kibiai panilak me daŋan Noa uzi pani.
6Noa umaz siks hundert madelag siz tanlak itase. 7Noa, inan ai, inan iwon, inan ai nadin iwodin mai sizlon so depadaloi mewoi waglak diduse. 8Dazuk foa tea, dazuk foadaŋan, ma funfun abaŋ tanlak depaleldimelak me daŋan, 9azuazu, dauai paiat mai, Noa mai waglak diduse, Anut kibiai panilak egin. 10Nal sewen binilag siz tanlak itase.
11Noa inan umaz siks hundertlon, fulei tu nal sewentinlon betabetlonge inan bubuaik me ditase, did inan auan mai ipas. 12Ad fourti tidom fourti ui tanlak idu. 13Nal me moklon Noa inan ai, Sem, Ham Jafet mai, Noa, inan iwon, inan ai tolgen nadin iwodin i mai waglak diduse, 14i dazuk funfun, bulmakau funfun, abaŋ tanlak depaleldimelak funfun, ma funfun daŋan mai. 15I Noa mai waglak diduse, dazuk daŋan tinidin basnen uzdaŋan menen azuazu. 16Dazuk daŋan dauai paiat maiwoi Anut i Noa ipailak egin diduse. Ujanzen i ilonnen funati.
17Siz tanlak nal fourti dezemanig ien, naz zenge wag biseg tan ibinig naz atenlak imaia. 18Naz tanlak mug zen mokge mewoi wag naz atenlak maiag itoz. 19Siz gauz isag did paenlon tanlak did ujanujan daŋan gomun dezemana. 20Naz did dezemanalak inan tenaek me niman sukusuk fiftin. 21Dazuk abaŋ tanlak ditozlak, ma, bulmakau, dazuk abaŋ kinkin tanlak depaleldime dizoudime mai, tamol daŋan mai depadal. 22Abaŋ daŋan tan kazaklon demadelak, i widinlon basnen uz deŋaledimelak me daŋan dimat. 23Anut i abaŋ bas daŋan tanlak demadelak me daŋan pitiŋina, tamol, dazuk abaŋ depaleldimelak, did paenlon ma mai tanlak fefazalak. Noa siben mon made, aenta i maig waglon demadelak me mon mai. 24Naz megin tanlak ienmeg nal won hundert fifti.
Currently Selected:
Genesis 7: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 7
7
Fatu siz iŋale
1Ujanzen Noa ipai, O inagaz daŋan mai waglak adusa, o daz uzek elon naognen taoz utozlak me dab ŋepanilak. 2Dazuk foa tea me daŋan ilonnen iwoniwon sewen, dauai inan iwon mai uŋalpa ula. Dazuk foadaŋan mai iwoniwon, dauai inan iwon mai. 3Did paenlon ma mai dauai paiat mai, tan daŋanlon inadin fabul ienoi, so padaloi. 4Nal sewen binip ŋa ui ŋenaup tanlak ad fourti tidom fourti iduwoi. Abaŋ bas daŋan ŋa ŋenaulak me tan atenlonpa ŋegezeŋanip meladin teaboi. 5Ujanzen Noa kibiai panilak me daŋan Noa uzi pani.
6Noa umaz siks hundert madelag siz tanlak itase. 7Noa, inan ai, inan iwon, inan ai nadin iwodin mai sizlon so depadaloi mewoi waglak diduse. 8Dazuk foa tea, dazuk foadaŋan, ma funfun abaŋ tanlak depaleldimelak me daŋan, 9azuazu, dauai paiat mai, Noa mai waglak diduse, Anut kibiai panilak egin. 10Nal sewen binilag siz tanlak itase.
11Noa inan umaz siks hundertlon, fulei tu nal sewentinlon betabetlonge inan bubuaik me ditase, did inan auan mai ipas. 12Ad fourti tidom fourti ui tanlak idu. 13Nal me moklon Noa inan ai, Sem, Ham Jafet mai, Noa, inan iwon, inan ai tolgen nadin iwodin i mai waglak diduse, 14i dazuk funfun, bulmakau funfun, abaŋ tanlak depaleldimelak funfun, ma funfun daŋan mai. 15I Noa mai waglak diduse, dazuk daŋan tinidin basnen uzdaŋan menen azuazu. 16Dazuk daŋan dauai paiat maiwoi Anut i Noa ipailak egin diduse. Ujanzen i ilonnen funati.
17Siz tanlak nal fourti dezemanig ien, naz zenge wag biseg tan ibinig naz atenlak imaia. 18Naz tanlak mug zen mokge mewoi wag naz atenlak maiag itoz. 19Siz gauz isag did paenlon tanlak did ujanujan daŋan gomun dezemana. 20Naz did dezemanalak inan tenaek me niman sukusuk fiftin. 21Dazuk abaŋ tanlak ditozlak, ma, bulmakau, dazuk abaŋ kinkin tanlak depaleldime dizoudime mai, tamol daŋan mai depadal. 22Abaŋ daŋan tan kazaklon demadelak, i widinlon basnen uz deŋaledimelak me daŋan dimat. 23Anut i abaŋ bas daŋan tanlak demadelak me daŋan pitiŋina, tamol, dazuk abaŋ depaleldimelak, did paenlon ma mai tanlak fefazalak. Noa siben mon made, aenta i maig waglon demadelak me mon mai. 24Naz megin tanlak ienmeg nal won hundert fifti.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.