Genesis 50
50
1Meginge Josef inan taman fonlak ibal idug naon dadeg ita, musuk mai pani. 2Josef inan begabeg sesanun kibinekkamaŋ kibiai pinidinge i taman inan sesanun dikibinewoi. Meginge kibinekkamaŋ i Israel inan tinin dikibine. 3I nal fourti menen uzat denau, nal megin sesanun kibineknen iduse. Egiptagaz i iwoi nal sewenti dita.
4Iwoi tiŋia inan saen binilag Josef i Farao inan badimgaz ipidin, ibol, Ŋa aŋ melamilon kanim ŋeŋaletap ŋa ŋogodoanaŋ, aŋ Farao apaip abol, 5Mam i seseŋanagge malik ŋepailak, ibol, Ŋa ŋamatoi sisiz; fedafod ŋa sibegoi ilon ŋepasilak Kanaan fatulon melak noagoi. Mewoilakoi ŋa ŋogodoano, binagpa ŋalap, inag mam ŋenauwoi. Meginpa ŋa ŋamuloi. 6Farao auan jabig ibol, Ula, oina tama unau, i seseŋanog o stemanek azulon malik upailak egin. 7Meginge Josef inan taman inauwoi ile; Farao inan begabeg daŋan mai dile, inan abbadim inan matugaz, Egipta fatu inan matugaz daŋan maig dile, 8Josef inan badimgaz, inan taingaz, taman inan badimgaz mai. Nunudingaz mon belelek pifoldaŋan bulmakau malandaŋan me mon Gosen fatulon dibin. 9Tamol bobo horsdaŋan mai i maig dile, tamolai malan ujan mok. 10I Atad inan baza paseknen aten Jordan west baŋenlon ditaseg i melak sagaik ujanlon desagai; Josef i inan tamanoi nal sewen tiŋia idu. 11Fatu me inan mezaungaz, Kanaanwain Atad inan baza niŋon paseknen atenlon tiŋia me dab depanig i dibol, Me Egiptawainoi tiŋia ujan mok. Mewoi aben me Abel‐misraim deblani; me Jordan west baŋenlon ienime. 12Megin Jakob inan ai i kibiai pinidinlak egin, megin i denau. 13Inan ai Kanaan fatulon dejoazeg dileg um inan gogoŋlon Mak‐pelanen denau. Me Mamre ist baŋenlon. Abraham me um mai Efron Hittitwain mai inangaz inaunen fun madowoi idadlak. 14I inan taman inaulakge Josef, inan taingaz, aenta mai i taman denauwoi maig dilelak me mai Egiptanen dimul.
Josef inan taingaz azu dagom pidin
15Josef inan taingaz temadin imatlakoi ladin kankanmeg i dibol, Josef i mugunadoi tat, abaŋ alan id iwoi tenaulak me daŋanoi naon panadoi tat. 16Mewoi i totol ta Josef izinnen denaug, ibol, Oina tama so imatmeg kibiai megin inaulak, 17Josef megin apai, Oina taigaz nadin zegaik aupasek mai, i o dunuo alanlakoi me pasi pinidin. Gazo am o godoano, oina tama inan Anut inan begabeg nadin zegaik me pasi pinidin. I Josef depaimeg i ita. 18Inan taingaz diseg i naonnen dibal didug dibol, Nasi, am oina begabeg. 19Ge Josef ipidin, So azez mon, ŋa Anut abenlon ŋemadoŋame? 20Aŋ bo noag alanoi anau; ge Anut i abaŋ inau gauai, tamolpain kuzum pitollon so depadaloi, tea, gazo bas ailame egin, mewoi inau. 21Mewoi aŋ so azez mon; ŋa aŋ, nami aikamo mai anaŋ abaŋ ŋepanaŋoi. Megin i stemanag ladin ŋale mai.
Josef imat
22Megin Josef, inan taman inan abbadimgaz mai Egiptanen demade. Josef i umaz won hundert ten imade. 23Josef i Efraim nanun daz uzek tollon il. Makir, Manasse inan ai inan nanun me Josef inan galinlak mai inau. 24Josef inan taingaz pidin, Ŋa ŋamatoi sisiz; ge Anut ziminen isowoi, fatu elonpa duzaŋpa fatu me i Abraham, Isak Jakob mai stemanek azulon malik e ibolge blani pinidinlak melon inoaŋoi. 25Meginge Josef Israel nanunai auadinlon stemanek azuoi ibol, Anut ziminen isop aŋ ŋainag dog elakpa abezaup alawoi. 26Meginge Josef imat, i umaz won hundert ten madelak. I sesanun dikibineg Egiptanen kunuplon denau.
Currently Selected:
Genesis 50: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 50
50
1Meginge Josef inan taman fonlak ibal idug naon dadeg ita, musuk mai pani. 2Josef inan begabeg sesanun kibinekkamaŋ kibiai pinidinge i taman inan sesanun dikibinewoi. Meginge kibinekkamaŋ i Israel inan tinin dikibine. 3I nal fourti menen uzat denau, nal megin sesanun kibineknen iduse. Egiptagaz i iwoi nal sewenti dita.
4Iwoi tiŋia inan saen binilag Josef i Farao inan badimgaz ipidin, ibol, Ŋa aŋ melamilon kanim ŋeŋaletap ŋa ŋogodoanaŋ, aŋ Farao apaip abol, 5Mam i seseŋanagge malik ŋepailak, ibol, Ŋa ŋamatoi sisiz; fedafod ŋa sibegoi ilon ŋepasilak Kanaan fatulon melak noagoi. Mewoilakoi ŋa ŋogodoano, binagpa ŋalap, inag mam ŋenauwoi. Meginpa ŋa ŋamuloi. 6Farao auan jabig ibol, Ula, oina tama unau, i seseŋanog o stemanek azulon malik upailak egin. 7Meginge Josef inan taman inauwoi ile; Farao inan begabeg daŋan mai dile, inan abbadim inan matugaz, Egipta fatu inan matugaz daŋan maig dile, 8Josef inan badimgaz, inan taingaz, taman inan badimgaz mai. Nunudingaz mon belelek pifoldaŋan bulmakau malandaŋan me mon Gosen fatulon dibin. 9Tamol bobo horsdaŋan mai i maig dile, tamolai malan ujan mok. 10I Atad inan baza paseknen aten Jordan west baŋenlon ditaseg i melak sagaik ujanlon desagai; Josef i inan tamanoi nal sewen tiŋia idu. 11Fatu me inan mezaungaz, Kanaanwain Atad inan baza niŋon paseknen atenlon tiŋia me dab depanig i dibol, Me Egiptawainoi tiŋia ujan mok. Mewoi aben me Abel‐misraim deblani; me Jordan west baŋenlon ienime. 12Megin Jakob inan ai i kibiai pinidinlak egin, megin i denau. 13Inan ai Kanaan fatulon dejoazeg dileg um inan gogoŋlon Mak‐pelanen denau. Me Mamre ist baŋenlon. Abraham me um mai Efron Hittitwain mai inangaz inaunen fun madowoi idadlak. 14I inan taman inaulakge Josef, inan taingaz, aenta mai i taman denauwoi maig dilelak me mai Egiptanen dimul.
Josef inan taingaz azu dagom pidin
15Josef inan taingaz temadin imatlakoi ladin kankanmeg i dibol, Josef i mugunadoi tat, abaŋ alan id iwoi tenaulak me daŋanoi naon panadoi tat. 16Mewoi i totol ta Josef izinnen denaug, ibol, Oina tama so imatmeg kibiai megin inaulak, 17Josef megin apai, Oina taigaz nadin zegaik aupasek mai, i o dunuo alanlakoi me pasi pinidin. Gazo am o godoano, oina tama inan Anut inan begabeg nadin zegaik me pasi pinidin. I Josef depaimeg i ita. 18Inan taingaz diseg i naonnen dibal didug dibol, Nasi, am oina begabeg. 19Ge Josef ipidin, So azez mon, ŋa Anut abenlon ŋemadoŋame? 20Aŋ bo noag alanoi anau; ge Anut i abaŋ inau gauai, tamolpain kuzum pitollon so depadaloi, tea, gazo bas ailame egin, mewoi inau. 21Mewoi aŋ so azez mon; ŋa aŋ, nami aikamo mai anaŋ abaŋ ŋepanaŋoi. Megin i stemanag ladin ŋale mai.
Josef imat
22Megin Josef, inan taman inan abbadimgaz mai Egiptanen demade. Josef i umaz won hundert ten imade. 23Josef i Efraim nanun daz uzek tollon il. Makir, Manasse inan ai inan nanun me Josef inan galinlak mai inau. 24Josef inan taingaz pidin, Ŋa ŋamatoi sisiz; ge Anut ziminen isowoi, fatu elonpa duzaŋpa fatu me i Abraham, Isak Jakob mai stemanek azulon malik e ibolge blani pinidinlak melon inoaŋoi. 25Meginge Josef Israel nanunai auadinlon stemanek azuoi ibol, Anut ziminen isop aŋ ŋainag dog elakpa abezaup alawoi. 26Meginge Josef imat, i umaz won hundert ten madelak. I sesanun dikibineg Egiptanen kunuplon denau.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.