Genesis 18
18
Isak itasanen blani panek
1Abraham i Mamre inan terebint#18:1 ja ta izinnen ad liluŋge wonananlakoi inan tazas dabinlon matalmeg Ujanzen i izinnen itase. 2Abraham malan ileg il; nasi, tamol tolgen i naonnen ditiuz. I ilge i tazas inan dalauanlonge i mai naon tazetazewoi palug ile. I tanlak takokge, 3ibol, Ŋainag Ujazen, o so meselanagtap oina begabeg so nenazip ule mon. 4Naz kin deŋalep disop niemi flanip ja paenlon jaeŋ kin aŋalemap, 5ŋa sepalaŋ kin ŋeŋalep ŋasop aŋ anip lami gauaipaged alawoi, aŋ nami begabeg izinnen aselakoi. Meginge i dibol, O ubollak egin unau. 6Abraham i pasak tazaslon Sara izinnen idug ibol, Pasak kau jasi tolpa ŋale wabip geteŋani. 7Abraham bulmakau zidinnen palug ileg nanun faun itub gauailak ta ŋaleg inan begabeg pani. I ŋaleg pasak isaeg inai. 8Uzig Abraham i su numuzan digallak su numuzan mai, bulmakau nanun i inailak me mai bezaug noadinnen inau. I anaŋ dianimeg Abraham i zidinnen ja paenlon itiuz.
9I depai, Oina iwo Sara domten? I ibol, I tazaslon madoime. 10I ibol, Paeksaenlonpa ŋa malik o izinen ŋamulmap Sara i ai duzip madowoi. Sara i Ujanzen muzinnen tazas dalauan dabinlon itiuzmeg azu me dab ipani. 11Abraham Sara mai i mug dinou, nadin umaz kin kuzum. Sara mug pain faun egin so itozime. 12Mewoi Sara ilonlon di isaeg ibol, Ŋa dinou ŋenaug, ŋainag iwog mai mug dinou inaug i mai ai anauwoi tat? 13Ujanzen Abraham sedaze, Dodinge Sara di iwag ibol, Ŋa malik dinou ŋenaumeg ai ta ŋuduziwoi? 14Ujanzen abaŋ tata inaunen so iloŋ tatge? Saen ŋabollak paeksaenlon ŋa o izinen ŋamulpa Sara ai duzip madowoi. 15Ge Sara kakez, ibol, Ŋa di so ŋawa. I ibol, Tea, o diuwalak.
Abraham Sodomoi igod
16Meginge tamol me dimaisge Sodom salo noadin denaug dile. Abraham i dallak inauwoi maig dile. 17Ujanzen ibol, Ŋa ŋenauwoi ŋenauŋame me dodinpa Abraham naonnen ŋimiŋianiwoi, 18Abraham i malik fatubadim ujan zagundaŋan mai inauwoi, i‐lon sebadin mai baz deŋalewoilakoi, dodinpa i so ŋepaiwoi? 19Tea, ŋa i ŋipilianilak, i inan nanungaz, inan abbadimgaz mai peteŋanawoi; taoz niŋonlon, kagin tiduklon mai Ujanzen inan dallak ditozoi, meginpe Ujanzen Abraham blani panilak me malik paninen iloŋ. 20Meginge Ujanzen ibol, Sodom Gomorra mai nadin liŋan ujan mok, nadin aupasek me salan moklakoi. 21Ŋa ŋadup ŋaloŋoi liŋan izignen itaselak me malik denau tat, teatap ŋa ŋaloŋoi.
22Meginge tamol menge defeanig Sodom salo dile; ge Abraham Ujanzen naonnen itiuzge made. 23Meginge Abraham izinnen ileg ibol, O malik tamol taoz salanbibian mai ufuwoi? 24Se taboloi, tamol taoz fifti panu ilonnen demadodimetap iwoi o panu me nadin aupasek so toani iduwoi tat? 25Teabe, o megin so unauume, taozgaz salanbibiangaz mai so ufuwoi, megintap taozlak i salanbibian eginoi. O megin unaunen teabe. Tan daŋan inan betenaekkamaŋ i kagin tiduk so inauwoi? 26Ujanzen ibol, Tea, ŋa Sodom tamol taoz fifti ŋailtap ŋa iwoi panu so ŋipitiŋiniwoi. 27Abraham auan jabig ibol, Uloŋ, ŋa tinig ŋeŋaleg ŋasou ŋataseg Ujanzen azu ŋepaiŋame, me ŋa tenatan sagaf egin mon. 28Se ŋabol, tamol taoz fifti menen faif teap, o panu me faif tealak iwoi daŋan ufuwoi? I ibol, Ŋa melak fourti‐faif ŋailtap ŋa so ŋafuwoi. 29Faunte i ipai, Se ŋabol, fourti demadetap. I auan jabig ibol, Fourtiwoi ŋa so ŋenauwoi. 30Meginge Abraham ibol, O Ujazen, buzu so isa mon, ŋa faunte ŋaboloi. Se ŋabol, tirti demadetap iwoi dodin? I auan jabig ibol, Ŋa tirti ŋailtap ŋa so ŋenauwoi. 31I ibol, Uloŋ, ŋa tinig ŋeŋaleg ŋasou ŋataseg Ujanzen azu ŋepaiŋame. Se ŋabol, twenti demadetap iwoi dodin? I auan jabig ibol, Twentiwoi ŋa so ŋipitiŋinawoi. 32Meginge i ibol, Ujazen, buzu so isa mon, ŋa taimon e mon ŋaboloi. Se ŋabol, ten mon demadetap iwoi dodin? I auan jabig ibol, Tenoi ŋa so ŋipitiŋinawoi. 33Ujanzen Abraham mai dikibiai binig i inan dal uzig ilemeg Abraham mai inannen ile.
Currently Selected:
Genesis 18: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 18
18
Isak itasanen blani panek
1Abraham i Mamre inan terebint#18:1 ja ta izinnen ad liluŋge wonananlakoi inan tazas dabinlon matalmeg Ujanzen i izinnen itase. 2Abraham malan ileg il; nasi, tamol tolgen i naonnen ditiuz. I ilge i tazas inan dalauanlonge i mai naon tazetazewoi palug ile. I tanlak takokge, 3ibol, Ŋainag Ujazen, o so meselanagtap oina begabeg so nenazip ule mon. 4Naz kin deŋalep disop niemi flanip ja paenlon jaeŋ kin aŋalemap, 5ŋa sepalaŋ kin ŋeŋalep ŋasop aŋ anip lami gauaipaged alawoi, aŋ nami begabeg izinnen aselakoi. Meginge i dibol, O ubollak egin unau. 6Abraham i pasak tazaslon Sara izinnen idug ibol, Pasak kau jasi tolpa ŋale wabip geteŋani. 7Abraham bulmakau zidinnen palug ileg nanun faun itub gauailak ta ŋaleg inan begabeg pani. I ŋaleg pasak isaeg inai. 8Uzig Abraham i su numuzan digallak su numuzan mai, bulmakau nanun i inailak me mai bezaug noadinnen inau. I anaŋ dianimeg Abraham i zidinnen ja paenlon itiuz.
9I depai, Oina iwo Sara domten? I ibol, I tazaslon madoime. 10I ibol, Paeksaenlonpa ŋa malik o izinen ŋamulmap Sara i ai duzip madowoi. Sara i Ujanzen muzinnen tazas dalauan dabinlon itiuzmeg azu me dab ipani. 11Abraham Sara mai i mug dinou, nadin umaz kin kuzum. Sara mug pain faun egin so itozime. 12Mewoi Sara ilonlon di isaeg ibol, Ŋa dinou ŋenaug, ŋainag iwog mai mug dinou inaug i mai ai anauwoi tat? 13Ujanzen Abraham sedaze, Dodinge Sara di iwag ibol, Ŋa malik dinou ŋenaumeg ai ta ŋuduziwoi? 14Ujanzen abaŋ tata inaunen so iloŋ tatge? Saen ŋabollak paeksaenlon ŋa o izinen ŋamulpa Sara ai duzip madowoi. 15Ge Sara kakez, ibol, Ŋa di so ŋawa. I ibol, Tea, o diuwalak.
Abraham Sodomoi igod
16Meginge tamol me dimaisge Sodom salo noadin denaug dile. Abraham i dallak inauwoi maig dile. 17Ujanzen ibol, Ŋa ŋenauwoi ŋenauŋame me dodinpa Abraham naonnen ŋimiŋianiwoi, 18Abraham i malik fatubadim ujan zagundaŋan mai inauwoi, i‐lon sebadin mai baz deŋalewoilakoi, dodinpa i so ŋepaiwoi? 19Tea, ŋa i ŋipilianilak, i inan nanungaz, inan abbadimgaz mai peteŋanawoi; taoz niŋonlon, kagin tiduklon mai Ujanzen inan dallak ditozoi, meginpe Ujanzen Abraham blani panilak me malik paninen iloŋ. 20Meginge Ujanzen ibol, Sodom Gomorra mai nadin liŋan ujan mok, nadin aupasek me salan moklakoi. 21Ŋa ŋadup ŋaloŋoi liŋan izignen itaselak me malik denau tat, teatap ŋa ŋaloŋoi.
22Meginge tamol menge defeanig Sodom salo dile; ge Abraham Ujanzen naonnen itiuzge made. 23Meginge Abraham izinnen ileg ibol, O malik tamol taoz salanbibian mai ufuwoi? 24Se taboloi, tamol taoz fifti panu ilonnen demadodimetap iwoi o panu me nadin aupasek so toani iduwoi tat? 25Teabe, o megin so unauume, taozgaz salanbibiangaz mai so ufuwoi, megintap taozlak i salanbibian eginoi. O megin unaunen teabe. Tan daŋan inan betenaekkamaŋ i kagin tiduk so inauwoi? 26Ujanzen ibol, Tea, ŋa Sodom tamol taoz fifti ŋailtap ŋa iwoi panu so ŋipitiŋiniwoi. 27Abraham auan jabig ibol, Uloŋ, ŋa tinig ŋeŋaleg ŋasou ŋataseg Ujanzen azu ŋepaiŋame, me ŋa tenatan sagaf egin mon. 28Se ŋabol, tamol taoz fifti menen faif teap, o panu me faif tealak iwoi daŋan ufuwoi? I ibol, Ŋa melak fourti‐faif ŋailtap ŋa so ŋafuwoi. 29Faunte i ipai, Se ŋabol, fourti demadetap. I auan jabig ibol, Fourtiwoi ŋa so ŋenauwoi. 30Meginge Abraham ibol, O Ujazen, buzu so isa mon, ŋa faunte ŋaboloi. Se ŋabol, tirti demadetap iwoi dodin? I auan jabig ibol, Ŋa tirti ŋailtap ŋa so ŋenauwoi. 31I ibol, Uloŋ, ŋa tinig ŋeŋaleg ŋasou ŋataseg Ujanzen azu ŋepaiŋame. Se ŋabol, twenti demadetap iwoi dodin? I auan jabig ibol, Twentiwoi ŋa so ŋipitiŋinawoi. 32Meginge i ibol, Ujazen, buzu so isa mon, ŋa taimon e mon ŋaboloi. Se ŋabol, ten mon demadetap iwoi dodin? I auan jabig ibol, Tenoi ŋa so ŋipitiŋinawoi. 33Ujanzen Abraham mai dikibiai binig i inan dal uzig ilemeg Abraham mai inannen ile.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.