Genesis 1
1
Abaŋ daŋan inan fun, tamol inan fun mai
1Funlon Anut did tan mai inaulak. 2Tan so kibine, se mok ien, betabet malan me mafuz pani. Anut inan Uz me naz fodin mon sololoanig itoz.
3Anut ibol, Fatu sesali inau; ibollak egin uzig ien. 4Sesali gauaige Anut inasi. Anut sesali iben inau, mafuz iben inau. 5Sesali mewoi Anut Ad ibol, mafuz mewoi Bo ibol. Nal wonlon juza bomon mai megin.
6Anut ibol, Naz liluŋlon geg inauwoi, naz latnen naz tanlak mai tezepalep ibeniben inauwoi. 7Anut i loanek inau, naz geg paenlon me naz geg fonnen tezepaleg ibennen inau. Meginge megin ien. 8Anut loanekoi Did ibol. Nal tulon juza bomon mai megin.
9Anut ibol, Did paenlon naz aben siben inau, tan kazak itasaŋan. Ibollak egin uzig ien. 10Anut kazak mewoi Tan ibol, naz temaneklak mewoi Mas ibol. Anut inasilak me gauai. 11Anut ibol, Tan ifuzpa abaŋabaŋ ditasa, biab fabuldaŋan, ifumelaun niŋon fabuldaŋan funfun tanlak difuŋan. Meginge megin dien. 12Tan ifuzge biab fabul ibenibendaŋan ifumelaun fabuldaŋan sebadin fudin duzig difu. Anut inasilak me gauai. 13Nal trilon juza bomon mai megin.
14Anut ibol, Did inan loaneklon abaŋ delelamannen inaup dienoi, ad bo mai tezepalep ibeniben dienoi, me bagoznen, saennen, nalnen umaznen mai. 15I me did inan loaneklon sul denaup tanlak delelamanoi. Meginge megin inau. 16Anut sul ujan azugen inau, ujanzen me adnen, kin ujan me bonen. Patui daŋan mai inau. 17Anut me tan lelaman paniwoi did inan loaneklon inau, 18ad bo mai tizinawoi, lelaman mafuz mai tezepalewoi. Me gauaige Anut inasi. 19Nal fourlon juza bomon mai megin.
20Anut ibol, Abaŋabaŋ maslon nazlon debelamai mon depasiwoi, did paenlon tanlak ma dizouwoi. 21Meginge Anut maslon abaŋ ujan fizia, abaŋ bas funfun maslon debelamaidimelak me inau, ma funfun daŋan mai. 22Anut inasilak me gauai. Anut baz pinidinge ibol, Aŋ fabuldaŋan atozmap mas fuamoi, tanlak ma kuzumoi. 23Nal faiflon juza bomon mai megin.
24Anut ibol, Tanlak abaŋ funfun inaup ditasawoi, bulmakau, abaŋ depaleldime, tan inan dazuk funfun mai. Meginge megin dien. 25Anut tan inan dazuk funfun, bulmakau funfun mai, abaŋ depaleldimelak funfun mai inau. Anut inasilak me gauai.
26Meginge Anut ibol, Id walislon tamol tenauwoi, id kiliad. I ij maslon, ma did paenlon, bulmakau, abaŋ daŋan tanlak depaleldime me daŋan getadin denaup demadowoi. 27Meginge Anut siben walislon tamol inau, i Anut walislon siben kilian inau. Tamol pain mai inaulak. 28Anut baz pinidinge ibol, Aŋ fabuldaŋan atozmap fatufatu fuampa itizinip fun amado. Ij maslon, ma did paenlon, abaŋ bas tanlak demadodime me daŋanoi gaten anaup amadowoi. 29Anut ibol, Anasi, ŋa biab fabul patundaŋan tan daŋanlon diendime me ŋepanaŋlak, ja inan patun fabuldaŋan me nami anaŋnen aŋalewoi. 30Dazuk daŋan tanlak, did paenlon ma daŋan, abaŋ tanlak depaleldime me daŋan, abaŋ daŋan me uz basdaŋan me ŋa biab basdaŋan anaŋnen ŋipinidinlak. Meginge megin dien. 31Anut abaŋabaŋ inaulak me daŋan liŋialag gauai mok me iloŋ. Nal sikslon juza bomon mai megin.
Currently Selected:
Genesis 1: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 1
1
Abaŋ daŋan inan fun, tamol inan fun mai
1Funlon Anut did tan mai inaulak. 2Tan so kibine, se mok ien, betabet malan me mafuz pani. Anut inan Uz me naz fodin mon sololoanig itoz.
3Anut ibol, Fatu sesali inau; ibollak egin uzig ien. 4Sesali gauaige Anut inasi. Anut sesali iben inau, mafuz iben inau. 5Sesali mewoi Anut Ad ibol, mafuz mewoi Bo ibol. Nal wonlon juza bomon mai megin.
6Anut ibol, Naz liluŋlon geg inauwoi, naz latnen naz tanlak mai tezepalep ibeniben inauwoi. 7Anut i loanek inau, naz geg paenlon me naz geg fonnen tezepaleg ibennen inau. Meginge megin ien. 8Anut loanekoi Did ibol. Nal tulon juza bomon mai megin.
9Anut ibol, Did paenlon naz aben siben inau, tan kazak itasaŋan. Ibollak egin uzig ien. 10Anut kazak mewoi Tan ibol, naz temaneklak mewoi Mas ibol. Anut inasilak me gauai. 11Anut ibol, Tan ifuzpa abaŋabaŋ ditasa, biab fabuldaŋan, ifumelaun niŋon fabuldaŋan funfun tanlak difuŋan. Meginge megin dien. 12Tan ifuzge biab fabul ibenibendaŋan ifumelaun fabuldaŋan sebadin fudin duzig difu. Anut inasilak me gauai. 13Nal trilon juza bomon mai megin.
14Anut ibol, Did inan loaneklon abaŋ delelamannen inaup dienoi, ad bo mai tezepalep ibeniben dienoi, me bagoznen, saennen, nalnen umaznen mai. 15I me did inan loaneklon sul denaup tanlak delelamanoi. Meginge megin inau. 16Anut sul ujan azugen inau, ujanzen me adnen, kin ujan me bonen. Patui daŋan mai inau. 17Anut me tan lelaman paniwoi did inan loaneklon inau, 18ad bo mai tizinawoi, lelaman mafuz mai tezepalewoi. Me gauaige Anut inasi. 19Nal fourlon juza bomon mai megin.
20Anut ibol, Abaŋabaŋ maslon nazlon debelamai mon depasiwoi, did paenlon tanlak ma dizouwoi. 21Meginge Anut maslon abaŋ ujan fizia, abaŋ bas funfun maslon debelamaidimelak me inau, ma funfun daŋan mai. 22Anut inasilak me gauai. Anut baz pinidinge ibol, Aŋ fabuldaŋan atozmap mas fuamoi, tanlak ma kuzumoi. 23Nal faiflon juza bomon mai megin.
24Anut ibol, Tanlak abaŋ funfun inaup ditasawoi, bulmakau, abaŋ depaleldime, tan inan dazuk funfun mai. Meginge megin dien. 25Anut tan inan dazuk funfun, bulmakau funfun mai, abaŋ depaleldimelak funfun mai inau. Anut inasilak me gauai.
26Meginge Anut ibol, Id walislon tamol tenauwoi, id kiliad. I ij maslon, ma did paenlon, bulmakau, abaŋ daŋan tanlak depaleldime me daŋan getadin denaup demadowoi. 27Meginge Anut siben walislon tamol inau, i Anut walislon siben kilian inau. Tamol pain mai inaulak. 28Anut baz pinidinge ibol, Aŋ fabuldaŋan atozmap fatufatu fuampa itizinip fun amado. Ij maslon, ma did paenlon, abaŋ bas tanlak demadodime me daŋanoi gaten anaup amadowoi. 29Anut ibol, Anasi, ŋa biab fabul patundaŋan tan daŋanlon diendime me ŋepanaŋlak, ja inan patun fabuldaŋan me nami anaŋnen aŋalewoi. 30Dazuk daŋan tanlak, did paenlon ma daŋan, abaŋ tanlak depaleldime me daŋan, abaŋ daŋan me uz basdaŋan me ŋa biab basdaŋan anaŋnen ŋipinidinlak. Meginge megin dien. 31Anut abaŋabaŋ inaulak me daŋan liŋialag gauai mok me iloŋ. Nal sikslon juza bomon mai megin.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.