Efesus 6
6
Aikamo nadin azu
1Aikamo, Ujanzenlon nami tinami temami dagom ipinidin, kagin me taozlak.#Kol 3:20 2Ina tinatama zidinnen dagom naup mado, me kibiaiŋ malan blani panekdaŋan.#Ekso 20:12 3Meginpe o saen melaen tanlak gauai madowoi.#Deut 5:16 4Aŋ temadingaz, nami nunumi buzudin isanen so pinidin mon, tea, Ujanzen inan bebaneklon peteŋaneklon mai adauzi.#Kol 3:21; Met 19:18; Deut 6:7, 20–25; Kan 78:4
Begabeggaz nadin azu
5Begabeggaz, aŋ nami tamolujan tanlak me dagom ipinidin, azutmap tinimi terere ibolmap mai, bubumi azuazulon tea, Kristusoi anauame egin.#Kol 3:22–25; Tit 2:9, 10; Pet I 2:18 6Malabiablon, tamol gamun funinen mewoi tea, tea, Kristus inan begabeg egin bubendaŋanlon Anut auan uzi paniime. 7Ilon gauaige Ujanzenoi inauime egin biabi uzat inauime, tamoloi mon egin tea. 8Me aloŋ, tata i abaŋte tat gauai inauime me i Ujanzenlon megin mon iŋalewoi, i begabeg tat, siben naon tat.#Kor II 5:10
Ujangaz nadin azu
9Aŋ ujamigaz, aŋ iwoi megin mon anau, zezaua panek ibini. Aloŋ mai, ŋan inadin Ujanzen aŋnami mai me didlon madoime, i tamolujan tat mitin tat me dab so paniime.#Kol 4:1; Sai II 19:7; Apos 10:24
Wagaigaz so tailtame idoi fenafunge ditozdime
10Wadanlonpa, Ujanzenlon, inan tiwon inan zagunlon gugumip amado.#Kor I 16:13; Joh I 2:14 11Anut inan judazuk daŋan unulap, megin aŋ Satan inan sewozaik bitinen aloŋoi.#Kor II 10:4 12Id daz tinid mai mon so tazoitamelak, tea, kibiaipanekgaz, gatennaukgaz, tidom tukan e inan ujanujangaz, buga sladin daupdaŋan did abedinlon me mai.#Ef 2:2; Joh 14:30
Krisgaz judazuk diabpa ditozoi
13Mewoilakoi aŋ Anut inan judazuk daŋan aŋal, meginpe aŋ nal salanlon segatip amadowoi, segataŋnenoi abaŋ daŋan anaumap. 14Mewoi atiuz, nami telami malik niŋonlon bubuti, taoz inan jusino unula.#Luk 12:35; Pet I 1:13; Tes I 5:8 15Nami niemilon mazoz inan totol gamun inan dazuk adizla. 16Abaŋ e daŋanlon malan lamilon maliknen gubiz aŋalep abi, melon aŋ salantaman inan tu balen daŋan sufuninen aloŋoi.#Pet I 5:9; Joh I 5:4 17Putumipaseknen kitikat aŋale, Uzgun inan sebuzi mai me Anut inan azu.#Tes I 5:8 18Gadiŋ daŋan godoanek mailon saen daŋan Uzgunlon agodpe. Mewoi sededeŋanip amazazpa gungaz daŋanoi godoanek anau.#Mat 26:41 19Ŋawoi mai agodoanipe, auag sepanek ipanagpa totol gamun toanig ienlak me sililip ŋaboloi.#Kol 4:3; Tes II 3:1; Apos 4:29 20Azu mewoi ŋa totol ŋuzaŋuzdaŋan ŋemadoŋame me sililip idusap ŋaboloi.#Kor II 5:20
Wadan funatek
21Ŋa dodin ŋemadoŋame, abaŋte ŋenauŋame me mai aloŋoilakoi Tikikus, taig gadon, Ujanzenlon dinek malik i azu daŋan sai panaŋoi.#Apos 20:4; Tim II 4:12 22I mewoi mok ŋenaug ziminen ile, aŋ am‐oi aloŋoi, i lami mai ŋalewoi.#Kol 4:7, 8
23Timagaz, Mam Anut, Ujanzen Jesus Kristuslon mai mazozdaŋan, ilopanek ilonlon maliknenlon mai demado. 24Me i idinad Ujanzen Jesus Kristus sededeŋanip ladin depanidime i daŋan kanimdaŋan demadowoi.#Pet I 1:8
Currently Selected:
Efesus 6: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Efesus 6
6
Aikamo nadin azu
1Aikamo, Ujanzenlon nami tinami temami dagom ipinidin, kagin me taozlak.#Kol 3:20 2Ina tinatama zidinnen dagom naup mado, me kibiaiŋ malan blani panekdaŋan.#Ekso 20:12 3Meginpe o saen melaen tanlak gauai madowoi.#Deut 5:16 4Aŋ temadingaz, nami nunumi buzudin isanen so pinidin mon, tea, Ujanzen inan bebaneklon peteŋaneklon mai adauzi.#Kol 3:21; Met 19:18; Deut 6:7, 20–25; Kan 78:4
Begabeggaz nadin azu
5Begabeggaz, aŋ nami tamolujan tanlak me dagom ipinidin, azutmap tinimi terere ibolmap mai, bubumi azuazulon tea, Kristusoi anauame egin.#Kol 3:22–25; Tit 2:9, 10; Pet I 2:18 6Malabiablon, tamol gamun funinen mewoi tea, tea, Kristus inan begabeg egin bubendaŋanlon Anut auan uzi paniime. 7Ilon gauaige Ujanzenoi inauime egin biabi uzat inauime, tamoloi mon egin tea. 8Me aloŋ, tata i abaŋte tat gauai inauime me i Ujanzenlon megin mon iŋalewoi, i begabeg tat, siben naon tat.#Kor II 5:10
Ujangaz nadin azu
9Aŋ ujamigaz, aŋ iwoi megin mon anau, zezaua panek ibini. Aloŋ mai, ŋan inadin Ujanzen aŋnami mai me didlon madoime, i tamolujan tat mitin tat me dab so paniime.#Kol 4:1; Sai II 19:7; Apos 10:24
Wagaigaz so tailtame idoi fenafunge ditozdime
10Wadanlonpa, Ujanzenlon, inan tiwon inan zagunlon gugumip amado.#Kor I 16:13; Joh I 2:14 11Anut inan judazuk daŋan unulap, megin aŋ Satan inan sewozaik bitinen aloŋoi.#Kor II 10:4 12Id daz tinid mai mon so tazoitamelak, tea, kibiaipanekgaz, gatennaukgaz, tidom tukan e inan ujanujangaz, buga sladin daupdaŋan did abedinlon me mai.#Ef 2:2; Joh 14:30
Krisgaz judazuk diabpa ditozoi
13Mewoilakoi aŋ Anut inan judazuk daŋan aŋal, meginpe aŋ nal salanlon segatip amadowoi, segataŋnenoi abaŋ daŋan anaumap. 14Mewoi atiuz, nami telami malik niŋonlon bubuti, taoz inan jusino unula.#Luk 12:35; Pet I 1:13; Tes I 5:8 15Nami niemilon mazoz inan totol gamun inan dazuk adizla. 16Abaŋ e daŋanlon malan lamilon maliknen gubiz aŋalep abi, melon aŋ salantaman inan tu balen daŋan sufuninen aloŋoi.#Pet I 5:9; Joh I 5:4 17Putumipaseknen kitikat aŋale, Uzgun inan sebuzi mai me Anut inan azu.#Tes I 5:8 18Gadiŋ daŋan godoanek mailon saen daŋan Uzgunlon agodpe. Mewoi sededeŋanip amazazpa gungaz daŋanoi godoanek anau.#Mat 26:41 19Ŋawoi mai agodoanipe, auag sepanek ipanagpa totol gamun toanig ienlak me sililip ŋaboloi.#Kol 4:3; Tes II 3:1; Apos 4:29 20Azu mewoi ŋa totol ŋuzaŋuzdaŋan ŋemadoŋame me sililip idusap ŋaboloi.#Kor II 5:20
Wadan funatek
21Ŋa dodin ŋemadoŋame, abaŋte ŋenauŋame me mai aloŋoilakoi Tikikus, taig gadon, Ujanzenlon dinek malik i azu daŋan sai panaŋoi.#Apos 20:4; Tim II 4:12 22I mewoi mok ŋenaug ziminen ile, aŋ am‐oi aloŋoi, i lami mai ŋalewoi.#Kol 4:7, 8
23Timagaz, Mam Anut, Ujanzen Jesus Kristuslon mai mazozdaŋan, ilopanek ilonlon maliknenlon mai demado. 24Me i idinad Ujanzen Jesus Kristus sededeŋanip ladin depanidime i daŋan kanimdaŋan demadowoi.#Pet I 1:8
New Testament published by the British and Foreign Bible Society in 1960. Genesis published by the Australian Bible Society in 1971.