Apostel Sai 6
6
Azutamol lowaktamol ibeniben denau
1Saen melon meglaum kuzum denaumeg Grikgaz i Hebreaoi duŋuzuz, nadin bob nal daŋan lowaknen baŋlon depenenazalak mewoi.#Apos 4:35 2Meginge apostel twelf meglaum medaeŋ detemanag dibol, Am Anut azu ibinoi me o mon awap atozoi, megin gauai tea. 3Mewoi timagaz, aŋ leŋamilon tamol sewenoi alaŋaipa, i biŋadindaŋan, Auanuzgun maidaŋan, ladin kagindaŋan mai me mon aŋalpa lo diwawoi.#Tim I 3:7, 8; Apos 16:2 4Me am godoaneklon, azulon mon dedeŋanek uzat anauwoi. 5Azu me medaeŋgaz daŋan diloŋmeg gauaiged e dibol. Meginge i dipilianadime: Stefanus, i tamol ilonlon maliknendaŋan, Auanuzgundaŋan mai, ta i Filipus, Prokorus, Nikanor, Timon, Paramenas, Nikolaus mai, i Judabi tat, Antiokiawain.#Apos 8:5; 11:24 6Ai me apostel noadinnen denau, dogodoanig nimadin getadinlak denau.#Apos 1:24; 13:3; 14:23
7Anut inan azu se subuloanig ileg Jerusalemnen meglaum malan zen inau. Waliŋ aenta kuzumpanu mai ladinlon malik, kagin me dagom depani.#Apos 9:31; 12:24; 19:20
Stefanus inan uzat, iwoi uf denau mai
8Stefanus i kanimdaŋan ilon tiwondaŋan maig tamolpain ilonlon maŋaumaŋau ujan inau. 9Tamol taitai me Libertina, Kirena, Aleksandria mai nadin skulablon detemanidime. Kilikia Asiawain aenta mai i daŋan dimaisge Stefanus mai azulon paipai egin denau. 10Ge Stefanus ilon kaginkagindaŋan, Auanuzgundaŋan mailak, i auan detalenen tea.#Luk 21:15 11Mewoilakoi i tamol denaug i dibol, Am aloŋlak i Moses Anut maiwoi dizan iwaig azu ibol.#Mat 26:60–66 12Meginge i dimaisge tamolpain, tamol matumatugaz gazekmaŋau mai dusula. I dipazge diseg diabig duduzig betenaek gatengaz noadinnen denau.#Mat 10:17 13Men ai sekauk denau, i dibol, Tamol e kin so bodo ibol, i gaidgaid panu gunoi kaginoi mai dizan waik inauimelak.#Jer 26:11 14I ibolmeg am aloŋlak, ibol, Nasaretwain Jesus i panu e pitiŋiniwoi, kagin Moses id panadlak me puzotoanip ilap faun ta inauwoi ibol.#Mat 23:38; 24:2 15Daŋan i betenaek galuŋlon demade i Stefanus delale depasimeg i denasi, inan naon eŋel naon egin.#Luk 4:20
Currently Selected:
Apostel Sai 6: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Apostel Sai 6
6
Azutamol lowaktamol ibeniben denau
1Saen melon meglaum kuzum denaumeg Grikgaz i Hebreaoi duŋuzuz, nadin bob nal daŋan lowaknen baŋlon depenenazalak mewoi.#Apos 4:35 2Meginge apostel twelf meglaum medaeŋ detemanag dibol, Am Anut azu ibinoi me o mon awap atozoi, megin gauai tea. 3Mewoi timagaz, aŋ leŋamilon tamol sewenoi alaŋaipa, i biŋadindaŋan, Auanuzgun maidaŋan, ladin kagindaŋan mai me mon aŋalpa lo diwawoi.#Tim I 3:7, 8; Apos 16:2 4Me am godoaneklon, azulon mon dedeŋanek uzat anauwoi. 5Azu me medaeŋgaz daŋan diloŋmeg gauaiged e dibol. Meginge i dipilianadime: Stefanus, i tamol ilonlon maliknendaŋan, Auanuzgundaŋan mai, ta i Filipus, Prokorus, Nikanor, Timon, Paramenas, Nikolaus mai, i Judabi tat, Antiokiawain.#Apos 8:5; 11:24 6Ai me apostel noadinnen denau, dogodoanig nimadin getadinlak denau.#Apos 1:24; 13:3; 14:23
7Anut inan azu se subuloanig ileg Jerusalemnen meglaum malan zen inau. Waliŋ aenta kuzumpanu mai ladinlon malik, kagin me dagom depani.#Apos 9:31; 12:24; 19:20
Stefanus inan uzat, iwoi uf denau mai
8Stefanus i kanimdaŋan ilon tiwondaŋan maig tamolpain ilonlon maŋaumaŋau ujan inau. 9Tamol taitai me Libertina, Kirena, Aleksandria mai nadin skulablon detemanidime. Kilikia Asiawain aenta mai i daŋan dimaisge Stefanus mai azulon paipai egin denau. 10Ge Stefanus ilon kaginkagindaŋan, Auanuzgundaŋan mailak, i auan detalenen tea.#Luk 21:15 11Mewoilakoi i tamol denaug i dibol, Am aloŋlak i Moses Anut maiwoi dizan iwaig azu ibol.#Mat 26:60–66 12Meginge i dimaisge tamolpain, tamol matumatugaz gazekmaŋau mai dusula. I dipazge diseg diabig duduzig betenaek gatengaz noadinnen denau.#Mat 10:17 13Men ai sekauk denau, i dibol, Tamol e kin so bodo ibol, i gaidgaid panu gunoi kaginoi mai dizan waik inauimelak.#Jer 26:11 14I ibolmeg am aloŋlak, ibol, Nasaretwain Jesus i panu e pitiŋiniwoi, kagin Moses id panadlak me puzotoanip ilap faun ta inauwoi ibol.#Mat 23:38; 24:2 15Daŋan i betenaek galuŋlon demade i Stefanus delale depasimeg i denasi, inan naon eŋel naon egin.#Luk 4:20
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.