Apostel Sai 3
3
Petrus Johanes tamol laleg ta dikibine
1Ge Petrus Johanes mai auzun godoanek saenlon ad mati alounen admetelaen tollon tempellon diduseg dile. 2Tamol ta dazlon laleg inaulak dojoazemeg dise. I nal daŋan sansan megin denau, tempel dalauan nean “Gizaud” e dibol, men denaug idug imatalpa me i tempellon diduladime, abaŋoi igod menen,#Apos 14:8; Joh 9:1 3I gazo e Petrus Johanes mai i tempellon didulawoi disemeg ilge abaŋ depaniwoi igod. 4Mug Petrus Johanes mai i delalemeg Petrus i ipai, Am nesamapa!#Apos 14:9 5I abaŋ ta depaniwoi, menen malan inaug, ilmeg made. 6Ge Petrus ipai, Ŋa gaŋmalan gold mai bo tea, abaŋ tadaŋanlak ŋan o ŋepanowoi: Jesus Kristus, Nasaretwain neanlon umaispa utozoi!#Apos 3:16; Mar 14:8 7I niman waŋlon jabig ibise ŋale. Buntaimon inan nien bekabok mai daŋan gegaun pasi. 8I bubula imais, itiuz gauaige itoznen iloŋ. I mai tempellon diduleg itozge sisuge zigemeg Anut kalel pani.#Joh 5:14 9Tamolpain daŋan denasi i itoz, mewoi Anut kalel depani. 10Tamolpain diloŋ i me i tempel dalauan me nean “Gizaud” e deblanilak naonnen imatallak, abaŋoi igodmeg tinin inaug madelak. Abaŋ i tininlon inaulak gazo denasitag dizut deladalge punufunag demade. 11I Petrus Johanes mai so ibinimeg tamolpain daŋan i zidinnen galuŋ demadodime naonnen depalug detemanig dizut deladal. Galuŋ me nean Solomon inan deblanilak me.#Apos 5:12
Petrus tamolpain bebanek azu pidin
12Petrus megin ilmeg auan biseg tamolpain pidin, Israel tamolai! Aŋ ait mewoi azut? Ait mon aŋ am deleŋanama, abol am ta nama tiwomalon anau, tea, bubuma dagomlaklon anaug i itoz? 13Abraham, Isak, Jakob nadin Anut, inad mamgaz nadin Anut, i inan Aibegabeg Jesus inan biŋan ibiselak, me aŋ bo betetanilak. Pilatus i me gaten pasiwoi ibol, ge aŋ i naonnen zezeŋanilak.#Apos 5:30; Jes 52:13; 53:11; Apos 2:23 14Aŋ bo Gun me Taoz me zezeŋanilak, ge funekbibianoi agodlak, i aŋ panaŋoi abol,#Mat 27:20, 21; Joh I 2:1 15Basfun Gaten me aŋ funi imat pasilak. Me Anut mateŋlon ifuŋunilak, menen am sigianektamol.#Apos 4:10; 5:31 16Am inan nean lamalon maliklakoi, mewoi ai e, aŋ anasiame, aloŋame mai, inan nean tiwon panilak; ilonlon maliknen me i‐lon ienime me mon aŋ melamilon ai e tinin kibineknen pani.
17Ge me taiggaz, ŋa ŋaloŋ, aŋ so aloŋlak mewoi anaulak, nami gatengaz megin mon mai.#Luk 23:34; Tim I 1:13 18Me get Anut profet daŋan auadinlon ibollak, ŋan inan Kristus alan inauwoi ibol, azu me i‐lon niŋon inaulak.#Luk 24:27 19Mewoi aŋ teŋaemi alanoi, tulufunaŋpa faun adaŋsawoi, nami aupasek suasoi. Meginpe saen gamun funadnen Ujanzen naonnenpa iduwoi.#Apos 2:38 20Kristus i get blani panaŋlak inaup isowoi, Jesus 21I bo didlon ileg madoime, ŋan get abaŋ me Anut funlonge inan profet gun auadinlon wadan saen kibineknen gauaioi ibollak daŋan iduwoi eginmap.#Kol 3:1 22Megin Moses mai ibollak egin, profet ta ŋa egin Ujanzen, nami Anut, nami timigazlon ifuŋunip itasap panaŋoi, inan auan ibolime a daŋan aŋ dab apaniwoi.#Deut 18:15, 19 23Dadondadon i profet me inan azu tata dab so paniime me belemanip pasip tanip ilawoi. 24Profet aenta daŋan Samuellonge uziuzig ditaselak azu dibollak, i daŋan nal gazonenoi imugsen dibol. 25Aŋ profet me nadin nunudin, temaneknen inan nanungaz mai, me Anut nami temamigaz mai inaulak. Mewoi i Abraham ipailak, Oina dazlon tamolpain fatu daŋanlon kibiniawoi.#Gen 22:18; Gal 3:8 26Aŋ malanmalan Anut inan begabeg kibiniaŋoi inaug idulak, aŋ dudumi nami abaŋ salan anaulak mewoi tulufunaŋpa adaŋsawoi.#Apos 13:46
Currently Selected:
Apostel Sai 3: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Apostel Sai 3
3
Petrus Johanes tamol laleg ta dikibine
1Ge Petrus Johanes mai auzun godoanek saenlon ad mati alounen admetelaen tollon tempellon diduseg dile. 2Tamol ta dazlon laleg inaulak dojoazemeg dise. I nal daŋan sansan megin denau, tempel dalauan nean “Gizaud” e dibol, men denaug idug imatalpa me i tempellon diduladime, abaŋoi igod menen,#Apos 14:8; Joh 9:1 3I gazo e Petrus Johanes mai i tempellon didulawoi disemeg ilge abaŋ depaniwoi igod. 4Mug Petrus Johanes mai i delalemeg Petrus i ipai, Am nesamapa!#Apos 14:9 5I abaŋ ta depaniwoi, menen malan inaug, ilmeg made. 6Ge Petrus ipai, Ŋa gaŋmalan gold mai bo tea, abaŋ tadaŋanlak ŋan o ŋepanowoi: Jesus Kristus, Nasaretwain neanlon umaispa utozoi!#Apos 3:16; Mar 14:8 7I niman waŋlon jabig ibise ŋale. Buntaimon inan nien bekabok mai daŋan gegaun pasi. 8I bubula imais, itiuz gauaige itoznen iloŋ. I mai tempellon diduleg itozge sisuge zigemeg Anut kalel pani.#Joh 5:14 9Tamolpain daŋan denasi i itoz, mewoi Anut kalel depani. 10Tamolpain diloŋ i me i tempel dalauan me nean “Gizaud” e deblanilak naonnen imatallak, abaŋoi igodmeg tinin inaug madelak. Abaŋ i tininlon inaulak gazo denasitag dizut deladalge punufunag demade. 11I Petrus Johanes mai so ibinimeg tamolpain daŋan i zidinnen galuŋ demadodime naonnen depalug detemanig dizut deladal. Galuŋ me nean Solomon inan deblanilak me.#Apos 5:12
Petrus tamolpain bebanek azu pidin
12Petrus megin ilmeg auan biseg tamolpain pidin, Israel tamolai! Aŋ ait mewoi azut? Ait mon aŋ am deleŋanama, abol am ta nama tiwomalon anau, tea, bubuma dagomlaklon anaug i itoz? 13Abraham, Isak, Jakob nadin Anut, inad mamgaz nadin Anut, i inan Aibegabeg Jesus inan biŋan ibiselak, me aŋ bo betetanilak. Pilatus i me gaten pasiwoi ibol, ge aŋ i naonnen zezeŋanilak.#Apos 5:30; Jes 52:13; 53:11; Apos 2:23 14Aŋ bo Gun me Taoz me zezeŋanilak, ge funekbibianoi agodlak, i aŋ panaŋoi abol,#Mat 27:20, 21; Joh I 2:1 15Basfun Gaten me aŋ funi imat pasilak. Me Anut mateŋlon ifuŋunilak, menen am sigianektamol.#Apos 4:10; 5:31 16Am inan nean lamalon maliklakoi, mewoi ai e, aŋ anasiame, aloŋame mai, inan nean tiwon panilak; ilonlon maliknen me i‐lon ienime me mon aŋ melamilon ai e tinin kibineknen pani.
17Ge me taiggaz, ŋa ŋaloŋ, aŋ so aloŋlak mewoi anaulak, nami gatengaz megin mon mai.#Luk 23:34; Tim I 1:13 18Me get Anut profet daŋan auadinlon ibollak, ŋan inan Kristus alan inauwoi ibol, azu me i‐lon niŋon inaulak.#Luk 24:27 19Mewoi aŋ teŋaemi alanoi, tulufunaŋpa faun adaŋsawoi, nami aupasek suasoi. Meginpe saen gamun funadnen Ujanzen naonnenpa iduwoi.#Apos 2:38 20Kristus i get blani panaŋlak inaup isowoi, Jesus 21I bo didlon ileg madoime, ŋan get abaŋ me Anut funlonge inan profet gun auadinlon wadan saen kibineknen gauaioi ibollak daŋan iduwoi eginmap.#Kol 3:1 22Megin Moses mai ibollak egin, profet ta ŋa egin Ujanzen, nami Anut, nami timigazlon ifuŋunip itasap panaŋoi, inan auan ibolime a daŋan aŋ dab apaniwoi.#Deut 18:15, 19 23Dadondadon i profet me inan azu tata dab so paniime me belemanip pasip tanip ilawoi. 24Profet aenta daŋan Samuellonge uziuzig ditaselak azu dibollak, i daŋan nal gazonenoi imugsen dibol. 25Aŋ profet me nadin nunudin, temaneknen inan nanungaz mai, me Anut nami temamigaz mai inaulak. Mewoi i Abraham ipailak, Oina dazlon tamolpain fatu daŋanlon kibiniawoi.#Gen 22:18; Gal 3:8 26Aŋ malanmalan Anut inan begabeg kibiniaŋoi inaug idulak, aŋ dudumi nami abaŋ salan anaulak mewoi tulufunaŋpa adaŋsawoi.#Apos 13:46
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.