Timoteus II 4
4
TIMOTEUS DAB MOK INAUP UZAT INAUWOI, TAMOL TAWOI DAB NAUWOI
Saen daŋan uzatsaen, tamolai funfun
1Anut Kristus Jesus mai meladinlak i bas dimatlak mai bitiniawoi inan imul isoknenlon inan kaginlon mai ŋa o malik ŋepao,#Apos 10:42; Pet I 4:5 2Azu fun flalepe, saen gauailon saen tealon bubudin usae, bebana, tansaek pinidin, gaid naseknaseklon, peteŋanek uzatlon mai.#Apos 20:20, 31 3Saen iduwoi melon i peteŋanek niŋon dimoioi. Tiliŋadin magagaumeg nadin ladin jatek uzip i peteŋanek mewoi i dimatdime kuzum diŋaloi.#Tim II 1:13; Tim I 4:1 4Azu maliklon tiliŋadin dipaspa, ge dedado azu dedaŋe dipinidinoi.#Tim I 4:7; Tes II 2:11 5Ge o sansan segatop mado, alan nauklon stemanop utoz, totol uzat unau, oina dinek uzat dadon isap unau.#Tim II 2:3; Ef 4:11
Paulus imatoi siziz pani
6Janauk inan naz dewalidime egin mug noagime, ŋa ŋalanen saen mug siziz.#Fil 2:17; Pet II 1:14 7Ŋa ju gauai ŋenaulak ŋibini, ŋa paluk ŋepalu iloglon maliknen ŋitizinilak.#Kor I 9:25; Tim I 6:12 8Naognen taoz inan lilitkubel ŋawoi mug inaug ienime, me Ujanzen inaug ienime, me Ujanzen i betenaekkamaŋ taoz nal melon ipanagoi, ge ŋa mon tea, tea daŋan i inan isoknen ladin depanilak me mai.#Tim II 2:5; Pet I 5:4; Jak 1:12; Bo 2:10
Paulus inan kibiaik wadan, gadiŋ tabei panek mai
9Gik unaup pasak izignen uso!#Tim II 1:4; 4:21 10Demas saen e inan abaŋ ilon panimeg ibinagge Tesalonikanen ile. Kreskens Galatianen ile. Titus Dalmatianen.#Kol 4:14 11Lukas mon ŋa maig amadoame. Markus ŋalep o maip asop, i ŋa dinagnen gauai.#Apos 15:37; Kol 4:10 12Tikikus ŋenaug Efesusnen ile.#Apos 20:4 13O usemap o jamel ŋa Troadnen Karpus izinnen ŋibinilak me ŋalep uso, buk mai buk lelanek mai me ŋalep uso mokoi.#Ef 6:21; Kol 4:7 14Aleksander, kaper inan kibinekkamaŋ gauz alan noaglak. Inan uzat mai zazep Ujanzen naon ipaniwoi.#Tim I 1:20; Sam II 3:39; Kan 28:4; 62:12 15Iwoi o dab nau, i inad azu gauz daŋelak. 16Malanmalan ŋawoi kort denaug ta i aneg so idulak, tea, daŋan dibinaglak. Ja me i tinidinlak so idu mon.#Tim II 1:15; Mar 14:50 17Ge Ujanzen aneg idug tiwon mai ipanagge, azu dadon isag ŋabolnen ŋaloŋ, gobgaz daŋan mai diloŋlak. Meginge laion inan auanlon pisiaglak.#Kan 22:22; Apos 23:11; 27:23 18Ujanzen nauknauk salan daŋanlon ipisiagoi, inan didnen fatuoi patug pasiwoi. I dedeŋanip dedeŋanip biŋandaŋanoi! Malik.
19Priska Akuila mai, Onesidorus inan abgaz mai tabei pinidin.#Apos 18:2; Rom 16:3 20Erastus Korintnen binig madoime, ge Trofimus, Miletusnen maiaidaŋan ŋibinilak.#Apos 19:22; 20:4; 21:29 21Malassaen so idumap eginmap gik ubolpa izignen uso. Eubulus tabei ipano, Pudens, Linus, Klaudia taidgaz daŋan mai.
22Ujanzen oina uz maip amado. Kanim o toano.#Gal 6:18; Fil 4:23; Filemon 25
Currently Selected:
Timoteus II 4: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Timoteus II 4
4
TIMOTEUS DAB MOK INAUP UZAT INAUWOI, TAMOL TAWOI DAB NAUWOI
Saen daŋan uzatsaen, tamolai funfun
1Anut Kristus Jesus mai meladinlak i bas dimatlak mai bitiniawoi inan imul isoknenlon inan kaginlon mai ŋa o malik ŋepao,#Apos 10:42; Pet I 4:5 2Azu fun flalepe, saen gauailon saen tealon bubudin usae, bebana, tansaek pinidin, gaid naseknaseklon, peteŋanek uzatlon mai.#Apos 20:20, 31 3Saen iduwoi melon i peteŋanek niŋon dimoioi. Tiliŋadin magagaumeg nadin ladin jatek uzip i peteŋanek mewoi i dimatdime kuzum diŋaloi.#Tim II 1:13; Tim I 4:1 4Azu maliklon tiliŋadin dipaspa, ge dedado azu dedaŋe dipinidinoi.#Tim I 4:7; Tes II 2:11 5Ge o sansan segatop mado, alan nauklon stemanop utoz, totol uzat unau, oina dinek uzat dadon isap unau.#Tim II 2:3; Ef 4:11
Paulus imatoi siziz pani
6Janauk inan naz dewalidime egin mug noagime, ŋa ŋalanen saen mug siziz.#Fil 2:17; Pet II 1:14 7Ŋa ju gauai ŋenaulak ŋibini, ŋa paluk ŋepalu iloglon maliknen ŋitizinilak.#Kor I 9:25; Tim I 6:12 8Naognen taoz inan lilitkubel ŋawoi mug inaug ienime, me Ujanzen inaug ienime, me Ujanzen i betenaekkamaŋ taoz nal melon ipanagoi, ge ŋa mon tea, tea daŋan i inan isoknen ladin depanilak me mai.#Tim II 2:5; Pet I 5:4; Jak 1:12; Bo 2:10
Paulus inan kibiaik wadan, gadiŋ tabei panek mai
9Gik unaup pasak izignen uso!#Tim II 1:4; 4:21 10Demas saen e inan abaŋ ilon panimeg ibinagge Tesalonikanen ile. Kreskens Galatianen ile. Titus Dalmatianen.#Kol 4:14 11Lukas mon ŋa maig amadoame. Markus ŋalep o maip asop, i ŋa dinagnen gauai.#Apos 15:37; Kol 4:10 12Tikikus ŋenaug Efesusnen ile.#Apos 20:4 13O usemap o jamel ŋa Troadnen Karpus izinnen ŋibinilak me ŋalep uso, buk mai buk lelanek mai me ŋalep uso mokoi.#Ef 6:21; Kol 4:7 14Aleksander, kaper inan kibinekkamaŋ gauz alan noaglak. Inan uzat mai zazep Ujanzen naon ipaniwoi.#Tim I 1:20; Sam II 3:39; Kan 28:4; 62:12 15Iwoi o dab nau, i inad azu gauz daŋelak. 16Malanmalan ŋawoi kort denaug ta i aneg so idulak, tea, daŋan dibinaglak. Ja me i tinidinlak so idu mon.#Tim II 1:15; Mar 14:50 17Ge Ujanzen aneg idug tiwon mai ipanagge, azu dadon isag ŋabolnen ŋaloŋ, gobgaz daŋan mai diloŋlak. Meginge laion inan auanlon pisiaglak.#Kan 22:22; Apos 23:11; 27:23 18Ujanzen nauknauk salan daŋanlon ipisiagoi, inan didnen fatuoi patug pasiwoi. I dedeŋanip dedeŋanip biŋandaŋanoi! Malik.
19Priska Akuila mai, Onesidorus inan abgaz mai tabei pinidin.#Apos 18:2; Rom 16:3 20Erastus Korintnen binig madoime, ge Trofimus, Miletusnen maiaidaŋan ŋibinilak.#Apos 19:22; 20:4; 21:29 21Malassaen so idumap eginmap gik ubolpa izignen uso. Eubulus tabei ipano, Pudens, Linus, Klaudia taidgaz daŋan mai.
22Ujanzen oina uz maip amado. Kanim o toano.#Gal 6:18; Fil 4:23; Filemon 25
New Testament published by the British and Foreign Bible Society in 1960. Genesis published by the Australian Bible Society in 1971.