Petrus II 1
1
Tabei panek
1Simon Petrus, Jesus Kristus inan begabeg apostel mai, iwoi me inad Anut, Patudpaseknen Jesus Kristus mai nadin taozlon ilonlon maliknen amnama mai egin iduseg deŋalelak, 2aŋ Anut idinad Ujanzen Jesus mai aloŋnenlon kanim mazoz mai dadon isap toanaŋoi.#Kol 1:10
INAD UJANZEN PATUDPASEKNEN MAI, JESUS KRISTUS, INAN KIŊDOMLON MADONEN ME DODIN? 1:3–21
Krisgaz dituboi, Kristus kilianoi
3Anut i tiwonlak melon abaŋ daŋan basnen, Anut ikolnen mai ipanadlak, ŋan i taloŋnen sinanlon siben inan kubel, kagin gauaioi mai wigiadlak.#Pet I 2:9 4Melon i inan blani panek niŋondaŋan ujanzen mok mai ipanadlak, aŋ melon mezeteŋanek me buben imaisnenlon tan fatulon ienime utuzugusiwoi, Anut inan bunun aŋalewoi.#Ef 4:22 5Aŋ mewoi tiwomi pazep atoz, kagin gauai ta nami lamilon maliknen mai abetemani. Nami kagin gauai mai tezepasi aloŋnen abetemani,#Gal 5:6, 22 6tezepasi aloŋnen mai sebami pizianaŋnen, sebami pizianaŋnen mai segatip amadonen, segatekdaŋan amadonen Anut mai akolnen, 7Anut maip akolnen nug ilon panipaninen abetemani, kadoi egin.#Gal 6:10 8Abaŋ e nami mok aŋ ziminen dadon isap dienmap me aŋ Jesus Kristus inad Ujanzen aloŋnenoi noaŋpa aŋ sileŋdaŋan niŋomi tea so amadowoi. 9I me abaŋ e teamap i malan itau, i malan biŋiboŋime, inan aupasek getnen flanilak me ilon padal.#Joh I 2:9, 11 10Mewoi, taiggaz, nami wagiŋ pilianek mai jaeŋ funaŋpa anaup zatampa dienoi. Aŋ megin anaumap aŋ so apeselauwoi. 11Megin aŋ inad Ujanzen, Patudpaseknen Jesus Kristus inan kagin dedeŋaneknenlon adulanen dadon isap panaŋoi.#Joh 3:5; 10:7
Petrus medaeŋgaz seseŋana. Inadin ladinlon maliknen fod me dedado tea, me Anut inan azu
12Aŋ azu me aloŋ, azu malik melon azatamge amadoame, ge ŋa sansan abaŋ ewoi lami isounen ŋepanaŋ mokoi ŋabol.#Kol 1:6 13Ŋa ŋabol megin gauai, ŋa tazas elon ŋemademap ŋa aŋ lami isouk panaŋnenoi ŋufuŋunaŋ gauaioi.#Kor II 5:1 14Ŋainag tazas pisineknen siziz panig ŋaloŋŋame, inad Ujanzen Jesus Kristus peteŋanaglak egin.#Joh 21:18, 19 15Ŋa ŋenaup ŋa tan e ŋibinip ŋalemap aŋ sebami abaŋ e lami isouwoi.#Luk 9:31
16Am idinad Ujanzen Jesus Kristus inan tiwon, inan imul isoknen mai apeteŋanaŋmeg am dedado tamol maŋaulon desepalelak me uzi so apani, tea, am inan kubelkubel melamalon anasilak. 17Anut Mam i biŋan biseg kubel mai ipanig auan megin kubel ujan moklonge idulak, E me ŋainag ai bubegged, iwoi ŋa gamun funag.#Mat 17:5; Kan 2:7; Jes 42:1 18Auan me didlonge am aloŋlak, am i mai did gunlak amadelakoi. 19Me blani panek azu id izidnen zatam mokge ienime. Aŋ me dab apanimap me gauai, i sul mafuzlon lelamanime egin nami bubumilon fatu sesalip boitinan itasaime eginmap. 20E malanlon aloŋoi, blani panek azu gazeklon ienime me ta tininlon so itaselak. 21Tamol ibollakoi blani panek azu ta sansan so itaselak, tea, Auanuzgun ipiziadinge tamol i Anutlon dibol.#Tim II 3:16, 17
Currently Selected:
Petrus II 1: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Petrus II 1
1
Tabei panek
1Simon Petrus, Jesus Kristus inan begabeg apostel mai, iwoi me inad Anut, Patudpaseknen Jesus Kristus mai nadin taozlon ilonlon maliknen amnama mai egin iduseg deŋalelak, 2aŋ Anut idinad Ujanzen Jesus mai aloŋnenlon kanim mazoz mai dadon isap toanaŋoi.#Kol 1:10
INAD UJANZEN PATUDPASEKNEN MAI, JESUS KRISTUS, INAN KIŊDOMLON MADONEN ME DODIN? 1:3–21
Krisgaz dituboi, Kristus kilianoi
3Anut i tiwonlak melon abaŋ daŋan basnen, Anut ikolnen mai ipanadlak, ŋan i taloŋnen sinanlon siben inan kubel, kagin gauaioi mai wigiadlak.#Pet I 2:9 4Melon i inan blani panek niŋondaŋan ujanzen mok mai ipanadlak, aŋ melon mezeteŋanek me buben imaisnenlon tan fatulon ienime utuzugusiwoi, Anut inan bunun aŋalewoi.#Ef 4:22 5Aŋ mewoi tiwomi pazep atoz, kagin gauai ta nami lamilon maliknen mai abetemani. Nami kagin gauai mai tezepasi aloŋnen abetemani,#Gal 5:6, 22 6tezepasi aloŋnen mai sebami pizianaŋnen, sebami pizianaŋnen mai segatip amadonen, segatekdaŋan amadonen Anut mai akolnen, 7Anut maip akolnen nug ilon panipaninen abetemani, kadoi egin.#Gal 6:10 8Abaŋ e nami mok aŋ ziminen dadon isap dienmap me aŋ Jesus Kristus inad Ujanzen aloŋnenoi noaŋpa aŋ sileŋdaŋan niŋomi tea so amadowoi. 9I me abaŋ e teamap i malan itau, i malan biŋiboŋime, inan aupasek getnen flanilak me ilon padal.#Joh I 2:9, 11 10Mewoi, taiggaz, nami wagiŋ pilianek mai jaeŋ funaŋpa anaup zatampa dienoi. Aŋ megin anaumap aŋ so apeselauwoi. 11Megin aŋ inad Ujanzen, Patudpaseknen Jesus Kristus inan kagin dedeŋaneknenlon adulanen dadon isap panaŋoi.#Joh 3:5; 10:7
Petrus medaeŋgaz seseŋana. Inadin ladinlon maliknen fod me dedado tea, me Anut inan azu
12Aŋ azu me aloŋ, azu malik melon azatamge amadoame, ge ŋa sansan abaŋ ewoi lami isounen ŋepanaŋ mokoi ŋabol.#Kol 1:6 13Ŋa ŋabol megin gauai, ŋa tazas elon ŋemademap ŋa aŋ lami isouk panaŋnenoi ŋufuŋunaŋ gauaioi.#Kor II 5:1 14Ŋainag tazas pisineknen siziz panig ŋaloŋŋame, inad Ujanzen Jesus Kristus peteŋanaglak egin.#Joh 21:18, 19 15Ŋa ŋenaup ŋa tan e ŋibinip ŋalemap aŋ sebami abaŋ e lami isouwoi.#Luk 9:31
16Am idinad Ujanzen Jesus Kristus inan tiwon, inan imul isoknen mai apeteŋanaŋmeg am dedado tamol maŋaulon desepalelak me uzi so apani, tea, am inan kubelkubel melamalon anasilak. 17Anut Mam i biŋan biseg kubel mai ipanig auan megin kubel ujan moklonge idulak, E me ŋainag ai bubegged, iwoi ŋa gamun funag.#Mat 17:5; Kan 2:7; Jes 42:1 18Auan me didlonge am aloŋlak, am i mai did gunlak amadelakoi. 19Me blani panek azu id izidnen zatam mokge ienime. Aŋ me dab apanimap me gauai, i sul mafuzlon lelamanime egin nami bubumilon fatu sesalip boitinan itasaime eginmap. 20E malanlon aloŋoi, blani panek azu gazeklon ienime me ta tininlon so itaselak. 21Tamol ibollakoi blani panek azu ta sansan so itaselak, tea, Auanuzgun ipiziadinge tamol i Anutlon dibol.#Tim II 3:16, 17
New Testament published by the British and Foreign Bible Society in 1960. Genesis published by the Australian Bible Society in 1971.