Korint II 7
7
Paulus krisgaz mai liluŋoi
1Id blani panek medaŋange, bubeggaz, id sibed tinid mai inan nun daŋan tikibinep Anutoi tazutpa dadon isap gun tatozoi.#Pet II 1:4; Joh I 3:3 2Bubumilon abema pasip penama, am ta so alan apani, ta so benenailak, ta so afezanilak.#Kor II 12:17; Apos 20:33 3Ŋa aŋ ŋemeselanaŋoi azu e so ŋabolŋame. Ŋa get ŋabol aŋ nama bubuma moklak, am maip tamatnen bas tatoznen mai.#Kor II 6:11–13 4Ŋa naupaneklon azu ŋepaiaŋŋame, biŋami kin gauz ŋibisaŋame, bubeg me tansaekdaŋan. Amnama modoanek daŋanlon ŋa jaug gauz isaime.
Titus Paulus izinnen iseg buben gauai
5Am Makedonianen ataseg tinima jaeŋ so inau, tea, abaŋ daŋanlon modoanamag amade, muzumanen ju ien, lamalon am azez.#Apos 20:1, 2 6Ge Anut i alangaz tan isae pinidinime i Titus isemeglon tan isaeg penama.#Kor II 1:3, 4; 2:13 7Inan isonenlon mon tea, tea, tansaek i aŋ ziminen ŋalelak melon mai, aŋ ŋawoi ukumelak, asagai mai, gik anaug aneg adulak mai menen i sai penamag ŋa kin gauz zigiaglak.#Kan 113:6; 138:6
Korintnen tamolpain nadin azu dikibineg didaŋselak
8Ŋa ŋainag gazeklon lami ŋenau alantap ŋa so tulufunag, get bo megin, ge ŋa ŋaloŋ gazek melon aŋ lami alanlak me saen tituk mon.#Kor II 2:4 9Ge ŋa ŋenaug lami alanlak mewoi gazo kilili so ŋab. Tea, aŋ Anut kagin uzig lami alanlakoi, meginge aŋ amlon abaŋ talon so noaŋ salan, 10Nasi, ilon alannen Anut ibolime melon tamol idaŋsemap uzip patun isawoi, mewoi buben so alanoi, ge tan e inan ilon alannen me mateŋ.#Mat 27:3–5 11Ge ilon alannen Anut ibolime me uzig aŋ jumidaŋan uzat anau, me mon tea, tiniminen tea me beŋten anau mai, lami mai bebaze, gauz azut mai, ukumeg jaeŋ mai funaŋ, naon zen mai anau, abaŋ daŋanlon aŋ sebami tiniminen teag atase. 12Ŋa bo gazek ŋepanaŋlak, ge tamol i auipaslak iwoi tea, ta i alan inaulak iwoi mai tea, tea, aŋ am‐oi jumidaŋan amadoame me aŋ ziminen Anut naonnen boboloaninen mewoi.
Paulus suzuazoulak me mug niŋon itase
13Mewoi am tansaek aŋale. Sebama tansaek aŋalelak me nenazig am Titus inan zigiekoi mai gauz zigiamalak, inan buben aŋ daŋanoi pasa ibollak.#Kor II 2:13 14Ŋa i naonnen aŋ biŋami ŋibiselak, azu aŋoi ŋabollak me alouge mamai so funag, tea, abaŋ daŋan am apaiaŋlak me maliklak egin, megin Titus naonnen biŋami ŋibiselak me mai malikge itase. 15Aŋ daŋan dagom apanilak, azezge tinimi terere ibolmeg mai i aŋalelakoi i buben gauz panaŋime.#Kor II 2:9 16Ŋa abaŋ daŋanlon aŋoi ilog gauai.
Currently Selected:
Korint II 7: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Korint II 7
7
Paulus krisgaz mai liluŋoi
1Id blani panek medaŋange, bubeggaz, id sibed tinid mai inan nun daŋan tikibinep Anutoi tazutpa dadon isap gun tatozoi.#Pet II 1:4; Joh I 3:3 2Bubumilon abema pasip penama, am ta so alan apani, ta so benenailak, ta so afezanilak.#Kor II 12:17; Apos 20:33 3Ŋa aŋ ŋemeselanaŋoi azu e so ŋabolŋame. Ŋa get ŋabol aŋ nama bubuma moklak, am maip tamatnen bas tatoznen mai.#Kor II 6:11–13 4Ŋa naupaneklon azu ŋepaiaŋŋame, biŋami kin gauz ŋibisaŋame, bubeg me tansaekdaŋan. Amnama modoanek daŋanlon ŋa jaug gauz isaime.
Titus Paulus izinnen iseg buben gauai
5Am Makedonianen ataseg tinima jaeŋ so inau, tea, abaŋ daŋanlon modoanamag amade, muzumanen ju ien, lamalon am azez.#Apos 20:1, 2 6Ge Anut i alangaz tan isae pinidinime i Titus isemeglon tan isaeg penama.#Kor II 1:3, 4; 2:13 7Inan isonenlon mon tea, tea, tansaek i aŋ ziminen ŋalelak melon mai, aŋ ŋawoi ukumelak, asagai mai, gik anaug aneg adulak mai menen i sai penamag ŋa kin gauz zigiaglak.#Kan 113:6; 138:6
Korintnen tamolpain nadin azu dikibineg didaŋselak
8Ŋa ŋainag gazeklon lami ŋenau alantap ŋa so tulufunag, get bo megin, ge ŋa ŋaloŋ gazek melon aŋ lami alanlak me saen tituk mon.#Kor II 2:4 9Ge ŋa ŋenaug lami alanlak mewoi gazo kilili so ŋab. Tea, aŋ Anut kagin uzig lami alanlakoi, meginge aŋ amlon abaŋ talon so noaŋ salan, 10Nasi, ilon alannen Anut ibolime melon tamol idaŋsemap uzip patun isawoi, mewoi buben so alanoi, ge tan e inan ilon alannen me mateŋ.#Mat 27:3–5 11Ge ilon alannen Anut ibolime me uzig aŋ jumidaŋan uzat anau, me mon tea, tiniminen tea me beŋten anau mai, lami mai bebaze, gauz azut mai, ukumeg jaeŋ mai funaŋ, naon zen mai anau, abaŋ daŋanlon aŋ sebami tiniminen teag atase. 12Ŋa bo gazek ŋepanaŋlak, ge tamol i auipaslak iwoi tea, ta i alan inaulak iwoi mai tea, tea, aŋ am‐oi jumidaŋan amadoame me aŋ ziminen Anut naonnen boboloaninen mewoi.
Paulus suzuazoulak me mug niŋon itase
13Mewoi am tansaek aŋale. Sebama tansaek aŋalelak me nenazig am Titus inan zigiekoi mai gauz zigiamalak, inan buben aŋ daŋanoi pasa ibollak.#Kor II 2:13 14Ŋa i naonnen aŋ biŋami ŋibiselak, azu aŋoi ŋabollak me alouge mamai so funag, tea, abaŋ daŋan am apaiaŋlak me maliklak egin, megin Titus naonnen biŋami ŋibiselak me mai malikge itase. 15Aŋ daŋan dagom apanilak, azezge tinimi terere ibolmeg mai i aŋalelakoi i buben gauz panaŋime.#Kor II 2:9 16Ŋa abaŋ daŋanlon aŋoi ilog gauai.
New Testament published by the British and Foreign Bible Society in 1960. Genesis published by the Australian Bible Society in 1971.