Korint II 2
2
1Ŋa sibeg iloglon abaŋ e ŋetalig ŋabol ŋa faun mug izoznenlon ziminen lo so ŋalawoi.#Kor II 12:21; Kor I 4:21 2Ŋa lami izoznen ŋepanaŋmap it tat zigieknen panagoi? Ŋan i ŋa izoznen ŋepanilak me. 3Ŋa ziminen ŋalemap i me jaug isanen panagoi iduselak me bubeg izoznen so depanagoi. Mewoi gazek megin ŋegazelak. Ŋa aŋ daŋan ŋaloŋlak, ŋainag zigiek me aŋnami zigiek mai.#Kor I 5 4Ŋa abaŋ muzuan modoanagge bubeg itaut egin ŋemadeg melaug idumeg nami gazek ŋegaze, aŋ izoznen ŋepanaŋoi mewoi tea. Tea, aŋ ilog gauz ŋepanaŋŋame mewoi.#Apos 20:31
Tulufunig idaŋselak me faun medaeŋlon deŋalewoi
5Ge tata izoznenlon itozlak i ŋa mon izoznen so panag, tea, ŋa azu ujan so ŋaboloi, aŋ daŋan izoznen ipanaŋlak.#Kor I 5:1 6Medaeŋlon tamolai kiziannen tiliŋan diabilak me iduse. 7Mewoi lami bini idup inan aupasek apaze idup tansaek apani, i buben gauz izozmap so padaloi.#Kol 3:13 8Mewoi ŋa aŋ ŋogodoanaŋŋame, aŋ nami ilopanek beŋten anaup faun aŋale. 9Mewoi ŋa gazek ŋepanaŋlak, ŋa aŋ nikibianaŋpe ŋaloŋoi aŋ dadon isag abaŋ daŋanlon iduseg dagom apaniame tat.#Kor II 7:15 10Aŋ tata inan aupasek paze idumap ŋa mai meginoi. Ŋa ta inan aupasek ŋepaze idutap me ŋa aŋoi Kristus naonnen ŋepaze idulak.#Luk 10:16 11Satan se wiziadpa i so seŋaniwoi, inan kankanoi id so tedadubge temadotame.#Luk 22:31
Totol gamun me misilan gauai fatufatu faumime
12Ŋa Kristus inan totol gamun Troasnen ŋipidinoi ŋataseg Ujanzen dalauan ta ipasi panag.#Apos 14:27; Kor I 16:9 13Ge ilog so pasa ibol, taig Titus men so ŋenasilakoi. Mewoi ŋa Amaduo ŋipidinge Makedonianen ŋale.#Apos 20:1; Kor I 16:18
14Ge Anut pez tepanipe, me i sansan Kristus sinan seŋaneklon duzumaime, aben daŋan amlon iwoi diloŋnen inan misilan pezezeŋaneime. 15Am Anutoi Kristus inan misilan gamun, putudin pasiime depadaldime mai leŋadinlon.#Kor I 1:18 16Tawoi misilan me mateŋlonge ilap mateŋ iŋalewoi, tawoi misilan me baslonpa ilap bas niŋon iŋalewoi. Ge it totol uzat ewoi iduse?#Kor II 3:5, 6; Luk 2:34 17Am kuzum denaudime egin so anauame, i Anut azu dukubuzidime, tea, am bubuma malikdaŋan Anut inan totol egin Anut naonnen Kristuslon azu abolame.#Kor II 1:12; Pet I 4:11
Currently Selected:
Korint II 2: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Korint II 2
2
1Ŋa sibeg iloglon abaŋ e ŋetalig ŋabol ŋa faun mug izoznenlon ziminen lo so ŋalawoi.#Kor II 12:21; Kor I 4:21 2Ŋa lami izoznen ŋepanaŋmap it tat zigieknen panagoi? Ŋan i ŋa izoznen ŋepanilak me. 3Ŋa ziminen ŋalemap i me jaug isanen panagoi iduselak me bubeg izoznen so depanagoi. Mewoi gazek megin ŋegazelak. Ŋa aŋ daŋan ŋaloŋlak, ŋainag zigiek me aŋnami zigiek mai.#Kor I 5 4Ŋa abaŋ muzuan modoanagge bubeg itaut egin ŋemadeg melaug idumeg nami gazek ŋegaze, aŋ izoznen ŋepanaŋoi mewoi tea. Tea, aŋ ilog gauz ŋepanaŋŋame mewoi.#Apos 20:31
Tulufunig idaŋselak me faun medaeŋlon deŋalewoi
5Ge tata izoznenlon itozlak i ŋa mon izoznen so panag, tea, ŋa azu ujan so ŋaboloi, aŋ daŋan izoznen ipanaŋlak.#Kor I 5:1 6Medaeŋlon tamolai kiziannen tiliŋan diabilak me iduse. 7Mewoi lami bini idup inan aupasek apaze idup tansaek apani, i buben gauz izozmap so padaloi.#Kol 3:13 8Mewoi ŋa aŋ ŋogodoanaŋŋame, aŋ nami ilopanek beŋten anaup faun aŋale. 9Mewoi ŋa gazek ŋepanaŋlak, ŋa aŋ nikibianaŋpe ŋaloŋoi aŋ dadon isag abaŋ daŋanlon iduseg dagom apaniame tat.#Kor II 7:15 10Aŋ tata inan aupasek paze idumap ŋa mai meginoi. Ŋa ta inan aupasek ŋepaze idutap me ŋa aŋoi Kristus naonnen ŋepaze idulak.#Luk 10:16 11Satan se wiziadpa i so seŋaniwoi, inan kankanoi id so tedadubge temadotame.#Luk 22:31
Totol gamun me misilan gauai fatufatu faumime
12Ŋa Kristus inan totol gamun Troasnen ŋipidinoi ŋataseg Ujanzen dalauan ta ipasi panag.#Apos 14:27; Kor I 16:9 13Ge ilog so pasa ibol, taig Titus men so ŋenasilakoi. Mewoi ŋa Amaduo ŋipidinge Makedonianen ŋale.#Apos 20:1; Kor I 16:18
14Ge Anut pez tepanipe, me i sansan Kristus sinan seŋaneklon duzumaime, aben daŋan amlon iwoi diloŋnen inan misilan pezezeŋaneime. 15Am Anutoi Kristus inan misilan gamun, putudin pasiime depadaldime mai leŋadinlon.#Kor I 1:18 16Tawoi misilan me mateŋlonge ilap mateŋ iŋalewoi, tawoi misilan me baslonpa ilap bas niŋon iŋalewoi. Ge it totol uzat ewoi iduse?#Kor II 3:5, 6; Luk 2:34 17Am kuzum denaudime egin so anauame, i Anut azu dukubuzidime, tea, am bubuma malikdaŋan Anut inan totol egin Anut naonnen Kristuslon azu abolame.#Kor II 1:12; Pet I 4:11
New Testament published by the British and Foreign Bible Society in 1960. Genesis published by the Australian Bible Society in 1971.